ಆರೋಗ್ಯವೇ ಭಾಗ್ಯ ಇದು ಜಗಜ್ಜನಿತವಾದ ಮಾತು. ಆರೋಗ್ಯ ಚೆನ್ನಾಗಿರಬೇಕು ಎಂದರೆ ನಾವು ತಿನ್ನುವ ಆಹಾರವು ಪೌಷ್ಟಿಕಾಂಶಯುಕ್ತವಾಗಿದ್ದು, ಉತ್ತಮವಾಗಿರಬೇಕು ಹಾಗೂ ನಮ್ಮ ಜೀವನ ಶೈಲಿಯು ಚಟುವಟಿಕೆಯುಕ್ತವಾಗಿರಬೇಕು. ಆಗ ತಿಂದ ಆಹಾರವು ಸುಲಭವಾಗಿ ಜೀರ್ಣವಾಗುತ್ತದೆ ಇಲ್ಲವಾದಲ್ಲಿ ಅನೇಕ ರೀತಿಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ನಾವು ತಿಂದ ಆಹಾರದಿಂದ ಅಥವಾ ನಮ್ಮ ದೇಹಕ್ಕೆ ಒಗ್ಗದ ಇನ್ನಿತರ ಆಹಾರಗಳನ್ನು ತಿಂದ ಕಾರಣಕ್ಕಾಗಿಯೋ ಅಥವಾ ನಾವು ಸೇವಿಸುತ್ತಿರುವ ಆಹಾರ ಪದ್ಧತಿ ಹಾಗೂ ಬದುಕುತ್ತಿರುವ ರೀತಿಯಿಂದಾಗಿಯೋ ಕೆಲವೊಮ್ಮೆ ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ಗ್ಯಾಸ್ಟ್ರಿಕ್, ಅಸಿಡಿಟಿ, ಮಲಬದ್ಧತೆ, ಹೊಟ್ಟೆ ಉರಿಕೊಳ್ಳುವುದು, ಊದಿಕೊಳ್ಳುವುದು, ಊಟ ಮಾಡಿದ ತಕ್ಷಣ ವಾಕರಿಕೆ ಬರುವುದು, ತಿಂದ ಆಹಾರ ಜೀರ್ಣ ಆಗದೆ ವಾಂತಿಯಾಗುವುದು ಅಥವಾ ಕಮರದೇಕು ಆಗುವುದು, ಅಜೀರ್ಣತೆ, ದೇಹ ಭಾರ ಎನಿಸುವುದು ಊಟ ಕಂಡರೆ ಬೇಡ ಎನಿಸುವುದು ಊಟ ಮಾಡಲು ಹಸಿವೆ ಆಗದೆ ಇರುವುದು ಇನ್ನು ಮುಂತಾದ ಇದೇ ರೀತಿಯ ಅನೇಕ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ಇವುಗಳನ್ನು ಮನೆಯಲ್ಲೇ ಸಿಗುವ ಕೆಲವು ಪದಾರ್ಥಗಳನ್ನು ಉಪಯೋಗಿಸಿಕೊಂಡು ಮನೆ ಮದ್ದು ಮಾಡಿ ಕ್ಲಿಯರ್ ಮಾಡಿಕೊಳ್ಳಬಹುದು. ಈ ರೀತಿ ಸಮಸ್ಯೆಗಳಿಗೆ ಆಸ್ಪತ್ರೆಗೆ ಹೋಗುವ ಅವಶ್ಯಕತೆ ಇಲ್ಲ ನಮ್ಮ ಹಿರಿಯರು ಹೇಳಿಕೊಟ್ಟಿರುವ ಕೆಲವು ಔಷಧಿಗಳು ಇವೆ ಯಾವುದೇ ಸೈಟ್ ಎಫೆಕ್ಟ್ ಇಲ್ಲದೆ ಈ ಎಲ್ಲ ಸಮಸ್ಯೆಯನ್ನು ಕ್ಲಿಯರ್ ಮಾಡುತ್ತದೆ.
ಅದರಲ್ಲಿ ಈಗ ನಾನು ಹೇಳುತ್ತಿರುವ ಈ ಮನೆ ಮುದ್ದು ಬಹಳ ಅದ್ಭುತವಾಗಿ ಕೆಲಸ ಮಾಡಿ ಶೀಘ್ರ ಫಲಿತಾಂಶವನ್ನು ಕೂಡ ನೀಡುತ್ತದೆ. ಹಾಗಾಗಿ ಜೀರ್ಣಕ್ರಿಯೆಗೆ ಸಂಬಂಧಪಟ್ಟ ಯಾವುದೇ ಸಮಸ್ಯೆ ಬಂದಾಗಲೂ ಈ ಒಂದು ಮನೆ ಮದ್ದನ್ನು ಮಾಡಿ. ಇದನ್ನು ಮಾಡಲು ನಾಲ್ಕು ಚಮಚ ಅಜ್ವೈನ ಮತ್ತು ನಾಲ್ಕು ಚಮಚ ಮೆಂತ್ಯೆ ಕಾಳು ಬೇಕು. ಅಜ್ವೈನ ಮತ್ತು ಮೆಂತ್ಯೆ ಈ ಎರಡು ಪದಾರ್ಥಗಳು ನಮ್ಮ ಜೀರ್ಣಕ್ರಿಯೆ ಉತ್ತಮವಾಗುವಂತೆ ಮಾಡುತ್ತದೆ.
ಮೆಂತ್ಯ ಕಾಳು ಚ‌ಕೂದಲಿನ ಆರೋಗ್ಯಕ್ಕೂ ಕೂಡ ಬಹಳ ಒಳ್ಳೆಯದು. ಈ ಎರಡರಲ್ಲೂ ಬಹಳ ಉತ್ತಮವಾದ ಔಷಧೀಯ ಗುಣಗಳಿದ್ದು ಇದನ್ನು ಸರಿಯಾದ ರೀತಿಯಲ್ಲಿ ಬಳಸಿದರೆ ಸಮಸ್ಯೆ ಪರಿಹಾರ ಆಗುತ್ತದೆ. ಮೊದಲಿಗೆ ಸ್ವಲ್ಪ ತುಪ್ಪದಲ್ಲಿ ಮೆಂತೆಕಾಳು ಉರಿದುಕೊಳ್ಳಿ ನಂತರ ಅದೇ ಪಾತ್ರೆಯಲ್ಲಿ ಅಜ್ವೈನ್ ಕೂಡ ಹಾಕಿ ಉರಿದುಕೊಳ್ಳಿ.
ಮೊದಲು ಮಿಕ್ಸಿ ಜಾರಿಗೆ ಮೆಂತೆಕಾಳು ಹಾಕಿ ನುಣ್ಣಗೆ ಪುಡಿ ಮಾಡಿ ನಂತರ ಅಜ್ವೈನವನ್ನು ಹಾಕಿ ಗ್ರೈಂಡ್ ಮಾಡಿ ಕೊನೆಯಲ್ಲಿ ಇದಕ್ಕೆ ಅರ್ಧ ಚಮಚದಷ್ಟು ಇಂಗು ಹಾಕಿ ಮೂರು ಮಿಕ್ಸ್ ಆಗುವಂತೆ ಇನ್ನೂ ಎರಡು ಸುತ್ತು ಗ್ರೈಂಡ್ ಮಾಡಿ ಈಗ ಒಂದು ಗಾಜಿನ ಕಂಟೇನರ್ ನಲ್ಲಿ ಇದನ್ನು ಸ್ಟೋರ್ ಮಾಡಿ.
ಗ್ಯಾಸ್, ಅಸಿಡಿಟಿ, ಮಲಬದ್ಧತೆ ಅಥವಾ ಇದೇ ರೀತಿಯ ಈ ಮೇಲೆ ತಿಳಿಸಿದ ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆ ಇರುವವರು, ಬೆಳಿಗ್ಗೆ ಟಿಫನ್ ಮಾಡುವಾಗ ಹಾಗೂ ರಾತ್ರಿ ಊಟ ಮಾಡುವಾಗ ಊಟದ ಮಧ್ಯದಲ್ಲಿ ಒಂದು ಚಮಚ ಈ ಪೌಡರ್ ಸೇವಿಸಬೇಕು ನಂತರ ನೀರು ಕುಡಿಯಬೇಕು ಆಮೇಲೆ ಊಟವನ್ನು ಮುಂದುವರಿಸಬೇಕು.
ಉದಾಹರಣೆಗೆ ಎರಡು ಚಪಾತಿ ತಿನ್ನುವವರು ಒಂದು ಚಪಾತಿ ತಿಂದ ನಂತರ ಈ ಪೌಡರ್ ಒಂದು ಚಮಚ ಸೇವಿಸಿ, ನೀರು ಕುಡಿದು ನಂತರ ಉಳಿದ ಒಂದು ಚಪಾತಿ ತಿನ್ನಬೇಕು. ಈ ರೀತಿ ಒಂದು ವಾರ ಮಾಡಿ ನೋಡಿ ಬಹಳ ಅದ್ಭುತವಾದ ಫಲಿತಾಂಶವನ್ನು ಕಾಣುತ್ತೀರಿ.