ಶ್ವೇತ ಚಂಗಪ್ಪ (Shwetha changappa) ಎನ್ನುವ ಈ ಕೊಡಗಿನ ಬೆಡಗಿ ಕಿರುತೆರೆಗೆ ತೀರಾ ಪರಿಚಿತರು. ಕನ್ನಡಿಗರೆಲ್ಲರೂ ಶ್ವೇತಾ ಚಂಗಪ್ಪ ಅವರನ್ನು ಮನೆ ಮಗಳ ರೀತಿ ಕಾಣುತ್ತಾರೆ. ಇದಕ್ಕೆಲ್ಲ ಕಾರಣ ಅವರ ಧಾರಾವಾಹಿಗಳು ಅಷ್ಟು ಚೆನ್ನಾಗಿ ಜನರ ಮನಸ್ಸಿಗೆ ಹತ್ತಿರವಾಗಿವೆ ಇವರು ನಿಭಾಯಿಸಿದ್ದ ಪಾತ್ರಗಳು. ಸುಮತಿ, ಸುಕನ್ಯಾ, ಕಾದಂಬರಿ, ಅರುಂಧತಿ ಇನ್ನೂ ಮುಂತಾದ ಅನೇಕ ಧಾರಾವಾಹಿಗಳಲ್ಲಿ ಕಿರುತೆರೆ ಕಣ್ಣೀರಿನ ನಾಯಕಿ ಎಂದು ಹೆಸರು ಪಡೆದಿದ್ದ ಇವರು ಇವರು ಮಜಾ ಟಾಕೀಸ್ ಅಲ್ಲಿ ಸೃಜನ್ ಅವರಿಗೆ ರಾಣಿಯಾಗಿ ಕಾಮಿಡಿ ಪಾತ್ರದಲ್ಲೂ ಸೈ ಅನಿಸಿ ಕೊಂಡುಬಿಟ್ಟರು.
ಶ್ವೇತ ಚಂಗಪ್ಪ ಅವರು ವಿಷ್ಣುವರ್ಧನ್, ದರ್ಶನ್ ಅಂತಹ ಸ್ಟಾರ್ ನಟರಿಗೆ ತಂಗಿಯಾಗಿ ಕೂಡ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಇತ್ತೀಚೆಗೆ ತೆರೆಕಂಡ ಶಿವರಾಜ್ ಕುಮಾರ್ ಅವರ ಬ್ಲಾಕ್ಬ ಬ್ಲಾಸ್ಟರ್ ಚಿತ್ರ ವೇದ (Veda) ಸಿನಿಮಾದಲ್ಲೂ ಕೂಡ ಪ್ರಮುಖ ಪಾತ್ರ ಅಭಿನಯಿಸುವುದರ ಮೂಲಕ ಚಿತ್ರರಂಗದಲ್ಲಿ ಮತ್ತೊಮ್ಮೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.
ಇದರ ಜೊತೆಗೆ ತಮ್ಮದೇ ಆದ ಯೂಟ್ಯೂಬ್ ಚಾನೆಲ್ ಮತ್ತು ಸ್ವಂತ ಉದ್ದಿಮೆ ಕೂಡ ನಿಭಾಯಿಸುತ್ತಿರುವ ಶ್ವೇತ ಚಂಗಪ್ಪ ಅವರು ಕಿರುತೆರೆಯಲ್ಲಿ ಕಾಣಿಸಿಕೊಳ್ಳುವುದನ್ನು ಮಾತ್ರ ಎಷ್ಟೇ ಬ್ಯುಸಿ ಇದ್ದರೂ ತಪ್ಪಿಸಿಕೊಳ್ಳುವುದಿಲ್ಲ. ಸದಾ ಒಂದಲ್ಲ ಒಂದು ರಿಯಾಲಿಟಿ ಶೋಗಳು ಅಥವಾ ಧಾರಾವಾಹಿಗಳ ಮೂಲಕ ಒಂದಲ್ಲ ಒಂದು ಚಾನೆಲ್ ಅಲ್ಲಿ ಕಾಣಿಸಿಕೊಳ್ಳುತ್ತಲೇ ಇರುತ್ತಾರೆ ನಿರೂಪಣೆಯಲ್ಲೂ ಕೂಡ ಶ್ವೇತ ಚಂಗಪ್ಪ ಅವರು ಜಾದು ಮಾಡಿದ್ದಾರೆ.
ಈ ಹಿಂದೆಯೇ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಿದ್ದ ಡ್ಯಾನ್ಸ್ ಡ್ಯಾನ್ಸ್ ಜೂನಿಯರ್, ಯಾರಿಗೂಂಟು ಯಾರಿಗಿಲ್ಲ ಈ ಕಾರ್ಯಕ್ರಮಗಳನ್ನು ನಿರೂಪಣೆ ಮಾಡಿದ್ದ ಇವರು ಮತ್ತೊಮ್ಮೆ ನಿರೂಪಣೆಯಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಶುರು ಮಾಡಿದ್ದಾರೆ. ಈಗಷ್ಟೇ ಜೋಡಿ ನಂಬರ್ ಒನ್ ಕಾರ್ಯಕ್ರಮವನ್ನು ನಿರೂಪಣೆ ಮಾಡಿ ಯಶಸ್ವಿಗೊಳಿಸಿದ ಇವರು ಜೀ ಕನ್ನಡದ ಮತ್ತೊಂದು ಹೆಣ್ಣು ಮಕ್ಕಳ ವಿಶೇಷ ರಿಯಾಲಿಟಿ ಶೋ ಆದ ಕ್ವೀನ್ಸ್ ಕಾರ್ಯಕ್ರಮವನ್ನು ನಿರೂಪಣೆ ಮಾಡುತ್ತಿದ್ದಾರೆ.
ಅಭಿನಯ ಡ್ಯಾನ್ಸ್ ನಿರೂಪಣೆ ಉದ್ಯಮ ಈ ರೀತಿ ಬಹುಮುಖ ಪ್ರತಿಭೆ ಆಗಿರುವ ಶ್ವೇತಾ ಚಂಗಪ್ಪ ಅವರು ಇದೀಗ 43ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. 18ರ ನಟಿ ಮಣಿಯರಿಗೂ ಸೆಡ್ಡು ಹೊಡೆಯಬಲ್ಲ ಸ್ಪುರಧ್ರೂಪಿ ಚೆಲುವೆ ಆದ ಈಕೆ 43ನೇ ಹರೆಯದವರು ಎಂದರೆ ಯಾರಿಗಾದರೂ ನಂಬಲು ಅಸಾಧ್ಯವೇ. ಫೆಬ್ರವರಿ 11ನೇ ತಾರೀಖಿನಂದು ಶ್ವೇತಾ ಚಂಗಪ್ಪ ಅವರ ಹುಟ್ಟಿದ ದಿನ, ಈ ದಿನವನ್ನು ಈ ಬಾರಿ ವಿಶೇಷವಾಗಿ ಆಚರಿಸಿಕೊಂಡಿದ್ದಾರೆ.
ಕ್ವೀನ್ಸ್ (Queens) ರಿಯಾಲಿಟಿ ಶೋ ತಂಡದ ಎಲ್ಲರೂ ಸೇರಿ ಶೂಟಿಂಗ್ ಬಸ್ (Shooting bus) ಅಲ್ಲಿಯೇ ಶ್ವೇತ ಚಂಗಪ್ಪ ಅವರಿಗಾಗಿ ವಿಶೇಷವಾಗಿ ಡೆಕೋರೇಟ್ ಮಾಡಿ ಅವರಿಗೆ ಸರ್ಪ್ರೈಸ್ ನೀಡಿದ್ದಾರೆ. ಶೂಟಿಂಗ್ ಬಸ್ ತುಂಬಾ ಶ್ವೇತ ಚಂಗಪ್ಪ ಅವರ ಫೋಟೋಗಳ ಅಲಂಕಾರ ಮಾಡಿ ಶ್ವೇತ ಅವರನ್ನು ಕರೆತಂದು ಅವರನ್ನು ಖುಷಿ ಪಡಿಸಿ ಕೇಕ್ ಕತ್ತರಿಸಿ ತಿನ್ನಿಸುವ ಮೂಲಕ ಸಂಭ್ರಮಿಸಿದ್ದಾರೆ. ಸದ್ಯಕ್ಕೆ ಆ ವಿಡಿಯೋಗಳು ಹಾಗೂ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.
ಕ್ವೀನ್ಸ್ ತಂಡದ ತಂತ್ರಜ್ಞರು ಹಾಗೂ ಕಲಾವಿದರೆಲ್ಲಾ ಸೇರಿ ಮಾಡಿರುವ ಈ ಬರ್ತಡೇ ಆಚರಣೆಯಲ್ಲಿ ರಚಿತರಾಮ್ (Rachitha Ram) ಅವರು ಕೂಡ ಕಾಣಿಸಿಕೊಂಡಿದ್ದಾರೆ. ರಚಿತಾ ರಾಮ್ ಅವರು ಶ್ವೇತ ಚೆಂಗಪ್ಪ ಅವರ ಬರ್ತಡೆಗೆ ವಿಶ್ ಮಾಡಿರುವುದು, ಕೇಕ್ ತಿನ್ನುತ್ತಿರುವುದು ಇತ್ಯಾದಿಗಳು ಕೂಡ ಸೆರೆ ಆಗಿವೆ. ರಚಿತರಾಮ್ ಅವರು ಕೂಡ ಕ್ವಿನ್ಸ್ ರಿಯಾಲಿಟಿ ಶೋ ಕಾರ್ಯಕ್ರಮದ ತೀರ್ಪುಗಾರ್ತಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಶ್ವೇತ ಚಂಗಪ್ಪ ಅವರಿಗೆ ಮತ್ತೊಮ್ಮೆ ಹುಟ್ಟು ಹಬ್ಬದ (birthday) ಶುಭಾಶಯಗಳು, ಇನ್ನಷ್ಟು ವರ್ಷ ನಮ್ಮನ್ನು ರಂಜಿಸುವ ಶಕ್ತಿಯನ್ನು ದೇವರು ಕೊಡಲಿ ಎಂದು ಕೇಳಿಕೊಳ್ಳೋಣ.