ಪುನೀತ ಎಂಬ ಹೆಸರಿನಷ್ಟೇ ಪುನೀತರಾಗಿ ಕನ್ನಡ ಜನತೆಗೆ ಪ್ರೀತಿ ವಿಶ್ವಾಸದ ಅಪ್ಪುಗೆಯನ್ನು ನೀಡಿದ ಅಪ್ಪು ಅವರು ಅಂದಿಗೂ ಇಂದಿಗೂ ಎಂದೆಂದಿಗೂ ಅಮರ ತಾರೆ ಆಗಿದ್ದಾರೆ. ದೈಹಿಕವಾಗಿ ದೂರಾಗಿದ್ದರೂ ಅವರ ನಟನೆ, ಗಾಯನ, ನೃತ್ಯ ಹಾಗೂ ಅವರ ಸಮಾಜ ಸೇವೆಯ ಮೂಲಕ ಆತ್ಮಿಕವಾಗಿ ಪ್ರತಿಯೊಬ್ಬರಿಗೂ ಹತ್ತಿರವಾಗಿದ್ದಾರೆ. ಬಲಗೈ ಸನ್ನೆ ಎಡಗೈಗೆ ತಿಳಿಯದ ಹಾಗೆ ತಮ್ಮ ಸಾಮಾಜಿಕ ಕಳಕಳಿ ಹಾಗೂ ಸಮಾಜ ಸೇವೆಯಿಂದ ಸಕಲರ ಪ್ರೀತಿ ಪ್ರೇಮ ವಿಶ್ವಾಸಗಳನ್ನು ಗಳಿಸಿದ್ದರು. ಅವರ ಮಗು ಮುಗ್ದತೆಯ ಮುದ್ದು ನಗು ನೋಡುಗರನ್ನು ಮೋಡಿ ಮಾಡಿತ್ತು ಹಾಗೂ ಇಂದಿಗೂ ಕೂಡ ಮಾಸದ ಆ ನಗು ಕಣ್ಮುಚ್ಚಿದರೆ ಸಾಕು ತಟ್ಟನೆ ಸ್ಮೃತಿ ಪಟಲದಲ್ಲಿ ಮೂಡಿ ಕಣ್ಣಂಚಿನಲ್ಲಿ ಧಾರೆ ಮಿನುಗುವಂತೆ ಮಾಡುತ್ತದೆ. ಶತೃ ಮುಖವನ್ನು ಸಹ ಪ್ರಸನ್ನಗೊಳಿಸಿ ಮುಗ್ಧತೆಗೆ ವಾಲುವಂತೆ ಮಾಡುವಷ್ಟು ಸುಂದರವಾಗಿತ್ತು ಅಪ್ಪುವಿನ ಆ ನಗು.
ಇವರು ಕೇವಲ ನಟನೆಯಿಂದಷ್ಟೇ ಅಭಿಮಾನಿಗಳನ್ನು ಗಳಿಸಿಲ್ಲ ಅಥವಾ ದೊಡ್ಮನೆ ಕುಡಿ ಎನ್ನುವ ಕಾರಣಕ್ಕೆ ಇಷ್ಟೊಂದು ಅಭಿಮಾನ ಕನ್ನಡಿಗರಿಗಿಲ್ಲ, ಬದಲಾಗಿ ಅವರಲ್ಲಿರುವ ಪ್ರೇಮಮಯ ವದನ, ಆ ಪ್ರೇಮಮಯ ವದನದಷ್ಟೇ ಗುಣ, ನಡತೆ, ಹಾಗೂ ಸಾಮಾಜಿಕ ಕಳಕಳಿಯನ್ನು ವ್ಯಕ್ತಿಕರಿಸುವ ಅವರ ಮುಗ್ಧ ನಡತೆ ಅಭಿಮಾನಿಗಳಲ್ಲದವರಲ್ಲೂ ಕೂಡ ಮೋಡಿ ಮಾಡಿ ಇಂದು ಅಪ್ಪು ಎಂದರೆ ಕಪ್ಪು ಚುಕ್ಕೆಯೊಂದೂ ಇಲ್ಲದ ಅಪ್ಪು ಚುಕ್ಕೆಯ ಪ್ರೀತಿಯ ಅಪ್ಪುಗೆ ಎನ್ನುವಷ್ಟರ ಮಟ್ಟಿಗೆ ತಮ್ಮ ಚಾಪನ್ನು ಮೂಡಿಸಿದ್ದಾರೆ. ಇದಲ್ಲದೆ ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಪುವಿನ ಬಗ್ಗೆ ಒಂದಿಲ್ಲೊಂದು ವಿಡಿಯೋಗಳು ವೈರಲ್ ಆಗುತ್ತಿದ್ದು ಅಪ್ಪು ಡ್ಯಾನ್ಸ್ ಮಾಡುತ್ತಿರುವ ಸುಂದರ ದೃಶ್ಯ ಒಂದು ವೈರಲ್ ಆಗಿದೆ. ಆ ವಿಡಿಯೋದಲ್ಲಿನ ದೃಶ್ಯ ಹೇಗಿದೆಯೆಂದರೆ ಅಪ್ಪು ಅವರನ್ನು ಬಿಟ್ಟರೆ ಬೇರೆ ಯಾರೂ ಕೂಡ ಈ ತರಹ ನೃತ್ಯ ಮಾಡಲು ಸಾಧ್ಯವಿಲ್ಲ ಎನ್ನುವಷ್ಟರ ಮಟ್ಟಿಗೆ ವೈರಲ್ ಆಗಿದೆ.
ಅಪ್ಪು ಎಂದ ತಕ್ಷಣ ನಮಗೆ ಇಂದು ಮನದಲ್ಲಿ ದುಗುಡ ತುಂಬಿ ಮನಸ್ಸು ಭಾರವಾಗುತ್ತವೆ. ಅವರ ಅಗಲಿಕೆಯಿಂದ ನೊಂದುಕೊಳ್ಳದ ಅಭಿಮಾನಿಗಳಿಲ್ಲ, ಅವರ ಪ್ರೀತಿ ವಿಶ್ವಾಸ ಅರಿಯದೆ ಇರುವ ಕನ್ನಡಿಗನಿಲ್ಲ. ಹೌದು ಅಪ್ಪು ಅವರ ವ್ಯಕ್ತಿತ್ವವೇ ಹಾಗಿತ್ತು ಅಭಿಮಾನಿ ದೇವರುಗಳ ಮನಸ್ಸನ್ನು ಎಂದಿಗೂ ನೋಯಿಸಿರಲಿಲ್ಲ ಅಲ್ಲದೇ ತಮ್ಮ ಮಗು ಮನಸಿನ ಮುಗ್ಧ ನಗುವಿನಿಂದಲೇ ಎಲ್ಲರ ಮನಸ್ಸನ್ನು ಗೆಲ್ಲುತ್ತಿದ್ದರು. ಅಪ್ಪು ಅವರ ಅಗಲಿಕೆಯ ನೋವನ್ನು ಮತ್ತಷ್ಟು ಹೆಚ್ಚು ಮಾಡಲೋಸುಗವೋ ಎಂಬಂತೆ ಹಿಂದೆ ಅಪ್ಪು ಮೀಡಿಯಾ ಮುಂದೆ ಮಾತನಾಡಿದ್ದ ಕೆಲ ವಿಡಿಯೋಗಳು ವೈರಲ್ ಆಗುತ್ತಿದ್ದು ಇದನ್ನು ನೋಡಿದ ಅಭಿಮಾನಿಗಳು ಅಪ್ಪು ಹೀಗೇಕೆ ಮಾಡಿದಿರಿ ಎಂದು ಮನಸ್ಸಲ್ಲಾದರೂ ಅಂದುಕೊಳ್ಳದೆ ಇರುವುದಿಲ್ಲ. ಇದೇ ರೀತಿ ಅಪ್ಪು ಡ್ಯಾನ್ಸ್ ಮಾಡಿರುವ ವಿಡಿಯೋ ಸಹ ವೈರಲ್ ಆಗುತ್ತಿರುವ ದೃಶ್ಯಗಳಲ್ಲಿ ಒಂದಾಗಿದ್ದು ಮೈಕೆಲ್ ಜಾಕ್ಸನ್ ನಂತೆಯೇ ಹೆಜ್ಜೆಗಳನ್ನಿಡುತ್ತಾ ಮೋಡಿ ಮಾಡಿದ್ದಾರೆ.
ಬಾಲನಟರಾಗಿ ಚಿತ್ರರಂಗಕ್ಕೆ ಹೆಜ್ಜೆಯಿಟ್ಟ ಅಪ್ಪು ಬಾಲ್ಯದಲ್ಲಿಯೂ ಸಹ ನೃತ್ಯ, ಹಾಡುಗಾರಿಕೆ, ನಟನ ಕೌಶಲ್ಯಗಳನ್ನು ಯಾರಿಂದಲೂ ತರಭೇತಿ ಪಡೆಯದೇ ಒಮ್ಮೆ ಹೇಳಿ ಕೊಟ್ಟ ರೀತಿಯಲ್ಲಿ ಹೆಚ್ಚು ಟೇಕ್ ಗಳನ್ನು ತೆಗೆದುಕೊಳ್ಳದೆ ಸುಂದರವಾಗಿ ಅಭಿನಯಿಸುತ್ತಿದ್ದರು. ಅಲ್ಲದೆ ಹಾಡುಗಾರಿಕೆಯನ್ನು ಸಹ ಹೀಗೆಯೇ ಯಾರ ಬಳಿಯೂ ತಾಳ, ಲಯಗಳನ್ನು ಹೇಳಿಸಿಕೊಳ್ಳದೆ ತನಗಿಷ್ಟ ಬಂದಂತೆ ಹಾಡುತ್ತಿದ್ದರು ಎನ್ನುವ ಮಾಹಿತಿಗಳು ಸಹ ಹೊರ ಬಿದ್ದಿವೆ. ಅಷ್ಟು ಚತುರರಾಗಿದ್ದ ಅಪ್ಪು ಅಂದಿನಿಂದ ಇಂದಿನವರೆಗೂ ಅಜಾತಶತ್ತ್ರು ವಾಗಿ ಎಲ್ಲರಿಂದಲೂ ಹಾಡಿ ಹೊಗಳಿಸಿಕೊಂಡು ಇಂದು ನಮ್ಮನ್ನಗಲಿ ಅಮರತಾರೆ ಆಗಿದ್ದಾರೆ. ಈ ವಿಡಿಯೋ ಇಷ್ಟ ಆದರೆ ತಪ್ಪದೆ ಅಪ್ಪು ಅಮರ ಎಂದು ಕಾಮೆಂಟ್ ಮಾಡಿ ಹಾಗೂ ಲೈಕ್ ಕೊಟ್ಟು ಶೇರ್ ಮಾಡಿ.