ಸಾನಿಯಾ ಅಯ್ಯರ್ ಅವರು ಕನ್ನಡದ ಜನರಿಗೆ ಅರಸಿ ಹಾಗೂ ಪುಟ್ಟಗೌರಿ ಮದುವೆ ಧಾರಾವಾಹಿಗಳ ಬಾಲ ನಟಿಯಾಗಿ ಪರಚಿತರಾಗಿದ್ದರು. ಇದೀಗ ಬಿಗ್ ಬಾಸ್ ಕಾರ್ಯಕ್ರಮದ ಮೂಲಕ ಬಿಗ್ ಬಾಸ್ ಸಾನಿಯಾ ಆಗಿ ಫೇಮಸ್ ಆಗುತ್ತಿರುವ ಇವರು ಈ ಬಾರಿಯ ಬಿಗ್ ಬಾಸ್ ಸೀಸನ್ 9ರ ಸ್ಟ್ರಾಂಗ್ ಕಂಟೆಸ್ಟೆಂಟ್ ಆಗಿದ್ದರು. ಬಿಗ್ ಬಾಸ್ ಶುರು ಆಗುವುದಕ್ಕೂ ಮುನ್ನ ಓಟಿಟಿಯಲ್ಲಿ ಪ್ರಸಾರವಾಗಿದ್ದ ಬಿಗ್ ಬಾಸ್ ಓಟಿಟಿ ಕಾರ್ಯಕ್ರಮದಲ್ಲಿ ಕೂಡ ತಮ್ಮ ವಾಕ್ ಚಾತುರ್ಯತೆ, ಟ್ಯಾಸ್ಕ್ ಗಳಲ್ಲಿ ಅತ್ಯುತ್ತಮ ಪಾಲ್ಗೊಳ್ಳುವಿಕೆ ಮುಂತಾದ ವಿಷಯಗಳಿಂದ ಓಟಿಟಿಯಲ್ಲಿ ಗೆದ್ದು ದೊಡ್ಡ ಬಿಗ್ ಬಾಸ್ ಮನೆ ಸೇರಿದ್ದರು.
ಆದರೆ ಬಿಗ್ ಬಾಸ್ ಮನೆಯಲ್ಲಿ ಇವರು ಇತರ ವಿಷಯಗಳಿಗಿಂತಲೂ ರೂಪೇಶ್ ಶೆಟ್ಟಿ ಜೊತೆಗಿನ ಸ್ನೇಹ ಸಂಬಂಧ ಕುರಿತಂತೆ ಹೊರಗೆ ಹೆಚ್ಚು ಸುದ್ದಿಯಲ್ಲಿರುತ್ತಿದ್ದರು. ಕಾರ್ಯಕ್ರಮದಲ್ಲಿ ರೂಪೇಶ್ ಶೆಟ್ಟಿ ಹಾಗೂ ಸಾನಿಯಾ ಅವರ ನಡುವೆ ಮೊದಲಿಗೆ ಸ್ನೇಹ ಆಗಿತ್ತು, ಅವರಿಬ್ಬರ ಸ್ನೇಹಕ್ಕೆ ನಂದಿನಿ ಹಾಗೂ ಜಶ್ವಂತ್ ಕೂಡ ಜೊತೆ ಆಗಿದ್ದರು ನಂದಿನಿ ಹಾಗೆ ಜಶ್ವಂತ್ ಈ ಮೊದಲೇ ಜೋಡಿ ಆಗಿದ್ದ ಕಾರಣ ಈ ನಾಲ್ಕು ಜನರಲ್ಲಿ ರೂಪೇಶ್ ಮತ್ತು ಸಾನಿಯಾ ಅಯ್ಯರ್ ಇಬ್ಬರೂ ಸಹ ಒಂದು ಜೋಡಿ ಎಂದೇ ಎಲ್ಲರೂ ಮಾತನಾಡುತ್ತಿದ್ದರು.
ಇವರಿಬ್ಬರ ನಡವಳಿಕೆ ಕೂಡ ಅದೇ ರೀತಿ ಇರುತ್ತಿತ್ತು. ಸಾಕಷ್ಟು ಬಾರಿ ಮನೆಯ ಸ್ಪರ್ಧಿಗಳು ಸಹ ಈ ವಿಚಾರವಾಗಿ ಧ್ವನಿ ಎತ್ತಿ ಮಾತನಾಡಿದ್ದರು, ಕೆಲವೊಮ್ಮೆ ವಿಷಯ ವಿಪರೀತವಾಗಿ ಹೋದ ಸಂದರ್ಭದಲ್ಲಿ ಸುದೀಪ್ ಅವರೇ ಎಚ್ಚರಿಸಿದ್ದರು. ಮನೆಯಲ್ಲಿ ಇದ್ದಷ್ಟು ದಿನ ರೂಪೇಶ್ ಶೆಟ್ಟಿ ಯನ್ನು ತುಂಬ ಸ್ಪೆಷಲ್ ಎನ್ನುವಂತೆ ಫೀಲ್ ಮಾಡುತ್ತಿದ್ದ ಸಾನಿಯಾ ಅಯ್ಯರ್ ಅವರು ತಮ್ಮನ್ನು ಸಾನಿಯಾ ಶೆಟ್ಟಿ ಎಂದು ಕರೆದರೆ ಹೆಚ್ಚು ಖುಷಿಯಾಗುತ್ತದೆ ಎಂದೇ ಓಪನ್ ಆಗಿ ಸ್ಟೇಟ್ಮೆಂಟ್ ನೀಡಿದ್ದರು.
ಮತ್ತೊಂದು ಸಂದರ್ಭದಲ್ಲಿ ಆರ್ಯವರ್ಧನ್ ಅವರಿಬ್ಬರ ಪ್ರೀತಿಯ ವಿಷಯವಾಗಿ ಕೇಳಿದಾಗ ನನ್ನ ಎಕ್ಸ್ಪೆಕ್ಟೇಶನ್ ಅಲ್ಲಿ ಇರುವ ಹುಡುಗ ರೂಪೇಶ್ ಅಲ್ಲ, ಅವರು ಆ ಲೆವೆಲ್ ಗೆ ರೀಚ್ ಆಗಿಲ್ಲ ಎಂದು ಕೂಡ ಹೇಳಿ ಕನ್ಫ್ಯೂಷನ್ ಕ್ರಿಯೇಟ್ ಮಾಡಿದ್ದರು. ಬಹಳ ಬೇಗ ಸಾನಿಯಾ ಔಟ್ ಆಗಿ ಹೊರಬಿದ್ದರು ಮನೆಯಿಂದ ಹೊರ ಬಂದ ಬಳಿಕ ಅನೇಕ ಸಂದರ್ಶನಗಳಲ್ಲಿ ಭಾಗಿಯಾಗಿದ್ದರು. ಹೀಗೆ ಸಂದರ್ಶನವೊಂದರದಲ್ಲಿ ಸಂದರ್ಶಕರು ನೀವು ರೂಪೇಶ್ ಶೆಟ್ಟಿ ಅವರನ್ನು ಮದುವೆ ಆಗುವ ಬಗ್ಗೆ ಅವರ ಮನೆಯಿಂದ ಆಫರ್ ಬಂದರೆ ಏನು ಮಾಡುತ್ತೀರಾ ಎಂದು ಕೇಳಿದ್ದರು.
ಆ ಪ್ರಶ್ನೆಗೆ ನಾನು ಮತ್ತು ರೂಪೇಶ್ ಶೆಟ್ಟಿ ಈ ರೀತಿ ಯೋಚನೆ ಮಾಡಿಲ್ಲ. ನಮ್ಮಿಬ್ಬರಿಗೂ ಕರಿಯರ್ ಬಹಳ ಮುಖ್ಯ, ನಾನಂತೂ ಐದು ವರ್ಷಗಳ ವರೆಗೆ ಮದುವೆ ವಿಚಾರಕ್ಕೆ ಹೋಗೋದಿಲ್ಲ. ನಾನು ಹೀರೋಯಿನ್ ಆಗುವುದೇ ನನಗೆ ಬಹಳ ಮುಖ್ಯ. ಈ ನಡುವೆ ಕನ್ನಡ ಅಥವಾ ತುಳು ಸಿನಿಮಾದಲ್ಲಿ ಇಬ್ಬರು ಒಟ್ಟಿಗೆ ನಟಿಸುವ ಚಾನ್ಸ್ ಸಿಕ್ಕರೆ ಇಬ್ಬರು ಒಟ್ಟಿಗೆ ಕಾಣಿಸಿಕೊಳ್ಳುತ್ತೇವೆ. ಹಾಗೆಂದು ಮದುವೆ ಆಗುವುದಿಲ್ಲ ಎಂದ ಮಾತ್ರಕ್ಕೆ ನಾನು ರೂಪೇಶ್ ಶೆಟ್ಟಿ ಅವರನ್ನು ದೂರ ಮಾಡಿಕೊಳ್ಳುತ್ತೇನೆ ಎಂದು ಅರ್ಥವಲ್ಲ ಎಂದು ಸಹ ಹೇಳಿದ್ದಾರೆ.
ಸೀಸನ್ 9ರ ವಿನ್ನರ್ ರೂಪೇಶ್ ಶೆಟ್ಟಿ ಅವರೇ ಆಗಿದ್ದು ಅವರು ಗೆದ್ದ ತಕ್ಷಣವೇ ಸಾನ್ಯಾ ಅವರು ಕುಣಿದು ಕೊಪ್ಪಳಸಿ ತಮ್ಮ ಸಂತೋಷವನ್ನು ಹೊರ ಹಾಕಿದ್ದಾರೆ. ಈಗಾಗಲೇ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಜೋಡಿಯಾಗಿ ಕಾಣಿಸಿಕೊಂಡಿದ್ದ ಹಲವರು ಹೊರಗಡೆ ಸತಿ ಪತಿಗಳಾಗಿದ್ದಾರೆ. ಈ ಜೋಡಿ ಕಥೆ ಏನು ಎಂದು ಎಲ್ಲರೂ ಬಹಳ ಕುತೂಹಲದಿಂದ ಕಾಯುತ್ತಿದ್ದಾರೆ.