ಮೆಹಂದಿ ಶಾಸ್ತ್ರದಲ್ಲಿ ಭರ್ಜರಿ ಡ್ಯಾನ್ಸ್ ಮಾಡಿದ ನಟ ಕಾರ್ತಿಕ್ & ಸಿರಿ, ಮದುವೆಗೆ ಇನ್ನೆರಡೆ ದಿನ ಬಾಕಿ. ಕಳೆದ ವರ್ಷ ಅನೇಕ ಸೆಲೆಬ್ರಿಟಿಗಳು ಮದುವೆ ಆಗಿದ್ದಾರೆ ಕೆಲವರು ಎಂಗೇಜ್ಮೆಂಟ್ ಮಾಡಿಕೊಂಡು ಈ ವರ್ಷ ಮದುವೆ ಆಗುವ ತರಾತುರಿಯಲಿದ್ದಾರೆ. ಕನ್ನಡ ಸಿನಿಮಾ ಇಂಡಸ್ಟ್ರಿಯ ಹಲವಾರು ತಾರೆಗಳು ಮತ್ತು ಕನ್ನಡ ಕಿರುತೆರೆಯ ಹಲವು ಕಲಾವಿದರು ಈ ಲಿಸ್ಟ್ ಅಲ್ಲಿ ಇದ್ದಾರೆ. ಈ ವರ್ಷದ ಮೊದಲ ಸೀರಿಯಲ್ ಕಲಾವಿದರ ಮದುವೆ ಆಗಿ ಮೊನ್ನೆ ಅಷ್ಟೇ ಪಾರು ಧಾರವಾಹಿ ಆದಿ ಪಾತ್ರದ ಖ್ಯಾತಿಯ ನಟ ಶರತ್ ಪದ್ಮನಾಭನ್(Sharath Padmanabhan) ಅವರು ಅವರ ಬಹುದಿನದ ಸ್ನೇಹಿತೆ ಸ್ವಾತಿ(Swathi) ಅವರ ಜೊತೆ ಹಸೆಮಣೆ ಏರಿದ್ದರು.
ಇಂದು ಅದೇ ಜೀ ಕನ್ನಡ(Zee kannada) ವಾಹಿನಿಯ ಮತ್ತೊಂದು ಪ್ರಸಿದ್ಧ ಧಾರವಾಹಿ ಆದ ಸತ್ಯ(Sathya) ಸಿರಿಯಲ್ನ ನಾಯಕನಟ ಸಾಗರ್ ಅಲಿಯಾಸ್ ಬಿಳಿ ಗೌಡ ಅವರು ಸಹ ಮೆಹಂದಿ ಶಾಸ್ತ್ರ ಮಾಡಿಕೊಂಡಿದ್ದಾರೆ. ನಾಳೆ ಅದ್ದೂರಿಯಾಗಿ ಇವರ ಮದುವೆ ಕಾರ್ಯ ನಡೆಯಲಿದೆ. ಜೀ ಕನ್ನಡ ವಾಹಿನಿಯ ಬಹುತೇಕ ಕಲಾವಿದರುಗಳು ಈ ಒಂದು ವರ್ಷದಲ್ಲಿ ಮದುವೆ ಆಗಿದ್ದಾರೆ ಗಟ್ಟಿಮೇಳ(Gattimela) ಧಾರಾವಾಹಿಯ ಸುಹಾಸಿನಿ ಪಾತ್ರಧಾರಿ ಸ್ವಾತಿ ಅವರು ಸಹ ಮೈಸೂರಿನಲ್ಲಿ ಅವರ ಬಾಲ್ಯ ಸ್ನೇಹಿತನ ಜೊತೆ ಮದುವೆಯಾದರು.
ಇದಾದ ಬಳಿಕ ಅದೇ ಗಟ್ಟಿಮೇಳ ಧಾರಾವಾಹಿಯ ಅಧಿತಿ ಪಾತ್ರಧಾರಿ ಪೂಜಾ ಜೆ ಆಚಾರ್ ಅವರು ಪಾರು ಧಾರವಾಹಿ ಪ್ರೀತು ಅಲಿಯಾಸ್ ಸಿದ್ಧಾರ್ಥ್ ಮೂಲಿಮನಿ ಅವರೊಂದಿಗೆ ಡಿಸೆಂಬರ್ ಅಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಮತ್ತು ಇದೇ ಫೆಬ್ರವರಿಯಲ್ಲಿ ಅವರಿಬ್ಬರ ಮದುವೆಗೆ ಸಕಲ ಸಿದ್ಧತೆಗಳು ಕೂಡ ನಡೆಯುತ್ತಿದೆ. ಈಗ ಸತ್ಯ ಸೀರಿಯಲ್ ಅಮುಲ್ ಬೇಬಿ ಕಾರ್ತಿಕ್ ಅಲಿಯಾಸ್ ಸಾಗರ್ ಬಿಳಿಗೌಡ ಸಹ ಸಿರಿ ರಾಜು ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ.
ಇವರು ಸಹ ಕಳೆದ ನವೆಂಬರ್ ತಿಂಗಳಿನಲ್ಲಿಯೇ ನಿಶ್ಚಿತಾರ್ಥ ಮಾಡಿಕೊಂಡು ಮುಂದಿನ ವರ್ಷ ಮದುವೆ ಆಗುವುದಾಗಿ ಘೋಷಿಸಿಕೊಂಡಿದ್ದರು. ಸಿರಿ ರಾಜು ಅವರು ಸಹ ಕಲಾವಿದೆ ಆಗಿರುವುದರಿಂದ ಈ ಹಿಂದೆ ಅವರಿಗೆ ಸಾಗರ್ ಅವರ ಪರಿಚಯ ಇತ್ತು. ಹಲವು ವರ್ಷಗಳಿಂದ ಸ್ನೇಹದಲ್ಲಿ ಇದ್ದವರು ಕಳೆದ ಒಂದು ವರ್ಷದಿಂದ ಪರಸ್ಪರ ಪ್ರೀತಿಗೆ ಬಿದ್ದಿದ್ದರು. ಈ ವಿಷಯವನ್ನು ಕುಟುಂಬಸ್ಥರಿಗೆ ತಿಳಿಸಿ ಸ್ನೇಹಿತರು ಹಾಗೂ ಸಂಬಂಧಿಕರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ಕೂಡ ಮಾಡಿಕೊಂಡು ಈಗ ಎಲ್ಲರ ಆಶೀರ್ವಾದದೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ.
ಸಿರಿ ರಾಜು ಅವರು ಕನ್ನಡದಲ್ಲಿ ಇದಂ ಪ್ರೇಮಂ ಜೀವಿತಂ( idam premam jeevitham ) ಎನ್ನುವ ಸಿನಿಮಾ ಮೂಲಕ ಪಾದರ್ಪಣೆ ಮಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಬಹಳ ಆಕ್ಟಿವ್ ಆಗಿರುವ ಇವರು ಎಂಗೇಜ್ಮೆಂಟ್ ಆಗಿರುವ ವಿಷಯವನ್ನು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳುವ ಮೂಲಕ ಬಹಿರಂಗಪಡಿಸಿದರು. ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಿರಿ ರಾಜು ಹಾಗೂ ಸಾಗರ್ ಬಿಳಿಗೌಡ ಅವರ ಮೆಹಂದಿ ಶಾಸ್ತ್ರ, ಅರಶಿನ ಶಾಸ್ತ್ರ, ಪ್ರಿ ವೆಡ್ಡಿಂಗ್ ಶೂಟ್ ಮುಂತಾದ ಕಾರ್ಯಕ್ರಮಗಳ ಫೋಟೋಗಳು ವೈರಲ್ ಆಗುತ್ತಿವೆ.
ಮೆಹಂದಿ ಶಾಸ್ತ್ರಕ್ಕೆ ಇಬ್ಬರು ಸಹ ಕೆಂಪು ಬಣ್ಣದ ಉಡುಗೆ ತೊಟ್ಟು ತುಂಬಾ ಫ್ಯಾಷನ್ ಆಗಿ ಕಾಣಿಸಿಕೊಂಡಿದ್ದಾರೆ. ಕೆಂಪು ಬಣ್ಣದ ಬ್ಲೇಝರ್ ಅನ್ನು ಸಾಗರ್ ಅವರ ಧರಿಸಿದ್ದರೆ, ಗೌನ್ ಅಲ್ಲಿ ಸಿರಿ ರಾಜು ಅವರು ಕಂಗೊಳಿಸಿದ್ದಾರೆ. ಹಲವು ಕಲಾವಿದರುಗಳು ಇವರ ಮೆಹಂದಿ ಶಾಸ್ತ್ರಕ್ಕೆ ಹಾಜರಿದ್ದು ಹಾಡುವ ಮೂಲಕ ನೃತ್ಯ ಮಾಡುವ ಮೂಲಕ ಮದು ಮಕ್ಕಳನ್ನು ಮನೋರಂಜಿಸಿದ್ದಾರೆ. ಕಸ್ತೂರಿ ನಿವಾಸ(kasthuri nivasa) ಧಾರಾವಾಹಿ ಖ್ಯಾತಿಯ ದಿಲೀಪ್ ಶೆಟ್ಟಿ(Dilip shetty ) ಅವರು ಸಹ ನೃತ್ಯ ಮಾಡುತ್ತಿರುವ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
