ಕನ್ನಡದ ಹಾರ್ಟಿಕ್ ಹೀರೋ ಶಿವರಾಜ್ ಕುಮಾರ್ ಅವರನ್ನು ಎವರ್ಗ್ರೀನ್ ಹೀರೋ ಎಂದರೆ ತಪ್ಪಾಗಲಾರದು 60 ಆಗಿದ್ದರು ಕೂಡ ಇನ್ನೂ 20ರ ಯುವಕನಂತೆ ಅಷ್ಟು ಆಕ್ಟಿವ್ ಆಗಿರುವ ಶಿವಣ್ಣ ಅವರು ವಯಸ್ಸೇ ಆಗದವರಂತೆ ಕಾಣಿಸುತ್ತಾರೆ. ಇದರೊಂದಿಗೆ ಅವರ ಎನರ್ಜಿ ಕೂಡ ಹಾಗೆ ಇರುವುದರಿಂದ ಅವರಿಗೆ 60 ಆಗಿದೆ ಅಂದರೆ ಯಾರು ಸಹ ನಂಬುವುದಿಲ್ಲ. ಈಗಲೂ ಸಹ ಸಿನಿಮಾಗಳಲ್ಲಿ ಸಕ್ರಿಯರಾಗಿರುವ ಇವರು ಎಂತಹ ಫೈಟ್, ಸ್ಟಂಟ್, ಡ್ಯಾನ್ಸ್ ಇದ್ದರೂ ಯುವ ನಟರೇ ನಾಚುವಂತೆ ಕುಣಿದು ಕುಪ್ಪಳಿಸುತ್ತಾರೆ. ಹೀಗಾಗಿಯೇ ಕನ್ನಡದ ಕೋಟ್ಯಾಂತರ ಮನಗಳಿಗೆ ಶಿವಣ್ಣ ಎಂದರೆ ಒಂದು ಸ್ಪೂರ್ತಿ. ಸದಾ ಚಟುವಟಿಕೆಯಿಂದ ಚುರುಕಿನಿಂದ ಇರಬೇಕು ಎಂದು ಬಯಸುವವರು ಶಿವಣ್ಣನನ್ನು ನೋಡಿ ಕಲಿಯಬೇಕು. ಇತ್ತೀಚೆಗೆ ಶಿವಣ್ಣ ಅವರು ಪಾರ್ಕ್ ಒಂದರಲ್ಲಿ ಮಕ್ಕಳೊಂದಿಗೆ ಬ್ಯಾಸ್ಕೆಟ್ ಬಾಲ್ ಆಟ ಆಡಿದ ವಿಡಿಯೋ ಒಂದು ಸೋಶಿಯಲ್ ಮೀಡಿಯಾದಲ್ಲಿ ಸಕ್ಕತ್ ವೈರಲ್ ಆಗುತ್ತಿದೆ.
ಈ ವಿಡಿಯೋ ನೋಡಿದ ಮೇಲೆ ಶಿವಣ್ಣ ಅವರ ಆಕ್ಟಿಂಗ್ ಮೆಚ್ಚಿಕೊಂಡಿದ್ದವರು ಮತ್ತು ಅವರ ಸೆಂಟಿಮೆಂಟ್ ಸಿನಿಮಾಗಳಿಗೆ ಮಾರು ಹೋಗಿದ್ದವರು ಜೊತೆಗೆ ಶಿವಣ್ಣನ ಡಾನ್ಸ್ ನೋಡಿ ಫಿದಾ ಆಗಿದ್ದವರು ಮತ್ತು ಶಿವಣ್ಣನ ಎನರ್ಜಿ ಬಗ್ಗೆ ಹಾಡಿ ಹೊಗಳುತ್ತಿದ್ದವರು ಈಗ ಅವರ ಸ್ಪೋರ್ಟ್ಸ್ ಬಗ್ಗೆ ಗುಣಗಾನ ಮಾಡದೇ ಇರಲಾರದು. ಅಂತಹ ಒಂದು ಅದ್ಭುತವಾದ ಪರ್ಫಾರ್ಮೆನ್ಸ್ ಅನ್ನು ಮಕ್ಕಳೊಂದಿಗೆ ಆಟ ಆಡುತ್ತ ಶಿವಣ್ಣ ಅವರು ನೀಡಿದ್ದಾರೆ. ಈ ವಿಡಿಯೋ ನೋಡಿದ ಮೇಲೆ ಶಿವಣ್ಣ ಅವರು ಎಷ್ಟು ಚೆನ್ನಾಗಿ ಮಕ್ಕಳಲ್ಲಿ ಮಕ್ಕಳಾಗಿ ಬೆರೆಯುತ್ತಾರೆ ಎನಿಸುತ್ತದೆ. ಜೊತೆಗೆ ಅವರ ಆಟ ನೋಡಿದ ಬಳಿಕ ಶಿವಣ್ಣ ತೆರೆ ಮೇಲೆ ಮಾತ್ರ ಹೀರೋ ಅಲ್ಲ ತೆರೆಯಿಂದ ಆಚೆಗೂ ಕೂಡ ಆಟಗಳಲ್ಲಿ ಹಿರೋಯಿಸಂ ತೋರಿಸುತ್ತಾರೆ ಎನ್ನುವುದು ಪ್ರೂವ್ ಆದಂತೆ ಅನಿಸುತ್ತದೆ.
ಈ ವಿಡಿಯೋ ನೋಡಿದರೆ ಇದು ಶಿವಣ್ಣ ಅವರು ಬೆಳಗ್ಗಿನ ಜಾವ ವಾಕಿಂಗ್ ಹೊರಡುವ ಸಮಯದಲ್ಲಿ ಮಾಡಿರುವ ವಿಡಿಯೋ ಎನಿಸುತ್ತದೆ. ಪಾರ್ಕ್ ಒಂದರಲ್ಲಿ ಈ ವಿಡಿಯೋ ಚಿತ್ರೀಕರಿಸಲಾಗಿದೆ ಈ ವಿಡಿಯೋದಲ್ಲಿ ಮಕ್ಕಳ ಗುಂಪೊಂದು ಬಾಸ್ಕೆಟ್ ಬಾಲ್ ಆಟವನ್ನು ಆಡುತ್ತಾ ಇರುತ್ತದೆ ಅಲ್ಲಿಗೆ ಶಿವಣ್ಣ ಬರುತ್ತಾರೆ ಮಕ್ಕಳು ಶಿವಣ್ಣ ಅವರನ್ನು ಆಡುವಂತೆ ಕೇಳಿಕೊಳ್ಳುತ್ತಾರೆ ಆಗ ಶಿವಣ್ಣ ಅವರು ಬಾಲ್ ತೆಗೆದುಕೊಂಡು ವಿರುದ್ಧ ದಿಕ್ಕಿನಲ್ಲಿ ತಿರುಗಿಕೊಂಡು ಅಲ್ಲಿಂದಲೇ ಗುರಿ ಮಾಡಿ ಬಾಸ್ಕೆಟ್ ಒಳಗೆ ಬಾಲ್ ಹಾಕುತ್ತಾರೆ. ಗುರಿ ಎಷ್ಟು ನಿಖರವಾಗಿತ್ತು ಎಂದರೆ ಒಂದೇ ಒಂದು ಟೇಕಿನಲ್ಲಿ ಅದು ಕರೆಕ್ಟ್ ಆಗಿ ಬಂದು ಬಾಸ್ಕೆಟ್ ಒಳಗೆ ಬಿದ್ದಿತ್ತು. ಇದನ್ನು ಕಂಡು ಎಲ್ಲಾ ಆಶ್ಚರ್ಯ ಪಟ್ಟು ಜೋರಾಗಿ ಚಪ್ಪಾಳೆ ಕೂಡ ತಟ್ಟಿದ್ದಾರೆ ಮಕ್ಕಳೆಲ್ಲ ಬಹಳ ಖುಷಿಪಟ್ಟು ಕುಣಿದಾಡಿದ್ದಾರೆ.
ಶಿವಣ್ಣನವರ ಗುರಿ ಹಾಗೂ ಫೋಕಸ್ ಎಷ್ಟು ಕರೆಕ್ಟ್ ಆಗಿ ಇರುತ್ತದೆ ಎನ್ನುವುದು ಇದಕ್ಕೆ ಸಾಕ್ಷಿ ಆಗಿದೆ. ಶಿವಣ್ಣನವರ ಕಿರಿಯ ತಮ್ಮ, ನಮ್ಮೆಲ್ಲರ ಪ್ರೀತಿಯ ಅಪ್ಪು ಅವರು ಕೂಡ ಇದೇ ರೀತಿ ಸ್ಪೋರ್ಟ್ಸ್ ಗಳ ಬಗ್ಗೆ ಬಹಳ ಆಸಕ್ತಿ ಹೊಂದಿದ್ದರು ಹಾಗೂ ಎಲ್ಲರೂ ಆಶ್ಚರ್ಯ ಪಡುವ ರೀತಿ ಬಹಳ ಚೆನ್ನಾಗಿ ಡ್ಯಾನ್ಸ್ ಮತ್ತು ಸ್ಟಂಟ್ಸ್ ಕೂಡ ಮಾಡುತ್ತಿದ್ದರು ಆದರೆ ಅಂತಹ ವ್ಯಕ್ತಿ ಇಂದು ನಮ್ಮೆಲ್ಲರಿಂದ ದೂರವಾಗಿರುವುದು ಬಹಳ ನೋವಿನ ವಿಚಾರ. ಶಿವಣ್ಣ ಅವರು ಎಷ್ಟೇ ದಿನನಿತ್ಯದ ಚಟುವಟಿಕೆಗಳಲ್ಲಿ ಭಾಗಿಯಾಗಿ ಲವಲವಿಕೆ ಇರುವಂತೆ ಕಾಣಿಸಿಕೊಂಡರು ಕೂಡ ಅವರ ಮನದಾಳದಲ್ಲಿ ಇರುವ ನೋವು ಕಣ್ಣುಗಳಲ್ಲಿ ಗೋಚರಿಸುತ್ತಿದೆ.