ನನಸಾದ ಯಶ್ ಕನಸು, ಮುಂದಿನ ಸಿನಿಮಾಗೆ ಮಗಳೇ ನಿರ್ಮಾಪಕಿ.

ರಾಕಿಂಗ್ ಸ್ಟಾರ್ ಯಶ್ ಅವರ ಕೆಜಿಎಫ್ ಟು ಸಿನಿಮಾ ಭಾರತದಾದ್ಯಂತ ಹೊಸ ಚರಿತ್ರೆಯನ್ನೇ ಸೃಷ್ಟಿಸಿದೆ. ಸದ್ಯಕ್ಕೆ ಕಲೆಕ್ಷನ್ ವಿಚಾರವಾಗಿ ಮತ್ತಿತರ ವಿಚಾರವಾಗಿ ಭಾರತ ಸಿನಿಮಾ ಇಂಡಸ್ಟ್ರಿಯ ನಂಬರ್ ಒನ್ ಸಿನಿಮಾ ಮತ್ತು ಕನ್ನಡ ಸಿನಿಮಾ ಇಂಡಸ್ಟ್ರಿಯ ನಂಬರ್ ಒನ್ ಸಿನಿಮಾ ಸ್ಥಾನದಲ್ಲಿರುವ ಕೆಜಿಎಫ್ ಟು ಸಿನಿಮಾ ಆದಮೇಲೆ ಅವರು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಬೆಳೆದಿದ್ದಾರೆ.

ಹೀಗಾಗಿ ಕನ್ನಡಿಗರಿಗೆ ಮಾತ್ರವಲ್ಲದೆ ದೇಶದ ಎಲ್ಲಾ ರಾಕಿ ಭಾಯ್ ಅಭಿಮಾನಿಗಳಿಗೆ ಅವರ ಮುಂದಿನ ನಡೆ ಬಗ್ಗೆ ಬಾರಿ ಕುತೂಹಲ ಇದೆ. ಈಗಾಗಲೇ ಯಶ್ ಅವರ ಮುಂದಿನ ಸಿನಿಮಾ ಯಾವುದು? ಇದಕ್ಕೆ ಡೈರೆಕ್ಷನ್ ಯಾರು ಮಾಡುತ್ತಾರೆ, ಯಾವ ಪ್ರೊಡಕ್ಷನ್ ಹೌಸ್ ನಲ್ಲಿ ಸಿನಿಮಾ ಎಷ್ಟು ಬಜೆಟ್ ಅಲ್ಲಿ ತಯಾರಾಗುತ್ತದೆ, ನಾಯಕಿ ಯಾರಾಗಿರುತ್ತಾರೆ.

ಕಥೆ ಏನು ಎನ್ನುವುದರ ಬಗ್ಗೆ ಸಾಕಷ್ಟು ಚರ್ಚೆಗಳು ಊಹಾಪೋಹಗಳು ಹರಿದಾಡಿದ್ದು ರಾಕಿ ಭಾಯ್ ಮಾತ್ರ ಯಾವುದಕ್ಕೂ ಸ್ಪಷ್ಟನೆ ನೀಡಿಲ್ಲ. ಕಳೆದ ಕೆಲವು ದಿನಗಳ ಹಿಂದೆ ಯಶ್ ಅವರ ಸೋಶಿಯಲ್ ಮೀಡಿಯಾ ಖಾತೆಯಿಂದ ಹಾಲಿವುಡ್ ನಿರ್ದೇಶಕರೊಬ್ಬರ ಜೊತೆ ಅವರು ತೆಗೆಸಿಕೊಂಡಿದ್ದ ಮತ್ತು ಶೂಟಿಂಗ್ ಕಲಿಯಲು ಅವರು ತೊಡಗಿಕೊಂಡಿರುವುದಕ್ಕೆ.

ಸಂಬಂಧಪಟ್ಟ ಫೋಟೋಗಳು ಅಪ್ಲೋಡ್ ಆಗಿದ್ದರಿಂದ ಹಾಲಿವುಡ್ ಸಿನಿಮಾದಲ್ಲಿ ಯಶ್ ಅಭಿನಯಿಸಲಿದ್ದಾರೆ ಅದಕ್ಕಾಗಿ ತಾಲೀಮು ನಡೆಸುತ್ತಿದ್ದಾರೆ ಎಂದು ಸುದ್ದಿ ಆಗಿತ್ತು. ನಂತರ ಆ ವಿಚಾರವಾಗಿ ಮಾತೇ ಇಲ್ಲ ಹೀಗಾಗಿ ಕೆಜಿಎಫ್ ತ್ರೀ ಸಿನಿಮಾ ಬಗ್ಗೆ ಎಲ್ಲರೂ ಮಾತನಾಡಿಕೊಳ್ಳಲು ಶುರು ಮಾಡಿದರು. ಕೆಜಿಎಫ್ ತ್ರೀ ಶೂಟಿಂಗ್ ಶುರು ಆಗಿದೆ ಎನ್ನುವಷ್ಟರ ಮಟ್ಟಿಗೆ ಹರಡಿದ ಸುದ್ದಿ ಕೂಡ ಸ್ವಲ್ಪ ಸಮಯ ಆದ ಬಳಿಕ ತಣ್ಣಗಾಯಿತು.

ಮತ್ತು ಕೆವಿಎನ್ ಸಂಸ್ಥೆಯ ನಿರ್ಮಾಪಕರ ಜೊತೆ ಸೂರ್ಯ ಹಾಗೂ ಯಶ್ ಅವರು ತೆಗೆಸಿಕೊಂಡಿದ್ದ ಫೋಟೋ ಒಂದು ವೈರಲ್ ಆಗಿ ಮುಂದಿನ ಸಿನಿಮಾದ ಮಾತುಕತೆ ಬೀಳತಿಸಿಕೊಂಡಿರುವ ಫೋಟೋ ಇರಬೇಕು ಎನ್ನುವ ಅನುಮಾನ ಸೃಷ್ಟಿಸಿತ್ತು. ಆದರೆ ಈಗ ಗಾಂಧಿನಗರದಲ್ಲಿ ಯಶ್ ಮುಂದಿನ ಸಿನಿಮಾ ಬಗ್ಗೆ ಬೇರೆ ಮಾತು ಕೇಳಿ ಬರುತ್ತಿದೆ.

ರಾಕಿಂಗ್ ಸ್ಟಾರ್ ಯಶ್ ಅವರು ತಮ್ಮದೇ ಬ್ಯಾನರ್ ಅಡಿ ಸಿನಿಮಾ ನಿರ್ಮಾಣ ಮಾಡಲು ತಯಾರಾಗುತ್ತಿದ್ದು ಇದಕ್ಕೆ ಸಂಬಂಧಪಟ್ಟ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ ಎನ್ನುವ ಮಾತು ಕಥೆಗಳು ಜೋರಾಗಿದೆ. ತಮ್ಮ ಲಕ್ಕಿ ಮಗಳಾದ ಐರಾ ಹೆಸರಿನಲ್ಲಿಯೇ ಪ್ರೊಡಕ್ಷನ್ ಹೌಸ್ ತೆರೆಯಲು ರಾಕಿಂಗ್ ದಂಪತಿ ನಿರ್ಧರಿಸಿದ್ದು, ಯಶ್ 19ನೇ ಸಿನಿಮಾ ಇದೇ ಬ್ಯಾನರ್ ಅಡಿಯಲ್ಲಿ ಬರಲಿದೆ ಎಂದು ಮಾಹಿತಿ ಇದೆ.

ಇದು ಕೂಡ ಪ್ಯಾನ್ ಇಂಡಿಯಾ ಸಿನಿಮಾನಾ, ನಾಯಕಿ ಯಾರು, ಕಥೆ ಏನಿರಲಿದೆ ನಿರ್ದೇಶನ ಮಾಡುವುದು ಯಾರು ಎನ್ನುವ ಯಾವುದರ ಬಗ್ಗೆ ಕೂಡ ಮಾಹಿತಿ ಇಲ್ಲ ಆದರೆ ಮಗಳ ಹೆಸರಿನ ಸಂಸ್ಥೆ ಎನ್ನುವುದಷ್ಟೇ ನಿಖರವಾಗಿದೆ. ಈಗಾಗಲೇ ಶಿವಣ್ಣ, ಪುನೀತ್, ದರ್ಶನ್, ಸುದೀಪ್ ಎಲ್ಲಾ ಹೀರೋಗಳು ಕೂಡ ತಮ್ಮದೇ ಪ್ರೊಡಕ್ಷನ್ ಹೌಸ್ ತೆರೆದಿದ್ದಾರೆ.

ಮೊನ್ನೆ ಮೊನ್ನೆ ಅಷ್ಟೇ ಡಾಲಿ ಧನಂಜಯ್ ಅವರು ಈ ಪಿಕ್ಚರ್ಸ್ ಸಂಸ್ಥೆ ಸ್ಥಾಪಿಸಿ ಈಗಾಗಲೇ ಎರಡು ಸೂಪರ್ ಹಿಟ್ ಸಿನಿಮಾಗಳ ಸಕ್ಸಸ್ ಕಂಡು ಮುಂದಿನ ಸಿನಿಮಾದ ಅನೌನ್ಸ್ ಕೂಡ ಮಾಡಿಬಿಟ್ಟಿದ್ದಾರೆ. ಯಶ್ ಅಶರು ಕೂಡ ಅದೇ ಹಾದಿಯಲ್ಲಿ ಸಾಗುತ್ತಿದ್ದು ಅವರಿಗೂ ಶುಭವಾಗಲಿ ಎಂದು ಹಾರೈಸೋಣ.