ಕೆಲವೊಂದು ಕಾಯಿಲೆಗಳಿಗೆ ಇನ್ನೂ ಸಹ ನಮ್ಮ ಜನರು ಆಸ್ಪತ್ರೆ ಔಷಧಿಗಳಿಗಿಂತ ನಾಟಿ ಚಿಕಿತ್ಸೆ ಬಗ್ಗೆ ಹೆಚ್ಚು ನಂಬಿಕೆ ಇಡುತ್ತಾರೆ. ಇಂತಹ ಕಾಯಿಲೆಗಳಲ್ಲಿ ಲಕ್ವಾ ಕೂಡ ಒಂದು. ಈ ಕಾಯಿಲೆಗೆ ಒಳಗಾದ ಅನೇಕರು ಹೋಗುವುದು ನಾಟಿ ಚಿಕಿತ್ಸೆಗೆ, ಜೊತೆಗೆ ನಾಟಿ ಚಿಕಿತ್ಸೆ ಒಂದರಿಂದಲೇ ಇದು ಗುಣವಾಗಿರುವ ಸಾಕಷ್ಟು ಉದಾಹರಣೆಗಳು ಇವೆ.
ಈ ಲಕ್ವ ಕಾಯಿಲೆಗೆ ತುತ್ತಾದವರಿಗೆ ಅನೇಕ ಕಡೆ ಅನೇಕ ರೀತಿಯ ನಾಟಿ ಔಷಧಿಗಳನ್ನು ಕೊಡುತ್ತಾರೆ. ಅವರ ಪೂರ್ವಿಕರು ಅಥವಾ ಮನೆಯಲ್ಲಿ ಹಿರಿಯರು ಯಾವ ರೀತಿ ಔಷಧಿಗಳನ್ನು ನೀಡುತ್ತಿದ್ದರು ಅದನ್ನೇ ಕಲಿತುಕೊಂಡು ಈಗಿನ ಜನರೇಶನ್ ಅವರು ಕೂಡ ಔಷಧಿ ಕೊಡುತ್ತಿದ್ದಾರೆ. ಅವರ ಕೈ ಗುಣದಿಂದಲೋ ಅಥವಾ ಔಷಧಿ ಅಂಶದ ಪ್ರಭಾವದಿಂದಲೂ ಕಾಯಿಲೆ ಗುಣವಾಗಿ ಅವರ ಬದುಕು ಮೊದಲಿನಂತಾದಾಗ ಒಬ್ಬರಿಂದ ಒಬ್ಬರಿಗೆ ಇವರ ಖ್ಯಾತಿ ಹಬ್ಬುತ್ತಾ ಹೋಗುತ್ತದೆ.
ಈ ರೀತಿಯ ಒಬ್ಬರು ಅಪರೂಪದ ನಾಟಿ ವೈದ್ಯರು ಬಿಜಾಪುರ್ ಜಿಲ್ಲೆಯ ಸಿಂದಗಿ ತಾಲೂಕಿನ ಕಡಣಿ ಎನ್ನುವ ಗ್ರಾಮದಲ್ಲಿ ಇದ್ದಾರೆ, ಇವರ ಹೆಸರು ರಾಜಶೇಖರ್ ಹೂಗಾರ ಇವರ ದೂರವಾಣಿ ಸಂಖ್ಯೆ 8431923402. ಕಳೆದ 9 ವರ್ಷಗಳಿಂದ ಇವರು ಈ ರೀತಿ ಜನಸೇವೆಯಲ್ಲಿ ತೊಡಗಿಕೊಂಡಿದ್ದಾರೆ. ಇದನ್ನು ಜನಸೇವೆ ಎನ್ನಲು ಕಾರಣ ಇವರು 800ರೂ. ಖರ್ಚಿನಲ್ಲಿ ಯಾವ ರೀತಿಯ ಲಕ್ವ ಕಾಯಿಲೆ ಬಂದಿದ್ದರೂ ಕೂಡ ಅದನ್ನು ಗುಣ ಮಾಡುತ್ತಾರೆ.
ಇವರ ತಂದೆ ಹಾಗೂ ಇವರ ತಾತ ಹೀಗೆ ಮೂರು ತಲೆಮಾರುಗಳಿಂದ ಇವರು ಈ ಪಾರಂಪರಿಕ ನಾಟಿ ಚಿಕಿತ್ಸೆಯಲ್ಲಿ ಪ್ರಾವೀಣ್ಯತೆ ಹೊಂದಿರುವ ಕುಟುಂಬವಾಗಿದ್ದಾರೆ. ಊರಿನ ಗ್ರಾಮ ದೇವತೆಯನ್ನು ಪೂಜೆ ಮಾಡುವ ಈ ಕುಟುಂಬದವರು ಆ ದೇವರ ಶಕ್ತಿಯಿಂದಲೇ ಈ ರೀತಿಯ ಒಂದು ಗುಣ ಬಂದಿದೆ ಎನ್ನುತ್ತಾರೆ.
ಮೋಡಿ ಭಾಷೆಯಲ್ಲಿದ್ದ ಒಂದು ಆಯುರ್ವೇದಿಕ್ ಗ್ರಂಥವನ್ನು ಒಬ್ಬರು ಹಿರಿಯರಿಂದ ಪಡೆದ ಈ ರಾಜಶೇಖರ್ ಹೂಗಾರ ಅವರ ತಾತ ಅದರಲ್ಲಿದ್ದ ಅನೇಕ ಚಿಕಿತ್ಸೆಗಳಲ್ಲಿ ಈ ಲಕ್ವಾ ಚಿಕಿತ್ಸೆ ಬಗ್ಗೆ ಅಧ್ಯಯನ ಮಾಡಿ ಅದರ ಔಷಧಿಯ ಕುರಿತು ಕಲಿತು ಆಗಿನಿಂದ ಈ ಚಿಕಿತ್ಸೆಯನ್ನು ಶುರು ಮಾಡಿದ್ದಾರೆ. ಈಗ ರಾಜಶೇಖರ್ ಹೂಗಾರ ಅವರು ಕೂಡ ಐದಕ್ಕಿಂತ ಹೆಚ್ಚು ವಿಧದ ಈ ರೀತಿ ನರಕ್ಕೆ ಸಂಬಂಧಪಟ್ಟ ಖಾಯಿಲೆಯನ್ನು ಹೋಲುವ ಸಮಸ್ಯೆಗಳಿಗೆ ಪರಿಹಾರವನ್ನು ನೀಡುತ್ತಾರೆ.
ಪೋಲಿಯೋ ಅಟ್ಯಾಕ್ ಆಗಿ ಒಂದು ಕೈ ಸಣ್ಣವಾಗಿ ಹೋಗಿರುವ ಮಕ್ಕಳಿಗೆ ಅದು ಅಟ್ಯಾಕ್ ಆಗಿದೆ ಎಂದು ತಿಳಿದು ತಕ್ಷಣ ಅದು ಕ್ರಾಸ್ ಆಗದಂತೆ ತಡೆಯಲು ಚಿಕಿತ್ಸೆ ಕೊಡುತ್ತಾರೆ, ಕಣ್ಣು ಅಥವಾ ತುಟಿ, ಬಾಯಿ ಯಾವಾಗಲೂ ಅದುರುವ ಸಮಸ್ಯೆ ಇರುವವರೆಗೂ ಕೂಡ ಔಷಧಿ ನೀಡುತ್ತಾರೆ.
ಹಾಗೆಯೇ ಜೋಮು ಹಿಡಿಯುವ ಕಾಯಿಲೆಗೂ ಕೂಡ ಇವರು ಚಿಕಿತ್ಸೆ ಕೊಡುತ್ತಾರೆ. ಕೈ ಕಾಲು ಯಾವಾಗಲೂ ನಡುಗುತ್ತಲೆ ಇರುವ ಹನುಮ ಶಾಸ ಎನ್ನುವ ಕಾಯಿಲೆಗೂ ಕೂಡ ಔಷಧಿ ನೀಡುತ್ತಾರೆ, ಕತ್ತಿನಿಂದ ಕೆಳಗಡೆ ಸಂಪೂರ್ಣ ಚಲನೆಗೆ ನಿಂತು ದೇಹ ದುರ್ಬಲವಾಗಿ ಹೋಗುವ ಕಾಯಿಲೆಗೂ ಕೂಡ ಇವರು ಚಿಕಿತ್ಸೆಯನ್ನು ನೀಡುತ್ತಾರೆ.
ಇವರ ಕೈಗುಣದ ಬಗ್ಗೆ ತಿಳಿದಿರುವುದರಿಂದ ರಾಜ್ಯದ ಮೂಲೆ ಮೂಲೆಗಳಿಂದ ಹಾಗೂ ಹೊರ ರಾಜ್ಯಗಳಿಂದ ಕೂಡ ಇವರ ಬಳಿ ಚಿಕಿತ್ಸೆಗೆ ಜನ ಬರುತ್ತಾರೆ. ಇವರು ಕೊಡುವ ಚಿಕಿತ್ಸೆ ಬೇರೆ ನಾಟಿ ವೈದ್ಯರು ಲಕ್ವಾ ಖಾಯಿಲೆಗೆ ಕೊಡುವ ಚಿಕಿತ್ಸೆಗಿಂತ ವಿಭಿನ್ನವಾಗಿದ್ದು ಅದು ಯಾವ ರೀತಿ ಇರುತ್ತದೆ ಎನ್ನುವ ಇನ್ನಿತರ ವಿಚಾರಗಳ ಬಗ್ಗೆ ತಿಳಿದುಕೊಳ್ಳಲು ಈ ವಿಡಿಯೋವನ್ನು ಪೂರ್ತಿಯಾಗಿ ನೋಡಿ.