2024ರ ಆರಂಭದಿಂದಲೇ 7ನೇ ಮನೆಯಲ್ಲಿರುವ ಶನಿಯು ನಿಮಗೆ ಶಕ್ತಿಯನ್ನು ನೀಡುತ್ತಾರೆ. ಇದೇ ಕಾರಣಕ್ಕಾಗಿ ನೀವು ನಡೆದಿದ್ದೇ ದಾರಿ ಆಗಬಹುದು. ಅಂದರೆ ನೀವು ಅಂದುಕೊಂಡಂತೆ ಎಲ್ಲವನ್ನು ಮಾಡುವಂತಹ ಧೈರ್ಯ, ಸಾಮರ್ಥ್ಯ ಈ ವರ್ಷದಲ್ಲಿ ಇರುತ್ತದೆ. ನಿಮ್ಮ ವೃತ್ತಿ ಜೀವನದಲ್ಲಿ, ವ್ಯಾಪಾರದಲ್ಲಿ ಹಣಕಾಸಿನ ವಿಷಯದಲ್ಲಿ ದೃಢ ನಿರ್ಧಾರಗಳನ್ನು ಕೈಗೊಂಡು ಅದನ್ನು ಸಾಕಾರ ಗೊಳಿಸಿಕೊಳ್ಳುತ್ತೀರಿ.
ಇದೆಲ್ಲವೂ ಶನಿಯ ಪ್ರಭಾವದಿಂದ ನಡೆಯುತ್ತಿರುವುದರಿಂದ ನೀವು ಸನ್ಮಾರ್ಗದಲ್ಲಿ ನಡೆದರೆ ಮಾತ್ರ ಇವುಗಳನ್ನು ಪಡೆಯಬಹುದು. ನಿಮ್ಮ ಯಶಸ್ವಿಗೆ ಕಠಿಣ ಪರಿಶ್ರಮ ಮತ್ತು ಪ್ರಾಮಾಣಿಕತೆಯೇ ಹಾದಿ ಹೊರತು ಯಾವುದು ಶಾರ್ಟ್ ಕಟ್ ಇರುವುದಿಲ್ಲ. 2023 ಕ್ಕಿಂತ 2024 ಬಹಳ ಚೆನ್ನಾಗಿರುತ್ತೆ. ಕಷ್ಟಪಟ್ಟು ಕೆಲಸ ಮಾಡಿ ಒಳ್ಳೆಯ ಫಲಗಳನ್ನು ಪಡೆಯಬೇಕು.
8ನೇ ಮನೆಯಲ್ಲಿ ರಾಹು ಇರುವುದರಿಂದ ಆರೋಗ್ಯದ ಕಡೆ ಗಮನ ಕೊಡಬೇಕು. ದೀರ್ಘ ಪ್ರಯಾಣದ ಅವಕಾಶಗಳಿವೆ ಕೆಲಸಕ್ಕೆ ಸಂಬಂಧಪಟ್ಟ ಕಾರಣದಿಂದ ಅಥವಾ ಕುಟುಂಬದವರೊಡನೆ ನೀವು ಪ್ರಯಾಣ ಮಾಡುತ್ತೀರಿ. ಮೇ 1 ರವರೆಗೆ ಗುರುವು ನಿಮ್ಮ 9ನೇ ಮನೆಯಲ್ಲಿ ಸ್ಥಿರವಾಗಿ ನೆಲೆಸಿರುತ್ತಾರೆ, ಉದ್ಯೋಗಗಳ ಬದಲಾವಣೆ ಅಥವಾ ವರ್ಗಾವಣೆ ಅಥವಾ ಪ್ರಮೋಷನ್ ಕೂಡ ಆಗಬಹುದು.
ಸರ್ಕಾರಿ ಉದ್ಯೋಗಿಗಳಾಗಿದ್ದರೆ ಜನವರಿ ಅಥವಾ ಫೆಬ್ರವರಿಯಲ್ಲಿ ವರ್ಗಾವಣೆ ಪತ್ರ ಪಡೆಯುತ್ತೀರಿ. ಖಾಸಗಿ ಉದ್ಯೋಗಗಳಿಗೆ ಮೇ 1ರ ನಂತರ ಇಂತಹ ಪರಿಣಾಮಗಳು ಇರುತ್ತವೆ. ಜೂನ್ 1ರಿಂದ ಜುಲೈ 12ವರೆಗೆ ಮಂಗಳ 9ನೇ ಮನೆಯಲ್ಲಿ ಬರುವುದರಿಂದ ನಿಮಗೆ ಕೆಲಸ ಕಾರ್ಯಗಳಲ್ಲಿ ಒತ್ತಡ ಇರುತ್ತದೆ.
ಜುಲೈ 31 ರಿಂದ ಆಗಸ್ಟ್ 25 ಕೂಡ ಇಂತಹ ಪ್ರಭಾವವನ್ನು ಹೊಂದಿರುತ್ತದೆ ಈ ಸಮಯದಲ್ಲಿ ಕೂಡ ನೀವು ಸ್ವಲ್ಪ ಸಮಾಧಾನವಾಗಿ ಹಾಗೂ ಎಚ್ಚರಿಕೆಯಿಂದ ಇರಬೇಕು. ಈ ಎರಡು ಸಮಯ ಕಳೆದ ಮೇಲೆ ವರ್ಷ ಪೂರ ನಿಮ್ಮದೇ ಆಗಿರುತ್ತದೆ.
ವಿದ್ಯಾರ್ಥಿಗಳಿಗೆ ಈ ವರ್ಷ ಶುಭಫಲವಿದೆ. ವಿದೇಶದಲ್ಲಿ ಅಧ್ಯಯನ ಅಥವಾ ಕೆಲಸ ಮಾಡಲು ಇಚ್ಚಿಸುವವರಿಗೆ ಆಗಸ್ಟ್ ನಂತರ ಅವಕಾಶವಿದೆ. ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಭಾಗವಹಿಸುವ ಸಿಂಹ ರಾಶಿಯವರಿಗೆ ಈ ವರ್ಷ ನಿರೀಕ್ಷೆಗೆ ಮತ್ತು ಪ್ರಯತ್ನಕ್ಕೆ ತಕ್ಕ ಫಲಗಳು ಸಿಗುವ ಸಾಧ್ಯತೆ ಇದೆ.
4ನೇ ಮನೆಯಲ್ಲಿರುವ ಶುಕ್ರ ಮತ್ತು ಬುಧ ಕುಟುಂಬ ಸೌಖ್ಯವನ್ನು ಹೆಚ್ಚಿಸುತ್ತಾರೆ ಆದರೆ ಭೂ ವಿವಾದಕ್ಕೆ ಸಂಬಂಧಪಟ್ಟ ಹಾಗೆ ಕುಟುಂಬಸ್ಥರಲ್ಲಿ ಮನಸ್ತಾಪ ಅಥವಾ ಅಕ್ಕ ಪಕ್ಕದ ಮನೆಯವರಿಂದ ತೊಂದರೆ ಇಂತಹ ಸಣ್ಣಪುಟ್ಟ ಕಿರಿಕಿರಿ ಇದ್ದೇ ಇರುತ್ತದೆ. 5ನೇ ಮನೆಯಲ್ಲಿ ಸೂರ್ಯ, 7ನೇ ಮನೆಯಲ್ಲಿ ಶನಿ, 8ನೇ ಮನೆಯಲ್ಲಿ ರಾಹು ಇರುವುದರಿಂದ ನಿಮ್ಮ ಆರೋಗ್ಯದ ವಿಚಾರದಲ್ಲಿ ಜಾಗೃತೆ ಇರಲಿ.
ಯಾವುದಾದರೂ ಆರೋಗ್ಯ ಸಮಸ್ಯೆ ಕಾಡಿದರೆ ತಕ್ಷಣ ವೈದ್ಯರಿಂದ ಚಿಕಿತ್ಸೆ ಪಡೆಯಿರಿ. ಆದಾಯದ ವಿಚಾರದಲ್ಲಿ ಈ ವರ್ಷ ನಿಮಗೆ ದಿನಕ್ಕೆ 1,000 ರೂಪಾಯಿ ಆದಾಯ ಬಂದರೆ 2,000 ಖರ್ಚು ತಯಾರಾಗಿರುತ್ತದೆ. ಆದರೆ ಮೊದಲು ಉಳಿತಾಯಕ್ಕೆ ಗಮನ ಕೊಡಿ. ನೀವು ಕಳೆದ ಕೆಲವು ವರ್ಷಗಳಿಂದ ಮನೆ ಕಟ್ಟುವುದಕ್ಕಾಗಿ, ಮನೆ ಕೊಂಡುಕೊಳ್ಳುವುದಕ್ಕೆ ಸೈಟ್ ಕೊಂಡುಕೊಳ್ಳುವುದಕ್ಕೆ, ಬಹಳ ಪ್ರಯತ್ನ ಪಟ್ಟಿರುತ್ತೀರಿ.
ಅದಕ್ಕೆ ಈಗ ಫಲ ಸಿಗುತ್ತಿದೆ 2014ರಲ್ಲಿ ನೀವು ಇನ್ನಷ್ಟು ಶ್ರಮ ಹಾಕಿದರೆ ಮನಸ್ಸು ಮಾಡಿದರೆ ಸೈಟ್ ಖರೀದಿಸಬಹುದು. 1 ಮತ್ತು 9 ಈ ವರ್ಷ ಪೂರ್ತಿ ನಿಮಗೆ ಶುಭ ಸಂಖ್ಯೆ ಆಗಿರುತ್ತದೆ. ಇನ್ನು ಹೆಚ್ಚಿನ ಫಲ ಪಡೆಯುವುದಕ್ಕಾಗಿ ಪ್ರತಿ ಭಾನುವಾರ ತಪ್ಪದೇ ಆದಿತ್ಯ ಹೃದಯ ಸ್ತೋತ್ರ ಮತ್ತು ಸೂರ್ಯ ಮಂತ್ರ ಪಠಿಸಿ. ಪ್ರತಿದಿನ ಗಜೇಂದ್ರ ಮೋಕ್ಷವನ್ನು ಕೇಳಿ, ರಾಹು ಶಾಂತಿ ಪಡಿಸಲು ಬುಧವಾರ ಯಾವುದೇ ದೇವಸ್ಥಾನದಲ್ಲಿ ಕಪ್ಪು ಎಳ್ಳು ದಾನ ಮಾಡಿ. ಶುಭವಾಗಲಿ.