ಅನುಪಮ ಗೌಡ ಬಿಗ್ ಬಾಸ್ ಮನೆಯಿಂದ ಎಲಿಮಿನೆಟ್ ಆಗಿದ್ದಾರೆ
ಕನ್ನಡದ ಖ್ಯಾತ ನಿರೂಪಕಿಯರಲ್ಲಿ ಒಬ್ಬರಾದ ಅನುಪಮ ಗೌಡ ಅವರು ಈ ಬಾರಿ ಪ್ರವೀಣರ ಪಟ್ಟಿಯಿಂದ ಬಿಗ್ಮನೆ ಸೇರಿದ್ದರು. ಬಿಗ್ ಬಾಸ್ ಸೀಸನ್ 5 ರಲ್ಲೂ ಸಹ ಸ್ಪರ್ಧಿಸಿ ಆ ಸೀಸನ್ ಟಫ್ ಕಂಟೆಸ್ಟೆಂಟ್ ಆಗಿದ್ದ ಇವರು ಕೂದಲೆಳೆ ಅಂತರದಲ್ಲಿ ಗೆಲುವಿನಿಂದ ಮಿಸ್ ಆಗಿದ್ದರು. ಮನೆಯಲ್ಲಿ ಇದ್ದಷ್ಟು ದಿನ ಟಾಸ್ಕ್ ಗಳಲ್ಲಿ ಅತ್ಯುತ್ತಮ ಪ್ರದರ್ಶನ ಮತ್ತು ಮನೆಯವರ ಜೊತೆ ಉತ್ತಮ ಸ್ನೇಹ ಗಳಿಸಿಕೊಂಡಿದ್ದ ಇವರು ಅಡುಗೆ ಮನೆ ಕೆಲಸ ಹಾಗೂ ಎಂಟರ್ಟೈನ್ ವಿಷಯದಲ್ಲೂ ಸಹ ಜೋರಿದ್ದರು.
ಆದರೂ ಸೀಸನ್ ಕೊನೆಯ ವಾರಗಳಲ್ಲಿ ಇವರು ಮನೆಯಿಂದ ಹೊರ ಬರಬೇಕಾಯಿತು. ಆದರೆ ಈ ಬಾರಿ ಅನುಪಮ ಬಹಳ ಕಲಿತಿದ್ದಾರೆ ಹಾಗಾಗಿ ಇವರೇ ಈ ಸೀಸನ್‍ನ ವಿನ್ನರ್ ಸಹ ಆಗಬಹುದು ಎನ್ನುವಷ್ಟು ಗಟ್ಟಿಯಾಗಿ ಕಾಣಿಸಿಕೊಳ್ಳುತ್ತಿದ್ದರು. ಆದರೂ ಎಲ್ಲರ ನಿರೀಕ್ಷೆ ಉಲ್ಟಾ ಆಗಿದ್ದು ಈ ವಾರ ಅವರೇ ಮನೆಯಿಂದ ಹೊರ ಬಿದ್ದಿದ್ದಾರೆ.
ಈ ಸೀಸನ್ ನಲ್ಲಿ ಕೂಡ ಅದ್ಭುತವಾಗಿ ಆಟಗಳನ್ನು ಆಡುತ್ತಾ ಟಾಸ್ಕ್ಗಳಲ್ಲಿ ಪಾಲ್ಗೊಳ್ಳುತ್ತಾ ಮನೆ ಮಂದಿ ಎಲ್ಲರ ಜೊತೆ ಉತ್ತಮ ಸ್ನೇಹ ಸಂಪಾದಿಸಿಕೊಂಡು ಸ್ಟ್ರಾಂಗ್ ಕಂಟೆಸ್ಟೆಂಟ್ ಆಗಿದ್ದ ಇವರೇ ಈ ಸೀಸನ್ ವಿನ್ನರ್ ಅಂದುಕೊಳ್ಳುವಂತೆ ಕಾಣಿಸಿಕೊಳ್ಳುತ್ತಿದ್ದರು. ಅವರಿಗೆ ಬಿಗ್ ಬಾಸ್ ಮನೆಯಿಂದ ಹೊರಗೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ಇದರಲ್ಲಿ ಬಿಗ್ ಬಾಸ್ ಪ್ರೇಕ್ಷಕರಲ್ಲಿ ಹೆಚ್ಚಿನ ಜನ ಇವರ ಆಟವನ್ನು ಮೆಚ್ಚಿ ಸೊಷಿಯಲ್ ಮೀಡಿಯಾದಲ್ಲಿ ಇವರೇ ಈ ಸೀಸನ್ ವಿನ್ನರ್ ಎನ್ನುವಂತೆ ತಮ್ಮ ಅಭಿಪ್ರಾಯಗಳನ್ನು ತಿಳಿಸುತ್ತಿದ್ದರು.
ಇದೀಗ ಎಲ್ಲರ ಲೆಕ್ಕಾಚಾರ ಉಲ್ಟಾ ಆಗಿದ್ದು ಅನುಪಮ ಔಟ್ ಆಗಿರುವುದು ಅವರ ಪ್ರೇಕ್ಷಕರು ಹಾಗೂ ಬಿಗ್ ಬಾಸ್ ಪ್ರೇಕ್ಷಕರಿಗೆ ಬೇಸರ ತರಿಸಿದೆ. ಅಣ್ಣ ತಂಗಿ ಎನ್ನುವ ಧಾರಾವಾಹಿ ಮೂಲಕ ಕಿರುತೆರೆ ಪ್ರಪಂಚಕ್ಕೆ ಕಾಲಿಟ್ಟ ಇವರು ಅದಕ್ಕೂ ಮುನ್ನ ಬದುಕಿದ ಬದುಕು ಹಾಗೂ ಆ ಕ್ಷಣದ ಅವಕಾಶ ಗಿಟ್ಟಿಸಿಕೊಳ್ಳುವವರೆಗೂ ಪಟ್ಟ ಪರಿಶ್ರಮ ದೊಡ್ಡ ಹೋರಾಟವೇ ಆಗಿತ್ತು.
ಅಣ್ಣ ತಂಗಿ ಖ್ಯಾತಿ ಚಿ.ಸೌ ಸಾವಿತ್ರಿ ಹಾಗೂ ಅಕ್ಕ ಧಾರವಾಹಿಗಳ ಮುಖ್ಯ ಭೂಮಿಯಲ್ಲಿ ಕಾಣಿಸಿಕೊಳ್ಳುವ ಚಾನ್ಸ್ ಕೊಟ್ಟಿತು. ಇದಾದ ಮೇಲೆ ಬೆಳ್ಳಿತೆರೆಯಲ್ಲೂ ಕೂಡ ಅದೃಷ್ಟ ಪರೀಕ್ಷಿಸಿಕೊಂಡ ಇವರು ಪುಟ 109, ಆ ಕರಾಳ ರಾತ್ರಿ ಮುಂತಾಹ ಕಂಟೆಟ್ ಓರಿಯೆಂಟೆಡ್ ಪ್ರಯೋಗಾತ್ಮಕ ಸಿನಿಮಾಗಳಲ್ಲಿ ಪಾತ್ರ ಮಾಡಿದರು ಮತ್ತು ಸದ್ಯಕ್ಕೆ ಕನ್ನಡ ಕಿರುತೆರೆಯಲ್ಲಿ ರಿಯಾಲಿಟಿ ಶೋಗಳದ್ದೇ ಕಾರುಬಾರು. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ರಾಜಾರಾಣಿ, ನಮ್ಮಮ್ಮ ಸೂಪರ್ ಸ್ಟಾರ್, ಕನ್ನಡದ ಕೋಗಿಲೆ ಮಜಾ ಭಾರತ ಮುಂತಾದ ರಿಯಾಲಿಟಿ ಶೋ ಗಳನ್ನು ಕೂಡ ಹೋಸ್ಟ್ ಮಾಡುವ ಇವರು ನಿರೂಪಕಿ ಆಗಿ ಕೂಡ ಗೆದ್ದಿದ್ದಾರೆ.
ಇದರ ಜೊತೆಗೆ ಸೋಶಿಯಲ್ ಮೀಡಿಯಾದಲ್ಲೂ ಕೂಡ ಬಹಳ ಆಕ್ಟಿವ್ ಆಗಿರುವ ಇವರು ಹೊಸ ಹೊಸ ಫೋಟೋಶೂಟ್ ಮಾಡಿಸಿ ಶೇರ್ ಮಾಡುತ್ತಾರೆ. ಜೊತೆಗೆ ತಮ್ಮ ಪ್ರವಾಸಗಳ ವಿಷಯ ತಮ್ಮ ಹೊಸ ಪ್ರಾಜೆಕ್ಟ್ ಗಳ ಮಾಹಿತಿ ಕೂಡ ಹಂಚಿಕೊಳ್ಳುತ್ತಾರೆ. ಇವರಿಗೆ ಸೋಶಿಯಲ್ ಮೀಡಿಯಾದಲ್ಲೂ ಕೂಡ ಬಹಳ ಫಾಲೋವರ್ಸ್ ಇದ್ದಾರೆ. ಸದ್ಯಕ್ಕೆ ಎಲ್ಲಾ ಹೆಣ್ಣುಮಕ್ಕಳಿಗೂ ಇನ್ಸ್ಪಿರೇಷನ್ ಆಗುವ ರೀತಿ ತನ್ನ ಬದುಕನ್ನು ತಾನೇ ಕಟ್ಟಿಕೊಂಡಿರುವ ಅನುಪಮಾ ಅವರು ಇನ್ನಷ್ಟು ಹೆಸರು ಮಾಡಲಿ ಎಂದು ಹಾರೈಸೋಣ. ನಿಮ್ಮ ಪ್ರಕಾರ ಈ ಬಾರಿ ಬಿಗ್ ಬಾಸ್ ವಿನ್ನರ್ ಯಾರು ಆಗಬಹುದು.?