ಮೋಕ್ಷಿತ ಈ ಹೆಸರು ಕೇಳಿದರೆ ಬಹುತೇಕ ಜನರಿಗೆ ತಿಳಿಯುವುದೇ ಇಲ್ಲ ಆದರೆ ಪಾರು ಎಂದ ತಕ್ಷಣ ಎಲ್ಲರಿಗೂ ನೆನಪಾಗುವುದು ಅಖಿಲಾಂಡೇಶ್ವರಿಯ ಆಸ್ಥಾನದಲ್ಲಿ ಅಡುಗೆ ಕೆಲಸ ಮಾಡುತ್ತಿರುವ ಈ ಪಾರ್ವತಿ. ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಪಾರು ಎನ್ನುವ ಹೆಸರಾಂತ ಧಾರಾವಾಹಿಯಲ್ಲಿ ಪಾರ್ವತಿ ಎನ್ನುವ ಮುಖ್ಯ ಪಾತ್ರವನ್ನು ನಿರ್ವಹಿಸುತ್ತಿರುವ ಈ ನಟಿಯ ಹೆಸರೇ ಮೋಕ್ಷಿತಾ ಪೈ. ಅಖಿಲಾಂಡೇಶ್ವರಿ ಮನೆಯಲ್ಲಿ ಅಡುಗೆ ಮನೆಗೆ ಮನೆ ಕೆಲಸದವಳಾಗಿ ಸೇರಿಕೊಂಡ ಈ ಪಾರ್ವತಿ ನಂತರ ಆ ಮನೆಯ ಮೊದಲ ಮಗ ಆದಿ ಅವರ ಕೈ ಹಿಡಿದು ಕುಟುಂಬದ ಹಿರಿ ಸೊಸೆಯಾಗುತ್ತಾರೆ. ಕನ್ನಡದಲ್ಲಿ ಈ ಕಥೆ ಇಲ್ಲಿಯವರೆಗೂ ನಾನಾ ತಿರುಗುಗಳನ್ನು ಪಡೆದುಕೊಂಡು ಆದಿ ಮತ್ತು ಪಾರು ಮದುವೆಯಾಗಿ ಅಖಿಲಾಂಡೇಶ್ವರಿಯ ಕ್ಷಮೆ ಕೇಳುವ ಹಾಗೂ ಅವರ ಮನವನ್ನು ಗೆಲ್ಲುವ ಪ್ರಯತ್ನ ಪಡುತ್ತಿರುವಷ್ಟು ಹಂತಕ್ಕೆ ಬಂದು ತಲುಪಿದೆ.
ಈ ಧಾರಾವಾಹಿಯಲ್ಲಿ ಪಾರು ಎನ್ನುವ ಹಳ್ಳಿ ಹುಡುಗಿಯ ಪಾತ್ರ ಮಾಡಿರುವ ಮೋಕ್ಷಿತ ಪೈ ಅವರ ಅಭಿನಯಕ್ಕೆ ಮನ ಸೋಲದೆ ಇರುವವರೇ ಇಲ್ಲ. ಹೆಚ್ಚಾಗಿ ಅಕ್ಷರ ಕಲಿಯದೇ ಇದ್ದರೂ ಯಜಮಾನಿ ಮನೆ ಮೇಲೆ ಅತ್ಯಂತ ಅಭಿಮಾನ ಹೊಂದಿರುವ ಪಾರು ಅಖಿಲಾಂಡೇಶ್ವರಿ ಕುಟುಂಬದ ಎಲ್ಲಾ ಸಮಸ್ಯೆಗಳನ್ನು ಕೂಡ ಪರಿಹಾರ ಮಾಡುವ ಸಾಹಸಕ್ಕೆ ಕೈ ಹಾಕುತ್ತಾಳೆ. ಅಖಿಲಾಂಡೇಶ್ವರಿಯು ಸಹ ಇದುವರೆಗೆ ಪಾರು ಮೇಲೆ ಬಹಳ ಪ್ರೀತಿ ಹಾಗೂ ವಿಶ್ವಾಸವನ್ನು ಇಟ್ಟುಕೊಂಡಿದ್ದರು. ಆದರೆ ಆದಿ ಮತ್ತು ಪಾರು ವಿವಾಹವಾಗಿರುವ ವಿಷಯ ತಿಳಿದ ಮೇಲೆ ಪಾರ್ವತಿಯ ಮೇಲೆ ಅಖಿಲಾಂಡೇಶ್ವರಿ ಕೋಪ ತಾರಕಕ್ಕೇರಿದೆ. ದಿನಕ್ಕೊಂದು ಟಾಸ್ಕ್ ಕೊಡುವ ಮೂಲಕ ಪಾರ್ವತಿಗೆ ಆ ಮನೆಯ ಜವಾಬ್ದಾರಿ ಹೊರುವ ಅರ್ಹತೆ ಇದೆಯೇ ಎಂದು ಪರೀಕ್ಷೆ ಮಾಡುತ್ತಿದ್ದಾರೆ ಮನೆ ಒಡತಿ ಅಖಿಲಾಂಡೇಶ್ವರಿ ಅವರು.
ಈ ಕಥೆಯೂ ಕಳೆದ ಎರಡು ವರ್ಷಗಳಿಂದ ಕನ್ನಡ ಕಿರುತೆರೆಯ ಪ್ರೇಕ್ಷಕರ ಮನ ಗೆದ್ದಿದ್ದು ಮೋಕ್ಷಿತಾ ಪೈ ಅವರಿಗೆ ಸಾಕಷ್ಟು ಹೆಸರನ್ನು ತಂದುಕೊಟ್ಟಿದೆ. ಮಾಡಲ್ ಆಗಿ ಕೂಡ ಇರುವ ಮೋಕ್ಷಿತ ಅವರು ಧಾರಾವಾಹಿಯ ನಟನೆ ಜೊತೆಗೆ ಹಲವಾರು ಜಾಹೀರಾತುಗಳನ್ನು ಕೂಡ ಕಾಣಿಸಿಕೊಂಡಿದ್ದಾರೆ. ಮತ್ತು ಇತ್ತೀಚೆಗೆ ಅವರಿಗೆ ಬೇರೆ ಭಾಷೆಯಿಂದ ಕೂಡ ಆಫರ್ಗಳು ಹೆಚ್ಚಾಗಿ ಬರುತ್ತಿದೆಯಂತೆ. ಸದ್ಯಕ್ಕೆ ಮೋಕ್ಷಿತ ಪೈ ಅವರು ತಮಿಳಿನ ಧಾರಾವಾಹಿ ಒಂದರಲ್ಲಿ ಅಭಿನಯಿಸಲು ಒಪ್ಪಿಗೆ ನೀಡಿದ್ದಾರಂತೆ. ಆ ಧಾರವಾಹಿ ಬೇರೆ ಯಾವುದೂ ಅಲ್ಲ ಕನ್ನಡದಲ್ಲಿ ಪುಟ್ಟಕ್ಕನ ಮಕ್ಕಳು ಎನ್ನುವ ಹೆಸರಿನಲ್ಲಿ ಪ್ರಸಾರವಾಗುತ್ತಿರುವ ಕನ್ನಡದ ಹಿರಿಯ ಕಲಾವಿದೆ ಉಮಾಶ್ರೀ ಅವರು ಮುಖ್ಯ ಭೂಮಿಕೆಯಲ್ಲಿ ಇರುವ ಪುಟ್ಟಕ್ಕನ ಮಕ್ಕಳು ಧಾರಾವಾಹಿ. ಈ ಧಾರಾವಾಹಿಯು ತಮಿಳಿನಲ್ಲೂ ಕೂಡ ರಿಮೇಕ್ ಆಗುತ್ತಿದೆ. ಈ ಧಾರಾವಾಹಿಯಲ್ಲಿ ಪುಟ್ಟಕ್ಕನಿಗೆ ಇರುವ ಮೂರು ಮಕ್ಕಳಲ್ಲಿ ಎರಡನೇ ಮಗಳಾದ ಸ್ನೇಹ ಪಾತ್ರವು ಬಹಳ ಖಡಕ್ ಆಗಿದೆ.
ಈಗ ಮೋಕ್ಷಿತ ಪೈ ಅವರು ಪುಟ್ಟಕ್ಕ ಮಕ್ಕಳು ಧಾರವಾಹಿಯ ಸ್ನೇಹ ಪಾತ್ರವನ್ನು ತಮಿಳುನಲ್ಲಿ ಮಾಡಲು ಒಪ್ಪಿಕೊಂಡಿದ್ದಾರಂತೆ. ಈ ಧಾರಾವಾಹಿಗೆ ಸಂಬಂಧಪಟ್ಟ ಪೋಸ್ಟರ್ಗಳು ಎಲ್ಲಾ ಕಡೆ ಹರಿದಾಡುತ್ತಿದ್ದು ಮೋಕ್ಷಿತಾ ಅವರು ಅದರಲ್ಲಿ ಅಭಿನಯಿಸುವುದು ಖಚಿತವಾಗಿದೆ. ಹಾಗಾದರೆ ಪಾರು ಧಾರಾವಾಹಿಯಲ್ಲಿ ಅವರು ಇನ್ನು ಮುಂದೆ ಕಾಣಿಸಿಕೊಳ್ಳುವುದಿಲ್ಲವಾ ಎನ್ನುವ ಪ್ರಶ್ನೆಗೆ ನೇರವಾಗಿ ಅವರೇ ಉತ್ತರ ಕೊಟ್ಟಿರುವ ಮೋಕ್ಷಿತಾ ಅವರು ಯಾವುದೇ ಕಾರಣಕ್ಕೂ ನಾನು ಕನ್ನಡದಲ್ಲಿ ಪಾರು ಧಾರಾವಾಹಿ ಅಭಿನಯ ನಿಲ್ಲಿಸುವುದಿಲ್ಲ. ಎರಡು ಧಾರಾವಾಹಿಗಳಿಗೂ ಕೂಡ ಸಮಯ ಹೊಂದಿಸಿಕೊಂಡು ಭಾಗಿಯಾಗಲಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. ಇದೇ ರೀತಿ ನಮ್ಮ ಕನ್ನಡದ ಕಲಾವಿದರಿಗೆ ಬೇರೆ ಭಾಷೆಗಳಲ್ಲಿ ಕೂಡ ಇನ್ನಷ್ಟು ಹೆಚ್ಚಿನ ಅವಕಾಶಗಳು ಸಿಗುವಂತಾಗಲಿ ಎಂದು ಹಾರೈಸೋಣ. ಪಾರು ಸೀರಿಯಲ್ ಬಗ್ಗೆ ನಿಮ್ಮ ಅಭಿಪ್ರಾಯವೇನು.? ಕಾಮೆಂಟ್ ಮುಖಾಂತರ ತಿಳಿಸಿ