ಜೀ ಕನ್ನಡ ವಾಹಿನಿಯಲ್ಲಿ (Zee kannada) ಪ್ರಸಾರವಾಗುತ್ತಿರುವ ಎಲ್ಲಾ ರಿಯಾಲಿಟಿ ಶೋಗಳು ಕೂಡ ಪ್ರೇಕ್ಷಕರ ಮನ ಗೆದ್ದಿವೆ. ಸರಿಗಮಪ (saregamapa) ಮತ್ತು ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ಇನ್ನೂ ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕ ವರ್ಗವಿದ್ದು ಅದೇ ಕಾರಣಕ್ಕಾಗಿ ಪದೇಪದೇ ಚಾನೆಲ್ ಕೂಡ ಇದರ ಸೀಸನ್ ಗಳನ್ನು ಏರ್ಪಡಿಸುತ್ತಿರುತ್ತದೆ. ಈಗಾಗಲೇ ಸರಿಗಮಪ ಕಾರ್ಯಕ್ರಮವು 19ನೇ ಸೀಸನ್ ಅಲ್ಲಿ ಯಶಸ್ವಿಯಾಗಿ ನಡೆಯುತ್ತಿದೆ. ಮತ್ತು ವೀಕೆಂಡ್ ವಿತ್ ಕಾರ್ಯಕ್ರಮವನ್ನು ಶುರು ಮಾಡುವಂತೆ ಪ್ರೇಕ್ಷಕ ವರ್ಗದಿಂದ ಭಾರಿ ಬೇಡಿಕೆ ಕೇಳಿ ಬರುತ್ತಿದೆ.
ಸದ್ಯಕ್ಕೆ ಚಾನೆಲ್ ಕೂಡ ಶೀಘ್ರದಲ್ಲೇ ವೀಕೆಂಡ್ ವಿತ್ ರಮೇಶ್ ಸೀಸನ್ 5 ಬರಲಿದೆ ಎನ್ನುವ ಸುಳಿವು ಕೊಟ್ಟಿದೆ ಇದಾದ ಬೆನ್ನಲ್ಲೇ ಈ ಸೀಸನ್ 5 ಸಾಧಕ ಯಾರು ಎನ್ನುವ ಕುರಿತು ಬಾರಿ ಕುತೂಹಲ ಏರ್ಪಟ್ಟಿದ್ದು ಆ ರಹಸ್ಯ ಕೂಡ ರೆಟ್ಟಾಗಿದೆ. ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಮೊದಲ ಸಾಧಕನಾಗಿ ಮೊದಲ ಸೀಸನ್ ಅಲ್ಲಿ ಪುನೀತ್ ರಾಜಕುಮಾರ್ (Punith raj kumar) ಅವರು ಪಾಲ್ಗೊಂಡಿದ್ದರು. ಇದಾದ ಬಳಿಕ ನಾನಾ ವಿಭಾಗಗಳಿಂದ ಹಲವು ಸಾಧಕರನ್ನು ಕರೆಸಿ, ಈ ಪೀಳಿಗೆ ಜನರಿಗೆ ಅವರ ಕಥೆಗಳನ್ನು ತಿಳಿಸಿ ಸ್ಪೂರ್ತಿ ತುಂಬಿಸುವ ಕೆಲಸವನ್ನು ಮಾಡಲಾಗಿತ್ತು.
ನಿರೂಪಕರಾದ ರಮೇಶ್ ಅರವಿಂದ್ (Ramesh Aravind) ಅವರು ಕಾರ್ಯಕ್ರಮಕ್ಕೆ ಶಕ್ತಿಯಾಗಿದ್ದು ಇಡೀ ತಂಡ ಸಮಾಜಮುಖಿಯಾದ ಇಂತಹ ಕಾರ್ಯಕ್ರಮ ಭಾಗವಾಗಿದೆ. ಈಗಾಗಲೇ ಈ ಕಾರ್ಯಕ್ರಮದಲ್ಲಿ ವೀರೇಂದ್ರ ಹೆಗಡೆ, ಸುಧಾ ಮೂರ್ತಿ, ಸಿದ್ದರಾಮಯ್ಯ, ದೇವೇಗೌಡ, ಯಶ್, ದರ್ಶನ್, ಸುದೀಪ್, ರಾಧಿಕಾ ಪಂಡಿತ್, ಇನ್ಫೋಸಿಸ್ ನಾರಾಯಣ ಮೂರ್ತಿ, ರವಿಚಂದ್ರನ್ ಇವರು ಸೇರಿದಂತೆ ಸಾಕಷ್ಟು ಸಾಧಕರು ಬಂದು ತಮ್ಮ ಜೀವನದ ಚಿತ್ರಣದ ಬಗ್ಗೆ ಅನುಭವಗಳನ್ನು ಹಂಚಿಕೊಂಡು ಹೋಗಿದ್ದಾರೆ.
ಈಗ ರಿಷಬ್ ಶೆಟ್ಟಿ (Rishabh shetty) ಅವರು ಐದನೇ ಸೀಸನ್ ನ ಮೊದಲ ಅತಿಥಿ ಆಗುತ್ತಿದ್ದು ಅವರ ಸಾಧನೆ ಕುರಿತು ಕಾರ್ಯಕ್ರಮದಲ್ಲಿ ಹೇಳಲಾಗುತ್ತದೆ. ರಿಷಬ್ ಶೆಟ್ಟಿ ಅವರ ಬಗ್ಗೆ ಈಗಾಗಲೇ ಕರ್ನಾಟಕಕ್ಕೆ ಮಾತ್ರವಲ್ಲದೆ ಇಡೀ ಭಾರತದ ಎಲ್ಲಾ ಚಿತ್ರರಂಗದವರಿಗೂ ತಿಳಿದಿದೆ. ಆದರೆ ಕಾಂತಾರ (Kanthara) ಸಕ್ಸಸ್ ಬರುವವರೆಗೂ ಇವರು ತುಳಿದಿದ್ದು ಬಹಳ ಕಷ್ಟದ ಹಾದಿ ಹಾಗೂ ಪಟ್ಟಿದ್ದು ಬಾರಿ ಪರಿಶ್ರಮ. ಕಾಂತಾರ ಎನ್ನುವ ಒಂದು ಚಿತ್ರದ ಮೂಲಕ ಕನ್ನಡ ನಾಡಿನ ಹಿರಿಮೆಯನ್ನು ಹೆಚ್ಚಿಸಿದ ಈ ನಟ ಮತ್ತು ನಿರ್ದೇಶಕನ ಬಗ್ಗೆ ಸಂಪೂರ್ಣವಾಗಿ ತಿಳಿದುಕೊಳ್ಳಲು ಇಡೀ ನಾಡು ಕಾದು ಕೂತಿದೆ.
ಸದ್ಯದಲ್ಲೇ ಎಲ್ಲರ ಆಸೆಯಂತೆ ಈ ಕಾರ್ಯಕ್ರಮದಲ್ಲಿ ರಿಷಬ್ ಶೆಟ್ಟಿ ಅವರು ಆ ಸೀಟ್ ಮೇಲೆ ಆಸೀನರಾಗುವುದು ನೋಡಿ ಕಣ್ತುಂಬಿಕೊಳ್ಳಬಹುದು. ಆದರೆ ಅದಕ್ಕಾಗಿ ರಿಷಬ್ ಶೆಟ್ಟಿ ಅವರು ಪಡೆಯುತ್ತಿರುವ ಸಂಭಾವನೆ ಬಗ್ಗೆ ಬಾರಿ ಚರ್ಚೆ ಆಗುತ್ತಿದೆ. ಬರೋಬ್ಬರಿ 8 ತಾಸುಗಳ ಕಾಲ ಶೂಟಿಂಗ್ ಆಗುವ ಈ ಪ್ರೋಗ್ರಾಮ್ ಅಲ್ಲಿ ಅತಿಥಿ ಆಗಿ ಭಾಗವಹಿಸಲು ರಿಷಭ್ ಶೆಟ್ಟಿ ಅವರಿಗೆ 4 ಕೋಟಿ ರೂಗಳನ್ನು ಸಂಭಾವನೆ ಆಗಿ ಕೊಡಲಾಗುತ್ತಿದೆಯಂತೆ. ಈ ಬಗ್ಗೆ ಚಾನೆಲ್ ಕಡೆಯಿಂದ ಆಗಲಿ ಅಥವಾ ರಿಷಬ್ ಶೆಟ್ಟಿ ಅವರ ಕಡೆಯಿಂದಾಗಲಿ ಸ್ಪಷ್ಟನೆ ಸಿಗದೇ ಇದ್ದರೂ ಇಂತಹದೊಂದು ಚರ್ಚೆ ನಡೆಯುತ್ತಿದೆ ಮತ್ತು ಇದೇ ಮೊದಲ ಬಾರಿಗೆ ಕಾರ್ಯಕ್ರಮದಲ್ಲಿ ಅತಿಥಿ ಆಗಿರುವವರ ಸಂಭಾವನೆ ಕುರಿತು ಚರ್ಚೆ ನಡೆಯುತ್ತಿದೆ.