ರಂಜಿನಿ ರಾಘವನ್ (Ranjani Raghavan) ಅವರು ಕಲರ್ಸ್ ಕನ್ನಡ ಚಾನೆಲ್ (colors Kannada) ಪ್ರಾಡಕ್ಟ್ ಎಂದರೆ ತಪ್ಪಾಗಲಾರದು. ಯಾಕೆಂದರೆ 2012ರಲ್ಲಿ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ ಪುಟ್ಟಗೌರಿ ಮದುವೆ (Putta Gowri Maduve ) ಎನ್ನುವ ಮೆಘಾ ಧಾರಾವಾಹಿಯು ರಂಜನಿ ರಾಘವನ್ ಅವರನ್ನು ಕರ್ನಾಟಕದ ಮನೆಮನೆಗೂ ಪರಿಚಯ ಮಾಡಿಸಿತು.
ಈಗಲೂ ಕೂಡ ಕನ್ನಡಿಗರ ನೆಚ್ಚಿನ ಪುಟ್ಟಗೌರಿಯಾಗಿ ಕರೆಸಿಕೊಳ್ಳುವ ಇವರು ಈಗಷ್ಟೇ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಮುಕ್ತಾಯವಾದ ಕನ್ನಡತಿ (Kannadathi) ಎನ್ನುವ ಕನ್ನಡದ ಹೆಮ್ಮೆಯ ಧಾರವಾಹಿಯಲ್ಲಿ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದಕ್ಕೂ ಮುನ್ನ ಬಾಲ ನಟಿಯಾಗಿ ಸಹಕಲಾವಿದೆಯಾಗಿ ಹಲವು ಧಾರವಾಹಿಗಳಲ್ಲಿ ಅಭಿನಯಿಸಿದ್ದರೂ ಕಲರ್ಸ್ ಕನ್ನಡ ವಾಹಿನಿಯ ಧಾರಾವಾಹಿಗಳು ಹೆಚ್ಚು ಹೆಸರು ತಂದುಕೊಟ್ಟವು.
ರಂಜನಿ ರಾಘವನ್ ಅವರು ಬಹುಮುಖ ಪ್ರತಿಭೆ. ಮಾಜಿ ಮಿಸ್ ಬೆಂಗಳೂರು, ಗಾಯಕಿ, ಕಿರುತೆರೆ ಕಲಾವಿದೆ ಮತ್ತು ಬರಹಗಾರ್ತಿ ಕೂಡ ಹೌದು. ಹೀಗಾಗಿ ಇವರ ವ್ಯಕ್ತಿತ್ವದ ಬಗ್ಗೆ ಸದಾ ಅಭಿಮಾನಿಗಳಿಗೆ ಕುತೂಹಲ ಇದ್ದೇ ಇರುತ್ತದೆ. ಈ ರೀತಿ ತಮ್ಮ ನೆಚ್ಚಿನ ಸೆಲೆಬ್ರಿಟಿ ಗಳ ಬಗ್ಗೆ ಮುಕ್ತವಾಗಿ ತಿಳಿದುಕೊಳ್ಳುವ ಅವಕಾಶ ಸಿಗುವುದು ಬಿಗ್ ಬಾಸ್ ಕಾರ್ಯಕ್ರಮದಿಂದ.
ಹಾಗಾಗಿ ಪ್ರತಿಬಾರಿಯೂ ಕೂಡ ಬಿಗ್ ಬಾಸ್ ಕಾರ್ಯಕ್ರಮ (Bigboss) ಆರಂಭವಾದಾಗ ರಂಜನಿ ರಾಘವನ್ ಈ ಸಲ ಬಿಗ್ ಬಾಸ್ ಗೆ ಬರಲಿ ಎಂದು ಅಭಿಮಾನಿಗಳು ಕೇಳಿಕೊಳ್ಳುತ್ತಾರೆ. ಪ್ರತಿ ಬಾರಿ ಬಿಗ್ ಬಾಸ್ ಆರಂಭವಾದಗಲೂ ಹರಿದಾಡುವ ಬಿಗ್ ಬಾಸ್ ಕಂಟೆಸ್ಟೆಂಟ್ಗಳ ಉಹಾ ಪಟ್ಟಿಯಲ್ಲಿ (Bigboss Contestents guess list) ರಂಜಿನಿ ರಾಘವನ್ ಅವರ ಹೆಸರು ಕೂಡ ಇರುತ್ತದೆ.
ಇದರ ಬಗ್ಗೆ ರಂಜನಿ ರಾಘವನ್ ಅವರಿಗೆ ಕೇಳಿದಾಗ ಅವರು ಕೊಟ್ಟ ಉತ್ತರ ಹೀಗಿತ್ತು. ಸದ್ಯಕ್ಕೆ ರಂಜನಿ ರಾಘವನ್ ಅವರು ಸತ್ಯಂ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ಸಂಬಂಧಿತ ಸಂದರ್ಶನದಲ್ಲಿ ಭಾಗಿಯಾಗಿದ್ದ ಇವರಿಗೆ ಬಿಗ್ ಬಾಸ್ ಕಾರ್ಯಕ್ರಮದ ಬಗ್ಗೆಯೂ ಕೂಡ ಪ್ರಶ್ನೆ ಕೇಳಲಾಗಿದೆ
ಅದಕ್ಕೆ ಉತ್ತರಿಸಿದ ಇವರು ನಾನು ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಎರಡು ಧಾರಾವಾಹಿಗಳನ್ನು ಮಾಡಿದ್ದೇನೆ ಹಾಗಾಗಿ ಖಂಡಿತವಾಗಿ ವಾಹಿನಿಯಿಂದ ಪ್ರತಿಬಾರಿಯೂ ನನಗೆ ಬಿಗ್ ಬಾಸ್ ಗೆ ಬರುವಂತೆ ಆಫರ್ ಬರುತ್ತದೆ ಆದರೆ ನಮ್ಮನ್ನು ಫೋರ್ಸ್ ಮಾಡುವುದಿಲ್ಲ. ನನಗೆ ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಹೋಗುವುದಕ್ಕಿಂತ ಸಿನಿಮಾ ಬಗ್ಗೆ ಹೆಚ್ಚು ಆಸಕ್ತಿ ಹಾಗಾಗಿ ಸಿನಿಮಾ ಬಗ್ಗೆ ಯೋಚಿಸುತ್ತಿದ್ದೇನೆ.
ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಹೋದಾಗ ನನ್ನ ಪರ್ಸನಲ್ ವಿಚಾರಗಳು ಬರುವುದು ಅಥವಾ ನಾನು ಕಂಟೆಂಟ್ ಕೊಡುವುದು ಕಷ್ಟವಾಗುತ್ತದೆ. ನನಗೆ ಪಾತ್ರ ಕೊಟ್ಟಾಗ ಅದನ್ನು ಕ್ರಿಯೇಟಿವ್ ಆಗಿ ನಿಭಾಯಿಸುತ್ತೇನೆ ಹೊರತು ಈ ರೀತಿ ರಿಯಾಲಿಟಿ ಶೋಗಳಲ್ಲಿ ಕಂಟೆಂಟ್ ಕ್ರಿಯೇಟ್ ಮಾಡುವುದು ಕಷ್ಟ ಎಂದು ಉತ್ತರ ಕೊಟ್ಟಿದ್ದಾರೆ.
ಹಾಗೆ ಈ ಬಾರಿ ಸೀಸನ್ 10 ರಲ್ಲಿ ನಿಮ್ಮ ಸಹಕಲಾವಿದರು ಸಾಕಷ್ಟು ಜನ, ಪರಿಚಯವಿರುವವರು ಬಿಗ್ ಬಾಸ್ ಮನೆ ಒಳಗಿದ್ದಾರೆ. ಅವರಲ್ಲಿ ಯಾರು ಇಷ್ಟ? ಕಾರ್ಯಕ್ರಮ ನೋಡುತ್ತೀರಾ? ಎಂದು ಕೇಳಿದಾಗ ಖಂಡಿತವಾಗಿಯೂ ನೋಡುತ್ತೇನೆ. ಸದ್ಯಕ್ಕೆ ಟ್ರೆಂಡಿಂಗ್ ನಲ್ಲಿ ಇರುವ ವಿಷಯವಾದ್ದರಿಂದ ನಮಗೂ ಫೇಸ್ಬುಕ್ ಇನ್ಸ್ಟಾದಲ್ಲಿ ರೆಕಮೆಂಡೇಶನ್ ಬರುತ್ತಿರುತ್ತದೆ.
ನಾನು ಕಾರ್ಯಕ್ರಮ ನೋಡಿದ್ದೇನೆ ಆದರೆ ಯಾರ ಬಗ್ಗೆಯೂ ಒಪಿನಿಯನ್ ಕ್ರಿಯೇಟ್ ಮಾಡಿಕೊಂಡಿಲ್ಲ. ಪ್ರತಿಯೊಬ್ಬರಿಗೂ ಅವರವರದ್ದೇ ಟ್ಯಾಲೆಂಟ್ ಆಸಕ್ತಿ ಇರುತ್ತದೆ ಎಲ್ಲರೂ ಅವರವರ ಆಟ ಆಡುತ್ತಿದ್ದಾರೆ. ಬಿಗ್ ಬಾಸ್ ಕಾರ್ಯಕ್ರಮ ಒಂದು ರೀತಿ ಒಳ್ಳೆಯದೇ ಆ ಮೂಲಕ ಎಷ್ಟೋ ಪ್ರತಿಭೆಗಳು ಬೆಳಕಿಗೆ ಬಂದಿದ್ದಾರೆ, ಎಷ್ಟೋ ವಿಚಾರ ಗೊತ್ತಾಗಿದೆ ಇದೇ ರೀತಿ ಪಾಸಿಟಿವ್ ಆಗಿ ವೇದಿಕೆ ಬಳಸಿಕೊಳ್ಳಲಿ ಎಂದು ಹೇಳುತ್ತೇನೆ ಎಂದಿದ್ದಾರೆ.