ನಮ್ಮ ದೇಶದಲ್ಲಿ ಇನ್ನು ಅನೇಕರಿಗೆ ಆಸ್ತಿ ವರ್ಗಾವಣೆ ವಿಚಾರವಾಗಿ ಸರಿಯಾದ ಮಾಹಿತಿ ತಿಳಿದೇ ಇಲ್ಲ. ಕುಟುಂಬದ ನಡುವೆ ಆಸ್ತಿ ವಿಭಾಗ ಆದಾಗ ಅಥವಾ ತಂದೆಯಿಂದ ಮಗನಿಗೆ ಆಸ್ತಿ ಕೊಡುವಾಗ ಮನೆ ನಿವೇಶನ ಹಕ್ಕು ವರ್ಗಾವಣೆ ಮಾಡುವಾಗ ಅದನ್ನು ಯಾವ ಕ್ರಮಗಳ ಮೂಲಕ ಮಾಡಬೇಕು, ಅದಕ್ಕಾಗಿ ಎಲ್ಲಿ ಅರ್ಜಿ ಸಲ್ಲಿಸಬೇಕು, ಎಲ್ಲಿ ನೋಂದಣಿ ಮಾಡಿಸಬೇಕು, ಆ ಪ್ರಕ್ರಿಯೆ ಹೇಗಿರುತ್ತದೆ ಅದಕ್ಕೆ ದಾಖಲೆಗಳಾಗಿ ಏನೇನು ಕೊಡಬೇಕು ಎನ್ನುವುದರ ಬಗ್ಗೆ ಸರಿಯಾದ ಮಾಹಿತಿ ಇಲ್ಲ.
ಇದರಿಂದಲೇ ಇಂದಿಗೂ ಸಹ ಅನೇಕ ಆಸ್ತಿಗಳು ಎರಡು ಮೂರು ತಲೆಮಾರಿನ ಹಿಂದಿನ ಹೆಸರಿನಲ್ಲಿಯೇ ಇದೆ. ಆದರೆ ಪ್ರತಿಯೊಬ್ಬರೂ ಕೂಡ ಆಸ್ತಿ ವರ್ಗಾವಣೆ ವಿಚಾರವಾಗಿ ವಿಷಯವನ್ನು ತಿಳಿದುಕೊಂಡಿರಲೇಬೇಕು ಅದಕ್ಕಾಗಿ ಈ ಲೇಖನದಲ್ಲಿ ಅದರ ಬಗ್ಗೆ ತಿಳಿಸುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ.
ಮನೆ ಅಥವಾ ನಿವೇಶನವನ್ನು ತಂದೆ ಹೆಸರಿನಿಂದ ಮಗನ ಹೆಸರಿಗೆ ಮಾಡಲು ಬೇಕಾಗುವ ದಾಖಲೆಗಳು:-
● ಮನೆ ನಿಮ್ಮದು ಎನ್ನುವುದಕ್ಕಾಗಿ ಇರುವ ದಾಖಲೆಗಳಾದ ಮನೆ ಹಕ್ಕು ಪತ್ರ
● ಮನೆಯ ನಕ್ಷೆ
● ಮನೆಗೆ ಕಟ್ಟಿರುವ ತೆರಿಗೆ ರಶೀತಿ
● ಪಂಚಾಯಿತಿ ಕಚೇರಿಯಿಂದ ಪಡೆದ ಫಾರ್ಮ್ 11 ಮತ್ತು ಫಾರ್ಮ್ ನಂಬರ್ 9
● ತಂದೆ ಮಕ್ಕಳ ಆಧಾರ್ ಕಾರ್ಡ್
● ಕುಟುಂಬದ ರೇಷನ್ ಕಾರ್ಡ್
● ಸಾಕ್ಷಿಗಳ ಸಹಿ ಮತ್ತು ಹಾಜರಿ
● ವಂಶವೃಕ್ಷ
ಈ ಮೇಲ್ಕಂಡ ದಾಖಲೆಗಳಲ್ಲಿ ಮನೆ ಪತ್ರಕ್ಕೆ ಸಂಬಂಧಪಟ್ಟ ದಾಖಲೆಗಳು ಇಲ್ಲವಾದಲ್ಲಿ ನಿಮ್ಮ ಗ್ರಾಮ ಪಂಚಾಯಿತಿ ಕಛೇರಿಗೆ ಭೇಟಿ ಕೊಟ್ಟು ಅರ್ಜಿ ಸಲ್ಲಿಸಿ ಪಡೆದುಕೊಳ್ಳಬಹುದು. ಇದೆಲ್ಲವನ್ನು ತೆಗೆದುಕೊಂಡು ನಿಮ್ಮ ಉಪನೋಂದಣಿ ಕಛೇರಿಗೆ ಹೋಗಿ ನೋಂದಣಿ ಮಾಡಿಸುವುದರಿಂದ ತಂದೆ ಹೆಸರಿನಲ್ಲಿರುವ ಆಸ್ತಿ ಮಗನ ಹೆಸರಿಗೆ ಬರುತ್ತದೆ. ಈ ರೀತಿ ಹಕ್ಕು ವರ್ಗಾವಣೆಯನ್ನು ಮೂರು ರೀತಿ ಮಾಡಬಹುದು.
ಒಬ್ಬ ತಂದೆಯು ತನ್ನ ಮಗನಿಗೆ ವಿಭಾಗ ಪತ್ರದ ಮೂಲಕ ಅಥವಾ ದಾನ ಪತ್ರದ ಮೂಲಕ ಅಥವಾ ಕ್ರಯ ಮಾಡುವ ಮೂಲಕ ತನ್ನ ಹಕ್ಕನ್ನು ತನ್ನ ಮಗನಿಗೆ ವರ್ಗಾವಣೆ ಮಾಡಬಹುದು ಅಥವಾ ತನ್ನ ಆಸ್ತಿಯನ್ನು ತನ್ನ ಮಗನ ಹೆಸರಿಗೆ ಮಾಡಬಹುದು. ಆದರೆ ಹೆಚ್ಚಿನ ಜನ ಈ ರೀತಿ ತಂದೆಯಿಂದ ಮಗನಿಗೆ ಆಸ್ತಿ ವರ್ಗಾವಣೆ ಮಾಡುವುದಾದರೆ ಆಸ್ತಿ ಪತ್ರದ ಮೂಲಕ ಮಾಡಿಸುತ್ತಾರೆ. ಈ ರೀತಿ ಮಾಡಿಸುವುದರಿಂದ ಸ್ಟಾಂಪ್ ಡ್ಯೂಟಿ ಚಾರ್ಜ್ ಮತ್ತು ಇತರ ಖರ್ಚು ಕಡಿಮೆ ಎನ್ನುವ ಕಾರಣಕ್ಕಾಗಿ ಈ ವಿಧಾನವನ್ನು ಅನುಸರಿಸುತ್ತಾರೆ.
ಈ ಎಲ್ಲಾ ದಾಖಲೆಗಳ ಜೊತೆಗೆ ಉಪನೋಂದಾಣಿ ಕಚೇರಿಗೆ ಹೋದಾಗ ನೊಂದಣಾಧಿಕಾರಿಗಳು ಸಾಕ್ಷಿಗಳ ಸಮ್ಮುಖದಲ್ಲಿ ಮುದ್ರಾಂಕದ ಹಾಳೆ ಮೇಲೆ ಮಗನಿಗೆ ಆಸ್ತಿ ಹಕ್ಕು ವರ್ಗಾವಣೆ ಆಗುವುದರ ಕುರಿತು ಬರೆಯುತ್ತಾರೆ. ಆ ದಾನಪತ್ರದಲ್ಲಿ ಮನೆಯ ಸಂಪೂರ್ಣ ವಿವರ ಇರಬೇಕು ಮತ್ತು ಚೆಕ್ಕುಬಂದಿ ಸಂಬಂಧಿಸಿದ ವಿವರಗಳನ್ನು ಸಹ ಸೇರಿಸಿ ಬರೆದಿರಬೇಕು. ನಂತರ ಸಾಕ್ಷಿಗಳ ಸಹಿಯನ್ನು ಕೂಡ ಅದರ ಮೇಲೆ ಮಾಡಿಸಬೇಕು.
ನಂತರ ರಿಜಿಸ್ಟರ್ ಮಾಡಿಸುವುದಕ್ಕೆ ಸರ್ಕಾರ ವಿಧಿಸಿರುವ ಶುಲ್ಕವನ್ನು ಕಟ್ಟಿ ರಿಜಿಸ್ಟರ್ ಮಾಡಿಸಬೇಕು. ರಿಜಿಸ್ಟರ್ ಆದಮೇಲೆ ಖಾತೆ ಬದಲಾವಣೆಗೆ ಬಂದು ನಿಮ್ಮ ಗ್ರಾಮ ಪಂಚಾಯಿತಿಯಲ್ಲಿ ಮತ್ತೆ ಅರ್ಜಿ ಸಲ್ಲಿಸಬೇಕು. ಅರ್ಜಿ ಸ್ವೀಕರಿಸಿದ ಗ್ರಾಮ ಪಂಚಾಯಿತಿ ಸಿಬ್ಬಂದಿಗಳು ಆಕ್ಷೇಪಣೆಗಾಗಿ ಪ್ರಚಾರ ಮಾಡಿಸುತ್ತಾರೆ. ನಿಗದಿತ ದಿನಾಂಕದ ಒಳಗೆ ಆಸ್ತಿ ಕುರಿತು ಯಾವುದೇ ತಕರಾರು ಬರದೇ ಇದ್ದಲ್ಲಿ ಮಗನ ಹೆಸರಿಗೆ ಖಾತೆ ಬದಲಾವಣೆ ಮಾಡಲಾಗುತ್ತದೆ. ಈ ರೀತಿ ಆಸ್ತಿ ಮಗನ ಹೆಸರಿಗೆ ರಿಜಿಸ್ಟರ್ ಆದಮೇಲೆ ಮತ್ತೊಮ್ಮೆ ಇ-ಸ್ವತ್ತು ಮಾಡಿಸಬೇಕು.