ಯಶ್ ಅವರ ಮುದ್ದು ಮಗಳು ಐರಾ ಬರ್ತಡೇ ಪಾರ್ಟಿ ಹೇಗಿತ್ತು ನೋಡಿ.
ರಾಕಿಂಗ್ ಸ್ಟಾರ್ ಯಶ್ ಅವರು ಪಕ್ಕ ಫ್ಯಾಮಿಲಿ ಮ್ಯಾನ್, ತಾವು ಎಷ್ಟೆ ಸೂಪರ್ ಸ್ಟಾರ್ ಆಗಿ ಬೆಳೆದಿದ್ದರು ಕುಟುಂಬಕ್ಕಾಗಿ ಸಮಯ ಮೀಸಲಿಡುತ್ತಾರೆ. ಅಲ್ಲದೆ ತಮ್ಮ ಪತ್ನಿ ಮಕ್ಕಳು ಹಾಗೂ ಕುಟುಂಬಸ್ಥರಿಗೆ ಸಂಬಂಧ ಪಟ್ಟ ವಿಶೇಷ ಸಂದರ್ಭಗಳನ್ನು ವಿಶೇಷವಾಗಿ ಆಚರಿಸುತ್ತಾರೆ. ಎಲ್ಲಾ ಹುಡುಗಿಯರು ಕೂಡ ಇಷ್ಟಪಡುವಂತಹ ವ್ಯಕ್ತಿತ್ವ ಯಶ್ ಅವರದ್ದು ಆಗಿದ್ದು.
ಅವರ ಬದುಕು ಎಷ್ಟು ಸ್ಪೂರ್ತಿದಾಯಕವಾಗಿದೆಯೋ ವೈಯಕ್ತಿಕ ಜೀವನ ಕೂಡ ಅಷ್ಟೇ ಆದರ್ಶಮಯವಾಗಿದೆ. ಸಿನಿಮಾ ಕೆರಿಯರ್ ಬಿಟ್ಟು ವೈಯಕ್ತಿಕ ಜೀವನದ ಬಗ್ಗೆ ಹೇಳುವುದಾದರೆ ತಮ್ಮ ಜೊತೆಗೆ ಬಣ್ಣದ ಪಯಣ ಆರಂಭಿಸಿದ ರಾಧಿಕಾ ಪಂಡಿತ್ ಅವರ ಜೊತೆ ಧಾರಾವಾಹಿ ದಿನಗಳಿಂದಲೂ ಯಶ್ ಅವರಿಗೆ ಸ್ನೇಹವಿತ್ತು. ನಂತರ ಮೊಗ್ಗಿನ ಮನಸ್ಸು, ಡ್ರಾಮಾ ಸಿನಿಮಾಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡ ಮೇಲೆ ಅದು ಪ್ರೀತಿಯಾಗಿ ಬದಲಾಯಿತು.
ಹಲವು ವರ್ಷಗಳ ನಂತರ ಪ್ರೀತಿಯಲ್ಲಿ ಇದ್ದವರು ಕನ್ನಡದಲ್ಲಿ ಒಟ್ಟು ನಾಲ್ಕು ಸೂಪರ್ ಹಿಟ್ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಕನ್ನಡ ಚಲನಚಿತ್ರ ರಂಗದ ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ ಎಂದು ಖ್ಯಾತಿ ಹೊಂದಿರುವ ಇವರಿಬ್ಬರು ಡಿಸೆಂಬರ್ 9, 2016ರಲ್ಲಿ ವಿವಾಹ ಜೀವನಕ್ಕೆ ಕಾಲಿಟ್ಟರು. ಮದುವೆ ಆದ ಎರಡೇ ವರ್ಷಕ್ಕೆ ಸಿಹಿ ಸುದ್ದಿ ಕೊಟ್ಟ ರಾಧಿಕಾ ಪಂಡಿತ್ ಅವರು ಡಿಸೆಂಬರ್ 2 2018 ರಲ್ಲಿ ಐರಾ ಎನ್ನುವ ಮುದ್ದಾದ ಮಗುವಿಗೆ ಜನ್ಮ ನೀಡಿದರು.
ಐರಾ ಯಶ್ ಬದುಕಿಗೆ ಅದೃಷ್ಟ ದೇವತೆ ಆಗಿದ್ದು ಐರಾ ಹುಟ್ಟಿದ ಬಳಿಕ ಕರ್ನಾಟಕದಲ್ಲಿ ರಾಕಿಂಗ್ ಸ್ಟಾರ್ ಆಗಿದ್ದ ಯಶ್ ಅವರು ಈಗ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಇವರಿಬ್ಬರಿಗೂ ಅಥರ್ವ್ ಎನ್ನುವ ಮುದ್ದಾದ ಮಗನು ಕೂಡ ಇದ್ದಾನೆ. ರಾಕಿಂಗ್ ಸ್ಟಾರ್ ಯಶ್ ಅವರು ಬಿಡುವ ಇದ್ದಾಗಲೆಲ್ಲ ಮಕ್ಕಳ ಜೊತೆ ಆಟ ಆಡುವ ಸಮಯ ಕಳೆಯುವ ಫೋಟೋಗಳು ಮತ್ತು ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾರೆ ಮತ್ತು ಬ್ರೇಕ್ ಸಿಕ್ಕಾಗಲ್ಲ ಪತ್ನಿ ಹಾಗೂ ಮಕ್ಕಳ ಜೊತೆ ಪಿಕ್ನಿಕ್ ಟ್ರಿಪ್ ಟೂರ್ ಮಾಡಿ ಖುಷಿಪಡುತ್ತಾರೆ.
ಯಶ್ ಅವರ ಮುದ್ದಾದ ಕುಟುಂಬದ ಫೋಟೋ ನೋಡುವುದೇ ಚೆಂದ. ಇತ್ತ ರಾಧಿಕ ಪಂಡಿತ್ ಅವರು ಕೂಡ ಮದುವೆಯಾದ ಬಳಿಕ ಸಿನಿಮಾರಂಗದಿಂದ ದೂರ ಉಳಿದಿದ್ದು ಯಶ್ ಅವರ ಸಾಧನೆಗೆ ಬೆನ್ನೆಲುಬಾಗುತ್ತ , ಎರಡು ಮಕ್ಕಳನ್ನು ಲಾಲನೆ ಪಾಲನೆ ಮಾಡಿ ಬೆಳೆಸುತ್ತಾ ಅವರ ಜೊತೆ ಸಮಯ ಕಳೆಯುವುದರಲ್ಲಿ ಬಿಝಿ ಆಗಿದ್ದಾರೆ. ರಾಧಿಕಾ ಪಂಡಿತ್ ಅವರ ಕಂಬ್ಯಾಕ್ ಬಗ್ಗೆ ಸಹಾ ಸಾಕಷ್ಟು ನಿರೀಕ್ಷೆ ಇದ್ದು, ಲಕ್ಷಾಂತರ ಅಭಿಮಾನಿಗಳು ಅವರ ಸಿನಿಮಾಗಾಗಿ ಕಾಯುತ್ತಿದ್ದಾರೆ.
ಇದೀಗ ಯಶ್ ಮಗಳಿಗೆ ನಾಲ್ಕು ವರ್ಷ ತುಂಬಿದೆ. ಈ ವರ್ಷದ ಹುಟ್ಟು ಹಬ್ಬವನ್ನು ಪ್ರತಿವರ್ಷದಂತೆ ಅದ್ದೂರಿಯಾಗಿ ಯಶ್ ದಂಪತಿ ಆಚರಿಸಿದ್ದಾರೆ. ಕುಟುಂಬಸ್ಥರು, ಚಿತ್ರರಂಗದ ಕಲಾವಿದರುಗಳು ಸ್ನೇಹಿತರು ಎಲ್ಲರೂ ಐರಾ ಹುಟ್ಟುಹಬ್ಬದಲ್ಲಿ ಭಾಗಿಯಾಗಿದ್ದಾರೆ. ಹುಟ್ಟು ಹಬ್ಬದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಬಾರಿ ವೈರಲ್ ಆಗುತ್ತಿದ್ದು ಎಲ್ಲರ ಗಮನ ಸೆಳೆಯುತ್ತಿದೆ.
ಹುಟ್ಟು ಹಬ್ಬದ ಪ್ರಯುಕ್ತವಾಗಿ ಐರಾ ಕುರಿತು ಇನ್ನೊಂದು ವಿಷಯ ಹೊರ ಬಿದ್ದಿದೆ. ಯಶ್ ತಮ್ಮ ಮುದ್ದಿನ ಮಗಳ ಹೆಸರಿನಲ್ಲಿ ಪ್ರೊಡಕ್ಷನ್ ಶುರು ಮಾಡುತ್ತಿದ್ದು ಮುಂದಿನ ಸಿನಿಮಾವನ್ನು ತಮ್ಮದೇ ಬ್ಯಾನರ್ ಅಲ್ಲಿ ಮಾಡಲಿದ್ದಾರೆ ಎಂದು ಸುದ್ದಿ ಆಗುತ್ತಿದೆ. ಇದು ಯಶ್ ಅವರ 19ನೇ ಸಿನಿಮಾ ಆಗಿರಲಿದ್ದು ಹಲವಾರು ವಿಷಯಗಳಿಂದ ಕುತೂಹಲ ಹೆಚ್ಚಿಸಿದೆ.