ಕುಂಭ ರಾಶಿಯವರಿಗೆ ಸಾಡೇಸಾತಿ ನಡೆಯುತ್ತಿದೆ ಎನ್ನುವುದು ಪ್ರತಿಯೊಬ್ಬ ಕುಂಭ ರಾಶಿಯವರಿಗೂ ಕೂಡ ಗೊತ್ತಿದೆ. ಈಗ ಸಾಡೇಸಾತಿಯಲ್ಲಿ ಜನ್ಮ ಶನಿ ನಡೆಯುತ್ತಿದೆ. ಸಾಡೆಸಾತಿಯಲ್ಲೂ ಪ್ರಾರಂಭ ಶನಿ, ಜನ್ಮ ಶನಿ ಮತ್ತು ಅಂತ್ಯ ಶನಿ ಎನ್ನುವ ಮೂರು ವಿಭಾಗ ಇರುತ್ತದೆ.
ಪ್ರಾರಂಭ ಶನಿ ಎರಡೂವರೆ ವರ್ಷ ಜನ್ಮ ಶನಿ ಎರಡೂವರೆ ವರ್ಷ ಮತ್ತು ಅಂತ್ಯ ಶನಿ ಎರಡು ವರ್ಷಗಳಿರುತ್ತದೆ ಕೆಲವೊಮ್ಮೆ ಶನಿ ವಕ್ರ ವಾಗುವುದು ತಟಸ್ಥ ವಾಗುವುದು ಇಂತಹ ಪರಿಣಾಮಗಳು ಉಂಟಾಗುತ್ತದೆ. ಆಗ ಒಂದು ಮನೆಯಲ್ಲಿ 2 1/4 ವರ್ಷ ಅಥವಾ 3 ವರ್ಷಗಳು ಕೂಡ ಉಳಿದುಬಿಡುತ್ತಾರೆ.
ಈಗ ಕುಂಭ ರಾಶಿಯವರಿಗೆ ನಡೆಯುತ್ತಿರುವ ಜನ್ಮ ಶನಿಯು 28 ಮಾರ್ಚ್ 2025ಕ್ಕೆ ಮುಗಿಯುತ್ತದೆ ಈ ಜನ್ಮಶನಿಯ ಪ್ರಭಾವ ಹಾಗೂ ಪರಿಹಾರ ಏನು ಎನ್ನುವುದರ ಬಗ್ಗೆ ಈ ಅಂಕಣದಲ್ಲಿ ತಿಳಿಸುತ್ತಿದ್ದೇವೆ. ಇದರಲ್ಲಿ ಆರಂಭ ಶನಿ ಅದು ಟೆಸ್ಟಿಂಗ್ ಟೈಮ್ ಎನ್ನಬಹುದು. ಆದರೆ ಜನ್ಮ ಶನಿಯೇ ಹೆಚ್ಚು ಕ’ಷ್ಟ ಕಾಟಗಳನ್ನು ನೀಡುವುದು.
ಜನ್ಮ ಶನಿಯಲ್ಲಿ ನಾವು ಹಿಂದಿನ ಜನ್ಮದ ಪಾಪ ಕರ್ಮಗಳು ಅಥವಾ ಈ ಜನ್ಮದಲ್ಲಿ ಮಾಡಿದ ಎಲ್ಲ ಪಾಪಗಳನ್ನು ಪರಿಣಾಮ ಅನುಭವಿಸಲೇಬೇಕು. ಕೆಲವೊಮ್ಮೆ ಏನು ತಪ್ಪು ಮಾಡಿಲ್ಲ ಎಂದರೂ ಕೂಡ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಲೇಬೇಕಾಗುತ್ತದೆ ಆದರೆ ವಿಧಿ ಇಲ್ಲ.
ಈ ಜನ್ಮ ಶನಿಯ ಎರಡೂವರೆ ವರ್ಷ ಮುಗಿದ ಮೇಲೆ ಬರುವ ಅಂತ್ಯ ಶನಿಯು ಬಹಳ ಉತ್ತಮವಾದ ಪರಿಣಾಮಗಳನ್ನು ಕೊಡುತ್ತದೆ. ಈ ಅಂತ್ಯ ಶನಿ ನೀಡುವ ಉತ್ತಮವಾದ ಪರಿಣಾಮಗಳು ನಿಮ್ಮ ಬದುಕನ್ನೇ ಬದಲಾಯಿಸುತ್ತದೆ ಆದರೆ ಜನ್ಮ ಶನಿಯ ಎರಡೂವರೆ ವರ್ಷಗಳು ಬಹಳ ಎಚ್ಚರಿಕೆಯಿಂದ ಇರಲೇಬೇಕು.
ವಿದ್ಯಾಭ್ಯಾಸಕ್ಕೆ ಸಂಬಂಧಪಟ್ಟ ಹಾಗೆ, ಹಣಕಾಸಿಗೆ ಸಂಬಂಧಪಟ್ಟ ಹಾಗೆ, ವ್ಯಾಪಾರ ವ್ಯವಹಾರ, ಉದ್ಯೋಗ ಸ್ಥಿತಿ, ಮದುವೆ ವಿಚಾರ, ಮಕ್ಕಳ ವಿಚಾರ, ಭೂಮಿ ವಿಚಾರ, ರಾಜಕೀಯ, ಸ್ನೇಹ- ಸಂಬಂಧಗಳು, ಪ್ರಯಾಣ ಎಲ್ಲದರಲ್ಲೂ ಕೂಡ ಬಹಳ ಎಚ್ಚರಿಕೆಯಿಂದ ಹೆಜ್ಜೆಗಳನ್ನು ಇಡಬೇಕು. ಯಾಕೆಂದರೆ ಪ್ರತಿಯೊಂದು ವಿಷಯದಲ್ಲೂ ಕೂಡ ಜನ್ಮ ಶನಿ ಪ್ರಭಾವದಿಂದ ಸಮಸ್ಯೆಗಳ ಹೆಚ್ಚಾಗಿರುತ್ತವೆ.
ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಬಹಳ ಯೋಚನೆ ಮಾಡಿ ನಿರ್ಧಾರ ತೆಗೆದುಕೊಳ್ಳಿ, ಒಂದು ವೇಳೆ ನಿರ್ಧಾರ ಮಾಡಿದ್ದೇ ಆದರೆ ಭಗವಂತನ ಮೇಲೆ ಭಾರ ಹಾಕಿ ಬದುಕಿ. 28 ಮಾರ್ಚ್ 2025 ರವರೆಗೆ ನೀವು ಈ ಫಲವನ್ನು ಫಲಗಳನ್ನು ಅನುಭವಿಸದೆ ಕುಂಭ ರಾಶಿಯವರಿಗೆ ಬೇರೆ ದಾರಿ ಇಲ್ಲ.
ಜನ್ಮ ಶನಿ ಮುಗಿದ ಮೇಲೆ 28 ಮಾರ್ಚ್ 2025 ರಿಂದ 3 ಜೂನ್ 2027ರವರೆಗೆ ಅಂತ್ಯ ಶನಿ ಇರುತ್ತದೆ. ಈ ಸಮಯದಲ್ಲೂ ಯಾವುದೇ ರೀತಿಯ ಭಯಪಡುವ ಅಗತ್ಯ ಇಲ್ಲ. ಶನಿಯು ಯಾವಾಗಲೂ ಪೂರ್ತಿ ಕೆ’ಟ್ಟದ್ದನ್ನೇ ಮಾಡುವುದಿಲ್ಲ. ನಿಮ್ಮ ಪಾಪ ಪುಣ್ಯಕ್ಕೆ ಅನುಸಾರವಾಗಿ ಅದು ಜರುಗುತ್ತಿರುತ್ತದೆ ಮತ್ತು ಅದಕ್ಕೆ ಕಾರಣವೂ ಕೂಡ ಇರುತ್ತದೆ.
ಶನಿ ನಿಮ್ಮ ಜಾತಕದಲ್ಲಿ ಇರುವಷ್ಟು ದಿನ ಪ್ರಾಣ ಭ’ಯವಿಲ್ಲ. ಸ್ವಲ್ಪ ಕಾಲ ಕಷ್ಟ ಇದ್ದರೂ ನಂತರ ಸಿಗುವ ಫಲಿತಾಂಶ ಮಹತ್ವದ್ದಾಗಿರುತ್ತದೆ. ನೀವು ಬಹಳ ಬೇಗ ಜೀವನದ ಸಾರವನ್ನು ಅರಿತುಕೊಳ್ಳುತ್ತೀರಿ ನಂತರದ ಜೀವನವನ್ನು ಬಹಳ ಪುಣ್ಯ ಕಾರ್ಯಗಳಿಂದ ಅರ್ಥಪೂರ್ಣವಾಗಿ ಕಡಿಯುತ್ತೀರಿ ಹಾಗಾಗಿ ಜನ್ಮ ಶನಿ ಪ್ರಭಾವಕ್ಕಾಗಿ ಹೆಚ್ಚು ಹೆದರುವ ಅಗತ್ಯವಿಲ್ಲ. ಪ್ರತಿದಿನ ಈ ಸಮಯ ಮುಗಿಯುವವರೆಗೂ ನಿಮ್ಮ ಕುಲದೇವರು , ಇಷ್ಟ ದೇವರು ಮತ್ತು ಶನಿದೇವರ ಪ್ರಾರ್ಥನೆ ಮಾಡಿ ಭಗವಂತ ತೋರಿಸಿದ ದಾರಿಯಲ್ಲಿ ಪುಣ್ಯ ಕಾರ್ಯಗಳನ್ನು ಮಾಡುತ್ತಾ ಬದುಕಿ.