ಹಣಕಾಸಿನ ವಿಚಾರವಾಗಿ ಯಾರು ಮೋಸ ಹೋಗದಂತೆ ಮತ್ತು ಮೋಸ ಮಾಡಿದಂತೆ ತಡೆಯಲು ಕೇಂದ್ರ ಸರ್ಕಾರವು ಹೊಸ ಹೊಸ ಯೋಜನೆಯನ್ನು ಹೊತ್ತು ತರುತ್ತಿದೆ. ಇತ್ತೀಚೆಗಷ್ಟೇ ಹೊಸ ಯೋಜನೆಯೊಂದನ್ನು ಸರ್ಕಾರವು ಜಾರಿಗೊಳಿಸಿತ್ತು. ಅದೇನೆಂದರೆ ಪಾನ್ ಕಾರ್ಡ್ ಹಾಗೂ ಆಧಾರ್ ಕಾರ್ಡ್ ಸಂಖ್ಯೆಯನ್ನು ಲಿಂಕ್ ಮಾಡಿಸಿಕೊಳ್ಳಬೇಕು ಎಂಬುದಾಗಿತ್ತು. ದೇಶದಲ್ಲಿ ಸಾಕಷ್ಟು ಜನರ ಆಧಾರ್ ಕಾರ್ಡ್ ಹಾಗೂ ಪಾನ್ ಕಾರ್ಡ್ ಒಂದಕ್ಕೊಂದು ಲಿಂಕ್ ಆಗದಲೇ ಉಳಿದಿತ್ತು.
ವಿಷಯ ತಿಳಿಯುತ್ತಲೇ ಅನೇಕ ಜನರು ತಮ್ಮ ಪಾನ್ ಕಾರ್ಡ್ ಹಾಗೂ ಆಧಾರ್ ಕಾರ್ಡ್ ಸಂಖ್ಯೆಯನ್ನು ಒಂದಕ್ಕೊಂದು ಲಿಂಕ್ ಮಾಡಿಸಲು ಮುಗಿ ಬಿದ್ದರು. ಮಾರ್ಚ್ 31.2023ರಂದು ಆಧಾರ್ ಕಾರ್ಡ್ ಹಾಗೂ ಪಾನ್ ಕಾರ್ಡ್ ಲಿಂಕ್ ಮಾಡಿಸಲು ಕೊನೆಯ ದಿನವೆಂದು ಸರ್ಕಾರವು ಘೋಷಣೆ ಮಾಡಿತು ಆದರೂ ಅನೇಕ ಜನರಿಗೆ ಈ ವಿಷಯವು ಕೊನೆಯ ದಿನ ಸಮೀಪಿಸಿದರೂ ತಲುಪಿರಲಿಲ್ಲ. ಲಿಂಕ್ ಮಾಡಿಸಲು ನೀಡಿದ ಅವಧಿಯು ಮುಗಿಯುತ್ತಾ ಬಂದಂತೆ ಹೆಚ್ಚು ಹೆಚ್ಚು ಜನರು ಎಚ್ಚೆತ್ತುಕೊಂಡು ಲಿಂಕ್ ಮಾಡಿಸಲು ಮುಂದಾದರು.
ಒಂದೇ ಬಾರಿ ಎಲ್ಲರ ಆಧಾರ್ ಹಾಗೂ ಪಾನ್ ಲಿಂಕನ್ನು ಮಾಡಿಸಲು ಹೊರಟರೆ ಸರ್ವಾರ್ ಸಮಸ್ಯೆ ಸೇರಿದಂತೆ ಅನೇಕ ಸಮಸ್ಯೆಗಳು ಎದುರಾಗುತ್ತವೆ ಎಂದು ಅರಿತ ಸರ್ಕಾರವು ಲಿಂಕ್ ಮಾಡಲು ನೀಡಿದ ಅವಧಿಯನ್ನು ವಿಸ್ತರಿಸಿತು. ಇದರಿಂದ ವಿಷಯವನ್ನೇ ಅರಿತಿರದ ಅನೇಕ ಗ್ರಾಮೀಣ ಭಾಗದ ಜನರಿಗೆ ಸಹಾಯವಾಗಿದೆ.
ಪಾನ್ ಜೊತೆಗೆ ಆಧಾರ್ ಸಂಖ್ಯೆಯನ್ನು ಲಿಂಕ್ ಮಾಡುವುದು ಎಲ್ಲರಿಗೂ ಅನ್ವಯವಾಗುವಂತೆ, ಕಡ್ಡಾಯವಾಗಿ ಜಾರಿಗೊಳಿಸಿದ ನಿಯಮವಾಗಿದ್ದು, ಒಂದು ವೇಳೆ ಲಿಂಕ್ ಮಾಡಿಸದಿದ್ದಲ್ಲಿ ಅಂತವರ ಪಾನ್ ಕಾರ್ಡ್ ನಿಷ್ಕ್ರಿಯಗೊಳ್ಳುತ್ತದೆ ಎಂದು ಸರ್ಕಾರವು ಘೋಷಿಸಿದೆ. ಇದೀಗ ಕೇಂದ್ರ ಸರ್ಕಾರವು ಹೊಸದೊಂದು ನಿಯಮವನ್ನು ಜಾರಿಗೊಳಿಸುತ್ತಿದ್ದು ಇದರಿಂದ ಒಂದಕ್ಕಿಂತ ಹೆಚ್ಚು ಬ್ಯಾಂಕಿನಲ್ಲಿ ಅಕೌಂಟ್ ಗಳನ್ನು ಅಥವಾ ಖಾತೆಯನ್ನು ಹೊಂದಿದವರಿಗೆ ಸಮಸ್ಯೆ ಆಗಲಿದೆಯೇ? ಎಂಬುದನ್ನು ಈ ಲೇಖನದ ಮುಖಾಂತರ ತಿಳಿಸಲಿದ್ದೇವೆ.
ಈಗಾಗಲೇ ಸರ್ಕಾರವು ಆಧಾರ್ ಹಾಗೂ ಪಾನ್ ಲಿಂಕ್ ಮಾಡಲು ಸಮಯವನ್ನು ವಿಸ್ತರಿಸಿದ್ದು ಜೂನ್ 30ರವರೆಗೂ ಅವಕಾಶವಿದೆ. ಈ ನಿಯಮದ ಜಾರಿಗೊಳಿಸುವಿಕೆಯಿಂದ ಎಲ್ಲ ಜನರು ಆಧಾರ್ ಹಾಗೂ ಪಾನ್ ಲಿಂಕ್ ಮಾಡಿಸುತ್ತಾರೆ. ಇದರಿಂದ ಒಂದಕ್ಕಿಂತ ಹೆಚ್ಚಿನ ಬ್ಯಾಂಕ್ ಗಳಲ್ಲಿ ಖಾತೆಯನ್ನು ಹೊಂದಿದ್ದರೂ ಕೂಡ ಎಲ್ಲಾ ಖಾತೆಗಳ ಖಚಿತ ಮಾಹಿತಿಯನ್ನು ಆಧಾರ್ ಹಾಗೂ ಪಾನ್ ಲಿಂಕ್ ಮೂಲಕ ತಿಳಿಯಬಹುದು. ಖಚಿತ ಮಾಹಿತಿಯು ದೊರೆಯುವುದರಿಂದ ಸಾಲವನ್ನು ಮರುಪಾವತಿಸಲು ಸಹಕಾರಿಯಾಗಲಿದೆ.
ಏಪ್ರಿಲ್ ತಿಂಗಳ ನಂತರ ಕನಿಷ್ಠ ಶುಲ್ಕ ಮತ್ತು ಎಟಿಎಂ ಶುಲ್ಕಗಳು ಹೆಚ್ಚಾಗಲಿದ್ದು ಒಂದಕ್ಕಿಂತ ಹೆಚ್ಚಿನ ಬ್ಯಾಂಕ್ಗಳಲ್ಲಿ ಖಾತೆಯನ್ನು ಹೊಂದಿದವರಿಗೆ ಅಂದರೆ ಕೆಲವು ಬ್ಯಾಂಕ್ ಖಾತೆಗಳನ್ನು ಬಳಸದೆ ಇರುವವರಿಗೆ ಸಮಸ್ಯೆ ಆಗಲಿದೆ ಎನ್ನಲಾಗುತ್ತದೆ. ಹಲವಾರು ಖಾತೆಗಳನ್ನು ಹೊಂದಿದ್ದು ಅದನ್ನು ಸರಿಯಾಗಿ ನಿಭಾಯಿಸದೆ ಇದ್ದಲ್ಲಿ ಸಮಸ್ಯೆ ಎದುರಾಗುವುದು ಖಂಡಿತ. ಸಾಲವನ್ನು ಮರುಪಾವತಿ ಮಾಡದೇ ಇದ್ದಲ್ಲಿ, ಬ್ಯಾಂಕ್ ಬ್ಯಾಲೆನ್ಸ್ ಸರಿಯಾಗಿ ಮೆಂಟೇನ್ ಮಾಡದಿದ್ದಲ್ಲಿ ಮುಂದಿನ ಸಾಲವನ್ನು ಪಡೆಯುವುದು ಕಷ್ಟವಾಗಬಹುದು.
ಪ್ರತಿಯೊಂದು ಖಾತೆಗಳಿಗೂ ಸ್ವಲ್ಪ ಪ್ರಮಾಣದ ಶುಲ್ಕವನ್ನು ನೀಡಲೇ ಬೇಕಿದೆ. ಅಂತೆಯೇ ಹಲವಾರು ಖಾತೆಗಳನ್ನು ಹೊಂದಿದ್ದರೆ ಅಲ್ಪ ಪ್ರಮಾಣದ ಶುಲ್ಕವೇ ಕೂಡಿ ದೊಡ್ಡ ಮೊತ್ತವಾಗಿ ಹೊರೆಯಾಗುವ ಸಾಧ್ಯತೆಗಳು ಇವೆ. ಒಂದಕ್ಕಿಂತ ಹೆಚ್ಚು ಬ್ಯಾಂಕ್ ಖಾತೆಗಳನ್ನು ಹೊಂದಿದ್ದರೆ ಮೇಲಿನ ಎಲ್ಲಾ ವಿಷಯಗಳನ್ನು ಅರಿತು ನಿಮ್ಮ ಹಣಕಾಸಿಗೆ ಸಂಬಂಧಪಟ್ಟ ಹಾಗೆ ಸಮಸ್ಯೆಯಾಗಲಿದೆಯೇ? ಇಲ್ಲವೇ? ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಆದ್ದರಿಂದ ಪ್ರತಿಯೊಬ್ಬರೂ ಹಣಕಾಸಿನ ವಿಚಾರವಾಗಿ ಸಾಕಷ್ಟು ಯೋಚಿಸಿ ಎಚ್ಚರಿಕೆಯಿಂದ ಹೆಜ್ಜೆ ಇಡುವುದು ಒಳಿತು.