ಕಿರಿಕ್ ಹುಡುಗಿ, ಕೊಡಗಿನ ಬೆಡಗಿ ರಶ್ಮಿಕ ಮಂದಣ್ಣ ಈಗ ನ್ಯಾಷನಲ್ ಕ್ರಶ್. ಪ್ಯಾನ್ ಇಂಡಿಯಾ ಹೀರೋಯಿನ್ ಆಗಿ ಮಿಂಚುತ್ತಿರುವ ರಶ್ಮಿಕ ಮಂದಣ್ಣ ಕಾಲಿವುಡ್, ಟಾಲಿವುಡ್, ಮಾಲಿವುಡ್, ಬಾಲಿವುಡ್ ಹಾಗೂ ಸ್ಯಾಂಡಲ್ ವುಡ್ ನಲ್ಲೂ ಕೂಡ ಬೇಡಿಕೆಯಲ್ಲಿರುವ ನಟಿ. ಎಲ್ಲಾ ಇಂಡಸ್ಟ್ರಿಯಲ್ಲೂ ಕೂಡ ಸ್ಟಾರ್ ಹೀರೋಗಳೊಂದಿಗೆ ತೆರೆ ಹಂಚಿಕೊಳ್ಳುವ, ಪ್ಯಾನ್ ಇಂಡಿಯಾ ಮೂವಿಗಳಿಗೆ ನಾಯಕಿ ಆಗುವ ಚಾನ್ಸ್ ಪಡೆಯುತ್ತಿರುವ ಈಕೆ ಅದೃಷ್ಟವನ್ನು ಹೊಗಳಲೇಬೇಕು.
ಪ್ರತಿಭೆ ಜೊತೆ ಅದೃಷ್ಟ ಕೂಡ ಎಷ್ಟು ಮುಖ್ಯ ಎನ್ನುವುದಕ್ಕೆ, ಈಕೆ ಪ್ರತ್ಯಕ್ಷ ಸಾಕ್ಷಿ ಎಂದು ಹೇಳಬಹುದು. ಪುಷ್ಪ ಸಿನಿಮಾ ಆದಮೇಲಂತೂ ಈಕೆಯ ಕೈತುಂಬ ಅವಕಾಶಗಳಿದ್ದೂ ಸಂಭಾವನೆ ವಿಚಾರದಲ್ಲೂ ಕೂಡ ಸ್ಟಾರ್ ಹೀರೋಗಳಿಗೆ ಸೈಡ್ ಹೊಡೆಯುವಷ್ಟು ಮುಂದಕ್ಕೆ ಹೋಗುತ್ತಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.
ರಶ್ಮಿಕ ಮಂದಣ್ಣ ಸಿನಿಮಾಗಳು ಮಾತ್ರ ಅಲ್ಲದೆ ಜಾಹಿರಾತು ಕ್ಷೇತ್ರಕ್ಕೂ ಕೂಡ ಲಗ್ಗೆ ಇಟ್ಟಿದ್ದಾರೆ. ಡಾಬರ್ ಹನಿ, ಇವಾ, ಸೆವೆನ್ ಅಪ್ ಮುಂತಾದ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ರಶ್ಮಿಕ ಮಂದಣ್ಣ ನಿಧಾನವಾಗಿ ಕ್ಯಾಶ್ ಫೈ, ವೇಕ್ ಫಿಟ್, ಕೋಲ್ದಿಂಗ್ಸ್, ಅಗೋಡ ಮುಂತಾದವುಗಳಿಗೆ ಬ್ರಾಂಡ್ ಅಂಬಾಸಿಡರ್ ಕೂಡ ಆಗಿದ್ದರು. ನಿಧಾನವಾಗಿ ಈಕೆ ಜಾಹೀರಾತು ವಲಯದಲ್ಲಿ ದೊಡ್ಡ ಹೆಸರು ಮಾಡುತ್ತಿದ್ದು ಈಗ ಭಾರತದ ಪ್ರತಿಷ್ಠಿತ ಕಲ್ಯಾಣ್ ಜುವೆಲರ್ಸ್ ಗೆ ಮತ್ತೊಬ್ಬ ಸೆಲೆಬ್ರಿಟಿ ರಾಯಭಾರಿಯಾಗಿ ಆಯ್ಕೆಯಾಗಿದ್ದಾರೆ.
ಈ ಹಿಂದೆ ಕಝಾನ ಗೋಲ್ಡ್ ಜಾಹಿರಾತುಗಳಲ್ಲಿ ರಶ್ಮಿಕ ಮಂದಣ್ಣ ಕಾಣಿಸಿಕೊಳ್ಳುತ್ತಿದ್ದರು, ಈ ಗೋಲ್ಡ್ ಕಂಪನಿ ಜೊತೆಗಿನ ಅಗ್ರಿಮೆಂಟ್ ಮುಗಿದಿರುವ ಕಾರಣ ಈಗ ಕಲ್ಯಾಣ್ ಜುವೆಲರ್ಸ್ ಭಾಗವಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಕಲ್ಯಾಣ್ ಜುವೆಲರ್ಸ್ ಭಾರತದ ಹೆಸರಾಂತ ಚಿನ್ನದ ಮಳಿಗೆ. ಬಿಗ್ ಬಿ ಅಮಿತಾಬ್ ಬಚ್ಚನ್ ಇದಕ್ಕೆ ರಾಷ್ಟ್ರೀಯ ಮಟ್ಟದಲ್ಲಿ ಜಾಗತಿಕ ರಾಯಭಾರಿ ಆಗಿದ್ದರೆ, ಕತ್ರಿನಾ ಕೈಫ್ ಅವರು ದೇಶದ ರಾಯಭಾರಿಯಾಗಿದ್ದಾರೆ.
ಆಯಾ ರಾಜ್ಯಗಳ ಭಾಷೆಗಳ ಜಾಹಿರಾತಿಗಾಗಿ ಚಿತ್ರರಂಗದ ಪ್ರಮುಖರನ್ನೇ ಕಲ್ಯಾಣ ಜ್ಯುವೆಲರ್ಸ್ ತನ್ನ ಜಾಹೀರಾತಿಗಾಗಿ ಬಳಸಿಕೊಂಡಿದೆ. ಈಗಾಗಲೇ ದಕ್ಷಿಣ ವಲಯದಲ್ಲಿ ತೆಲುಗಿನಲ್ಲಿ ನಾಗಾರ್ಜುನ್, ತಮಿಳಿನಲ್ಲಿ ಪ್ರಭು, ಮಲಯಾಳಂ ನಲ್ಲಿ ಕಲ್ಯಾಣಿ ಪ್ರಿಯದರ್ಶಿನಿ ಮತ್ತು ಕರ್ನಾಟಕದಲ್ಲಿ ಡಾಕ್ಟರ್ ಶಿವರಾಜಕುಮಾರ್ ಅವರು ಕಲ್ಯಾಣ್ ಜುವೆಲರ್ಸ್ ನ ರಾಯಭಾರಿ ಆಗಿದ್ದಾರೆ. ಈಗ ರಶ್ಮಿಕ ಮಂದಣ್ಣ ಅವರು ಕೂಡ ಕಲ್ಯಾಣ್ ಜುವೆಲರ್ಸ್ ಜಾಹೀರಾತಿನ ಭಾಗವಾಗುತ್ತಿದ್ದು ಇವರು ತೆಲುಗು ತಮಿಳು ಮತ್ತು ಕನ್ನಡವನ್ನು ಪ್ರತಿನಿಧಿಸಲಿದ್ದಾರಂತೆ.
ಪ್ಯಾನ್ ಇಂಡಿಯಾ ನಟಿಯ ಪಾಲಿಗೆ ಒಲಿದಿರುವ ಮತ್ತೊಂದು ಅದೃಷ್ಟ ಇದು ಎಂದೇ ಹೇಳಬಹುದು. ನಟಿ ರಶ್ಮಿಕಾ ಮಂದಣ್ಣ ಅವರು ಕಲ್ಯಾಣ್ ಜುವೆಲರ್ಸ್ ಹೊಸ ಕಾಂಟ್ಯಾಕ್ಟ್ ಜೊತೆ ಟೈ ಅಪ್ ಆಗಿರುವುದಕ್ಕೆ ಅವರು ಜಾಹೀರಾತಿನಲ್ಲಿ ಕಾಣಿಸಿಕೊಂಡಿರುವ ಫೋಟೋಗಳು ಹಾಗೂ ವಿಡಿಯೋಗಳು ಸಾಕ್ಷಿಯಾಗಿವೆ. ಸೋಶಿಯಲ್ ಮೀಡಿಯಾದಲ್ಲಿ ಇದು ಬಹಳ ಟ್ರೆಂಡಿಂಗ್ ಅಲ್ಲಿ ಇದ್ದು ನಟಿ ಟ್ರಡಿಷನಲ್ ಹಾಗೂ ಮಾಡೆಲ್ ಲುಕ್ಕಿನಲ್ಲಿ ಚಿನ್ನದ ಆಭರಣದೊಂದಿಗೆ ಕಂಗೊಳಿಸುತ್ತಿದ್ದಾರೆ. ಕಲ್ಯಾಣ್ ಜುವೆಲರ್ಸ್ ಜಾಹಿರಾತಿನಲ್ಲಿ ಕಾಣಿಸಿಕೊಳ್ಳುವುದಕ್ಕೆ ನಟಿ ಪಡೆದಿರುವ ಸಂಭಾವನೆ ವಿಷಯ ಕೂಡ ಈಗ ಭಾರಿ ಚರ್ಚೆ ಆಗುತ್ತಿದೆ.
ಯಾಕೆಂದರೆ ಕೆಲ ಮಾಹಿತಿಗಳ ಪ್ರಕಾರ ಬರೋಬ್ಬರಿ ನಾಲ್ಕು ಕೋಟಿ ರೂಪಾಯಿಗಳನ್ನು ನಟಿ ಈ ಜಾಹೀರಾತಿಗಾಗಿ ಡಿಮ್ಯಾಂಡ್ ಮಾಡಿದ್ದಾರಂತೆ. ಪುಷ್ಪ ಸಿನಿಮಾ ಆದ ಬಳಿಕ ಎಲ್ಲೆಡೆ ತನ್ನ ಸಂಭವನೆಯನ್ನು ಹೆಚ್ಚಿಸಿಕೊಂಡಿರುವ ರಶ್ಮಿಕ ಮಂದಣ್ಣ ಅವರು ಈ ಜಾಹೀರಾತಿಗಾಗಿ ಪಡೆದಿರುವ ಸಂಭವನೆಯ ಬಗ್ಗೆ ಈ ರೀತಿ ಗಾಸಿಪ್ ಗಳು ಹರಿದಾಡುತ್ತಿವೆ. ಆದರೆ ಸ್ವತಃ ಕಲ್ಯಾಣ್ ಜುವೆಲರ್ಸ್ ಕಂಪನಿಯಾಗಲಿ ,ರಶ್ಮಿಕ ಮಂದಣ್ಣ ಅವರೇ ಆಗಲಿ ಈ ಸಂಭಾವನೆ ಬಗ್ಗೆ ಸ್ಪಷ್ಟ ಪಡಿಸಿಲ್ಲ.