ಕ್ರೇಜಿ ಸ್ಟಾರ್ ರವಿಚಂದ್ರನ್

 

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರು ಚಂದನವನಕ್ಕೆ ಹೊಸರೂಪದ ಚಲನಚಿತ್ರಗಳನ್ನು ನೀಡಿದವರು. ಅಲ್ಲಿವರೆಗೆ ಇದ್ದ ಒಂದು ಪದ್ಧತಿಯನ್ನು ತಿದ್ದಿ ನೂತನ ಯುಗದ ಸಿನಿಮಾಗಳಿಗೆ ನಾಂದಿ ಬರೆದವರು. ಈಗಲೂ 60 ದಾಟಿದ ವಯಸ್ಸಾಗಿದ್ದರು ಸಹ ನಟನೆ ಉತ್ಸಾಹ ಮತ್ತು ಸಿನಿಮಾ ಬಗೆಗಿನ ಕ್ರೇಝ್ ಇನ್ನೂ ಕಡಿಮೆ ಆಗಿಲ್ಲ. ತನ್ನ ಜೀವನವನ್ನೇ ಸಿನಿಮಾಗಾಗಿ ಮೀಸಲಿಟ್ಟ ರವಿಚಂದ್ರನ್ ಅವರು ಈವರೆಗೆ ಕನ್ನಡದಲ್ಲಿ ನಿರ್ದೇಶನ ಮಾಡಿದ್ದಾರೆ, ನಿರ್ಮಾಣ ಮಾಡಿದ್ದಾರೆ ಹಾಗೂ ನಟನೆ ಕೂಡ ಮಾಡಿದ್ದಾರೆ.

ಈಗಲೂ ಕೂಡ ರವಿಚಂದ್ರನ್ ಅವರಿಗೆ ಸಿನಿಮಾರಂಗದಲ್ಲಿ ಭಾರಿ ಬೇಡಿಕೆ ಇದೆ. ಪೋಷಕ ನಟನಾಗಿ ಹೀರೋ ಆಗಿ ಇನ್ನು ಸಕ್ರಿಯರಾಗಿರುವ ಇವರಿಗಾಗಿ ಹೊಸ ಬಗೆಯ ಒಂದು ಚಿತ್ರಕಥೆ ತಯಾರಾಗಿದ್ದು ಇದು ಈ ಹಿಂದೆ ಕನ್ನಡದಲ್ಲಿ ಬರದೇ ಇರುವ ಹೊಸ ಮಾದರಿಯ ಸಿನಿಮಾ ಆಗಲಿದೆಯಂತೆ.

ಇಂತಹದೊಂದು ಪ್ರಯೋಗಕ್ಕೆ ಒಗ್ಗಿಕೊಂಡು ಸಿನಿಮಾ ಮಾಡಲು ಒಪ್ಪಿಕೊಂಡಿದ್ದಾರಂತೆ ರವಿಚಂದ್ರನ್. ಇದಕ್ಕೆ ಕಾರಣ ಸಿನಿಮಾದ ಕಥೆ. ಅಮೆರಿಕಾದ ಸೈನ್ಯದಲ್ಲಿ ಹಲ ದಿನಗಳವರೆಗೆ ಜರ್ನಲಿಸ್ಟ್ ಆಗಿ ಕ ಮ್ಯಾಕ್ಸಿನ್ ಒಂದಕ್ಕೆ ಕೆಲಸ ಮಾಡಿರುವ ಅನುಭವ ಹೊಂದಿರುವ ತಮಿಳುನಾಡಿನ ಮೂಲದ ಅನೀಶ್ ಎನ್ನುವ ಯುವ ನಿರ್ದೇಶಕರೊಬ್ಬರು ಇಂಥದೊಂದು ಕಥೆಯನ್ನು ರೆಡಿ ಮಾಡಿದ್ದಾರಂತೆ.

ಮಿಡಲ್ ಈಸ್ಟ್ ದೇಶಗಳು ಸೇರಿದಂತೆ ಪ್ರಪಂಚದ ಹಲವು ದೇಶಗಳನ್ನು ಸುತ್ತಿ ಅನುಭವ ಹೊಂದಿರುವ ಇವರು ಸದ್ಯಕ್ಕೆ ಈಗ ತಮಿಳುನಾಡಿಗೆ ಬಂದು ನೆಲೆಸಿದ್ದಾರೆ ಅಲ್ಲಿ ಸಿನಿಮಾ ಲೋಕದ ಬೆನ್ನೆತ್ತಿರುವ ಇವರು ಈಗಾಗಲೇ ಹಲವು ಸಿನಿಮಾಗಳಿಗೆ ಸ್ಕ್ರಿಪ್ ವಿಭಾಗದಲ್ಲಿ ಮತ್ತು ನಿರ್ದೇಶಕ ವಿಭಾಗದಲ್ಲಿ ಗುರುತಿಸಿಕೊಂಡಿದ್ದಾರೆ ಮತ್ತು 60 ಜಾಹೀರಾತುಗಳನ್ನು ನಿರ್ದೇಶನ ಮಾಡಿರುವ ಇವರಿಗೆ ಸ್ವತಂತ್ರವಾಗಿ ಮೊದಲ ಆಕ್ಷನ್ ಕಟ್ ಹೇಳುವ ಭಾಗ್ಯ ಈ ಸಿನಿಮಾದಿಂದ ದೊರೆತಿದೆ.

ರಾಜಕುಮಾರ್ ಅವರನ್ನು ಸಂಪರ್ಕಿಸಿ ಕಥೆ ಹೇಳಿರುವ ಇವರು ಸಿನಿಮಾ ಕಥೆ ಬರೆಯುವಾಗಲೇ ರವಿಚಂದ್ರನ್ ಅವರನ್ನು ಊಹಿಸಿಕೊಂಡಿದ್ದರಂತೆ. ರವಿಚಂದ್ರನ್ ಅವರಿಗೂ ಸಹ ಸಿನಿಮಾದ ಸ್ಟೋರಿ ಬಹಳ ಇಷ್ಟವಾಗಿದ್ದು ಕೇಳಿದ ತಕ್ಷಣ ನಟಿಸುತ್ತೇನೆ ಎಂದು ಒಪ್ಪಿಕೊಂಡಿದ್ದಾರಂತೆ. ಇದೊಂದು ಗಂಡ ಹೆಂಡತಿ ನಡುವಿನ ಸಂಬಂಧದ ಸ್ಟೋರಿ ಆಗಿದ್ದು ಸಿನಿಮಾದಲ್ಲಿ ಕಾಡು ಕೂಡ ಒಂದು ಭಾಗ ಆಗಿರದೆ ಎನ್ನುವುದು ವಿಶೇಷ.

ಕಾಡಿನ ಮಧ್ಯೆ ಶೂಟಿಂಗ್ ನಡೆಯಲಿದ್ದು ಈಗಾಗಲೇ ಜಮಾಲಿ ಗುಡ್ಡ ಹಾಗೂ ದಾಂಡೇಲಿ ಕಡೆ ಶೂಟಿಂಗ್ ಮಾಡಲು ನಿರ್ಧರಿಸಲಾಗಿದೆಯಂತೆ ಮತ್ತು ಕೆಲ ದಿನಗಳ ಶೂಟಿಂಗ್ ಬ್ಯಾಂಕಾಕ್ ಅಲ್ಲಿ ಚಿತ್ರೀಕರಿಸಲು ನಿರ್ಧರಿಸಲಾಗಿದೆಯಂತೆ. ಸಿನಿಮಾದಲ್ಲಿ ರವಿಚಂದ್ರನ್ ಅವರ ಪಾತ್ರ ಬಹಳ ರಾಯಲ್ ಆಗಿ ಇರಲಿದ್ದು ನಾಯಕನ ಪಾತ್ರದಷ್ಟೇ ನಾಯಕಿ ಪಾತ್ರಕ್ಕೂ ಮಹತ್ವ ಇರಲಿದೆ ಮತ್ತು ಚಿತ್ರದ ನಾಯಕಿ ಪಾತ್ರಕ್ಕೆ ಉತ್ತರ ಭಾರತದಿಂದ ನಟಿ ಕರೆತರಲಿದ್ದಾರೆ ಎನ್ನುವ ಮಾಹಿತಿಗಳು ಕೂಡ ಹರಿದಾಡುತ್ತಿವೆ.

ಈ ಸಿನಿಮಾಗೆ ಟೈಟಲ್ ಫಿಕ್ಸ್ ಆಗುವುದು ಬಾಕಿ ಇದ್ದು ಡಿಸೆಂಬರ್ 15 ರಿಂದ ಶೂಟಿಂಗ್ ಶುರು ಮಾಡಲು ಚಿತ್ರತಂಡ ಸಜ್ಜಾಗಿದೆಯಂತೆ. ರವಿ ಚಂದ್ರನ್ ಅವರ ನಟನೆ ಹಾಗೂ ರಾಜಕುಮಾರ್ ಅವರ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ ಮೂರನೇ ಚಿತ್ರ ಇದಾಗಿದ್ದು ಈ ಹಿಂದೆ ಕನ್ನಡಿಗ ಮತ್ತು ಕ್ರೇಜಿಸ್ಟಾರ್ ಎನ್ನುವ ಸಿನಿಮಾಗಳು ಇದೇ ಕಾಂಬಿನೇಷನ್ ನಲ್ಲಿ ಮೂಡಿ ಬಂದಿವೆ.

ಆ ಎರಡು ಸಿನಿಮಾಗಳು ಕೂಡ ಕನ್ನಡಿಗರ ಮನ ಗೆದ್ದಿರುವುದರಿಂದ ಈ ಹೊಸ ಹೆಸರಿಡದ ಚಿತ್ರ ಕೂಡ ಈಗಾಗಲೇ ಸಕ್ಕತ್ ಕ್ಯೂರಿಯಾಸಿಟಿ ಕ್ರಿಯೇಟ್ ಮಾಡಿರುವುದರಿಂದ ಈ ಸಿನಿಮಾ ಕೂಡ ಸದ್ದು ಮಾಡಲಿದೆ ಎಂದು ಎಲ್ಲರೂ ಮಾತನಾಡಿಕೊಳ್ಳುತ್ತಿದ್ದಾರೆ.