ಅರಿಶಿಣ ಶಾಸ್ತ್ರದ ಫೋಟೋಸ್ ಹಂಚಿಕೊಂಡ ಸಿಂಹಪ್ರಿಯ ಜೋಡಿ. ಕಳೆದ ಒಂದು ವರ್ಷದಿಂದ ಸಾಕಷ್ಟು ಸೆಲೆಬ್ರಿಟಿಗಳು (Celebrates) ಮದುವೆ ಬಂಧನಕ್ಕೆ (Marriage) ಒಳಗಾಗುತ್ತಿದ್ದಾರೆ. ಕಳೆದ ವರ್ಷವೇ ಹಲವಾರು ಮಂದಿ ಎಂಗೇಜ್ಮೆಂಟ್ (Engagement) ಮಾಡಿಕೊಂಡು ಮದುವೆಯ ಆಗಿದ್ದರೆ, ವರ್ಷಾಂತದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡವರು ಈ ವರ್ಷದ ಆರಂಭದಲ್ಲೇ ಮದುವೆ ಆಗವುದಕ್ಕೆ ಸಕಲ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ.
ಈಗ ವರ್ಷದ ಮೊದಲ ಸೆಲಬ್ರೆಟಿ ಜೋಡಿ ಆಗಿ ಹರಿಪ್ರಿಯ (Haripriya) ಮತ್ತು ವಸಿಷ್ಠ ಸಿಂಹ (Vasista Simha) ಅವರು ಮದುವೆ ಆಗುತ್ತಿದ್ದಾರೆ. ನವಂಬರ್ ತಿಂಗಳ ಅಂತ್ಯದಲ್ಲಿಯೇ ಇವರಿಬ್ಬರ ನಿಶ್ಚಿತಾರ್ಥ ಕೂಡ ಆಗಿತ್ತು, ಆದರೆ ಇವರಿಬ್ಬರು ವರ್ಷದ ಹಿಂದೆ ಪ್ರೀತಿಯಲ್ಲಿ ಬಿದ್ದಿದ್ದರು ಎನ್ನುವ ಗುಟ್ಟನ್ನು ಎಲ್ಲೂ ಬಿಟ್ಟು ಕೊಟ್ಟಿರಲಿಲ್ಲ. ತಮ್ಮ ಪ್ರೀತಿ ವಿಷಯವನ್ನು ರಹಸ್ಯವಾಗಿಯೇ ಇಟ್ಟುಕೊಂಡಿದ್ದ ಇಬ್ಬರೂ ಎಂಗೇಜ್ಮೆಂಟ್ ಆಗುವ ಕೆಲ ದಿನಗಳ ಹಿಂದಷ್ಟೇ ಅದನ್ನು ಹಂಚಿಕೊಂಡಿದ್ದಾರೆ.
ಇಬ್ಬರು ಒಟ್ಟಿಗೆ ಸಮಯ ಕಳೆಯುತ್ತಿದ್ದ ಫೋಟೋಗಳು ಹಾಗೂ ವಿಡಿಯೋಗಳನ್ನು ಇಬ್ಬರು ಸಹ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡಿದ್ದರು. ಮೊದಮೊದಲಿಗೆ ಯಾವುದೋ ಸಿನಿಮಾದ ಶೂಟಿಂಗ್ ಇರಬೇಕು ಎಂದುಕೊಂಡಿದ್ದ ಅಭಿಮಾನಿಗಳಿಗೆ ದಿಢೀರ್ ಎಂದು ನಿಶ್ಚಿತಾರ್ಥ ಆಗುವ ಮೂಲಕ ಸರ್ಪ್ರೈಸ್ ಕೊಟ್ಟಿದ್ದರು. ನಾಯಿಮರಿಕೊಟ್ಟು ವಸಿಷ್ಠ ಸಿಂಹ ಅವರು ಪ್ರೀತಿಯ ಪ್ರಪೋಸ್ (love propose) ಮಾಡಿದ ವಿಷಯವನ್ನು ಅದೇ ನಾಯಿಮರಿ ಜೊತೆ ವಿಡಿಯೋ ಮಾಡಿ ಹರಿಪ್ರಿಯಾ ಹರಿಬಿಟ್ಟಿದ್ದರು.
ಆ ಬಳಿಕ ಎಲ್ಲರಿಗೂ ದೃಢಪಟ್ಟಿತ್ತು ಇವರಿಬ್ಬರು ಪ್ರೀತಿಸಿ ಜೋಡಿಯಾಗುತ್ತಿದ್ದಾರೆ ಎಂದು. ಇದಾದ ಬಳಿಕ ಪ್ರತಿದಿನ ಕೂಡ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಅವರ ಜೋಡಿ ಬಗ್ಗೆ ಸಾಕಷ್ಟು ಸುದ್ದಿಗಳು ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಾಗುತ್ತಲೇ ಇವೆ. ಕಳೆದ ಒಂದು ವಾರದಿಂದ ಇಬ್ಬರು ಜೋಡಿಯಾಗಿ ಒಂದೇ ರೀತಿಯ ಒಂದೇ ಬಣ್ಣದ ಉಡುಗೆ ತೊಟ್ಟು ಸಾಕಷ್ಟು ಸೆಲೆಬ್ರೆಟಿಗಳ ಮನೆಗೆ ಹೋಗಿ ಸಿಂಹಪ್ರಿಯ ಮದುವೆಗೆ ಆಹ್ವಾನ ಪತ್ರಿಕೆಯನ್ನು ಕೊಟ್ಟು ಬಂದಿದ್ದಾರೆ.
ಶಿವರಾಜಕುಮಾರ್, ರವಿಚಂದ್ರನ್, ಸುಮಲತಾ ಅಂಬರೀಶ್, ಸುದೀಪ್ ಇನ್ನು ಸಾಕಷ್ಟು ತಾರೆಗಳ ಮನೆಗೆ ಇಬ್ಬರು ಒಟ್ಟೊಟ್ಟಿಗೆ ಹೋಗಿ ಮದುವೆ ಓಲೆ (Marriage Invitation) ಹಂಚಿ ಬಂದಿದ್ದ ಫೋಟೋಗಳನ್ನು ಕೂಡ ಶೇರ್ ಮಾಡಿದ್ದರು. ಈ ದಿನ ಅವರ ಅರಿಶಿಣ ಶಾಸ್ತ್ರ ( Yellow ceremony) ನಡೆದಿದೆ, ಅರಿಶಿನ ಶಾಸ್ತ್ರದ ಫೋಟೋಗಳನ್ನು ಕೂಡ ಇಬ್ಬರು ತಮ್ಮ instagram ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸುತ್ತಲೂ ಅರಿಶಿನದ ಹೂ ಮತ್ತು ಹಳದಿ ವಸ್ತುಗಳಿಂದ ಅಲಂಕೃತವಾದ ಸೆಟ್ಟಿನಲ್ಲಿ ಬಿಳಿ ಬಟ್ಟೆಯಲ್ಲಿ ರಾಜಕುಮಾರ ಹಾಗೂ ರಾಜಕುಮಾರಿಯಂತೆ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಜೋಡಿ ಕಂಗೊಳಿಸುತ್ತಿದ್ದಾರೆ.
ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಅವರು ಎಂದೂ ಒಟ್ಟಿಗೆ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ ಆದರೆ ಇವರಿಬ್ಬರ ನಡುವೆ ಪ್ರೀತಿ ಮೂಡಿದೆ ಎನ್ನುವುದೇ ತುಂಬಾ ಕುತೂಹಲದ ವಿಚಾರ. ಇನ್ನು ಹೇಳಬೇಕು ಎಂದರೆ ವಸಿಷ್ಠ ಸಿಂಹ ಅವರಿಗಿಂತ ಮುಂಚೆಯೇ ಹರಿಪ್ರಿಯಾ ಅವರು ತಮ್ಮ ಕೆರಿಯರ್ ಶುರು ಮಾಡಿದ್ದರು. ಆದರೂ ಹರಿಪ್ರಿಯಾ ಅವರ ಗುಣಕ್ಕೆ ಮನಸೋತು, ಹರಿಪ್ರಿಯಾ ಅವರಿಗೆ ಪ್ರೀತಿಗೆ ಬಿದ್ದು ಅವರ ಮನ ಒಲಿಸಿ ಸಂಗಾತಿಯನ್ನಾಗಿ ಮಾಡಿಕೊಂಡಿದ್ದಾರೆ ಸಿಂಹ. ಈಗ ಇವರು ಕರ್ನಾಟಕದಲ್ಲಿ ಸಿಂಹ ಪ್ರಿಯ ಜೋಡಿ ಎಂದೇ ಹೆಸರಾಗುತ್ತಿದ್ದಾರೆ.
ನಮ್ಮಲ್ಲಿ ವಿಷ್ಣುವರ್ಧನ್ ಅವರ ಕಾಲದಿಂದ ಹಿಡಿದು ಈಗಿನ ಯಶ್ ಅವರವರೆಗೂ ಸಾಕಷ್ಟು ತಾರೆಗಳು ತಮ್ಮ ರಂಗದಲ್ಲಿರುವ ಆಯ್ದುಕೊಂಡು ಸಂಗಾತಿ ಮಾಡಿಕೊಂಡಿದ್ದಾರ ಮತ್ತು ಸಾಕಷ್ಟು ವರ್ಷಗಳವರೆಗೆ ಸುಖೀ ದಾಂಪತ್ಯವನ್ನು ನಡೆಸಿದ್ದಾರೆ. ಈಗ ಹೊಸ ಬದುಕಿನ ಹೊಸಿಲಲ್ಲಿ ನಿಂತಿರುವ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಕೂಡ ಅವರಂತೆ ಮಾದರಿ ಜೋಡಿಗಳಾಗಿ ನೂರು ಕಾಲ ಜೊತೆಯಾಗಿ ಸುಖವಾಗಿ ಬಾಳಲಿ ಎಂದು ಹರಸೋಣ.