ಪ್ರಿಯಾಂಕ ಉಪೇಂದ್ರ ಅವರು ಒಂದು ಕಾಲದಲ್ಲಿ ಎಲ್ಲಾ ಪಡ್ಡೆ ಹುಡುಗರ ಫೇವರೆಟ್ ಹೀರೋಯಿನ್. ಇವರ ಸಿನಿಮಾಗಳಲ್ಲಿ ಗ್ಲಾಮರ್ ಹಾಗೂ ನೃತ್ಯಕ್ಕೆ ಹೆಚ್ಚಿನ ಮಹತ್ವ ಕೊಡಲಾಗುತ್ತಿತ್ತು ಹಾಗಾಗಿ ಎಷ್ಟೋ ಜನರು ಇವರಿಗೆ ಅಭಿಮಾನಿಗಳು. ಎಚ್ ಟು ಒ ಎನ್ನುವ ಸಿನಿಮಾದ ಮೂಲಕ ಉಪೇಂದ್ರ ಅವರ ಜೊತೆ ಕನ್ನಡದಲ್ಲಿ ಅಭಿನಯ ಶುರು ಮಾಡಿದ ಪ್ರಿಯಾಂಕ ಉಪೇಂದ್ರ ಅವರು ನಂತರ ಕೋಟಿಗೊಬ್ಬ ಮಲ್ಲ ರೌಡಿ ಅಳಿಯ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರು ಕನ್ನಡ ಭಾಷೆ ಮಾತ್ರವಲ್ಲದೆ ಕನ್ನಡ ತಮಿಳು ತೆಲುಗು ಮಲಯಾಳಂ ಹಿಂದಿ ಬೆಂಗಾಲಿ ಒರಿಸ್ಸಾ ಹೀಗೆ ದೇಶದ ಹಲವಾರು ಭಾಷೆಗಳಲ್ಲಿ ನಟಿಸಿ ಈಗಲೂ ಬೇಡಿಕೆ ಇರಿಸಿಕೊಂಡಿರುವ ನಟಿ. ಪ್ರಿಯಾಂಕ ಉಪೇಂದ್ರ ಅವರು ಕನ್ನಡದಲ್ಲಿ ಐವತ್ತು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಪ್ರಿಯಾಂಕ ಉಪೇಂದ್ರ ಅವರು ಉಪೇಂದ್ರ ಅವರನ್ನು ಪ್ರೀತಿಸಿ ವಿವಾಹವಾಗಿದ್ದರು. ಮದುವೆಯಾದ ಮೇಲೆ ವೈಯಕ್ತಿಕ ಜೀವನದ ಕಡೆ ಹೆಚ್ಚು ಗಮನಕೊಟ್ಟ ಇವರು ಇವರ ಮಕ್ಕಳಾದ ಐಶ್ವರ್ಯ ಉಪೇಂದ್ರ ಹಾಗೂ ಆಯುಷ್ ಉಪೇಂದ್ರ ಅವರನ್ನು ಬೆಳೆಸುವುದರಲ್ಲಿ ಕಾಲ ಕಳೆದರು. ಮತ್ತೆ ಪಂಚರಂಗಿ ಎನ್ನುವ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಹಾಡೊಂದರಲ್ಲಿ ಕಂಬ್ಯಾಕ್ ಮಾಡಿದ ಇವರು ಕನ್ನಡದಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಶುರು ಮಾಡಿದರು ಎನ್ನಬಹುದು. ಮಕ್ಕಳಾದ ಮೇಲೆ ಪೋಷಕ ಪಾತ್ರಕ್ಕೆ ಇವರು ಸೀಮಿತರಾಗಿದ್ದಾರೆ ಎಂದುಕೊಂಡರೆ ಅದು ತಪ್ಪು. ಈಗಲೂ ಕೂಡ ಮಹಿಳಾ ಪ್ರಧಾನ ಚಿತ್ರಗಳು ಹಾಗೂ ನಾಯಕಿಯ ಪಾತ್ರಕ್ಕೆ ಪ್ರಾಮುಖ್ಯತೆ ಇರುವ ಪಾತ್ರಗಳಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳುತ್ತಿರುವ ನಟಿ ಪ್ರಿಯಾಂಕ ಉಪೇಂದ್ರ ಅವರು ಈಗಲೂ ಸಹ ಕೈಯಲ್ಲಿ ಹಲವಾರು ಇದೇ ರೀತಿಯ ಪ್ರಾಜೆಕ್ಟ್ಗಳನ್ನು ಇಟ್ಟುಕೊಂಡು ಬಿಜಿಯಾಗಿದ್ದಾರೆ.
ಇಷ್ಟೆಲ್ಲಾ ಬ್ಯುಸಿ ಶೆಡ್ಯೂಲ್ ನಡುವೆ ಬಿಡುವು ಮಾಡಿಕೊಂಡಿರುವ ಪ್ರಿಯಾಂಕ ಉಪೇಂದ್ರ ಅವರು ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಡ್ರಾಮಾ ಜೂನಿಯರ್ ಸೀಸನ್ ಫೋರ್ ಕಾರ್ಯಕ್ರಮದಲ್ಲಿ ಈ ವಾರ ಭಾಗಿಯಾಗಲಿದ್ದಾರೆ. ಜೊತೆ ಪ್ರೇಕ್ಷಕರ ಫೇವರೆಟ್ ಕಾರ್ಯಕ್ರಮವಾಗಿರುವ ಈ ಮಕ್ಕಳ ಕಾರ್ಯಕ್ರಮಕ್ಕೆ ರವಿಚಂದ್ರನ್ ಲಕ್ಷ್ಮಿ ಹಾಗೂ ರಚಿತಾ ರಾಮ್ ಅವರು ತೀರ್ಪುಗಾರರಾಗಿದ್ದರು. ಈ ವಾರ ಪ್ರಿಯಾಂಕ ಉಪೇಂದ್ರ ಅವರು ಕೂಡ ಈ ತಂಡ ಸೇರಿಕೊಳ್ಳುತ್ತಿದ್ದಾರೆ. ಕಾರ್ಯಕ್ರಮಕ್ಕೆ ಆಗಮಿಸಿದ ಪ್ರಿಯಾಂಕ ಉಪೇಂದ್ರ ಅವರನ್ನು ರವಿಚಂದ್ರನ್ ಅವರೇ ಸ್ವಾಗತ ಮಾಡಿ ಇವರು ಎಂದಿಗೂ ನಮ್ಮ ಹೀರೋಯಿನ್ ಎಂದಿದ್ದಾರೆ. ಮತ್ತು ವೇದಿಕೆ ಮೇಲೆ ಬಂದ ಇವರಿಬ್ಬರು ಮಲ್ಲ ಸಿನಿಮಾದ ಇವರಿಬ್ಬರ ಜನಪ್ರಿಯ ಹಾಡಾದ ಯಮ್ಮೋ ಯಮ್ಮೋ ನೋಡ್ದೇ ನೋಡ್ದೇ ಹಾಡಿಗೆ ವೇದಿಕೆ ಮೇಲೆ ಮತ್ತೊಮ್ಮೆ ಇವರಿಬ್ಬರು ಹೆಜ್ಜೆ ಹಾಕಿದ್ದಾರೆ. ಇದಕ್ಕೆ ಸಂಬಂಧಪಟ್ಟ ಪ್ರೋಮೋಗಳು ಈಗಾಗಲೇ ವಾಹಿನಿಯಲ್ಲಿ ಹರಿದಾಡುತ್ತಿದ್ದು, ಈ ವಾರದ ಸಂಚಿಕೆ ವಿಶೇಷವಾಗಲಿದೆ.
ಹಿಂದೊಮ್ಮೆ ಮಲ್ಲ ಸಿನಿಮಾ ರಿಲೀಸ್ ಆದ ಸಂದರ್ಭದಲ್ಲಿ ಈ ಹಾಡು ಹೆಚ್ಚಿನ ವಿವಾದ ಸೃಷ್ಟಿ ಮಾಡಿತ್ತು ಹಾಗೂ ಈ ಹಾಡಿನಿಂದಲೇ ಉಪೇಂದ್ರ ಹಾಗೂ ಪ್ರಿಯಾಂಕ ನಡುವೆ ಬಿರುಕು ಏರ್ಪಟ್ಟಿದೆ ಎನ್ನುವ ಗಾಳಿ ಸುದ್ದಿಗಳು ಕೂಡ ಹರಿದಾಡಿದ್ದವು. ಆದರೆ ಮತ್ತೊಮ್ಮೆ ಇವರಿಬ್ಬರು ಒಟ್ಟಾಗಿ ಕ್ರೇಜಿಸ್ಟಾರ್ ಎನ್ನುವ ಸಿನಿಮಾದಲ್ಲಿ ನಟಿಸಿದ ಮೇಲೆ ಇವೆಲ್ಲವೂ ಸುಳ್ಳು ಎನ್ನುವುದನ್ನು ಸಾಬೀತು ಪಡಿಸಿದಂತಾಯಿತು. ಈಗ ವೇದಿಕೆ ಮೇಲೆ ಇವರಿಬ್ಬರು ಇದೇ ಹಾಡಿಗೆ ನೃತ್ಯ ಮಾಡಿರುವುದನ್ನು ಜೀ ಕನ್ನಡ ವಾಹಿನಿಯು ರೀಲ್ಸ್ ಮಾಡಿ ತನ್ನ instagram ಖಾತೆಯಲ್ಲೂ ಕೂಡ ಹಂಚಿಕೊಂಡಿದೆ. ಇದನ್ನು ನೋಡಿದ ಮೇಲೆ ಇವರಿಬ್ಬರ ಅಭಿಮಾನಿಗಳು ಈ ವಾರದ ಶೋ ನೋಡುವುದಕ್ಕೆ ಕಾಯುತ್ತಿದ್ದಾರೆ. ಈ ವಿಡಿಯೋ ನೋಡಿ ನಿಮ್ಮ ಅನಿಸಿಕೆ ಅಭಿಪ್ರಾಯಗಳನ್ನು ಕಾಮೆಂಟ್ ಮಾಡಿ.
