ಚಂದನವನದ ಮೋಹಕ ತಾರೆ ರಮ್ಯಾ ಅವರು ಸ್ಯಾಂಡಲ್ವುಡ್ ಕ್ವೀನ್ ಕೂಡ. ಪಡ್ಡೆ ಹೈಕಳಿಂದ ಪ್ರೀತಿಯಿಂದ ಪದ್ಮಾವತಿ ಎಂದು ಕೂಡ ಕರೆಸಿಕೊಳ್ಳುವ ಈ ಲಕ್ಕಿ ಡಾಲ್ ಸಿನಿಮಾರಂಗದಿಂದ ದೂರವಾಗಿ ದಶಕವೇ ಕಳೆದಿದ್ದರು ಇವರಿಗೆ ಇರುವ ಅಭಿಮಾನಿಗಳು ಈಗಿನ ಬಹುತೇಕ ಹೀರೋಗಳಿಗೆ ಇಲ್ಲ ಎಂದೇ ಹೇಳಬಹುದು. ತಮ್ಮ ಮೋಹಕ ಮೈಮಾಟ, ನಗು ಮುಖ, ಸೌಂದರ್ಯಕ್ಕೆ ತಕ್ಕ ಟ್ಯಾಲೆಂಟ್ ಇದೆಲ್ಲ ಕಾರಣದಿಂದಾಗಿ ಕನ್ನಡ ಸಿನಿಮಾ ಇಂಡಸ್ಟ್ರಿಯ ಸ್ಟಾರ್ ಹೀರೋಯಿನ್ ಇವರು.
ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟ ದಿನದಿಂದಲೂ ಕೂಡ ಬ್ಯಾಕ್ ಟು ಬ್ಯಾಕ್ ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟಿರುವ ಇವರಿಗೆ ಈಗಲೂ ಸಹ ಸಿನಿಮಾರಂಗದಲ್ಲಿ ನಾಯಕಿಯಾಗಿ ಬಹಳ ಬೇಡಕೆ ಇದೆ. ಈ ವರ್ಷ ಆಪಲ್ ಬಾಕ್ಸ್ ನಿರ್ಮಾಣ ಸಂಸ್ಥೆಯಿಂದ ಬಿಡುಗಡೆ ಆಗುತ್ತಿರುವ ಸ್ವಾತಿ ಮುತ್ತಿನ ಮಳೆಹನಿಗೆ ಸಿನಿಮಾದ ನಿರ್ಮಾಪಕಿಯಾಗಿ ಮತ್ತು ಡಾಲಿ ಧನಂಜಯ್ ಜೊತೆ ಉತ್ತರ ಕಾಂಡ ಸಿನಿಮಾಗೆ ನಾಯಕಿಯಾಗಿ ಮತ್ತೆ ಸ್ಯಾಂಡಲ್ವುಡ್ ಗೆ ಕಂಬ್ಯಾಕ್ ಆಗುತ್ತಿರುವ ರಮ್ಯ ಅವರು ಇತ್ತೀಚೆಗೆ ಜೀ ಕನ್ನಡ ವಾಹಿನಿಯ ವೀಕೆಂಡ್ ವಿತ್ ರಮೇಶ್ ಸೀಸನ್ 5 ಕಾರ್ಯಕ್ರಮಕ್ಕೆ ಮೊದಲ ಅತಿಥಿಯಾಗಿ ಬಂದಿದ್ದರು.
ಕಾರ್ಯಕ್ರಮದಲ್ಲಿ ಇದುವರೆಗೆ ರಮ್ಯಾ ಅವರ ಬಗ್ಗೆ ತಿಳಿದಿರದ ಅನೇಕ ವಿಚಾರಗಳು ಹೊರ ಬಿದ್ದಿವೆ. ರಮ್ಯಾ ಅವರೇ ತಮ್ಮ ಜೀವನದ ಅನೇಕ ಸ್ವಾರಸ್ಯಕರ ವಿಷಯಗಳನ್ನು ವೀಕೆಂಡ್ ವಿತ್ ರಮೇಶ್ ಟೆಂಟ್ನಲ್ಲಿ ಹೇಳಿಕೊಂಡಿದ್ದಾರೆ. ಇದರ ನಡುವೆ ಹೆಚ್ಚಿನ ಜನರ ಗಮನ ಸೆಳೆದಿದ್ದು, ಇವರು ಮೊದಲ ಸಿನಿಮಾದ ನಾಯಕಿಯಾಗಿ ಆಯ್ಕೆ ಆಗಿದ್ದರ ಬಗ್ಗೆ ಮತ್ತು ಅದಕ್ಕಾಗಿ ಪಡೆದ ಸಂಭಾವನೆ ಬಗ್ಗೆ.
ಪುನೀತ್ ರಾಜಕುಮಾರ್ ಅವರು ನಾಯಕನಟನಾಗಿ ಅಭಿನಯಿಸಿದ ಮೊದಲ ಚಿತ್ರ ಅಪ್ಪು. ಆ ಸಿನಿಮಾದ ಆಡಿಶನ್ ಗೆ ಕೂಡ ರಮ್ಯಾ ಅವರು ಹೋಗಿದ್ದರಂತೆ. ಆದರೆ ಇದು ರೀಮೆಕ್ ಚಿತ್ರವಾದ ಕಾರಣ ತೆಲುಗಿನಲ್ಲಿ ಈಗಾಗಲೇ ಈ ಸಿನಿಮಾದಲ್ಲಿ ಅಭಿನಯಿಸಿದ್ದ ರಕ್ಷಿತಾ ಅವರನ್ನು ಈ ಸಿನಿಮಾಗೆ ಹಾಕಿಕೊಳ್ಳಲಾಯಿತು. ಆದರೆ ಮೊದಲಿನಿಂದಲೂ ಕನ್ನಡದ ನಟಿಯರಿಗೆ ಮಣೆ ಹಾಕಿದ್ದ ವಜ್ರೇಶ್ವರಿ ಸಂಸ್ಥೆ ರಮ್ಯಾ ಅವರನ್ನು ಅಪ್ಪು ಮುಂದಿನ ಸಿನಿಮಾಗೆ ಕಾಯ್ದಿರಿಸಿತ್ತು. ನಂತರ 2013ರಲ್ಲಿ ಪುನೀತ್ ರಾಜಕುಮಾರ್ ಅವರ ಎರಡನೇ ಚಿತ್ರ ಅಭಿ ಸಿನಿಮಾದಲ್ಲಿ ಮೊದಲ ಬಾರಿಗೆ ಅವರು ನಾಯಕಿಯಾಗಿ ಇಂಡಸ್ಟಿಗೆ ಪಾದಾರ್ಪಣೆ ಮಾಡಿದರು.
ರ ಎನ್ನುವ ಅಕ್ಷಣವು ಸಿನಿಮಾ ರಂಗದಲ್ಲಿ ಅದೃಷ್ಟ ತರುತ್ತದೆ ಎನ್ನುವ ಕಾರಣಕ್ಕಾಗಿ ಸ್ವತಃ ಪಾರ್ವತಮ್ಮ ರಾಜಕುಮಾರ್ ಅವರೇ ದಿವ್ಯ ಸ್ಪಂದನ ಎನ್ನುವ ಹೆಸರಿನ ಬದಲಿಗೆ ರಮ್ಯಾ ಎನ್ನುವ ಮರು ನಾಮಕರಣ ಮಾಡಿದರಂತೆ. ಅಭಿ ಸಿನಿಮಾದ ನಟನೆಗಾಗಿ ರಮ್ಯಾ ಅವರು 40,000ಗಳನ್ನು ಸಂಭಾವನೆಯಾಗಿ ಪಡೆದರಂತೆ. ಆಗಿನ ಸಮಕಾಲಿನ ನಟಿಯರಲ್ಲಿ ರಮ್ಯಾ ಅವರೇ ಮೊದಲ ಬಾರಿಗೆ ಮೊದಲ ಸಿನಿಮಾಗಾಗಿ ಇಷ್ಟು ಸಂಭಾವನೆ ಪಡೆದ ನಟಿ ಆಗಿದ್ದರಂತೆ.
ಅದಾಗಲೇ ಅಪ್ಪು ಅವರ ಅಭಿಮಾನಿಯಾಗಿ ಹೋಗಿದ್ದ ರಮ್ಯ ಅವರು ಈ ಹಣವನ್ನು ಅಪ್ಪು ಇಂದಲೇ ಪಡೆಯಬೇಕು ಎಂದು ಹಠ ಮಾಡಿದ್ದರಂತೆ. ಅದಕ್ಕಾಗಿ ಪುನೀತ್ ರಾಜಕುಮಾರ್ ಅವರೇ ರೂ.40,000 ಚೆಕ್ಕನ್ನು ರಮ್ಯಾ ಅವರ ಕೈಗೆ ನೀಡಿದ್ದರಂತೆ. ಇದಾದ ಬಳಿಕ ಆಕಾಶ್ ಮತ್ತು ಅರಸು ಸಿನಿಮಾಗಳನ್ನು ಕೂಡ ಇವರಿಬ್ಬರ ಕಾಂಬಿನೇಶನ್ ಚೆನ್ನಾಗಿ ವರ್ಕ್ ಆಗಿತ್ತು. ಪುನೀತ್ ಅವರು ರಮ್ಯಾ ಅವರಿಗೆ ನೀವು ಕಂಬ್ಯಾಕ್ ಆದರೆ ನನ್ನ ಸಿನಿಮಾ ಮೂಲಕ ಆಗಬೇಕು ಎಂದು ಹೇಳಿದ್ದರಂತೆ. ಜೇಮ್ಸ್ ಸಿನಿಮಾದಲ್ಲೂ ಕೂಡ ಇವರಿಗೆ ಅಭಿನಯಿಸಲು ಆಫರ್ ಹೋಗಿತ್ತಂತೆ ಪಾತ್ರ ಒಪ್ಪಿಗೆ ಆಗದ ಕಾರಣ ರಮ್ಯಾ ಅವರು ನಟಿಸಲಿಲ್ಲವಂತೆ. ಇದಕ್ಕಾಗಿ ಇಂದಿಗೂ ಸಹ ರಮ್ಯಾ ಅವರು ಪಶ್ಚತ್ತಾಪ ಪಡುತ್ತಿದ್ದಾರಂತೆ.