ವಾಸುಕಿ ವೈಭವ್ ಚಂದನ ರಾಮಕೃಷ್ಣ ಫೋಟೋಶೂಟ್
ವಾಸುಕಿ ವೈಭವ್ ಎನ್ನುವ ಅಪ್ಪಟ ಕನ್ನಡದ ಪ್ರತಿಭೆ ಸದ್ಯಕ್ಕೆ ಕನ್ನಡ ಚಿತ್ರರಂಗದಲ್ಲಿ ಬಹು ಬೇಡಿಕೆಯ ಗಾಯಕನೂ ಹೌದು, ನಟನು ಹೌದು ಮತ್ತು ಸಂಗೀತ ನಿರ್ದೇಶಕನು ಹೌದು. ವಾಸುಕಿ ವೈಭವ್ ಅವರು ಬಿಗ್ ಬಾಸ್ ಕಾರ್ಯಕ್ರಮದ ಮೂಲಕ ಇಡೀ ಕರ್ನಾಟಕಕ್ಕೆ ಪರಿಚಯ ಆದರು ಅದಕ್ಕೂ ಮುನ್ನ ದಿನಗಳಿಂದಲೇ ಸಂಗೀತ ನಿರ್ದೇಶಕರಾಗಿ ಕೆಲಸ ಮಾಡಿದ್ದರೂ.
ಈಗ ಬಿಗ್ ಬಾಸ್ ವಾಸುಕಿ ವೈಭವ್ ಎಂದೇ ಫೇಮಸ್ ಆಗಿರುವ ಇವರಿಗೆ ಅತಿ ದೊಡ್ಡ ಅಭಿಮಾನಿಗಳ ಬಳಗವೇ ಸೃಷ್ಟಿಯಾಗಿದೆ. ರಿಷಬ್ ಶೆಟ್ಟಿ ಅವರ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಸಿನಿಮಾದ ಹೇ ಶಾರದೆ ಹಾಡು ಮತ್ತು ಮುಂದಿನ ನಿಲ್ದಾಣ ಸಿನಿಮಾದ ಇನ್ನೂ ಬೇಕಾಗಿದೆ ಇಂತಹ ವೈಭವ ಪೂರಿತ ಸುಮಧುರ ಗೀತೆಗಳನ್ನು ಕಟ್ಟಿರುವ ಇವರು ಈಗ ತಾಳಿ ಕಟ್ಟಿ ಸಂಸಾರ ಗೀತೆ ಹಾಡಲು ತಯಾರಾಗುತ್ತಿದ್ದಾರೆ.
ಕಳೆದ ವರ್ಷದಿಂದ ಕನ್ನಡ ಚಲನಚಿತ್ರರಂಗದ ಹಾಗೂ ಕಿರುತೆರೆಯ ಹಲವು ಕಲಾವಿದರುಗಳು ಮದುವೆ ಆಗಿದ್ದಾರೆ. ಇನ್ನೂ ಕೆಲವರು ಎಂಗೇಜ್ಮೆಂಟ್ ಮಾಡಿಕೊಂಡು ಮುಂದಿನ ವರ್ಷದಲ್ಲಿ ಹಸೆಮಣೆ ಏರಲಿದ್ದಾರೆ. ಇದರಲ್ಲಿ ವಿಶೇಷ ಏನೆಂದರೆ ಹಲವರು ತಮ್ಮಂತೆ ಅಭಿರುಚಿ ಉಳ್ಳ ಕಲಾವಿದರನ್ನೇ ಮದುವೆ ಆಗಿದ್ದಾರೆ.
ಇದೇ ಸಾಲಿಗೆ ಸೇರುತ್ತಿದ್ದಾರೆ ವಾಸುಕಿ ವೈಭವ್ ಕೂಡ. ವಾಸುಕಿ ವೈಭವ್ ಅವರು ಬಿಗ್ ಬಾಸ್ ಗೆ ಹೋಗಿದ್ದ ಸಮಯದಲ್ಲಿ ಚಂದನ ಜೊತೆ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದರು. ಆ ಸಮಯದಲ್ಲಿ ಚಂದನ ಮತ್ತು ವಾಸುಕಿ ನಡುವೆ ಸಮ್ ಥಿಂಗ್ ಸಮ್ ಥಿಂಗ್ ಇದೆ ಎನ್ನುವಂತೆ ಅವರು ನಡೆದುಕೊಳ್ಳುತ್ತಿದ್ದರು. ಈಗಾಗಲೇ ಬಿಗ್ ಬಾಸ್ ಕಾರ್ಯಕ್ರಮದ ಹಲವು ಜೋಡಿಗಳು ನಿಜ ಜೀವನದಲ್ಲಿಯೂ ಮದುವೆಯಾಗಿ ಜೊತೆಯಾಗಿದ್ದಾರೆ.
ಈಗ ಆ ಉದಾಹರಣೆಗೂ ಕೂಡ ಚಂದನ ಮತ್ತು ವಾಸುಕಿ ಸೇರುವ ಸಾಧ್ಯತೆಗಳು ಇವೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ರಾಜರಾಣಿ ಮತ್ತು ಹೂ ಮಳೆ ಎನ್ನುವ ಧಾರಾವಾಹಿಗಳಲ್ಲಿ ನಾಯಕಿಯಾಗಿ ಅಭಿನಯಿಸಿರುವ ಚಂದನ ಅವರು ಡ್ಯಾನ್ಸಿಂಗ್ ಚಾಂಪಿಯನ್ ಕಾರ್ಯಕ್ರಮದ ಕಂಟೆಸ್ಟೆಂಟ್ ಕೂಡ ಆಗಿದ್ದರು.
ಅಲ್ಲದೆ ಇವರು ಮನೆ ಒಳಗೆ ಇದ್ದಷ್ಟು ದಿನ ಟಾಸ್ಕ್ ಗಳ ಜೊತೆ ವಾಸುಕಿ ವೈಭವ್ ಅವರು ನಿರ್ದೇಶನ ಮಾಡುವ ಹಾಡುಗಳಿಗೆ ಧ್ವನಿ ಕೊಡುವ ಮೂಲಕ ಕೂಡ ಫೇಮಸ್ ಆಗಿದ್ದರು. ಆಗಿನಿಂದಲೂ ಇವರಿಬ್ಬರ ನಡುವೆ ಹೊಂದಾಣಿಕೆ ಇದ್ದು ಮನೆಯಿಂದ ಆಚೆ ಬಂದ ಮೇಲೂ ಆ ಬಾಂಧವ್ಯವನ್ನು ಹಾಗೆ ಉಳಿಸಿಕೊಂಡಿದ್ದರು.
ಇತ್ತೀಚೆಗಷ್ಟೇ ವಾಸುಕಿ ವೈಭವ್ ಅವರ ಹುಟ್ಟುಹಬ್ಬಕ್ಕೆ ಇನ್ಸ್ಟಾಗ್ರಾಮಲ್ಲಿ ಅವರ ಫೋಟೋ ಹಾಕಿ ವಿಶೇಷ ಬರಹ ಬರೆದು ಚಂದನ ಹಂಚಿಕೊಂಡಿದ್ದರು. ವಾಸುಕಿ ವೈಭವ್ ಅವರು ನನ್ನ ಬದುಕಿನ ಅತಿ ದೊಡ್ಡ ಗಿಫ್ಟ್ ಅವರು ನನ್ನ ಬೆಸ್ಟ್ ಫ್ರೆಂಡ್ ನನ್ನ ಸೀಕ್ರೆಟ್ ಎಲ್ಲವನ್ನೂ ಹಂಚಿಕೊಳ್ಳಬಹುದಾದ ನಂಬಿಕಸ್ಥ ಎಂದು ಬರೆದುಕೊಂಡಿದ್ದರು. ವಿಶೇಷ ವ್ಯಕ್ತಿ ಆದ ಮೇಲೆ ಇವರೇ ಚಂದನ ಅವರ ಇನಿಯ ಇರಬೇಕು ಎಂದೇ ಎಲ್ಲರೂ ಭಾವಿಸಿದ್ದರು.
ಈ ಬಗ್ಗೆ ಅಧಿಕೃತವಾಗಿ ಹೇಳಿಕೊಳ್ಳದೆ ಇದ್ದರೂ ಕೂಡ ಇಬ್ಬರು ಈಗ ಹೊಸದಾಗಿ ಫೋಟೋಶೂಟ್ ಮಾಡಿಸಿದ್ದಾರೆ. ಇದು ತಮ್ಮ ಮದುವೆ ಬಗ್ಗೆ ಘೋಷಣೆ ಮಾಡುವುದಕ್ಕಾಗಿ ಮಾಡಿಸಿರುವ ಫೋಟೋ ಶೂಟ್ ರೀತಿ ಇದ್ದು ಇಬ್ಬರು ಸಹ ಮಧು ಮಕ್ಕಳಂತೆ ಕಾಣುತ್ತಿದ್ದಾರೆ. ಎಲ್ಲರ ಊಹೆಯಂತೆ ಇದು ನಿಜವಾದರೆ ಈ ವರ್ಷ ಮದುವೆಯಾದ ಮತ್ತೊಂದು ತಾರ ಜೋಡಿ ಪಟ್ಟಿಗೆ ಇವರು ಸೇರಲಿದ್ದಾರೆ.