ವಿವಾಹಕ್ಕೂ ಮುಂಚೆ ಇರುವ ಬದುಕೇ ಬೇರೆ, ಮದುವೆ ಆದಮೇಲೆ ಬದಲಾಗುವ ಬದಲಾವಣೆಯೇ ಬೇರೆ. ದಂಪತಿಗಳಾದ ಮೇಲೆ ಆ ಪತಿ ಹಾಗೂ ಪತ್ನಿಯ ನಡವಳಿಕೆಗಳು, ಗುಣಾವಗುಣಗಳು ಒಬ್ಬರ ಮೇಲೆ ಇನ್ನೊಬ್ಬರದ್ದು ಪರಿಣಾಮ ಬೀರುತ್ತದೆ. ಹಾಗಾಗಿ ಹೊಂದಾಣಿಕೆ ಚೆನ್ನಾಗಿರಬೇಕು ಎಂದರೆ ಶಾಸ್ತ್ರದಲ್ಲಿ ತಿಳಿಸಿರುವಂತೆ ಹಿರಿಯರು ಹೇಳಿದಂತೆ ನಡೆದುಕೊಳ್ಳಬೇಕು.
ಗೃಹಸ್ಥಾಶ್ರಮಕ್ಕೆ ಕಾಲಿಟ್ಟ ಮೇಲೆ ಆ ವ್ಯಕ್ತಿ ಹೇಗೆ ಬದಲಾಗಬೇಕು ಅಥವಾ ಯಾವೆಲ್ಲಾ ಅಭ್ಯಾಸಗಳನ್ನು ರೂಢಿಸಿಕೊಳ್ಳಬೇಕು ಎನ್ನುವುದನ್ನು ಶಾಸ್ತ್ರದಲ್ಲಿ ತಿಳಿಸಲಾಗಿದೆ. ಜೊತೆಗೆ ಮನೆ ಯಾವ ರೀತಿ ಇರಬೇಕು ಎನ್ನುವುದನ್ನು ವಾಸ್ತುಶಾಸ್ತ್ರವು ಹೇಳುತ್ತದೆ. ಈ ಅಂಕಣದಲ್ಲಿಯೂ ಸಹ ಅದೇ ರೀತಿ ಪತಿ ಪತ್ನಿಗೆ ಅನ್ವಯಿಸುವಂತಹ ಕೆಲವು ಪ್ರಮುಖ ವಿಷಯಗಳ ಬಗ್ಗೆ ತಿಳಿಸಿಕೊಡುತ್ತಿದ್ದೇವೆ. ಇನ್ನು ಮುಂದೆ ಇವುಗಳನ್ನು ಪಾಲಿಸಿ ಕುಟುಂಬದಲ್ಲಿ ಶಾಂತಿ ಹಾಗೂ ನೆಮ್ಮದಿಯಿಂದ ಇರಿ.
● ಪತಿ ಪತ್ನಿ ಮಲಗುವ ಹಾಸಿಗೆಯ ಎರಡು ಭಾಗದಲ್ಲೂ ಕೂಡ ಸ್ವಲ್ಪ ಜಾಗ ಇರಬೇಕು.
● ಯಾವಾಗಲೂ ಹಾಸಿಗೆಯ ಬಲಭಾಗದಲ್ಲಿ ಪತಿ ಮತ್ತು ಎಡ ಭಾಗದಲ್ಲಿ ಪತ್ನಿ ಮಲಗಬೇಕು ಎನ್ನುವುದನ್ನು ಶಾಸ್ತ್ರ ಹೇಳುತ್ತದೆ.
● ರಾತ್ರಿ ನಿದ್ರೆಯಲ್ಲಿ ನಿಮಗೆ ಪದೇಪದೇ ಎಚ್ಚರ ಆಗುತ್ತಿದ್ದರೆ ನೀವು ಮಲಗುವ ಜಾಗವನ್ನು ಬದಲಾಯಿಸಿ ಅಥವಾ ಆ ವಾತಾವರಣ ಬಿಟ್ಟು ಬೇರೆ ಕಡೆ ಮಲಗಿ.
● ವಾಸ್ತು ಪ್ರಕಾರವಾಗಿ ವಿವಾಹಿತ ಜೋಡಿಗಳು ತಲೆಯನ್ನು ದಕ್ಷಿಣದ ಕಡೆಗೆ ಅಥವಾ ಆಗ್ನೇಯ ದಿಕ್ಕಿನ ಕಡೆಗೆ ಇಟ್ಟು ಯಾವಾಗಲೂ ಮಲಗಬೇಕು.
● ಮಲಗುವಾಗ ಯಾವುದೇ ಕಾರಣಕ್ಕೂ ಉತ್ತರದ ಕಡೆಗೆ ತಲೆ ಇಟ್ಟು ಮಲಗಬಾರದು ಎನ್ನುವುದು ಕೂಡ ಶಾಸ್ತ್ರದಲ್ಲಿ ಉಲ್ಲೇಖಿತವಾಗಿದೆ.
● ಪ್ರತಿ ದಿನ ಎದ್ದ ತಕ್ಷಣ ಸೂರ್ಯೋದಯವನ್ನು ನೋಡುವ ಅಭ್ಯಾಸ ಮಾಡಿಕೊಳ್ಳಬೇಕು.
● ಸೂರ್ಯೋದಯಕ್ಕೂ ಮುನ್ನ ಏಳುವ ಅಭ್ಯಾಸವನ್ನು ತಪ್ಪದೆ ರೂಢಿ ಮಾಡಿಕೊಂಡರೆ ಉತ್ತಮ.
● ಮಲಗುವ ಕೋಣೆಯಲ್ಲಿ ಗಾಳಿ ಬರಲು ಕಿಟಕಿಯ ವ್ಯವಸ್ಥೆ ಇರಬೇಕು.
● ರಾತ್ರಿ ಹೊತ್ತು ಇದು ನೀರು ಕುಡಿಯುವ ಅಭ್ಯಾಸ ಇದ್ದರೆ ಹತ್ತಿರದಲ್ಲಿ ಒಂದು ಬಾಟೆಲ್ ಅಥವಾ ಲೋಟದಲ್ಲಿ ನೀರು ತಂದು ಇಟ್ಟುಕೊಳ್ಳುವ ಅಭ್ಯಾಸ ಮಾಡಿಕೊಳ್ಳಬೇಕು.
● ಪತಿ ಯಾವುದಾದರೂ ಶುಭ ಕಾರ್ಯಕ್ಕೆ ಮನೆಯಿಂದ ಹೊರಟ ಮೇಲೆ ಪತ್ನಿ ಮನೆಯಲ್ಲಿ ತಲೆ ಸ್ನಾನ ಮಾಡಬಾರದು.
● ಪತಿ ಕೆಲಸಕ್ಕೆ ಅಥವಾ ಇನ್ಯಾವುದೋ ಕಾರಣಕ್ಕೆ ಮನೆಯಿಂದ ಹೋದ ತಕ್ಷಣ ಮನೆಯಲ್ಲಿ ಕಸ ಗುಡಿಸಬಾರದು ಮನೆಯನ್ನು ಒರೆಸಬಾರದು.
ವಾಸ್ತು ಶಾಸ್ತ್ರದ ಪ್ರಕಾರ ಮನೆ ಎನ್ನುವುದಕ್ಕೆ ಬಹಳ ಪ್ರಾಶಸ್ತ್ಯ ಇದೆ. ಅದರಲ್ಲೂ ಪತಿ ಪತ್ನಿ ಮಕ್ಕಳು ಒಟ್ಟಿಗೆ ವಾಸಿಸುವ ಮನೆಯು ನಂದಗೋಕುಲ ಎಂದರು ತಪ್ಪಾಗಲಾರದು. ಆದ ಕಾರಣ ಯಾವುದೇ ದೋಷ ಉಂಟಾಗದಂತೆ ವಾಸ್ತು ಹಾಳಾಗದಂತೆ ಎಚ್ಚರಿಕೆವಹಿಸಿ ಮನೆಯಲ್ಲಿ ಗೃಹಿಣಿ ಆದವಳು ಎಲ್ಲದರ ಬಗ್ಗೆ ಗಮನ ಕೊಟ್ಟು ನೋಡಿಕೊಳ್ಳಬೇಕು.
ಜೊತೆಗೆ ಮನೆಯ ಏಳಿಗೆಗೆ ಯಾವ ರೀತಿ ಮನೆಯಲ್ಲಿ ಪೂಜೆ ಮಾಡಬೇಕು, ವ್ರತ ಮಾಡಬೇಕು ಎನ್ನುವುದರ ಬಗ್ಗೆ ಮತ್ತು ಮನೆಯಲ್ಲಿರುವ ವಸ್ತುಗಳ ಬಗ್ಗೆ ಮನೆಯ ಶುದ್ಧತೆ ಬಗ್ಗೆ ಹಾಗೂ ಮನೆಯಲ್ಲಿ ನಕಾರಾತ್ಮಕ ಶಕ್ತಿಗಳು ಉಂಟಾಗದಂತೆ ಮನೆಯ ವಾತಾವರಣ ಯಾವಾಗಲೂ ಶಾಂತಿಯುತವಾಗಿ ಸಕಾರಾತ್ಮಕವಾಗಿ ಇರುವಂತೆ ನೋಡಿಕೊಳ್ಳಬೇಕು.
ಹೀಗಾಗಬೇಕು ಎಂದರೆ ತಪ್ಪದೇ ಪ್ರತಿದಿನವೂ ಬೆಳಗ್ಗೆ ಮತ್ತು ಸಂಜೆ ಮನೆಯಲ್ಲಿ ಮನೆದೇವರ ಹೆಸರು ಹೇಳಿ ದೀಪ ಹಚ್ಚಿ ಪ್ರಾರ್ಥನೆ ಮಾಡಬೇಕು. ಮನೆಯಲ್ಲಿ ಇರುವ ಗೃಹಿಣಿ ಅಥವಾ ದಂಪತಿಗಳಲ್ಲಿ ಪತ್ನಿಯ ಮೇಲೆ ಈ ರೀತಿ ಹೊಣೆಗಾರಿಕೆ ಇರುತ್ತದೆ. ಅದನ್ನು ತಪ್ಪದೇ ಆಚರಿಸಿ ಕುಟುಂಬದ ಸೌಖ್ಯ ಕಾಯ್ದುಕೊಳ್ಳಿ.