ಮನೆಯ ವಿದ್ಯುತ್ ಮೀಟರ್ ತಂದೆ ಹೆಸರಿನಲ್ಲಿ ಅಥವಾ ತಾತನ ಹೆಸರಿನಲ್ಲಿ ಇರುತ್ತದೆ. ಕಾರಣಾಂತರಗಳಿಂದ ಅದನ್ನು ನಿಮ್ಮ ಹೆಸರಿಗೆ ಬದಲಾಯಿಸಿಕೊಳ್ಳಬೇಕಾದ ಪರಿಸ್ಥಿತಿ ಬರುತ್ತದೆ. ಸದ್ಯಕ್ಕೆ ಈಗ ಗೃಹಜ್ಯೋತಿ ಯೋಜನೆಗೆ ಕರೆಂಟ್ ಬಿಲ್ ಅಲ್ಲಿ ಇರುವ ಅಕೌಂಟ್ ಐಡಿ ಜೊತೆ ಆಧಾರ್ ಕಾರ್ಡ್ ಲಿಂಕ್ ಮಾಡಲು ಸರ್ಕಾರ ಸೂಚಿಸಿದಾಗ ಅನೇಕರು ಇದರ ಬಗ್ಗೆ ಯೋಚಿಸಿದರು.
ಅದೇ ರೀತಿ ಇನ್ನೂ ಹಲವು ಪರಿಸ್ಥಿತಿಗಳಲ್ಲಿ ಈ ರೀತಿ ಬದಲಾವಣೆ ಮಾಡಿಸಬೇಕಾಗುತ್ತದೆ. ಒಂದು ವೇಳೆ ಮನೆಯಲ್ಲಿ ಹಿರಿಯರು ಮರಣ ಹೊಂದಿದ್ದ ಪಕ್ಷದಲ್ಲಿ ನಂತರ ಮಕ್ಕಳ ಹೆಸರಿಗೆ ಅದನ್ನು ಬದಲಾವಣೆ ಮಾಡಿಸಬೇಕಾಗಿ ಬರುತ್ತದೆ. ಆಗ ಯಾವ ರೀತಿ ಇದನ್ನು ಬದಲಾವಣೆ ಮಾಡಿಸಬೇಕು ಎಲ್ಲಿ ಅರ್ಜಿ ಸಲ್ಲಿಸಬೇಕು ಮತ್ತು ದಾಖಲೆಗಳಾಗಿ ಏನನ್ನು ಕೊಡಬೇಕು ಎನ್ನುವ ಮಾಹಿತಿಯನ್ನು ಈ ಅಂಕಣದಲ್ಲಿ ತಿಳಿಸುತ್ತೇವೆ.
ಬೇಕಾಗಿರುವ ದಾಖಲೆಗಳು:-
● ಅರ್ಜಿದಾರನ ಆಧಾರ್ ಕಾರ್ಡ್
● 200ರೂ. ಸ್ಟ್ಯಾಂಪ್ ಪೇಪರ್ ಮೇಲೆ ಬರೆದ ಒಪ್ಪಿಗೆ ಪತ್ರ (ಒಪ್ಪಿಗೆ ಪತ್ರದಲ್ಲಿ ಯಾವ ಕಾರಣಕ್ಕಾಗಿ ಹೆಸರು ಬದಲಾವಣೆ ಮಾಡುತ್ತಿದ್ದೀರಿ ಮತ್ತು ವಿದ್ಯುತ್ ಖಾತೆ ಸಂಖ್ಯೆ, ಇವುಗಳನ್ನು ಅರ್ಜಿ ನಮೂನೆಯಲ್ಲಿ ಬರೆದು ಸಹಿ ಮಾಡಿ ಹತ್ತಿರದ ವಕೀಲರಿಂದ ನೋಟರಿ ಮಾಡಿಸಿಕೊಳ್ಳಬೇಕು).
●ಈಗಾಗಲೇ ವಿದ್ಯುತ್ ಮೀಟರ್ ಯಾರ ಹೆಸರಿನಲ್ಲಿದೆ ಅವರ ಮರಣ ಹೊಂದಿದ್ದರೆ ಮರಣ ಪ್ರಮಾಣ ಪತ್ರ, ಅವರ ಜೀವಂತವಿದ್ದಲ್ಲಿ ಒಪ್ಪಿಗೆ ಪತ್ರ.
● ಋಣ ರಹಿತ ರಶೀತಿ (ಬೇಬಾಕ ಪತ್ರ).
● ಹೆಸರು ಬದಲಾವಣೆಗಾಗಿ ಅರ್ಜಿ (ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತಕರು ಇವರ ಹೆಸರಿಕೆ ಒಪ್ಪಿಗೆ ಪತ್ರ ಬರೆದ ರೀತಿಯಲ್ಲೇ ಅರ್ಜಿ ಬರೆಯಬೇಕು)
ಅರ್ಜಿ ಸಲ್ಲಿಸುವ ವಿಧಾನ:-
● ಈ ಮೇಲೆ ತಿಳಿಸಿದ ರೀತಿಯಲ್ಲಿ ವಿದ್ಯುತ್ ಮೀಟರ್ ಅಲ್ಲಿ ಹೆಸರು ಬದಲಾವಣೆಗೆ ಉಳಿದ ಎಲ್ಲಾ ದಾಖಲೆಗಳನ್ನು ಲಗತ್ತಿಸಿ ಹತ್ತಿರದಲ್ಲಿರುವ ವಿದ್ಯುತ್ ಇಲಾಖೆಯ ಇನ್ವಾರ್ಡ್ ವಿಭಾಗಕ್ಕೆ ಅರ್ಜಿ ಸಲ್ಲಿಸಬೇಕು.
● ನಿಮ್ಮ ತಾಲೂಕಿನಲ್ಲಿರುವ AWD ಕಚೇರಿಯಲ್ಲಿ ಕೂಡ ಅರ್ಜಿ ಸಲ್ಲಿಸಬಹುದು.
● ನಿಮ್ಮ ಅರ್ಜಿಯನ್ನು ಸ್ವೀಕರಿಸಿದ ಕಂಪ್ಯೂಟರ್ ಆಪರೇಟರ್ ಅರ್ಜಿಯನ್ನು ಪರಿಶೀಲಿಸಿ ಸರಿ ಇದ್ದರೆ ಅನುಮೋದಿಸುತ್ತಾರೆ, ಇದಾದ ಬಳಿಕ ನಿಮ್ಮ ತಾತ ಅಥವಾ ತಂದೆ ಹೆಸರಿನ ಬದಲಿಗೆ ನಿಮ್ಮ ಹೆಸರಿಗೆ ವಿದ್ಯುತ್ ಬಿಲ್ ಬರುತ್ತದೆ.
ವಿದ್ಯುತ್ ಗ್ರಾಹಕರು ಗಮನಿಸಲೇಬೇಕಾದ ಕೆಲ ಪ್ರಮುಖ ಅಂಶಗಳು:-
● ಹೆಸರು ಬದಲಾವಣೆ ಮಾಡುವಾಗ ನಿಮ್ಮ ತಂದೆ ಅಥವಾ ತಾತ ಮರಣ ಹೊಂದಿದ್ದರೆ ಅವರ ಮರಣ ಪ್ರಮಾಣ ಪತ್ರ ಸಲ್ಲಿಸಲೇಬೇಕು. ಒಂದು ವೇಳೆ ಅವರು ಜೀವಂತವಾಗಿದ್ದರೆ ಸ್ಟ್ಯಾಂಪ್ ಪೇಪರ್ ಮೇಲೆ ಒಪ್ಪಿಗೆ ಪತ್ರ ಬರೆದು ಕೊಡಬೇಕು.
● ಈ ರೀತಿ ತಿದ್ದುಪಡಿ ಅಥವಾ ಹೆಸರು ಬದಲಾವಣೆ ಮಾಡುವ ಮೊದಲು ಬಾಕಿ ಉಳಿಸಿಕೊಂಡಿರುವ ಎಲ್ಲಾ ವಿದ್ಯುತ್ ಶುಲ್ಕವನ್ನು ಕಡ್ಡಾಯವಾಗಿ ಕಟ್ಟಲೇಬೇಕು.
● ಗೃಹ ಜ್ಯೋತಿ ಯೋಜನೆಗೆ ಅರ್ಜಿ ಸಲ್ಲಿಸುವವರಿಗೆ ಸಮಸ್ಯೆ ಆಗಬಾರದು ಎನ್ನುವ ಕಾರಣಕ್ಕಾಗಿ ಸರ್ಕಾರ ವಿದ್ಯುತ್ ಬಿಲ್ ಹೊಂದಿರುವ ಮಾಲೀಕರು ಮ.ರಣವಾಗಿದ್ದರು ಅಥವಾ ಅವರ ಹೆಸರಿನಲ್ಲಿ ತಿದ್ದುಪಡಿಗಳಿದ್ದರೂ ಕೂಡ ಅಕೌಂಟ್ ಐಡಿ ಸರಿ ಇದ್ದರೆ ಅರ್ಜಿ ಸಲ್ಲಿಸಲು ಅವಕಾಶ ಮಾಡಿಕೊಟ್ಟಿದೆ.
● ತಿದ್ದುಪಡಿ ಮಾಡಿಸಿಕೊಳ್ಳಲು ಅಥವಾ ಹೆಸರು ವರ್ಗಾವಣೆ ಮಾಡಿಸಿಕೊಳ್ಳಲು ನೀವು ಬಯಸಿದರೆ ಈ ಮೇಲೆ ತಿಳಿಸಿದ ಪ್ರಕಾರವಾಗಿ ಅರ್ಜಿ ಸಲ್ಲಿಸಿ ತಿದ್ದುಪಡಿ ಅಥವಾ ಹೆಸರು ವರ್ಗಾವಣೆ ಮಾಡಿಸಿಕೊಳ್ಳಿ. ಮತ್ತು ಈ ಉಪಯುಕ್ತ ಮಾಹಿತಿಯನ್ನು ನಿಮ್ಮ ಕುಟುಂಬದವರು ಹಾಗೂ ಸ್ನೇಹಿತರ ಜೊತೆಗೂ ಕೂಡ ತಪ್ಪದೇ ಹಂಚಿಕೊಳ್ಳಿ.