ಡಾಲಿ ಧನಂಜಯ್ ಸಿನಿಮಾದಲ್ಲಿ ಪ್ರೇಮ್ ಪುತ್ರಿ ಅಮೃತ ಲಾಂಚ್.
ಸಿನಿಮಾ ರಂಗದಲ್ಲಿರುವ ಮಕ್ಕಳು ಕೂಡ ಈ ಕ್ಷೇತ್ರದತ್ತ ಆಕರ್ಷಿತರಾಗಿ ಅವರು ಅಭಿನಯದಲ್ಲಿ ತೊಡಗಿಕೊಳ್ಳುವುದು ಹೊಸದೇನಲ್ಲ. ಡಾ. ರಾಜಕುಮಾರ್, ರವಿಚಂದ್ರನ್, ಶ್ರೀನಾಥ್ ಇವರುಗಳ ಮಕ್ಕಳುಗಳಂತೆ ಈಗಿನ ಕಾಲದ ಹೀರೋಗಳ ಮಕ್ಕಳು ಕೂಡ ಇದೇ ರಂಗದಲ್ಲಿ ತೊಡಗಿಕೊಳ್ಳುತ್ತಿದ್ದಾರೆ.
ಮೊನ್ನೆ ಮೊನ್ನೆ ಅಷ್ಟೇ ಮಾಲಾಶ್ರೀ ಅವರ ಪುತ್ರಿ ರಾಧನ ದರ್ಶನ್ ಅವರ ಸಿನಿಮಾದಲ್ಲಿ ಲಾಂಚ್ ಆಗುತ್ತಿದ್ದಾರೆ ಎನ್ನುವುದು ಸುದ್ದಿ ಆಗುತ್ತಿತ್ತು. ಈಗ ಮತ್ತೊಬ್ಬ ಸ್ಟಾರ್ ಪುತ್ರಿ ಕೂಡ ಫೇಮಸ್ ಹೀರೋ ಒಬ್ಬರ ಸಿನಿಮಾದಲ್ಲಿ ಲಾಂಚ್ ಆಗುತ್ತಿದ್ದಾರೆ. ಅಮೃತ ಎನ್ನುವ ಹೊಸ ಪ್ರತಿಭೆ ನೆನಪಿರಲಿ ಪ್ರೇಮ್ ಅವರ ಪುತ್ರಿಯಾಗಿದ್ದು, ಡಾಲಿ ಧನಂಜಯ್ ಅವರ ಸಿನಿಮಾ ಮೂಲಕ ಲಾಂಚ್ ಆಗುತ್ತಿದ್ದಾರೆ.
ಆದರೆ ಸಿನಿಮಾದಲ್ಲಿ ಇವರು ಧನಂಜಯ್ ಅವರಿಗೆ ನಾಯಕಿ ಆಗಿ ಅಲ್ಲ ಬದಲಾಗಿ ಅವರ ನಿರ್ಮಾಣದ ಸಂಸ್ಥೆಯ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ ಅಷ್ಟೇ. ಈ ಬಗ್ಗೆ ಅಮೃತ ಅವರ ತಂದೆ ಪ್ರೇಮ್ ಅವರೇ ವಿಷಯ ಹಂಚಿಕೊಂಡಿದ್ದು ನಮ್ಮ ಮನೆಯ ಮಗಳನ್ನು ನಿಮ್ಮ ಮಡಿಲಿಗೆ ಹಾಕುತ್ತಿದ್ದೇವೆ ಆಶೀರ್ವದಿಸಿ ಎಂದು ಕೇಳಿಕೊಂಡು ಮಗಳ ಮುಂದಿನ ಸಿನಿಮಾದ ಪೋಸ್ಟರ್ ಹಂಚಿಕೊಂಡಿದ್ದಾರೆ.
ಅಮೃತ ಅವರು ಡಾಲಿ ಧನಂಜಯ್ ಅವರ ಡಾಲಿ ಪಿಕ್ಚರ್ ಪ್ರೊಡಕ್ಷನ್ ಕಡೆಯಿಂದ ತಯಾರಾಗುತ್ತಿರುವ ಮೂರನೇ ಸಿನಿಮವಾದ ಟಗರು ಪಲ್ಯ ಎನ್ನುವ ಸಿನಿಮಾದಲ್ಲಿ ನಾಯಕಿ ಆಗಿ ಲಾಂಚ್ ಆಗುತ್ತಿದ್ದು, ಟಗರು ಪಲ್ಯ ಕಂಟೆಂಟ್ ಓರಿಯೆಂಟೆಡ್ ಸಿನಿಮಾ ಆಗಿದೆ. ಈ ಸಿನಿಮಾದಲ್ಲಿ ನಾಗಭೂಷಣ್ ಅವರು ಪ್ರಮುಖ ಪಾತ್ರದಲ್ಲಿ ಇರಲಿದ್ದಾರೆ ಎನ್ನುವುದು ತಿಳಿದು ಬಂದಿದೆ.
ಡಾಲಿ ಪಿಕ್ಚರ್ಸ್ ಹೊಸ ಹೊಸ ಪ್ರತಿಭೆಗಳನ್ನು ಬೆಳಕಿಗೆ ತರಲು ಅವಕಾಶ ನೀಡುತ್ತಿದ್ದು. ಈ ಸಿನಿಮಾ ಮೂಲಕ ನಿರ್ದೇಶಕರಾಗಿ ಉಮೇಶ್ ಕೆ ಕೃಪ ಎನ್ನುವರು ಚಿತ್ರರಂಗ ಎಂಟ್ರಿ ಆಗುತ್ತಿದ್ದಾರೆ. ಈಗಾಗಲೇ ಯೋಗರಾಜ್ ಭಟ್ ಅಂತಹ ಫೇಮಸ್ ಡೈರೆಕ್ಟರ್ ಜೊತೆ ಪಳಗಿರುವ ಉಮೇಶ್ ಕೆ ಕೃಪ ಅವರ ಮೊದಲ ನಿರ್ದೇಶನದ ಸಿನಿಮಾ ಇದಾಗಿದೆ.
ಸಿನಿಮಾಗೆ ವಾಸುಕಿ ವೈಭವ್ ಅವರು ಸಂಗೀತ ನಿರ್ದೇಶನ ಮಾಡುತ್ತಿದ್ದು, ಎಸ್ ಕೆ ರಾವ್ ಕ್ಯಾಮರಾ ವರ್ಕ್ ಮಾಡುವ ಹೊಣೆ ಹೊತ್ತಿದ್ದಾರೆ. ಇದರೊಂದಿಗೆ ಸಾಹಸ ನಿರ್ದೇಶನವನ್ನು ಮಾಸ್ಟರ್ ವಿನೋದ್ ಅವರು ಮಾಡುತ್ತಿದ್ದು ರಂಗಾಯಣ ರಘು, ನಾಗಭೂಷಣ್, ತಾರಾ, ಶರತ್ಹೋಹಿತಶ್ವ ಇನ್ನು ಮುಂತಾದ ದೊಡ್ಡ ಕಲಾವಿದರ ಹಿಂಡೇ ಟಗರುಪಲ್ಯ ಸಿನಿಮಾದಲ್ಲಿ ಇರಲಿದೆ.
ಈಗಾಗಲೇ ಸಿನಿಮಾ ಪೋಸ್ಟರ್ ರಿಲೀಸ್ ಆಗಿದ್ದು ಡಿಸೆಂಬರ್ ತಿಂಗಳ ಮೊದಲ ವಾರದಲ್ಲಿ ಚಿತ್ರೀಕರಣ ಶುರು ಆಗಲಿದೆ ಎನ್ನುವ ಸುದ್ದಿ ಇದೆ. ಈ ಸಿನಿಮಾ ಮೂಲಕ ಅಮೃತ ಎನ್ನುವ ಹೊಸ ಪ್ರತಿಭೆ ನಾಯಕಿ ಆಗಿ ಬೆಳ್ಳಿತರೆಗೆ ಬರಲಿದ್ದು ಪ್ರೇಮ್ ಅವರ ಮಗಳು ಆಗಿರುವುದರಿಂದ ಇವರ ಸಿನಿಮಾ ಮೇಲೆ ಜನರಿಗೆ ನಿರೀಕ್ಷೆ ಇದೆ.
ಡಾಲಿ ಪಿಕ್ಚರ್ಸ್ ಅಲ್ಲಿ ಈಗಾಗಲೇ ಬಡವರಾಸ್ಕಲ್ ಮತ್ತು ಹೆಡ್ ಅಂಡ್ ಬುಶ್ ಈ ಎರಡು ಸಿನಿಮಾಗಳು ನಿರ್ಮಾಣ ಆಗಿದ್ದವು. ಎರಡು ಸಿನಿಮಾಗಳು ಕೂಡ ಸೂಪರ್ ಹಿಟ್ ಆಗಿರುವುದರಿಂದ ಈ ಸಂಸ್ಥೆ ನಿರ್ಮಾಣದ ಮುಂದಿನ ಸಿನಿಮಾಗಳ ಬಗ್ಗೆ ಕೂಡ ಕುತೂಹಲ ಇದೆ.
ಸದ್ಯಕ್ಕೆ ಸ್ಯಾಂಡಲ್ವುಡ್ ಅಂಗಳದಲ್ಲಿ ಬಹು ಬೇಡಿಕೆ ನಟ ಆಗಿ ಪರಭಾಷೆಗಳನ್ನು ಕೂಡ ಆಫರ್ ಗಳನ್ನು ಬಾಚುತ್ತಿರುವ ಡಾಲಿ ನಿರ್ಮಾಪಕನಾಗಿ ಕೂಡ ಗೆಲ್ಲುತ್ತಿದ್ದಾರೆ. ಸಿನಿಮಾ ತಂಡಕ್ಕೆ ಶುಭವಾಗಲಿ ಇದೇ ರೀತಿ ಇನ್ನಷ್ಟು ಕಂಟೆಂಟ್ ಓರಿಯೆಂಟೆಡ್ ಸಿನಿಮಾಗಳು ಮತ್ತು ಹೊಸ ಪ್ರತಿಭೆಗಳು ಈ ಸಂಸ್ಥೆಯ ಮೂಲಕ ಚಂದನವನಕ್ಕೆ ದೊರಕಲಿ ಎಂದು ಆಶಿಸೋಣ.
