ಇತ್ತೀಚೆಗೆ ಸೀರಿಯಲ್ ನ ನಟ ನಟಿಯರು ಸೀರಿಯಲ್ ಬಿಟ್ಟು ಹೊರ ಹೋಗುತ್ತಿರುವುದು ತುಂಬಾನೇ ಜಾಸ್ತಿ ಆಗುತ್ತಿದೆ. ಈ ರೀತಿ ನಟ ನಟಿಯರು ಪದೆ ಪದೇ ಬದಲಾಗುತ್ತಿರುವುದು ಪ್ರೇಕ್ಷಕರಿಗೆ / ಅಭಿಮಾನಿಗಳಿಗೆ ನಿರಾಸೆ ಆಗುವುದು ಕಂಡಿತ. ತಮ್ಮ ಫೇವರೆಟ್ ನಟ-ನಟಿಯರು ಸೀರಿಯಲ್ ಬಿಟ್ಟು ಹೊರಗಡೆ ಬಂದಾಗ ಅವರಿಗೆ ಖಂಡಿತವಾಗಲು ಬೇಜಾರಾಗುತ್ತದೆ ಇದೀಗ ಜೀ ಕನ್ನಡ ವಾಹಿನಿಯಲ್ಲಿ ನಂಬರ್1 ಸೀರಿಯಲ್ ಆಗಿ ಕಾಣಿಸಿಕೊಳ್ಳುತ್ತಿದ್ದ ಅಂತಹ ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಇಂದ ಕೂಡ ಒಬ್ಬ ಪ್ರಮುಖ ನಟ ಹೊರಗಡೆ ಬಂದಿದ್ದಾರೆ. ಸೀರಿಯಲ್ ಬಿಟ್ಟು ಹೊರಗಡೆ ಬಂದಿರುವಂತಹ ಪಾತ್ರಧಾರಿ ಯಾರು ಅವರು ಯಾವ ಪಾತ್ರವನ್ನು ಮಾಡುತ್ತಿದ್ದರು ಇವರು ಸೀರಿಯಲ್ ಬಿಟ್ಟು ಹೊರ ಬರಲು ಕಾರಣವೇನು ಜೊತೆಗೆ ಆ ಪಾತ್ರಕ್ಕೆ ಹೊಸದಾಗಿ ಎಂಟ್ರಿಕೊಟ್ಟಿರುವ ಅಂತಹ ನಟನ ಹೆಸರೇನು ಎಂಬುದರ ಬಗ್ಗೆ ಇಲ್ಲಿ ಸಂಪೂರ್ಣ ಮಾಹಿತಿಯನ್ನು ತಿಳಿಯೋಣ.

ಕನ್ನಡ ಕಿರುತೆರೆಯಲ್ಲಿ ಸದ್ಯ ಹೆಚ್ಚಾಗಿ ಸದ್ದು ಮಾಡುತ್ತಿರವ ಧಾರಾವಾಹಿ ಎಂದರೆ ಅದು ‘ಪುಟ್ಟಕ್ಕನ ಮಕ್ಕಳು’. ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿದ್ದು, ಈ ಧಾರಾವಾಹಿಗೆ ಜನರು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ. ಮೊದಲ ವಾರದಿಂದಲೂ ಈ ಧಾರಾವಾಹಿ ಅಧಿಕ ಟಿ ಆರ್‌ ಪಿ ಗಳಿಸಿ ಮೊದಲ ಸ್ಥಾನದಲ್ಲಿದೆ. ಆರಂಭದ ವಾರದಲ್ಲಿಯೇ ಇಷ್ಟೊಂದು ಟಿ ಆರ್‌ ಪಿ ಗಳಿಸಿದ ಮೊದಲ ಧಾರಾವಾಹಿ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ. ಇನ್ನೂ ಈ ಧಾರಾವಾಹಿಯಲ್ಲಿ ಇರುವ ಪಾತ್ರಗಳ ಬಗ್ಗೆ ಜನ ಮಾತನಾಡುತಿದ್ದಾರೆ. ಪ್ರತಿ ಪಾತ್ರವೂ ಕೂಡ ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರವಾಗಿವೆ ಅದರಲ್ಲೂ ಪುಟ್ಟಕ್ಕ, ಅವರ ಮಕ್ಕಳು, ಪತಿ, ಸವತಿ ಹಾಗೂ ಮುಂತಾದ ಇತರೆ ಪಾತ್ರಗಳು ಧಾರಾವಾಹಿಯ ಅತಿ ಮುಖ್ಯ ಪಾತ್ರಗಳು. ಹಾಗಾಗಿ ಈ ಪಾತ್ರಗಳ ಸುತ್ತಲೂ ಹೆಚ್ಚು ತಿರುವುಗಳು ಬರುತ್ತವೆ. ಅದರಲ್ಲೂ ಪುಟ್ಟಕ್ಕನ ಮಕ್ಕಳು ಮನೆ ಮಾತಾಗಿದ್ದಾರೆ.

ನಿತ್ಯವೂ ಪುಟ್ಟಕ್ಕನ ಮೂವರು ಮಕ್ಕಳು ಏನು ಮಾಡ್ತಾರೆ ಎನ್ನುವ ಕುತೂಹಲಗಳೇ ಇರುತ್ತವೆ. ಹಾಗಾಗಿ ಅವರ ಪಾತ್ರಗಳು ನಿತ್ಯವೂ ಒಂದಲ್ಲ ಒಂದು ಸನ್ನಿವೇಷದ ಮೂಲಕ ಸದ್ದು ಮಾಡುತ್ತವೆ ಅಲ್ಲದೆ ತೆರೆಯ ಮೇಲೆ ಸೀದಾ ಸಾದ ಹಳ್ಳಿ ಹುಡುಗಿಯರಂತೆ ಕಾಣುವುದರಿಂದ ಅಭಿಮಾನಿಗಳಿಗೆ ಮತ್ತಷ್ಟು ಇಷ್ಟ ಆಗುತ್ತಾರೆ. ಪುಟ್ಟಕ್ಕನ ದೊಡ್ಡ ಮಗಳು ಸಹನಾ, ಹೆಸರಿಗೆ ತಕ್ಕಹಾಗೆ ಸಹನೆಯ ಗುಣ ಉಳ್ಳ ಹುಡುಗಿ. ಎರಡನೇ ಮಗಳು ಸ್ನೇಹ ಇವಳು ಅಮ್ಮನಿಗೆ ಅಥವಾ ಕುಟುಂಬಕ್ಕೆ ಏನೇ ತೊಂದರೆ ಬಂದರು, ಅದನ್ನು ತಡೆಯುವಲ್ಲಿ ಧೈರ್ಯವಾಗಿ ಮುನ್ನುಗುವಳು, ಬಿಟ್ಟು ಹೋದ ಅಪ್ಪ ಮತ್ತು ಮಲತಾಯಿಯ ಧೋರಣೆಯನ್ನು ಮೂಲಾಜಿಲ್ಲದೆ ಖಂಡಿಸಿ, ಅವರ ಹೆಡೆ ಮುರಿ ಕಟ್ಟುವಳು ಇವಳು. ಇನ್ನು ಮೂರನೇ ಮಗಳು ಸುಮ, ಸದ್ಯ ಚಿಕ್ಕ ವಯಸ್ಸಿನ ಹಾಗೂ ಪ್ರೀತಿಯ ಮಗಳಾಗಿದ್ದಾಳೆ.

ಇನ್ನು ಈ ಧಾರವಾಹಿಯಲ್ಲಿ ಚಂದ್ರು ಪಾತ್ರವನ್ನು ಮಾಡುತ್ತಿದ್ದ ಅಂತಹ ನಟ ಬದಲಾವಣೆ ಆಗಿದ್ದು ಇಲ್ಲಿಯತನಕ ಈ ಪಾತ್ರವನ್ನು ಮಾಡುತ್ತ ಬಂದಿದ್ದು ಕಾರ್ತಿಕ್ ಮಹೇಶ್ ಅವರು. ಇವರು ಇತ್ತೀಚೆಗೆ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಾರಂಭವಾಗಿರುವ ರಾಜಿ ಎಂಬುವ ಧಾರವಾಹಿಯಲ್ಲಿ ಹೀರೋ ಪಾತ್ರವನ್ನು ನಿರ್ವಹಿಸುತ್ತಿದ್ದು ಅದರಲ್ಲಿ ತುಂಬಾ ಬ್ಯುಜಿ ಆಗಿರುವುದರಿಂದ ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ಪಾತ್ರವನ್ನು ಬಿಡುತ್ತಿದ್ದಾರೆ ಎಂಬ ಮಾಹಿತಿ ಇದೆ. ಇನ್ನು ಮುಂದೆ ಚಂದ್ರು ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ನಂದೀಶ್ ಅವರು. ಹೊಸದಾಗಿ ಈ ಧಾರಾವಾಹಿಯಲ್ಲಿ ನಟಿಸುತ್ತಿರುವ ನಂದೀಶ್ ಅವರಿಗೆ ಶುಭ ಹಾರೈಸೋಣ.