ದಕ್ಷಿಣ ಸಿನಿಮಾ ರಂಗದ ಲೇಡಿ ಸೂಪರ್ ಸ್ಟಾರ್ (Lady super star) ಎಂದು ಖ್ಯಾತಿ ಆಗಿರುವ ನಯನತಾರ (Nayanathara) ಅವರ ಪ್ರಭಾವ ಸಿನಿಮಾ ರಂಗದ ಮೇಲೆ ಎಷ್ಟಿದೆ ಎನ್ನುವುದು ಎಲ್ಲರಿಗೂ ತಿಳಿದಿದೆ. ಸದ್ಯಕ್ಕೆ ತಮಿಳು ಚಿತ್ರರಂಗದಲ್ಲಿ ಸಕ್ರಿಯರಾಗಿರುವ ಇವರು ಮಲಯಾಳಂ, ತೆಲುಗು ಮತ್ತು ಕನ್ನಡ ಸಿನಿಮಾ ಇಂಡಸ್ಟ್ರಿ ಕಡೆಯಿಂದಲೂ ಬೇಡಿಕೆ ಉಳ್ಳ ನಟಿ. ಆದರೆ ಅವರು ಈ ಹಂತ ತಲುಪುವವರೆಗೆ ಪಟ್ಟ ಕಷ್ಟಗಳು ಎದುರಿಸಿದ ಸವಾಲುಗಳ ಬಗ್ಗೆ ಹೇಳಿಕೊಂಡಿದ್ದು ಕಡಿಮೆಯೇ.
ಈಗ ಬ್ಯುಸಿ ಸಿನಿಮಾ ಶೆಡ್ಯೂಲ್ ನಡುವೆ ಕನೆಕ್ಟ್ ಬಗ್ಗೆ ಪ್ರಚಾರ ಮಾಡುತ್ತಿರುವ ನಯನತಾರ ಅವರು ಹಿಂದೆ ತಾವು ಅನುಭವಿಸಿದ ಕಾಸ್ಟಿಂಗ್ ಕೌಚ್ (cousting couch) ಬಗ್ಗೆ ಬಾಯಿ ಈಗ ಬಿಟ್ಟಿದ್ದಾರೆ. ನಯನತಾರಾ ಅವರು ಮೂಲತಃ ಕೇರಳದವರು. 2003ರಲ್ಲಿ ಮಲಯಾಳಂ ಮನಸ್ಸಿನ ನಕ್ಕ ಸಿನಿಮಾದಲ್ಲಿ ಮೊದಲ ಬಾರಿಗೆ ನಟಿಸುವ ಮೂಲಕ ಬಣ್ಣದ ಪ್ರಪಂಚಕ್ಕೆ ಕಾಲಿಟ್ಟರು.
ನಂತರ ತಮಿಳು ಸಿನಿಮಾಗಳತ್ತ ವಾಲಿದ ಇವರು ಇಂದಿಗೂ ತಮಿಳಿನ ಸ್ಟಾರ್ ನಟಿ ಎನಿಸಿಕೊಂಡಿದ್ದಾರೆ. ತಮಿಳಿನಲ್ಲಿ ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟಿರುವ ನಯನತಾರಾ ಅವರು ಈಗ ತಮಿಳಿನ ಸ್ಟಾರ್ ನಿರ್ದೇಶಕ ಆದ ವಿಜ್ಞೇಶ್ ಶಿವನ್ (Vignesh Shivan) ಅವರನ್ನೇ ಕೈ ಹಿಡಿದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಜೊತೆಗೆ ಬಾಡಿಗೆ ತಾಯ್ತನದ ಮೂಲಕ ಎರಡು ಅವಳು ಜವಳಿ ಮಕ್ಕಳನ್ನು ಪಡೆದು ಸುಖ ಸಂಸಾರದಲ್ಲಿ ತೇಲುತ್ತಿದ್ದಾರೆ.
ಈಗ ಸ್ವರ್ಗದಂತಹ ಬದುಕನ್ನು ಅನುಭವಿಸುತ್ತಿರುವ ನಯನತಾರ ಅವರಿಗೆ ಇಷ್ಟೆಲ್ಲಾ ಸಾಧಿಸಲು ಸಾಧ್ಯ ಆಗಿದ್ದು ಅವರ ಕಠಿಣ ಪರಿಶ್ರಮ ಮತ್ತು ಆಸಕ್ತಿಯಿಂದ. ಆದರೆ ಈ ನಡುವೆ ಅವರು ಇದಕ್ಕಾಗಿ ಮಾಡಿದ ಸ್ಟ್ರಗಲ್ ಬಗ್ಗೆ ಹೇಳಿದ್ದು ಕೇಳಿ ಇಂಡಸ್ಟ್ರಿಯೇ ಬೆಚ್ಚಿಬಿದ್ದಿದೆ. ಈಚೆಗೆ ನಯನತಾರಾ ಅವರು ತಾವು ಇಂಡಸ್ಟ್ರಿಗೆ ಬಂದ ಹೊಸದರಲಿ ಅವಕಾಶಕ್ಕಾಗಿ ಅಲೆಯುತ್ತಿದ್ದಾಗ ಏನೆಲ್ಲಾ ಕಷ್ಟಗಳನ್ನು ಎದುರಿಸಿದ್ದರು ಎನ್ನುವುದರ ಬಗ್ಗೆ ಸವಿವರವಾಗಿ ಹೇಳಿಕೊಂಡಿದ್ದಾರೆ.
ಎಷ್ಟೋ ಜನ ನನ್ನನ್ನು ಅವಕಾಶಕ್ಕಾಗಿ ಮಂಚಕ್ಕೆ ಕರೆಯುತ್ತಿದ್ದರು. ಕಮಿಟ್ಮೆಂಟ್ ಮಾಡಿ ಕೊಳ್ಳಿ ಎಂದು ನೇರವಾಗಿ ಕೇಳುತ್ತಿದ್ದರು. ಆದರೆ ನಾನು ಅದ್ಯಾವುದಕ್ಕೂ ಒಪ್ಪಲಿಲ್ಲ. ನಾನು ಮಾತ್ರ ಅಲ್ಲ ಎಲ್ಲ ಹೆಣ್ಣು ಮಕ್ಕಳು ಇದೇ ರೀತಿ ಇರಬೇಕು ಜೊತೆಗೆ ಈ ರೀತಿ ಅವರು ನಮಗೆ ತೊಂದರೆ ಕೊಡಲು ನಮ್ಮ ನಡವಳಿಕೆ ಕೂಡ ಕಾರಣ ಆಗಿರುತ್ತದೆ ಎಂದು ಹೊಸದಾಗಿ ಇಂಡಸ್ಟ್ರಿಗೆ ಬರುವವರಿಗೆ ಇಂಡೈರೆಕ್ಟ್ ಆಗಿ ಬುದ್ಧಿಮಾತು ಕೂಡ ಹೇಳಿದ್ದಾರೆ.
ಈ ವಿಷಯದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ನೆಗೆಟಿವ್ ಪ್ರಚಾರ ಕೂಡ ಆಗುತ್ತಿದೆ. ಈಗ ಇಷ್ಟೆಲ್ಲಾ ಆದಮೇಲೆ ಇದರ ಬಗ್ಗೆ ಮಾತನಾಡುತ್ತಿದ್ದಾರೆ ಈ ಹಿಂದೆಯೇ ಆ ಸನ್ನಿವೇಶ ಎದುರಿಸಿದಾಗ ಯಾಕೆ ಬಹಿರಂಗಪಡಿಸಲಿಲ್ಲ ಅಥವಾ ಮೀಟು (me too) ಅಭಿಯಾನ ನಡೆಯುವ ವೇಳೆ ಯಾಕೆ ಇದರ ಬಗ್ಗೆ ಬಾಯಿ ಬಿಡಲಿಲ್ಲ ಎಂದು ಮರಳಿ ನಯನತಾರ ಅವರಿಗೆ ಪ್ರಶ್ನೆ ಹೂಡುತ್ತಿದ್ದಾರೆ.
ಅದೇನಿದ್ದರೂ ಹೊಸದಾಗಿ ಸಿನಿಮಾ ರಂಗಕ್ಕೆ ಹೋಗುವ ಹೆಣ್ಣು ಮಕ್ಕಳಿಗೆ ಈ ಕುರಿತು ಒಂದು ಭಯ ಇದ್ದೇ ಇರುತ್ತದೆ. ಪ್ರತಿಭಾನ್ವಿತ ನಟಿ ಅಪ್ಸರೆಯಂತಹ ಸೌಂದರ್ಯ ಹೊಂದಿರುವ ನಯನತಾರ ಅವರೇ ಅವಕಾಶಕ್ಕಾಗಿ ಹೋದಾಗ ಈ ರೀತಿ ಸನ್ನಿವೇಶಗಳನ್ನು ಎದುರಿಸುವ ಸಂದರ್ಭದಲ್ಲಿ ಇತ್ತೆಂದಾದರೆ ಬೇರೆಯವರ ಬಗ್ಗೆ ಊಹಿಸಲು ಅಸಾಧ್ಯ. ಈ ಬಗ್ಗೆ ಧ್ವನಿ ಎತ್ತಿ ಎಲ್ಲರೂ ಮಾತನಾಡಿದ್ದಲ್ಲಿ ಸ್ವಲ್ಪ ಸುಧಾರಣೆ ತರಬಹುದು ಎನ್ನುವುದು ಹಲವರ ಅಭಿಪ್ರಾಯ.