ಮನೆ ಕೆಲಸದ ಹುಡುಗಿಗೆ ಮದುವೆ ಮಾಡಿಸಿದ ವಿನೋದ್ ರಾಜ್
ವಿನೋದ್ ರಾಜಕುಮಾರ್ ಅಲಿಯಾಸ್ ಡ್ಯಾನ್ಸ್ ರಾಜಾ ಎಂದೇ ಫೇಮಸ್ ಆಗಿರುವ ವಿನೋದ್ ರಾಜ್ ಕುಮಾರ್ ಅವರು ಸದ್ಯಕ್ಕೆ ಚಿತ್ರರಂಗದಿಂದ ದೂರ ಉಳಿದಿದ್ದು ನೆಲಮಂಗಲ ಸಮೀಪ ತಾಯಿ ಲೀಲಾವತಿ ಅವರ ಜೊತೆ ವಾಸವಾಗಿದ್ದಾರೆ. ನೆಲಮಂಗಲ ಸಮೀಪ ಜಮೀನು ಖರೀದಿಸಿ ವ್ಯವಸಾಯ ಮಾಡಿಕೊಂಡು ತಾಯಿ ಮಗ ನೆಮ್ಮದಿಯ ಜೀವನ ಸಾಗಿಸುತ್ತಿದ್ದಾರೆ.
ಸಾಕಷ್ಟು ವೈಯುಕ್ತಿಕ ವಿಚಾರಗಳಿಂದ ಬೇಸರಗೊಂಡಿರುವ ಹಾಗೂ ಬದುಕಿನಲ್ಲಿ ನಡೆದಿರುವ ಕೆಲವು ಕಹಿ ಘಟನೆಗಳಿಂದ ನೊಂದಿರುವ ಇವರು ಈಗ ಪ್ರಕೃತಿ ಕಡೆಗೆ ಮರುಳಿದ್ದಾರೆ. ಇದರ ಜೊತೆಗೆ ಸಾಧ್ಯವಾದಷ್ಟು ಸಮಾಜ ಸೇವೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಈಗಷ್ಟೇ ಅವರು ತಮ್ಮ ಜಮೀನು ಮಾರಿ ಬಂದ ಹಣದಿಂದ ಅವರ ಗ್ರಾಮದಲ್ಲಿ ಸರ್ಕಾರಿ ಆಸ್ಪತ್ರೆಯಿಂದಲೂ ಕಟ್ಟಿಸಿದರು, ಇದರ ಉದ್ಘಾಟನೆ ಸಹ ನಡೆದಿದ್ದು ಮಾನ್ಯ ಮುಖ್ಯಮಂತ್ರಿ ಬಸವರಾಜು ಬೊಮ್ಮಾಯಿ ಅವರೇ ಇದನ್ನು ನಡೆಸಿಕೊಟ್ಟಿದ್ದಾರೆ.
ಹೀಗೆ ಇವರು ಮಾಡುವ ಕೆಲ ಸಮಾಜಮುಖಿ ಕೆಲಸಗಳಷ್ಟೇ ಮಾಧ್ಯಮದಲ್ಲಿ ಪ್ರಚಾರವಾಗಿರಬಹುದು. ಆದರೆ ಯಾವುದೇ ಪ್ರಚಾರ ಪಡೆಯಲು ಇಷ್ಟವಿರದ ಇವರು ಸದ್ಯಕ್ಕೆ ತಮ್ಮ ಬದುಕನ್ನೇ ಈ ರೀತಿ ಪರರಿಗಾಗಿ ಮೀಸಲಿಟ್ಟಿದ್ದಾರೆ ಎನ್ನಬಹುದು. ಅನೇಕ ಕೆಲಸಗಳನ್ನು ಯಾವುದೇ ಪ್ರಚಾರ ಪಡೆಯದೆ ಮಾಡುತ್ತಿರುವ ತಾಯಿ ಮಗ ಈಗ ಅಂತಹದೇ ಮತ್ತೊಂದು ಪುಣ್ಯಕಾರ್ಯ ಮಾಡಿದ್ದಾರೆ.
ಅದೇನೆಂದರೆ ವಿನೋದ್ ರಾಜಕುಮಾರ್ ಅವರ ಮನೆಯಲ್ಲಿ ಕಳೆದ ನಾಲ್ಕು ವರ್ಷಗಳಿಂದ ಅನ್ನಪೂರ್ಣ ಎನ್ನುವ ಮಹಿಳೆ ಒಬ್ಬರು ಮನೆ ಕೆಲಸ ಮಾಡಿಕೊಂಡು ಇದ್ದರು. ಈಗ ಆಕೆಗೆ ತಾವೇ ಮುಂದೆ ನಿಂತು ಮದುವೆ ಮಾಡಿಸುವ ಮೂಲಕ ಅನೇಕರಿಗೆ ಮಾದರಿ ಆಗಿದ್ದಾರೆ, ವಿನೋದ್ ರಾಜ್ ಕುಟುಂಬ. ಮನೆ ಕೆಲಸದವರನ್ನು ಪ್ರಾಣಿಗಿಂತಲೂ ಕಡೆಯಾಗಿ ಕಾಣುವ ಈಗಿನ ಕಾಲದಲ್ಲೂ ತಮ್ಮ ಮನೆ ಸದಸ್ಯೆ ಎಂದುಕೊಂಡು ಆಕೆಯ ಬದುಕು ಕಟ್ಟಿಕೊಟ್ಟಿರುವುದು ನಿಜಕ್ಕೂ ಹಲವರಿಗೆ ಆದರ್ಶ.
ಮದ್ದೂರು ತಾಲೂಕಿನ ಹುಳಗನಹಳ್ಳಿ ಗ್ರಾಮದ ಪ್ರಕಾಶ್ ಎನ್ನುವವರ ಜೊತೆ ಅನ್ನಪೂರ್ಣ ಅವರ ವಿವಾಹವನ್ನು ನಡೆಸಿಕೊಟ್ಟಿದ್ದಾರೆ ವಿನೋದ್ ರಾಜ್. ಪ್ರಕಾಶ್ ಕಳೆದ ಏಳು ವರ್ಷಗಳಿಂದ ಪೊಲೀಸ್ ಇಲಾಖೆಯಲ್ಲಿ ಹೋಂ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಇವರಿಬ್ಬರ ಮದುವೆ ಕಾರ್ಯಕ್ರಮವು ಸಂಪ್ರದಾಯಬದ್ಧವಾಗಿ ನಡೆದಿದ್ದು ನೆಲಮಂಗಲ ತಾಲೂಕಿನ ಎಂಟಗಾನ ಹಳ್ಳಿಯ ಗೂಬೆಕಲ್ಲಮ್ಮ ದೇವಸ್ಥಾನದಲ್ಲಿ ಗುರು ಹಿರಿಯರ ಒಪ್ಪಿಗೆ ಮೇರೆಗೆ ನಡೆದಿದೆ.
ಸ್ವತಃ ವಿನೋದ್ ರಾಜಕುಮಾರ್ ಅವರ ಓಡಾಟವೇ ಮದುವೆಯಲ್ಲಿ ಬಹಳ ಜೋರಾಗಿತ್ತು ಸ್ವಂತ ತಂಗಿಯ ಮದುವೆ ರೀತಿ ಅನ್ನಪೂರ್ಣ ಮದುವೆಯನ್ನು ನಡೆಸಿಕೊಟ್ಟಿದ್ದಾರೆ. ವಿನೋದ್ ರಾಜಕುಮಾರ್ ಅವರು ಮದುವೆಯ ಫೋಟೋಗಳು ಹಾಗೂ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಆಗಿ ವೈರಲ್ ಆಗುತ್ತಿದ್ದಂತೆ ಇವರ ಈ ಕಾರ್ಯ ನೋಡಿ ನೆಟ್ಟಿಗರು ವಿನೋದ್ ರಾಜಕುಮಾರ್ ಅವರ ಗುಣವನ್ನು ಹಾಡಿ ಹೋಗುತ್ತಿದ್ದಾರೆ.
ವಿನೋದ್ ರಾಜಕುಮಾರ್ ಅವರನು ಚಿತ್ರರಂಗ ಗುರುತಿಸದೆ ಹೋದ ಒಬ್ಬ ಅಪ್ರತಿಮಾ ಕಲಾವಿದ ಡ್ಯಾನ್ಸ್ ಕಿಂಗ್ ಎಂದೆ ಫೇಮಸ್ ಆಗಿದ್ದ ವಿನೋದ್ ರಾಜಕುಮಾರ್ ಅವರು ಆರಂಭದಲ್ಲಿ ಡ್ಯಾನ್ಸ್ ರಾಜ್ ಡ್ಯಾನ್ಸ್ ಮಹಾಭಾರತ ಸ್ನೇಹಲೋಕ ಮತ್ತಿತರ ಸಿನಿಮಾಗಳಲ್ಲಿ ಹೀರೋ ಆಗಿ ಮಿಂಚಿದರು. ಆದರೆ ಕಾಲ ಕ್ರಮೇಣ ಅವಕಾಶಗಳಿಂದ ವಂಚಿತರಾಗಿ ಮತ್ತು ಇತರೆ ಕೆಲವು ಕಾರಣಗಳಿಂದ ಬೇಸತ್ತು.
ಕೃಷಿ ಕಡೆ ಮುಖ ಮಾಡಿ ತಾಯಿ ಜೊತೆ ಜೀವನ ಸಾಗಿಸಕಾಅದ್ದಾರೆ ಕೊನೆಯದಾಗಿ ಅವರ ಕನ್ನಡದ ಕಂದ ಮತ್ತು ಯಾರಿದು ಎನ್ನುವ ಸಿನಿಮಾಗಳು ರಿಲೀಸ್ ಆಗಿದ್ದವು ಆ ಬಳಿಕ ಬರೀ ಸೋಶಿಯಲ್ ಮೀಡಿಯಾದಲ್ಲಿ ಮಾತ್ರ ಇವರ ಹೆಸರು ಕೇಳಿ ಬರುತ್ತಿದೆ ತಿಳಿತರೆಯಲ್ಲಿ ನಡೆಸುವ ಡ್ಯಾನ್ಸಿಂಗ್ ಕಾರ್ಯಕ್ರಮಗಳಿಗೆ ಇವರನ್ನು ಜಡ್ಜ್ ಆಗಿ ಕರಿಯಬೇಕು ಎನ್ನುವ ಕೋರಿಕೆಗಳು ಕೂಡ ಅಭಿಮಾನಿಗಳ ಕಡೆಯಿಂದ ಬಲವಾಗಿದೆ.