ಕನ್ನಡದ ಹಿರಿಯ ನಟಿ ಸುಧಾರಾಣಿ ಅವರು ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಬಹಳ ಆಕ್ಟಿವ್ ಆಗಿ ಇದ್ದಾರೆ. ಆಗಾಗ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ದಿನನಿತ್ಯದ ಚಟುವಟಿಕೆಗಳ ಬಗ್ಗೆ ಹೊಸ ಸಿನಿಮಾ ಅಥವಾ ಧಾರಾವಾಹಿ ಶೂಟಿಂಗ್ ಬಗ್ಗೆ ಹಬ್ಬ ಆಚರಣೆಯ ವಿಚಾರದ ಬಗ್ಗೆ ಫೋಟೋ ಹಂಚಿಕೊಂಡು ಖುಷಿ ಮತ್ತು ದುಃಖ ಎರಡನ್ನು ತಮ್ಮ ಇಂಟರ್ನೆಟ್ ಫ್ರೆಂಡ್ ಜೊತೆ ಹಂಚಿಕೊಳ್ಳುತ್ತಾರೆ.
ಸದಾ ಸಂತೋಷ ಸುದ್ದಿ ಹಂಚಿಕೊಳ್ಳುತ್ತಿದ್ದ ಸುಧಾರಾಣಿ ಅವರು ಮೊನ್ನೆ ಬಹಳ ಬೇಸರದಿಂದ ಫೇಸ್ಬುಕ್ ಲೈವ್ ಬಂದಿದ್ದರು. ಕಾರಣ ಇಷ್ಟೇ ಅವರ ಮನೆಯ ಗಂಗಮ್ಮ ಎನ್ನುವ ಮುದ್ದಿನ ನಾಯಿಯು ಕಾಣೆ ಆಗಿತ್ತು ಇದರ ಬಗ್ಗೆ ಎಲ್ಲೇ ವಿಚಾರಿಸಿದರೂ ಮಾಹಿತಿ ಸಿಗುತ್ತಿರಲಿಲ್ಲ ಪೊಲೀಸ್ ಕಂಪ್ಲೇಂಟ್ ಕೊಟ್ಟರು ಪ್ರಯೋಜನವಾಗುತ್ತಿಲ್ಲ ಎಂದು ಅವರು ತಮ್ಮ ಅಳಲು ತೋಡಿಕೊಂಡಿದ್ದರು.
ದಯವಿಟ್ಟು ಬಿಬಿಎಂಪಿ ಸಿಬ್ಬಂದಿ ಅಥವಾ ಬೆಂಗಳೂರಿನ ನಾಗರಿಕರು ಅಥವಾ ಯಾರೇ ಆದರೂ ಸಹ ನಮ್ಮ ಗಂಗಮ್ಮ ನ ಸುಳಿವು ಸಿಕ್ಕರೆ ದಯವಿಟ್ಟು ತಿಳಿಸಿ, ನಮಗೆ ಸಂಪರ್ಕಿಸಿ ಎಂದು ಗಂಗಮ್ಮನ ಫೋಟೋ ಕೂಡ ಹಂಚಿಕೊಂಡಿದ್ದರು. ಇದು ಆ ಸಮಯದಲ್ಲಿ ವರ್ಕೌಟ್ ಆಗುತ್ತದಾ? ಇಲ್ಲವಾ ಎಂದು ಅನುಮಾನದಲ್ಲಿಯೇ ಇತ್ತು. ಆದರೆ ಇದೀಗ ಅವರ ಪ್ರಯತ್ನಕ್ಕೆ ಯಶಸ್ಸು ಸಿಕ್ಕಿದ್ದು.
ಈ ವಿಡಿಯೋ ನೋಡಿದ ವ್ಯಕ್ತಿ ಒಬ್ಬರು ಗಂಗಮ್ಮ ನಾಯಿಯನ್ನು ಗುರುತಿಸಿ, ಸೇಫ್ ಆಗಿ ತಂದು ಸುಧಾರಾಣಿ ಅವರ ಬಳಿ ತಲುಪಿಸಿದ್ದಾರೆ. ಈ ಬಗ್ಗೆ ಮತ್ತೊಮ್ಮೆ ಲೈವ್ ಬಂದ ಸುಧಾರಾಣಿ ಅವರು ತಮ್ಮ ನಾಯಿಯ ಜೊತೆಯೇ ಕೂತು ವಿಡಿಯೋ ಮಾಡಿದ್ದಾರೆ. ನಮ್ಮ ಮನೆಗೆ ನನ್ನ ಮುದ್ದಿನ ನಾಯಿ ಬಂದಿದೆ ಕೊನೆಗೂ ನನ್ನ ಗಂಗಮ್ಮ ಸಿಕ್ಕೇಬಿಟ್ಟರು. ಇದಕ್ಕೆ ಕಾರಣರಾದ ಅಮರ್ ದಿಪ್ ಸಿಂಗ್, ಶಬ್ಬೀರ್ ಪಾಷ ಮತ್ತು ಪೂಜಾ ಅವರಿಗೆ ಧನ್ಯವಾದಗಳು ಎಂದು ಹೇಳಿದ್ದಾರೆ.
ನಾನು ಮೊನ್ನೆ ಬಂದ ಲೈವಿನಿಂದ ಪ್ರಯೋಜನ ಆಯಿತು ನಾನು ಹಾಕಿದ್ದ ಫೋಟೋ ನೋಡಿ ಅಮರದೀಪ್ ಸಿಂಗ್ ಅನ್ನುವವರು ಗಂಗಮ್ಮನನ್ನು ಗುರುತಿಸಿ ತಮ್ಮ ಸ್ನೇಹಿತರಿಗೂ ತೋರಿಸಿದ್ದಾರೆ. ಎಲ್ಲರೂ ಕಂಫರ್ಮ್ ಮಾಡಿದ ಬಳಿಕ ಕೆಲಸದಲ್ಲಿದ್ದರೂ ಸಹ ಮ್ಯಾನೇಜರ್ ಬಳಿ ಅನುಮತಿ ಕೇಳಿ ಗಂಗಮ್ಮ ಮತ್ತೆ ಮಿಸ್ ಆಗಬಾರದು ಎಂದು ಗಂಗಮ್ಮ ಅನ್ನು ಒಂದು ಕಡೆ ಹಾಕಿ ಕಾಯುತ್ತಾ ಕುಳಿತಿದ್ದರು.
ಇಂದು ನನಗೆ ಗಂಗಮ್ಮ ಸಿಗಲು ಬಹಳ ಸಹಾಯ ಮಾಡಿದರು ಅವರು ನನಗೆ ಇನ್ಸ್ಟಾಗ್ರಾಂ ಮೂಲಕ ಸಂಪರ್ಕಿಸಿ ಮಾಹಿತಿ ತಿಳಿಸಲು ಪ್ರಯತ್ನಿಸಿದರು. ನಾನು ಅದಕ್ಕೆ ಉತ್ತರಿಸುವ ಮುನ್ನವೇ ಅದನ್ನು ಗಮನಿಸುವ ಮೊದಲೇ ನನ್ನ ಪ್ರೀತಿಯ ಪೂಜಾ ಇದಕ್ಕೆಲ್ಲ ನೆರವಾಗಿ ಇಂದು ಗಂಗಮ್ಮ ಮನೆಸೇರಲು ಕಾರಣಕರ್ತರಾದರು. ಇವರೆಲ್ಲರ ಜೊತೆ ನನ್ನ ಈ ಸಮಸ್ಯೆಗೆ ನನ್ನ ಇನ್ಸ್ಟಾ ಫ್ಯಾಮಿಲಿ ಎಲ್ಲರೂ ಸಹ ಪ್ರಾರ್ಥಿಸಿದ್ದಾರೆ.
ಎಲ್ಲರಿಗೂ ಸಹ ಕೋಟಿ ಕೋಟಿ ಧನ್ಯವಾದಗಳು ಎಂದು ಸುಧಾರಾಣಿ ಅವರು ಇಂದು ಸಂತೋಷದಿಂದ ಮತ್ತೊಮ್ಮೆ ವಿಡಿಯೋ ಮಾಡಿ ಹಾಕಿದ್ದಾರೆ. ಸೆಲೆಬ್ರಿಟಿಗಳಲ್ಲಿ ಬಹುತೇಕರು ಪೆಟ್ ಪ್ರಿಯರು. ಅದರಲ್ಲೂ ನಟಿಯರಂತೂ ನಾಯಿ ಮರಿಗಳಿಗೆ ಬಹಳ ಹತ್ತಿರವಾಗಿರುತ್ತಾರೆ. ನಟಿ ರಮ್ಯಾ, ಸುಧಾರಾಣಿ, ದೀಪಿಕಾ ದಾಸ್, ರಾಪಿಡ್ ರಶ್ಮಿ ಈ ರೀತಿ ನಾಯಿ ಮರಿಗಳನ್ನು ಬಹಳ ಹಚ್ಚಿಕೊಳ್ಳುವ ಸೆಲೆಬ್ರಿಟಿಗಳ ಪಟ್ಟಿ ಬೆಳೆಯುತ್ತಲೇ ಹೋಗುತ್ತದೆ.
ಅವರು ಅದನ್ನು ಪ್ರಾಣಿ ಎಂದು ನೋಡದೆ ತಮ್ಮ ಕುಟುಂಬದ ಸದಸ್ಯರು ಎಂದು ಕಂಡಿರುತ್ತಾರೆ. ಅವರನ್ನು ಕಳೆದುಕೊಳ್ಳುವ ದುಃಖ ಬರಿ ಮಾತಲ್ಲಿ ವಿವರಿಸಲಾಗದು ಇಂದು ಗಂಗಮ್ಮ ಸೇಫ್ ಆಗಿ ಸುಧಾರಾಣಿ ಅವರ ಮನೆ ಸೇರಿರುವುದು ಎಲ್ಲರಿಗೂ ಸಮಾಧಾನ ತಂದಿದೆ.