ಅಭಿಷೇಕ್ ಅಂಬರೀಶ್ ಅವಿವಾ ಬಿದ್ದಪ್ಪ ನಿಶ್ಚಿತಾರ್ಥ.
ದೀರ್ಘಕಾಲ ಗೆಳತಿ ಜೊತೆ ನಿಶ್ಚಿತಾರ್ಥ
ಜೂನಿಯರ್ ರೆಬಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ಅವರ ನಿಶ್ಚಿತಾರ್ಥ ಕುರಿತು ತಿಂಗಳಿಂದ ಅನೇಕ ಸುದ್ದಿಗಳು ಕೇಳಿ ಬರುತ್ತಿದ್ದವು. ಡಿಸೆಂಬರ್ ತಿಂಗಳಿನಲ್ಲಿ ಬೆಂಗಳೂರಿನ ಅರಮನೆ ಮೈದಾನದ ಅಂಗಳದಲ್ಲಿ ಅದ್ದೂರಿಯಾಗಿ ನಿಶ್ಚಿತಾರ್ಥ ಕಾರ್ಯಕ್ರಮ ನಡೆಯುತ್ತದೆ ಎಂದು ಗಾಂಧಿನಗರದಲ್ಲಿ ಸುದ್ದಿ ಎದ್ದಿತ್ತು ಆದರೆ ದಿನಾಂಕ ಇನ್ನು ನಿಗದಿ ಆಗಿರಲಿಲ್ಲ.
ಇದರ ಮಧ್ಯದಲ್ಲೇ ಇಂದು ಬೆಂಗಳೂರಿನ ಖಾಸಗಿ ಹೋಟೆಲ್ ಒಂದರಲ್ಲಿ ಕುಟುಂಬಸ್ಥರು ಮತ್ತು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಅಭಿಷೇಕ್ ಅಂಬರೀಶ್ ಅವರ ನಿಶ್ಚಿತಾರ್ಥ ನಡೆದು ಹೋಗಿದೆ. ಚಂದನ ವನದ ಹ್ಯಾಂಡ್ ಸಮ್ ಬಾಯ್ ಅಭಿ ಅನೇಕರಿಗೆ ಕ್ರಶ್ ಆಗಿದ್ದರು. ರಾಜಕೀಯ ಮತ್ತು ಸಿನಿಮಾ ಇಂಡಸ್ಟ್ರಿಯಲ್ಲಿ ಸಕ್ರಿಯರಾಗಿರುವ ಇವರಿಗೆ ಅನೇಕ ಜನ ಫ್ಯಾನ್ ಫಾಲೋವರ್ಸ್ ಇದ್ದಾರೆ, ಅದರಲ್ಲೂ ಯುವ ಅಭಿಮಾನಿಗಳೇ ಹೆಚ್ಚು.
ಇದೀಗ ಎಂಗೇಜ್ಮೆಂಟ್ ಆಗುವ ಮೂಲಕ ಕಾಲೇಜ್ ಹೆಣ್ಮಕ್ಕಳ ಹಾರ್ಟ್ ಬ್ರೇಕ್ ಮಾಡಿದ್ದಾರೆ ಅಭಿ ಅಭಿಷೇಕ್ ಅಂಬರೀಶ್ ಅವರ ನಿಶ್ಚಿತಾರ್ಥ ಸುದ್ದಿ ಹಬ್ಬಿದಾಗಿಂದಲೂ ಹುಡುಗಿ ಯಾರಾಗಿರಬಹುದು ಎನ್ನುವ ಕುತೂಹಲ ಮನೆ ಮಾಡಿದ್ದು. ಅವರೂ ಸಿನಿಮಾ ಅಥವಾ ಮಾಡಲಿಂಗ್ ಕ್ಷೇತ್ರಕ್ಕೆ ಸಂಬಂಧಪಟ್ಟವರಾಗಿರುತ್ತಾರೆ ಎನ್ನುವ ಸುಳಿವು ಸಿಕ್ಕಿದ್ದರೂ ಈವರೆಗೆ ಹುಡುಗಿ ಹೆಸರನ್ನು ಬಹಿರಂಗಪಡಿಸಲಿಲ್ಲ.
ಈ ಬಗ್ಗೆ ಅನೇಕ ಬಾರಿ ಸುಮಲತಾ ಅಂಬರೀಶ್ ಹಾಗೂ ಅಭಿಷೇಕ್ ಅಂಬರೀಶ್ ಅವರನ್ನು ಪ್ರಶ್ನಿಸಿದ್ದರೂ ಕೂಡ ಎಂಗೇಜ್ಮೆಂಟ್ ದಿನವೇ ಅದನ್ನು ರಿವೀಲ್ ಮಾಡಲಾಗುತ್ತದೆ ಎಂದಷ್ಟೇ ಹೇಳುತ್ತಿದ್ದರು. ಇದೀಗ ಎಲ್ಲಾ ಕುತೂಹಲಕ್ಕೂ ತೆರೆ ಬಿದ್ದಿದ್ದು ಅಭಿಷೇಕ್ ಅಂಬರೀಶ್ ಅವರ ಕೈಹಿಡಿದು ಮಂಡ್ಯದ ಸೊಸೆ ಆಗಲಿರುವ ಆ ಹುಡುಗಿ ಯಾರು ಎನ್ನುವ ಗುಟ್ಟು ರಟ್ಟಾಗಿದೆ.
ಇಂಡಿಯಾದ ಫ್ಯಾಶನ್ ಡಿಸೈನಿಂಗ್ ಮತ್ತು ಮಾಡಲಿಂಗ್ ಲೋಕದಲ್ಲಿ ಫ್ಯಾಶನ್ ಗುರು ಎಂದೇ ಫೇಮಸ್ ಆಗಿರುವ ಕನ್ನಡದ ಮೂಲದವರೇ ಆದ ಪ್ರಸಾದ್ ಬಿದ್ದಪ್ಪ ಅವರ ಪುತ್ರಿ ಅವಿವಾ ಬಿದ್ದಪ್ಪ ಅವರನ್ನು ಅಭಿಷೇಕ್ ಅಂಬರೀಶ್ ಅವರು ಕೈ ಹಿಡಿಯುತ್ತಿದ್ದಾರೆ ಪ್ರಸಾದ್ ಬಿದ್ದಪ್ಪ ಅವರು ಸಹ ಫ್ಯಾಷನ್ ಡಿಸೈನಿಂಗ್ ಮತ್ತು ಮಾಡೆಲ್ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿದ್ದಾರೆ.
ಇವರ ತಂದೆಯಾದ ಪ್ರಸಾದ್ ಬಿದ್ದಪ್ಪ ಅವರು ಪ್ರಸಾದ್ ಬಿದ್ದಪ್ಪ ಎನ್ನುವ ಅಸೋಸಿಯೇಷನ್ ನಡೆಸಿಕೊಂಡು ಕಳೆದ 20 ವರ್ಷಗಳಿಂದ ಮಾಡಲಿಂಗ್ ಕ್ಷೇತ್ರದಲ್ಲಿ ಹೆಸರು ಮಾಡಿಕೊಂಡು ಬಂದಿದ್ದಾರೆ. ಬಾಲಿವುಡ್ ನ ಖ್ಯಾತ ತಾರೆಯರಾದ ಅನುಷ್ಕಾ ಶರ್ಮ, ದೀಪಿಕಾ ಪಡುಕೋಣೆ, ಲಾರ ದತ್ತ ಇವರಿಗೂ ಸಹ ಫ್ಯಾಷನ್ ಡಿಸೈನಿಂಗ್ ಮಾಡಿರುವ ಪ್ರಸಾದ್ ಬಿದ್ದಪ್ಪ ಅವರಿಗೆ ಭಾರತದಾದ್ಯಂತ ಈ ಕ್ಷೇತ್ರದಲ್ಲಿ ಒಳ್ಳೆ ಫೇಮ್ ಇದೆ.
ಅವಿವಾ ಬಿದ್ದಪ್ಪ ಅವರು ಸಹ ಮಾಡಲಿಂಗ್ ಕ್ಷೇತ್ರದಲ್ಲಿ ಹೆಸರು ಮಾಡಿದ್ದು ಸದ್ಯದಲ್ಲೇ ಸಿನಿಮಾ ಇಂಡಸ್ಟ್ರಿಗೆ ಕಾಲಿಡುವ ಸಾಧ್ಯತೆಗಳು ಕೂಡ ಇವೆ. ಬಲ್ಲ ಮೂಲಗಳ ಪ್ರಕಾರ ಮುಂದಿನ ವರ್ಷದಲ್ಲೇ ಜೋಡಿಗಳು ಹೊಸಮಣೆ ಏರಲಿದ್ದು ಆನಂತರ ಅವರು ತಮ್ಮ ಕಾಳಿ ಚಿತ್ರದ ಕಡೆ ಗಮನ ಹರಿಸಬೇಕಾಗಿದೆ.
ಕೃಷ್ಣ ಅವರ ನಿರ್ದೇಶನದ ಕಾಳಿ ಸಿನಿಮಾ ಈಗಾಗಲೇ ಘೋಷಣೆ ಆಗಿದ್ದು ಸಿನಿಮಾದಲ್ಲಿ ಕಾಂತರಾ ಖ್ಯಾತಿಯ ಸಪ್ತಮಿ ಗೌಡ ಅವರು ನಾಯಕಿ ಅಗಲಿದ್ದಾರೆ ಎಂದು ಅನೌನ್ಸ್ ಕೂಡ ಆಗಿತ್ತು. ಕಳೆದ ವಾರ ಅಷ್ಟೇ ಬಂಡಿ ಮಾಕಳಮ್ಮ ದೇವಸ್ಥಾನದಲ್ಲಿ ಮುಹೂರ್ತ ಕಾರ್ಯ ಕೂಡ ನೆರವೇರಿತು. ಅಂಬರೀಶ್ ಅವರ ವೈವಾಹಿಕ ಬದುಕು ಹಾಗೂ ಕೆರಿಯರ್ ಎರಡಕ್ಕೂ ಶುಭವಾಗಲಿ ಎಂದು ಹರಸೋಣ.