ಜಾಕಿ ಗಾರ್ಮೆಂಟ್ಸ್ ನಿಂದ ಯಶಸ್ವಿ ಯೂಟ್ಯೂಬ್ ಚಾನೆಲ್ ವರೆಗೆ ರೇಖಾ ಅವರ ಜರ್ನಿ, ಸಾವಿರ ಸಂಬಳಕ್ಕೆ ಬಟ್ಟೆ ಹೊಲಿಯುತ್ತಿದವರಿಗೀಗ ಲಕ್ಷ ಲಕ್ಷ ಆದಾಯ, ಗಾರ್ಮೆಂಟ್ಸ್ ಗೆ ಹೋಗುವ ಹೆಣ್ಣು ಮಕ್ಕಳನ್ನು ತಪ್ಪಾಗಿ ಕಾಣುವವರೇ ಇಲ್ಲೊಮ್ಮೆ ನೋಡಿ.
ಹೆಣ್ಣು ಮನಸ್ಸು ಮಾಡಿದರೆ ಏನು ಬೇಕಾದರೂ ಮಾಡಬಲ್ಲಳು, ಪ್ರಾಮಾಣಿಕವಾಗಿ ಛಲ ಬಿಡದೆ ನಿರಂತರ ಪ್ರಯತ್ನ ಮಾಡುವ ಹಠವಾದಿಗಳಿಗೆ ಖಂಡಿತ ಯಶಸ್ಸು ದಕ್ಕುತ್ತದೆ ಎನ್ನುವುದಕ್ಕೆ ನೂರಾರು ಉದಾಹರಣೆಗಳಿವೆ. ಇಂತಹ ಸಾಧಕರ ಸಾಲಿಗೆ ಕನ್ನಡದ ಯಶಸ್ವಿ ಯೌಟ್ಯೂಬ್ ಚಾನೆಲ್ ರೇಖಾ ಅಡುಗೆ ಖ್ಯಾತಿಯ (Rekha aduge You tube channel) ರೇಖಾ ಕೂಡ ಸೇರುತ್ತಾರೆ.
ಹೆಚ್ಚೇನು ಓದಿಲ್ಲ, ಟೆಕ್ನಾಲಜಿ ಗೊತ್ತಿಲ್ಲ ಮನೆಯ ಕಷ್ಟಕ್ಕಾಗಿ ಗಾರ್ಮೆಂಟ್ಸ್ ಗೆ ಹೋಗುತ್ತಿದ್ದವರಿಗೆ ತಾನು ಕೂಡ ಹೆಸರು ಮಾಡಬೇಕು ಎನ್ನುವುದಷ್ಟೇ ಆಸೆ ಇತ್ತು. ಅಡುಗೆ ಮೇಲೆ ಅಪಾರ ಆಸಕ್ತಿ ಇದ್ದ ಇವರು ತಮ್ಮನ ಸಹಕಾರದಿಂದ ಇಂದು ಕನ್ನಡದ ಬಹುಬೇಡಿಕೆ ಶೆಫ್ ಆಗಿದ್ದಾರೆ ಎಂದೇ ಹೇಳಬಹುದು. ಯಾಕೆಂದರೆ ಎಲ್ಲಾ ಗೃಹಿಣಿಯರು, ಬ್ಯಾಚುಲರ್ ಗಳು, ಹೊಸದಾಗಿ ಅಡುಗೆ ಕಲಿಯುವವರು ಮತ್ತು ಹೊಸ ರುಚಿ ಬಯಸುವವರು ಕನ್ನಡದಲ್ಲಿ ಜನರು ಮೊದಲ ಸರ್ಚ್ ಮಾಡುವುದೇ ರೇಖಾ ಅಡುಗೆ ಚಾನೆಲ್ ಅಷ್ಟರಮಟ್ಟಿಗೆ ಈಕೆ ಫೇಮಸ್ ಆಗಿದ್ದಾರೆ.
ಇವರ ಈ ಪ್ರಯತ್ನಕ್ಕೆ ಇನ್ಸ್ಪಿರೇಷನ್ (Inspiration) ಕೇಳುವುದಾದರೆ ಇದಕ್ಕೆಲ್ಲ ಸ್ಪೂರ್ತಿ ಜಾಕಿ ಗಾರ್ಮೆಂಟ್ಸ್ (jockey garments) ಎಂದು ಹೇಳುತ್ತಾರೆ. ಮಧ್ಯಮ ವರ್ಗದ ಕುಟುಂಬಕ್ಕೆ ಸೇರಿದ ಈಕೆ ವಿದ್ಯಾಭ್ಯಾಸ SSLC ಗೆ ನಿಂತ ಕಾರಣ ಎಲ್ಲೂ ಕೆಲಸ ಸಿಗದೆ ಗಾರ್ಮೆಂಟ್ಸ್ ಗೆ ಹೋಗುತ್ತಾರೆ. ಅನೇಕ ಕಡೆ ಅಲೆದ ಇವರಿಗೆ ಕೊನೆಗೆ ಮಹಿಳೆಯರಿಗೆ ಹೆಚ್ಚು ಪ್ರಾಮುಖ್ಯತೆ ಕೊಡಲಾದ ಜಾಕಿ ಅಲಿಯಾಸ್ ಪೇಜ್ ಇಂಡಸ್ಟ್ರೀಸ್ ಲಿಮಿಟೆಡ್ (Page industries limited) ಪರಿಚಯವಾಗುತ್ತದೆ.
ಅಲ್ಲಿಗೆ ಕೆಲಸಕ್ಕೆ ಸೇರಿದ ಮೇಲೆ ಇವರಿಗೆ ಬದುಕು ಹಾಗೂ ಬದುಕಿನ ಬೆಲೆ, ಸಾಧನೆ ಮತ್ತು ಪ್ರಪಂಚದ ಅರಿವು ಬಂತಂತೆ. ಹೀಗೆ ಜಾಕಿ ಗಾರ್ಮೆಂಟ್ಸ್ ನಲ್ಲಿ ಪ್ರತಿ ಮಹಿಳಾ ದಿನಾಚರಣೆ ಹಾಗೂ ದಸರಾ ಪ್ರಯುಕ್ತ ಅನೇಕ ಕಾಂಪಿಟೇಶನ್ ಗಳಲ್ಲಿ ಏರ್ಪಡಿಸಲಾಗುತ್ತಿತ್ತಂತೆ ಅದರಲ್ಲಿ ಬೆಂಕಿ ಇಲ್ಲದೆ ಅಡುಗೆ ಮಾಡುವ ಸ್ಪರ್ಧೆ ಕೂಡ ಇತ್ತಂತೆ.
ಇದರಲ್ಲಿ ಪ್ರತಿ ಬಾರಿ ತಪ್ಪದೇ ಮೊದಲ ಬಹುಮಾನ ಗಳಿಸುತ್ತಿದ್ದ ಇವರು ಪ್ರೈಸ್ ತೆಗೆದುಕೊಳ್ಳಲು ವೇದಿಕೆ ಹತ್ತಿದಾಗಲೆಲ್ಲಾ ಇಲ್ಲಿ ಗೆಲ್ಲುವುದು ಮಾತ್ರ ಎಲ್ಲೆಲ್ಲೂ ಗೆಲ್ಲಬೇಕು ಎನ್ನುವುದನ್ನು ಡಿಸೈಡ್ ಮಾಡುತ್ತಾರೆ. ಅಡುಗೆ ಬಗ್ಗೆ ಆಸಕ್ತಿ ಇದ್ದವರು ಗಾರ್ಮೆಂಟ್ಸ್ ನಲ್ಲಿ ಬೀದರ್ ನಿಂದ ಚಾಮರಾಜನಗರದವರೆಗೆ ರಾಜ್ಯದ ನಾನಾ ಮೂಲೆಗಳಿಂದ ಮತ್ತು ದೇಶದ ವಿವಿಧ ಕಡೆಗಳಿಂದ ಕೆಲಸಕ್ಕೆ ಬರುತ್ತಿದ್ದ ಹೆಣ್ಣು ಮಕ್ಕಳ ಬಳಿ ಅವರ ಕಡೆ ಸ್ಪೆಶಲ್ ಏನು ಎಂದು ತಿಳಿದುಕೊಂಡು ಮನೆಗೆ ಹೋಗಿ ಟ್ರೈ ಮಾಡುತ್ತಿದ್ದರಂತೆ.
ಇವರ ಆಸಕ್ತಿ ನೋಡಿದ ತಮ್ಮ ತಾವು ಕೂಡ ಯುಟ್ಯೂಬ್ ಚಾನೆಲ್ ಓಪನ್ ಮಾಡೋಣ ಎಂದು ಐಡಿಯಾ ಕೊಟ್ಟರಂತೆ. ಆದರೆ ಈವರೆಗೆ ಮತ್ತು ಈಗಲೂ ಕೂಡ ಎಡಿಟ್ ಹಾಗೂ ಇನ್ನಿತರ ವಿಚಾರಗಳ ಬಗ್ಗೆ ನನಗೆ ಗೊತ್ತಿಲ್ಲ ಎಂದು ಹೇಳುವ ರೇಖಾ ಅವರು ಅಡುಗೆ ಮಾಡುವುದರಲ್ಲಿ ಮಾತ್ರ ಎಕ್ಸ್ಪರ್ಟ್ ನಂತರ ಅದರ ಎಡಿಟಿಂಗ್ ಕಾರ್ಯಗಳನ್ನು ಮಾಡಿ ಅಪ್ಲೋಡ್ ಮಾಡುವ ಜವಾಬ್ದಾರಿಯನ್ನು ತಮ್ಮನಿಗೆ ಕೊಟ್ಟಿದ್ದಾರೆ.
ಇವರ ಈ ಸೀದಾಸಾದ ಭಾಷೆ ಹಾಗೂ ಮನೆಯಲ್ಲಿ ಸಿಗುವ ಪದಾರ್ಥಗಳನ್ನೇ ಉಪಯೋಗಿಸಿ ಅಡುಗೆ ಹೇಳಿಕೊಡುವುದು ಮತ್ತು ಅತಿ ಕಡಿಮೆ ಸಮಯದಲ್ಲಿ ತಯಾರಾಗುವ ಅಡುಗೆ ಹೇಳಿಕೊಡುವುದು ಮತ್ತು ವಿಡಿಯೋಗಳು ಕೂಡ ಹೆಚ್ಚು ಲೆಂತಿ ಇರದ ಕಾರಣ ಈಗ 20 ಮಿಲಿಯನ್ ಸಬ್ಸ್ಕ್ರೈಬರ್ಸ್ (20m Subscribers) ಹೊಂದಿ ತಿಂಗಳಿಗೆ ಲಕ್ಷ ಲಕ್ಷ ಆದಾಯ ಗಳಿಸುತ್ತಿದ್ದಾರೆ. ಗಾರ್ಮೆಂಟ್ ಗೆ ಹೋಗುತ್ತಾಳೆ ಎಂದು ಆಡಿಕೊಳ್ಳುತ್ತಿದ್ದ ಸಂಬಂಧಿಕರ ಎದುರು ತಾವಂದುಕೊಂಡಂತೆ ಫೇಮಸ್ ಆಗಿ ತೃಪ್ತಿ ಹೊಂದಿದ್ದಾರೆ. ಇವರ ಈ ಸಕ್ಸಸ್ ಜರ್ನಿ ಬಗ್ಗೆ ಇವರ ಮಾತಿನಲ್ಲಿ ಕೇಳಲು ಈ ವಿಡಿಯೋವನ್ನು ಪೂರ್ತಿಯಾಗಿ ನೋಡಿ.