* ರಾತ್ರಿ ಹೊತ್ತು ಬೇಗ ಮಲಗುವ ಅಭ್ಯಾಸ ಮಾಡಿಕೊಳ್ಳಿ. ಹಾಗೆ ಮುಂಜಾನೆ ಬೇಗ ಎದ್ದು ಹಲ್ಲು, ಬಾಯಿ, ನಾಲಿಗೆ, ಕ್ಲೀನ್ ಮಾಡಿಕೊಂಡು ಒಂದು ಲೋಟ ಬೆಚ್ಚಗೆ ಇರುವ ನೀರನ್ನು ಕುಡಿಯಿರಿ, ಇದರಿಂದ ದೇಹದಲ್ಲಿರುವ ಟಾಕ್ಸಿನ್ ಅಂಶಗಳು ಹೊರಹೋಗಲು ಮತ್ತು ಡೈಜೆಸ್ಟಿವ್ ಸಿಸ್ಟಮ್ ಕ್ಲೀನ್ ಆಗಲು ಸಹಾಯಕವಾಗುತ್ತದೆ.
* ಶೌಚ ಮಾಡುವ ಮುನ್ನ ಚಹಾ, ಕಾಫಿ ಸೇವಿಸುವ, ಬೀಡಿ ಸಿಗರೇಟ್ ಬಳಸುವ ಅಭ್ಯಾಸ ಮಾಡಿಕೊಳ್ಳಬೇಡಿ.
* ಶೌಚಕ್ಕೆ ಕುಳಿತಾಗ ಹೆಚ್ಚು ಉಗುಳುವುದಾಗಲಿ ಅಥವಾ ಉಸಿರನ್ನು ತಡೆಯುವುದಾಗಲಿ ಮಾಡಬಾರದು, ಇದು ಆರೋಗ್ಯಕ್ಕೆ ಮಾ’ರ’ಕ.
* ಪ್ರತಿನಿತ್ಯವೂ ಕೂಡ ಶೌಚಕ್ರಿಯೆ ಸರಾಗವಾಗಿ ಆಗಬೇಕು ಹಾಗೆ ಶೌಚ ಮುಗಿದ ಮೇಲೆ ಸೋಪು ಅಥವಾ ಮಣ್ಣಿನಿಂದ ನೀಟಾಗಿ ಕೈಗಳನ್ನು ಉಜ್ಜಿ ತೊಳೆಯಬೇಕು.
* ಶೌಚದಿಂದ ಬಂದ ತಕ್ಷಣವೇ ನೀರು ಕಾಫಿ ಕುಡಿಯುವುದು ಅಥವಾ ಏನನ್ನಾದರೂ ಸೇವಿಸುವುದು ಮಾಡಬಾರದು.
* ನಿಮ್ಮ ಶಕ್ತಿಗೆ ಅನುಸಾರವಾಗಿ ಸ್ವಚ್ಛಂದವಾದ ಸ್ಥಳದಲ್ಲಿ ಸೂರ್ಯ ನಮಸ್ಕಾರ ಮಾಡುವ ರೂಢಿಯನ್ನು ಆರಂಭಿಸಿಕೊಳ್ಳಿ.
* ನಮ್ಮ ದೇಹದ ಆರೋಗ್ಯಕ್ಕೆ ಊಟ ಎಷ್ಟು ಮುಖ್ಯವೋ ಹಾಗೆ ಮನಸ್ಸಿನ ಆರೋಗ್ಯಕ್ಕೆ ಸೂರ್ಯ ನಮಸ್ಕಾರ ಧ್ಯಾನ ಯೋಗ ದಿನ ನಿತ್ಯದ ಪೂಜೆ ಕೂಡ ಅವಶ್ಯಕ ಇವುಗಳನ್ನು ಕೂಡ ಅಭ್ಯಾಸ ಮಾಡಿ.
* ಸೂರ್ಯ ನಮಸ್ಕಾರ ಮುಗಿದ ಮೇಲೆ ಶವಾಸನದಲ್ಲಿ ವಿಶ್ರಾಂತಿ ಪಡೆಯಲೇಬೇಕು.
* ಸೂರ್ಯ ನಮಸ್ಕಾರ ಆದಮೇಲೆ 30 ನಿಮಿಷಗಳ ನಂತರ ಸ್ನಾನ ಮಾಡಬೇಕು, ಒಂದು ತಾಸಿನ ನಂತರ ಮಾಡುವುದು ಇನ್ನೂ ಉತ್ತಮ.
* ಶರೀರದ ಸ್ವಚ್ಛತೆ ಹಾಗೂ ಕಾಂತಿಗಾಗಿ ಕಡಲೆ ಹಿಟ್ಟು ಮತ್ತು ಸೀಗೆಕಾಯಿ ಮಿಶ್ರಣದಲ್ಲಿ ಸ್ನಾನ ಮಾಡಬೇಕು.
* ವಾರಕ್ಕೊಮ್ಮೆ ಎಣ್ಣೆ ಸ್ನಾನ ಮಾಡಿದರೆ ದೇಹ ಗಟ್ಟಿಮುಟ್ಟಾಗಿರುತ್ತದೆ.
* ಊಟ ಸೇವಿಸಿ, ಸ್ನಾನ ಮಾಡುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಸ್ನಾನ ಮುಗಿದ ಅರ್ಧ ತಾಸಿನ ನಂತರವಷ್ಟೇ ಟಿಫನ್ ಮಾಡಬೇಕು.
* ಹೊಟ್ಟೆ ಹಸಿವು ಇಲ್ಲದೆ ಇದ್ದಾಗ ಊಟ ಮಾಡುವುದು ಒಳ್ಳೆಯದಲ್ಲ, ಹಾಗೆ ಚೆನ್ನಾಗಿ ಹಸಿದ ಮೇಲೆ ತಡೆಯುವುದು ಕೂಡ ಒಳ್ಳೆಯದಲ್ಲ.
* ಊಟ ಮಾಡುವಾಗ ಊಟದ ಕಡೆಗೆ ಪೂರ್ತಿ ಗಮನ ಇರಬೇಕು. ತಮ್ಮ ಪಾಲಿಗೆ ಬಂದ ಆಹಾರವನ್ನು ಸಂತೃಪ್ತಿಯಿಂದ ಪ್ರಸಾದವೆಂಬಂತೆ ಸ್ವೀಕರಿಸಿ ಶಾಂತಿಯಿಂದ ತಿನ್ನಬೇಕು.
* ಧೂಮಪಾನ ಮತ್ತು ಮಧ್ಯಪಾನ ಆರೋಗ್ಯದ ದೃಷ್ಟಿಯಿಂದ ಬಹಳ ಕೆ’ಟ್ಟದ್ದು ಈ ಅಭ್ಯಾಸಗಳಿಂದ ಹೊರಬರಲು ಪ್ರಯತ್ನಿಸಿ.
* ಸಸ್ಯಹಾರವು ಮಾಂಸಹಾರಕ್ಕಿಂತ ದೇಹದ ಆರೋಗ್ಯಕ್ಕೆ ಉತ್ತಮ ಆಹಾರ ಎನ್ನುವುದು ಅನೇಕ ಸಂಶೋಧಗಳಿಂದ ಸಾಬೀತಾಗಿದೆ, ಹಾಗಾಗಿ ಸಾಧ್ಯವಾದಷ್ಟು ಸಾತ್ವಿಕ ಆಹಾರವನ್ನು ಸೇವಿಸಿ.
* ಮೊಳಕೆ ಕಟ್ಟಿದ ಕಾಳುಗಳು, ಹಸಿರು ಸೊಪ್ಪು ತರಕಾರಿಗಳು, ಮತ್ತು ಆಯಾ ಸೀಸನ್ ಗೆ ತಕ್ಕ ಹಣ್ಣುಗಳನ್ನು ಯಥೇಚ್ಛವಾಗಿ ಸೇವಿಸಿ.
* ತಿಂದ ಆಹಾರವು ಸುಲಭವಾಗಿ ಜೀರ್ಣವಾಗುವಂತೆ ಚೆನ್ನಾಗಿ ಅಗಿದು ನುಂಗಬೇಕು.
* ಸಾಧ್ಯವಾದಷ್ಟು ಮನೆಯಲ್ಲಿ ಮಾಡಿದ ಆಹಾರ ಪದಾರ್ಥಗಳನ್ನು ಸೇವಿಸಿ. ಜಂಕ್ ಫುಡ್ ಗಳ ವೈಜ್ಞಾನಿಕವಾಗಿ ತಯಾರಾದ ಆಹಾರ ಪದಾರ್ಥಗಳ ಅಭ್ಯಾಸದಿಂದ ದೂರ ಇರಿ.
* ಊಟ ತಿಂದ ತಕ್ಷಣ ಮಲಗಬಾರದು.
* ರಾತ್ರಿ ಟಿವಿ ನೋಡುತ್ತಾ, ಮೊಬೈಲ್ ನೋಡುತ್ತಾ ಮಲಗುವುದು ತಪ್ಪು. ಮಲಗುವ ಒಂದು ತಾಸಿನ ಮೊದಲು ಒಂದು ಲೋಟ ನೀರು ಕುಡಿದಿರಬೇಕು, ಎರಡು ತಾಸಿನ ಮೊದಲು ಊಟ ಮಾಡಿರಬೇಕು, ಮೂರು ತಾಸಿನ ಮೊದಲು ಬ್ಲೂ ಲೈಟ್ ಎಮಿಷನ್ ನಿಂದ ಹೊರಬರಬೇಕು.
* ರಾತ್ರಿ ಹೊತ್ತು ನಿದ್ದೆಗೆಡಬಾರದು, ಕನಿಷ್ಠ 7 ಗಂಟೆಗಳ ನಿದ್ದೆ ಮಾಡಲೇಬೇಕು.