ಅಮೃತ ಪ್ರೇಮ್
ನೆನಪಿರಲಿ ಎನ್ನುವ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗ ಎಂಟ್ರಿ ಆಗಿ ಅದೇ ಹೆಸರಿನೊಂದಿಗೆ ಹೆಸರು ಉಳಿಸಿಕೊಂಡ ನೆನಪಿರಲಿ ಪ್ರೇಮ್ ಎನ್ನುವ ಸ್ಯಾಂಡಲ್ ವುಡ್ ಲವ್ಲಿ ಸ್ಟಾರ್ ಈಗಲೂ ಕೂಡ ಹೆಂಗಳೆಯರ ಡ್ರೀಮ್ ಬಾಯ್ ಆಗಿದ್ದಾರೆ. ಕಳೆದ ದಶಕದಿಂದ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯರಾಗಿ ಸಾಲು ಸಾಲು ಸೂಪರ್ ಹಿಟ್ ಮನರಂಜನ ಚಿತ್ರಗಳನ್ನು ಕೊಟ್ಟಿರುವ ಪ್ರೇಮ್ ಅವರ ಪುತ್ರಿ ಕೂಡ ಚಿತ್ರರಂಗದಲ್ಲಿ ನಾಯಕ ನಟಿ ಆಗಿ ಲಾಂಚ್ ಆಗುವಷ್ಟು ದೊಡ್ಡವರಾಗಿದ್ದಾರೆ.
ಅಪ್ರತಿಮ ಸುಂದರಿ ಅಂದಕ್ಕೆ ತಕ್ಕ ಪ್ರತಿಭೆ ಮತ್ತು ಈಗಾಗಲೇ ಸಿನಿಮಾ ರಂಗಕ್ಕೆ ಸೇರಿಕೊಳ್ಳಲು ಬೇಕಾದ ಎಲ್ಲಾ ತರಗತಿ ಪಡೆದು ತಯಾರಾಗಿರುವ ಪ್ರೇಮ್ ಪುತ್ರಿ ಅಮೃತ ಅವರನ್ನು ಡಾಲಿ ಧನಂಜಯ್ ಅವರ ನಿರ್ಮಾಣದ ಡಾಲಿ ಪಿಕ್ಚರ್ಸ್ ಸಂಸ್ಥೆಯು ಲಾಂಚ್ ಮಾಡಲು ಒಪ್ಪಿಕೊಂಡಿದೆ. ಡಾಲಿ ಧನಂಜಯ್ ಅವರೇ ನಾಯಕನಾಗಿ ಮತ್ತು ನಿರ್ವಾಪಕನಾಗಿ ಕೂಡ ಕಾಣಿಸಿಕೊಳ್ಳುತ್ತಿರುವ ಮೂರನೇ ಸಿನಿಮಾ ಆದ ಟಗರು ಪಲ್ಯ ಸಿನಿಮಾದಲ್ಲಿ ಅಮೃತ ಅವರು ನಾಯಕಿ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಈ ಸುದ್ದಿ ವಾರದಿಂದ ಮೀಡಿಯಾ ಹಾಗೂ ಸೋಶಿಯಲ್ ಮೀಡಿಯಾದಲ್ಲಿ ಹೈಲೈಟ್ ಆಗುತ್ತಿದೆ. ಇದುವರೆಗೆ ತಂದೆ ಸಿನಿಮಾ ವಿಷಯದಲ್ಲಿ ಹಾಗೂ ವಿದ್ಯಾಭ್ಯಾಸದಲ್ಲಿ ಬಹಳ ಮುಂದೆ ಇರುವ ಕಾರಣಕ್ಕಾಗಿ ಸುದ್ದಿ ಆಗುತ್ತಿದ್ದ ಅಮೃತ ಅವರು ನಾಯಕನಟಿ ಆಗುತ್ತಿರುವ ಬಗ್ಗೆ ಸುದ್ದಿ ವರದಿ ಆಗುತ್ತಿದ್ದಂತೆ ಸಿನಿಮಾ ಇಂಡಸ್ಟ್ರಿ ಹಲವಾರು ಕಲಾವಿದರುಗಳು ಮತ್ತು ಪ್ರೇಮ್ ಅಭಿಮಾನಿಗಳು ಶುಭ ಹಾರೈಸಿ, ಚಿತ್ರರಂಗಕ್ಕೆ ವೆಲ್ಕಮ್ ಕೂಡ ಮಾಡಿದ್ದಾರೆ.
ಮತ್ತು ಟಗರು ಪಲ್ಯ ಸಿನಿಮಾದ ಪೋಸ್ಟರ್ ಕೂಡ ರಿಲೀಸ್ ಆಗಿದ್ದು ಅಮೃತ ಅವರ ಫೋಟೋಶೂಟ್ ಕೂಡ ಆಗಿದೆ ,ಎಲ್ಲಾ ಫೋಟೋಗಳು ಬಹಳ ಗ್ರಾಂಡ್ ಆಗಿದ್ದು ಸೋಶಿಯಲ್ ಮೀಡಿಯಾದಲ್ಲಿ ಸದ್ಯಕ್ಕೆ ಅದೇ ಟ್ರೆಂಡಿಂಗ್ ನ್ಯೂಸ್ ಆಗಿದೆ. ಮೊದಲ ಸಿನಿಮಾಗೆ ಅವಕಾಶ ಪಡೆಯಲು ಹಲವು ಜನರು ಬಹಳ ಸಾಹಸ ಪಟ್ಟಿರುತ್ತಾರೆ. ಸಿನಿಮಾ ಇಂಡಸ್ಟ್ರಿಗೆ ಸಂಬಂಧಪಟ್ಟವರ ಮಕ್ಕಳೇ ಆದರೂ ಸಹ ಎಷ್ಟೋ ಜನಕ್ಕೆ ಈ ಹಾದಿ ಅಷ್ಟು ಸುಲಭದಲ್ಲ.
ಹೀಗಾಗಿ ತಮ್ಮ ಆರಂಭಿಕ ದಿನಗಳ ಅವಕಾಶಗಳಿಗಾಗಿ ಎಷ್ಟೋ ಜನ ಸಂಭಾವನೆ ಕೂಡ ಪಡೆಯದೆ ನಡೆಸುವವರು ಸಹ ಇದ್ದಾರೆ. ಆದರೆ ಪ್ರೇಮ್ ಪುತ್ರಿ ತನ್ನ ಮೊದಲ ಸಿನಿಮಾಗೆ ಡಿಮ್ಯಾಂಡ್ ಮಾಡಿರುವ ಸಂಭಾವನೆ ಬಗ್ಗೆ ಕೇಳಿ ಎಲ್ಲರೂ ಶಾಕ್ ಆಗಿದ್ದಾರೆ. ಅಮೃತ ಅವರು ಟಗರು ಪಲ್ಯ ಸಿನಿಮಾದಲ್ಲಿ ಅಭಿನಯ ಮಾಡಲು ಬರೋಬ್ಬರಿ 10 ಲಕ್ಷ ರೂಗಳನ್ನು ಸಂಭಾವನೆ ಆಗಿ ಕೇಳಿದ್ದಾರೆ ಎನ್ನುವ ಬಗ್ಗೆ ಮಾಹಿತಿಗಳು ದೊರೆತಿದ್ದು ಎಲ್ಲರೂ ಇದರ ಬಗ್ಗೆ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.
ಸ್ವತಃ ಪ್ರೇಮ್ ಅವರಿಗೆ ತಮ್ಮ ಕೆರಿಯರ್ ಆರಂಭದಲ್ಲಿ ಬಹಳ ಸ್ಟ್ರಗಲಿಂಗ್ ಇತ್ತು, ಅವರೇ ಒಂದು ಆಡಿಶನ್ ನಲ್ಲಿ ಭಾಗವಹಿಸಲು ಸ್ನೇಹಿತ ಬಳಿಯೆಲ್ಲಾ ಕೇಳಿ ಒಂದು ಬ್ಯಾಗ್ ಬಟ್ಟೆ ತೆಗೆದುಕೊಂಡು ಹೋಗಿದ್ದರಂತೆ ಮತ್ತು ನಿಜ ಎನ್ನುವ ಸಿನಿಮಾದಲ್ಲಿ ಮೊದಲ ಬಾರಿ ನಟಿಸಿದ್ದರು ಅದು ಹೆಸರು ಮಾಡಲೇ ಇಲ್ಲ, ನೆನಪಿರಲಿ ಎನ್ನುವುದು ನನ್ನ ಪಾಲಿಗೆ ಬಹುದೊಡ್ಡ ವರ ಎನ್ನುವುದನ್ನು ಸಂದರ್ಶನ ಒಂದರಲ್ಲಿ ಪ್ರೇಮ್ ಹೇಳಿಕೊಂಡಿದ್ದರು. ಆದರೆ ಮೊದಲ ಸಿನಿಮಾದಲ್ಲಿಯೇ ಈ ಮಟ್ಟದ ಸಂಭಾವನೆಗೆ ಡಿಮ್ಯಾಂಡ್ ಮಾಡಿರುವ ಅಮೃತ ಅವರ ಸ್ಟಾರ್ಟಿಂಗ್ ಚೆನ್ನಾಗಿಯೇ ಇದ್ದು ಮುಂದೆ ಇದು ಯಾವ ರೀತಿ ತಿರುವು ಪಡೆದುಕೊಳ್ಳಲಿದೆ ಕಾದು ನೋಡಬೇಕಾಗಿದೆ.