ಅಡುಗೆ ಮನೆ ಸುಚಿತ್ವವಾಗಿದ್ದರೆ ಅಡುಗೆ ಮನೆಯಲ್ಲಿ ತಯಾರಾಗು ವoತಹ ಅಡುಗೆಗಳು ಕೂಡ ರುಚಿಯಾಗಿರುತ್ತದೆ ಎಂದು ಹೇಳಬಹುದು. ಅದೇ ರೀತಿಯಾಗಿ ನಾವು ಅಡುಗೆ ಮನೆಯಲ್ಲಿ ಅನುಸರಿಸುವಂತಹ ಕೆಲವೊಂದಷ್ಟು ವಿಧಾನಗಳು ಕೂಡ ನಮ್ಮ ಅಡುಗೆ ಮನೆಯ ಕೆಲಸಕ್ಕೆ ಬಹಳ ಅನುಕೂಲವಾಗುತ್ತದೆ ಎಂದು ಹೇಳಬಹುದು.
ಹೌದು ನಾವು ತಿಳಿದೋ ತಿಳಿಯದೆಯೋ ಮಾಡುವಂತಹ ಕೆಲವೊಂದು ತಪ್ಪುಗಳಿಂದ ಅಡುಗೆ ಮನೆಯಲ್ಲಿ ತಯಾರಾಗುವoತಹ ಪದಾರ್ಥಗಳು ತಮ್ಮ ರುಚಿಯನ್ನೇ ಕಳೆದುಕೊಳ್ಳುವಂತಹ ಸನ್ನಿವೇಶಗಳು ಕೂಡ ಬರುತ್ತದೆ ಅಂತಹ ಸಮಯದಲ್ಲಿ ಅದು ಚೆನ್ನಾಗಿಲ್ಲ ಎನ್ನುವ ಉದ್ದೇಶದಿಂದ ಅದನ್ನು ಆಚೆ ಹಾಕುವ ಬದಲು ಯಾವ ಕೆಲವು ಸಲಹೆಗಳನ್ನು ಅನುಸರಿಸುವುದರಿಂದ ಆ ಅಡುಗೆಯನ್ನು ಸರಿಪಡಿಸಬಹುದು ಎನ್ನುವುದನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ.
ಹೌದು ನಾವು ಯಾವುದೇ ಕೆಲಸ ಮಾಡಿದರು ಕೂಡ ಅದೇನಾದರೂ ಸರಿಯಾಗುತ್ತಿಲ್ಲ ಎಂದರೆ ಅದನ್ನು ಹೇಗೆ ಸರಿಪಡಿಸಬಹುದು ಎಂದು ಆಲೋಚನೆಯನ್ನು ಮಾಡುತ್ತೇವೋ. ಅದೇ ರೀತಿಯಾಗಿ ನಾವು ಅಡುಗೆ ಮನೆಯಲ್ಲಿ ಯಾವ ಕೆಲವು ಟಿಪ್ಸ್ ಗಳನ್ನು ಅನುಸರಿಸುವುದರಿಂದ ಅಡುಗೆಮನೆಯ ಕೆಲಸವನ್ನು ಹೇಗೆ ಸುಲಭವಾಗಿ ಮಾಡಬಹುದು ಎನ್ನುವಂತಹ ಮಾಹಿತಿಗಳನ್ನು ತಿಳಿದುಕೊಂಡಿರುವುದು ಕೂಡ ಅಷ್ಟೇ ಮುಖ್ಯವಾಗಿರುತ್ತದೆ.
ಅದರಲ್ಲೂ ಕೆಲಸಕ್ಕೆ ಹೋಗುವಂತಹ ಮಹಿಳೆಯ ರಾಗಿರಬಹುದು ಅಥವಾ ಬೇರೆ ಯಾವುದೇ ಕೆಲಸ ಇದ್ದರೂ ಸಹ ಅಡುಗೆ ಮನೆಯ ಕೆಲಸ ಬೇಗ ಸುಲಭವಾಗಿ ಆಗಬೇಕು ಎಂದರೆ ಕೆಲವೊಂದಷ್ಟು ವಿಷಯಗಳನ್ನು ತಿಳಿದುಕೊಂಡಿರುವುದು ಬಹಳ ಮುಖ್ಯವಾಗಿರುತ್ತದೆ. ಹಾಗಾದರೆ ಅಡುಗೆ ಮನೆಯಲ್ಲಿ ಯಾವ ಕೆಲವು ನಿಯಮಗಳನ್ನು ಅನುಸರಿಸಬಹುದು ಹಾಗೂ ಅದು ಯಾವ ಸಮಯಕ್ಕೆ ಅನುಕೂಲವಾಗುತ್ತದೆ.
ಹೀಗೆ ಈ ಎಲ್ಲ ವಿಚಾರವಾಗಿ ಸಂಬಂಧಿಸಿದ ಹಲವಾರು ಮಾಹಿತಿಗಳ ಬಗ್ಗೆ ಈ ದಿನ ತಿಳಿಯೋಣ ನಾವು ಯಾವುದೇ ಆಹಾರ ಪದಾರ್ಥಗಳನ್ನು ಮಾಡಬೇಕು ಎಂದರೆ ಅದು ಬೇಗನೆ ಬೇಯುತ್ತದೆ ಎಂಬ ಕಾರಣಕ್ಕೆ ಪ್ರೆಶರ್ ಕುಕ್ಕರ್ ಪ್ರತಿ ಮನೆಯ ಅಚ್ಚುಮೆಚ್ಚಿನ ವಸ್ತು. ಆದರೆ ಇದರಲ್ಲಿ ಎಲ್ಲಾ ಆಹಾರಗಳನ್ನು ಬೇಯಿಸುವಂತಿಲ್ಲ ಎಂಬುದೂ ಗೊತ್ತಿರಲಿ.
*ಹಾಲು,ಕೆನೆ,ಮೊಸರಿನಂಥ ಡೈರಿ ಉತ್ಪನ್ನ ಆಹಾರಗಳನ್ನು ಕುಕ್ಕರ್ನಲ್ಲಿ ಬೇಯಿಸಬೇಡಿ. ಕುಕ್ಕರ್ನ ಅಧಿಕ ಶಾಖ ಮತ್ತು ಒತ್ತಡದಿಂದ ಈ ಹಾಲಿನ ಉತ್ಪನ್ನಗಳು ಗರಣೆಗಟ್ಟುವ ಅಥವಾ ಆಹಾರದಿಂದ ಪ್ರತ್ಯೇಕವಾಗಿ ಖಾದ್ಯದ ರುಚಿ ಮತ್ತು ಪರಿಮಳವನ್ನು ಹಾಳು ಮಾಡುವ ಸಾಧ್ಯತೆ ಹೆಚ್ಚು ಇರುತ್ತದೆ.
* ಕುಕ್ಕರ್ನಲ್ಲಿ ಫ್ರೆಂಚ್ ಫೈ ಬಜ್ಜಿ ಬೋಂಡಾ ಮುಂತಾದ ಪದಾರ್ಥಗಳನ್ನು ಕರಿಯಬೇಡಿ. ಯಾಕೆಂದರೆ ಕುಕ್ಕರನ್ನು ತೇವಾಂಶವಿರುವ ಪದಾರ್ಥ ಗಳನ್ನು ಬೇಯಿಸಲೆಂದೇ ವಿನ್ಯಾಸಗೊಳಿಸಲಾಗಿರುತ್ತದೆ. ಇದರಲ್ಲಿ ಕರಿದ ತಿಂಡಿಗಳನ್ನು ಮಾಡಲು ಪ್ರಯತ್ನಿಸಿದರೆ ಕುಕ್ಕರ್ನ ಅಧಿಕ ಒತ್ತಡ ಮತ್ತು ಹಬೆಯಿಂದಾಗಿ ಎಣ್ಣೆ ಸಿಡಿದು ಅಪಾಯವಾಗುವ ಸಾಧ್ಯತೆ ಇದೆ.
* ಪಾಸ್ತಾ ನೂಡಲ್ಸ್ನಂಥ ನಾಜೂಕು ಪದಾರ್ಥಗಳನ್ನು ಕುಕ್ಕರ್ನಲ್ಲಿ ಬೇಯಿಸಬೇಡಿ. ಇದರಿಂದ ಪದಾರ್ಥಗಳು ತುಂಬಾ ಮೆತ್ತಗಾಗಿ ಪೇಸ್ಟ್ ನಂತಾಗುತ್ತದೆ ಆದ್ದರಿಂದ ಇವುಗಳನ್ನು ಕುಕ್ಕರ್ ನಲ್ಲಿ ಬೇಯಿಸಬೇಡಿ.
* ಹಸಿರು ಸೊಪ್ಪು ಮತ್ತು ಎಳೆ ತರಕಾರಿಗಳನ್ನು ಕುಕ್ಕರ್ನಲ್ಲಿ ಬೇಯಿಸ ಬೇಡಿ ಸೊಪ್ಪು ಮತ್ತು ತರಕಾರಿಗಳು ಅಧಿಕ ಒತ್ತಡ ಮತ್ತು ಶಾಖಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಬೆಂದು ತನ್ನ ಬಣ್ಣ ಮತ್ತು ಪೋಷಕಾಂಶಗಳನ್ನು ಕಳೆದುಕೊಳ್ಳುತ್ತದೆ ಆದ್ದರಿಂದ ಯಾವುದೇ ಹಸಿರು ಸೊಪ್ಪು ಮತ್ತು ತರಕಾರಿಗಳನ್ನು ಕುಕ್ಕರ್ ನಲ್ಲಿ ಬೇಯಿಸಬೇಡಿ.
ಬದಲಿಗೆ ಅದನ್ನು ಒಗ್ಗರಣೆಯಲ್ಲಿ ಬೇಯಿಸುವುದರ ಮೂಲಕ ಅಥವಾ ಹಬೆಯಲ್ಲಿ ಬೇಯಿಸುವು ದರ ಮೂಲಕ ಅದನ್ನು ಅಡುಗೆ ತಯಾರಿಸಿ ಸೇವಿಸಿ ಈ ರೀತಿ ಸೇವನೆ ಮಾಡಿದರೆ ನಿಮಗೆ ಯಾವುದೇ ರೀತಿಯ ಆರೋಗ್ಯ ಸಮಸ್ಯೆ ಎದುರಾಗುವುದಿಲ್ಲ. ಹಾಗೂ ಅದರಲ್ಲಿ ಇರುವಂತಹ ಪ್ರತಿಯೊಂದು ಪೋಷಕಾಂಶಗಳು ಸಹ ನಿಮಗೆ ಒಳ್ಳೆಯ ರೀತಿಯಲ್ಲಿ ಸಿಗುತ್ತದೆ.