ವ್ಯಾಲೆಂಟೈನ್ಸ್ ಡೇ ದಿನ ಖಾಸಗಿ ಚಾನೆಲ್ ಅಲ್ಲಿ ಮೊದಲ ಪ್ರೀತಿ ಬಗ್ಗೆ ಹೇಳಿಕೊಂಡ ಕಾಂತಾರ ಖ್ಯಾತಿ ಲೀಲಾ ಸದ್ಯಕ್ಕೆ ನಟಿ ಸಪ್ತಮಿ ಗೌಡ (actress Sapthami Gowda) ಅವರು ಅವರ ಮೂಲ ಹೆಸರಿಗಿಂತ ಲೀಲಾ (Kanthara Leela) ಹೆಸರಿನಿಂದ ಹೆಚ್ಚು ಖ್ಯಾತಿ ಪಡೆದಿದ್ದಾರೆ. ಕಾಂತಾರ ಸಿನಿಮಾದ ಸಕ್ಸಸ್ ಈಗ ದೇಶದಾದ್ಯಂತ ಇವರನ್ನು ಇದೇ ಹೆಸರಿನಿಂದ ಗುರುತಿವಂತೆ ಮಾಡಿದೆ ಸಿನಿಮಾದಲ್ಲಿ ಇವರ ಮುಗ್ಧ ಮತ್ತು ಸಹಜ ಅಭಿನಯ ಎಲ್ಲರ ಮನ ಗೆದ್ದಿದೆ.
ಜೊತೆಗೆ ಸಿನಿಮಾದಿಂದ ಆಚೆಗೂ ಇವರ ನಿಜ ವ್ಯಕ್ತಿತ್ವ ಇವರನ್ನು ಇನ್ನಷ್ಟು ಜನರ ಮನಸ್ಸಿಗೆ ಹತ್ತಿರವಾಗಿಸಿದೆ. ಬಹಳ ಸರಳ ಜೀವಿ ಆಗಿರುವ ಸಪ್ತಮಿ ಗೌಡ ಅವರು ಮಾಡಿರುವ ಸಾಧನೆ ಇಡೀ ದೇಶವೇ ಕೊಂಡಾಡುವಂಥದ್ದು. ನ್ಯಾಷನಲ್ ಮಟ್ಟದ ಸ್ವಿಮ್ಮರ್ (National level Swimming Athlit) ಆಗಿರುವ ಇವರು ವಿದೇಶಕ್ಕೆ ಹೋಗಿ ವೈದ್ಯಕೀಯ ವೃತ್ತಿ ಮಾಡಬೇಕಿತ್ತು, ಆದರೆ ಸಿನಿಮಾ ಬಗೆಗಿನ ಆಸಕ್ತಿ ಇವರನ್ನು ಕನ್ನಡಕ್ಕೆ ಒಬ್ಬ ಭರವಸೆಯ ನಟಿ ದೊರಕುವಂತೆ ಮಾಡಿದೆ.
ಕಾಂತಾರ ಸಿನಿಮಾದ ನಂತರ ಸಾಕಷ್ಟು ಕನ್ನಡ ಮತ್ತು ಪರಭಾಷೆಯ ಸಿನಿಮಾ ಆಫರ್ ಗಳು ಇವರ ಪಾಲಿಗೆ ಒದಗಿ ಬರುತ್ತಿದೆ. ಇದರ ನಡುವೆ ಈಗಾಗಲೇ ಕಾಂತಾರ ಸಿನಿಮಾದ ಸಕ್ಸಸ್ ಮೀಟ್ ಸೇರಿದಂತೆ ಅನೇಕ ಸಂದರ್ಶನಗಳಲ್ಲಿ ಮತ್ತು ಕಾರ್ಯಕ್ರಮದ ವೇದಿಕೆಗಳಲ್ಲಿ ಸಪ್ತಮಿ ಗೌಡ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಕಿರುತೆರೆಯ ಕಾರ್ಯಕ್ರಮಗಳಿಗೂ ಕೂಡ ಬಂದು ಬರಪೂರ ಮನರಂಜನೆಯನ್ನು ನೀಡುವ ಸಪ್ತಮಿ ಗೌಡ ಅವರು ಸ್ಟಾರ್ ಸುವರ್ಣ ವಾಹಿನಿಯಲ್ಲಿ (Star Suvarna) ಪ್ರಸಾರವಾಗುತ್ತಿರುವ ಬೊಂಬಾಟ್ ಭೋಜನ (Bombat Bojana) ಎನ್ನುವ ಕಾರ್ಯಕ್ರಮಕ್ಕೂ ಆಗಮಿಸಿದ್ದಾರೆ.
ಸಿಹಿ ಕಹಿ ಚಂದ್ರು (Sihi kahi Chandru) ಅವರ ನಡೆಸಿಕೊಡುವ ಈ ಕಾರ್ಯಕ್ರಮಕ್ಕೆ ವ್ಯಾಲೆಂಟೈನ್ಸ್ ಡೇ ಸ್ಪೆಷಲ್ (Valentine’s day special) ಆಗಿ ಅನೇಕ ಅತಿಥಿಗಳನ್ನು ಕರೆತರಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಸಪ್ತಮಿ ಗೌಡ ಅವರು ಸಹ ಆಗಮಿಸಿ, ವಿಶೇಷ ಅಡುಗೆಯನ್ನು ಮಾಡಿ ವೈಯುಕ್ತಿಕ ಜೀವನದ ಅನೇಕ ವಿಷಯಗಳನ್ನು ಹಂಚಿಕೊಳ್ಳುತ್ತಾ ಜೊತೆಗೆ ಪ್ರೇಕ್ಷಕರಿಗೆ ಮೊದಲ ಪ್ರೇಮದ ಬಗ್ಗೆ ಕೂಡ ವಿವರಿಸಿದ್ದಾರೆ.
ಪ್ರೇಮಿಗಳ ದಿನ ಎನ್ನುವ ವಿಶೇಷತೆಗೆ ಪ್ರತಿಯೊಬ್ಬರನ್ನು ತಮ್ಮ ಪ್ರೀತಿಯ ಕುರಿತು ಮಾತನಾಡುವ ರೀತಿ ಮಾಡಿಬಿಡುತ್ತದೆ. ಹಾಗೆ ಸಪ್ತಮಿ ಗೌಡ ಅವರು ಕೂಡ ಮಾತನಾಡಿ ಪ್ರೀತಿ ಎಂದರೆ ನನಗೆ ವಿಶ್ವಾಸ, ಪ್ರಾಮಾಣಿಕತೆ ಮತ್ತು ನಂಬಿಕೆಯ ಸಮಿಶ್ರಣ ಆಗಿದೆ. ನಾನು ಕೂಡ ಪ್ರೀತಿಯಲ್ಲಿ ಬಿದ್ದಿದ್ದೇನೆ ಆದರೆ ಇದುವರೆಗೆ ಅವರಿಗೆ ಅದರ ಬಗ್ಗೆ ತಿಳಿಸೇ ಇಲ್ಲ ಎಂದು ಹೇಳಿ ಈಗಲೇ ಕರೆ ಮಾಡುತ್ತೇನೆ ಎನ್ನುತ್ತಾ ತನ್ನ ತಂದೆಗೆ ಕರೆ ಮಾಡಿ ಪ್ರೇಕ್ಷಕರಿಗೆಲ್ಲರಿಗೂ ಶಾ’ಕ್ ಕೊಟ್ಟಿದ್ದಾರೆ.
ಎಲ್ಲಾ ಹೆಣ್ಣು ಮಕ್ಕಳಿಗೂ ಕೂಡ ತನ್ನ ತಂದೆಯೇ ತನ್ನ ವ್ಯಾಲಂಟೈನ್ ಆಗಿರುತ್ತಾರೆ. ಅಪ್ಪ ತೋರಿದ ಪ್ರೀತಿ, ವಿಶ್ವಾಸ ಮತ್ತು ಅಪ್ಪನ ಮೇಲೆ ಇರುವ ಅಪಾರ ನಂಬಿಕೆ ಮತ್ತೊಬ್ಬರಿಂದ ಆ ಸ್ಥಾನ ತುಂಬಿಸಲು ಸಾಧ್ಯವೇ ಇಲ್ಲ. ಹಾಗಾಗಿ ಅಪ್ಪನ ವಿಶೇಷವಾಗಿ ಮಾತನಾಡಿ ಎಲ್ಲರ ಮನ ಗೆದ್ದಿದ್ದಾರೆ ಸಪ್ತಮಿ ಗೌಡ. ಸಪ್ತಮಿ ಗೌಡ ಅವರ ತಂದೆ ಉಮೇಶ್ ಗೌಡ ಅವರು ಬೆಂಗಳೂರಿನ ಹೆಸರಾಂತ ಪೊಲೀಸ್ ಅಧಿಕಾರಿ ಆಗಿದ್ದಾರೆ. ಇಂದು ಈಕೆ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲು ಅವರಿಗೆ ಬೆಂಬಲ ನೀಡಿದ ಅವರ ತಂದೆಯೇ ಕಾರಣ ಆಗಿದ್ದಾರೆ.
ಅದನ್ನು ಅನೇಕ ಬಾರಿ ಸಂದರ್ಶನಗಳಲ್ಲಿ ಸಪ್ತಮಿ ಅವರು ಹೇಳಿಕೊಂಡಿದ್ದಾರೆ. ತಮ್ಮ ವ್ಯಾಲೆಂಟೈನ್ಸ್ ದಿನವನ್ನು ಮಧ್ಯಾಹ್ನ ನಿದ್ದೆ ಮಾಡುವುದು, ಹೊಟ್ಟೆ ತುಂಬಾ ಇಷ್ಟವಾದ ತಿಂಡಿ ತಿನ್ನುವುದು ಮತ್ತು ಸಂಜೆ ಸಿನಿಮಾ ನೋಡುವ ಮೂಲಕ ಕಳೆಯುತ್ತೇನೆ ಎಂದು ಸಪ್ತಮಿ ಗೌಡ ಹೇಳಿಕೊಂಡಿದ್ದಾರೆ. ನಟಿ ಸಪ್ತಮಿ ಗೌಡ ಅವರು ಇದೇ ರೀತಿ ಸಾಕಷ್ಟು ಹೆಸರು ಮಾಡಲಿ ಮುಂದಿನ ವರ್ಷ ಪ್ರಿಯತಮನೊಂದಿಗೆ ಪ್ರೇಮಿಗಳ ದಿನವನ್ನು ಆಚರಿಸಿಕೊಳ್ಳುವಂತಾಗಲಿ ಎಂದು ಹಾರೈಸೋಣ.