ಗೋಲ್ಡನ್ ಕ್ವೀನ್ ಅಮೂಲ್ಯ ಅವರು ಬಾಲ ನಟಿಯಾಗಿ ಕನ್ನಡ ಚಿತ್ರರಂಗದಲ್ಲಿ ಕಾಣಿಸಿಕೊಂಡು ನಂತರ ಈಗ ನಾಯಕ ನಟಿಯಾಗಿ ಸಕ್ರಿಯರಾಗಿದ್ದಾರೆ. ದರ್ಶನ್, ಸುದೀಪ್ ಮುಂತಾದವರ ಸಿನಿಮಾಗಳಲ್ಲಿ ಬಾಲ ನಟಿಯಾಗಿ ಅಭಿನಯಿಸಿದ್ದ ಇವರು ಇಂದು ಕನ್ನಡದ ಸ್ಟಾರ್ ಹೀರೋಗಳಿಗೆ ನಾಯಕ ನಟಿಯಾಗಿ ಹೆಸರು ಮಾಡಿದ್ದಾರೆ. ಚೆಲುವಿನ ಚಿತ್ತಾರ ಎನ್ನುವ ಸಿನಿಮಾ ಮೂಲಕ ನಾಯಕಿಯಾದ ಇವರು ಗೋಲ್ಡನ್ ಸ್ಟಾರ್ ಗಣೇಶ್ ಅವರಿಗೆ ಅತ್ಯುತ್ತಮ ಪೇರ್ ಎನಿಸಿದ್ದಾರೆ.
ಗಣೇಶ್ ಅವರ ಜೊತೆ ನಾಲ್ಕು ಸಿನಿಮಾಗಳಲ್ಲಿ ನಟಿಸಿರುವ ಇವರಿಬ್ಬರದು ಕನ್ನಡ ಚಿತ್ರರಂಗದ ಯಶಸ್ವಿ ಜೋಡಿ ಆಗಿದೆ. ಜೊತೆಗೆ ಚಿರಂಜೀವಿ ಸರ್ಜಾ, ಪ್ರೇಮ್, ಅಜಯ್ ರಾವ್, ರಾಕಿಂಗ್ ಸ್ಟಾರ್ ಯಶ್, ದುನಿಯಾ ವಿಜಯ್ ಇನ್ನು ಮುಂತಾದ ಅನೇಕ ನಟರ ಜೊತೆ ನಾಯಕ ನಟಿಯಾಗಿ ಅಭಿನಯಿಸಿದ್ದಾರೆ. ಅಮೂಲ್ಯ ಅವರು ತಮ್ಮ ವೃತ್ತಿ ಜೀವನದ ಉದ್ದಕ್ಕೂ ಬರಿ ಯಶಸ್ಸನ್ನೇ ಕಂಡಿದ್ದಾರೆ ಅವರು ಮಾಡಿರುವ ಬಹುತೇಕ ಎಲ್ಲಾ ಸಿನಿಮಾಗಳು ಕೂಡ ಸೂಪರ್ ಹಿಟ್ ಸಿನಿಮಾಗಳೇ.
ಇಂಡಸ್ಟ್ರಿಯಲ್ಲಿ ಒಳ್ಳೆ ಸ್ಥಾನದಲ್ಲಿ ಇದ್ದಾಗಲೇ ವೈಯಕ್ತಿಕ ಜೀವನದ ಕಡೆ ಮುಖ ಮಾಡಿದ ಇವರು 2017ರಲ್ಲಿ ರಾಜಕೀಯ ಕುಟುಂಬ ಮೂಲದ ಮತ್ತು ಉದ್ಯಮಿ ಆಗಿರುವ ಜಗದೀಶ್ ರಾಮಚಂದ್ರ ಅವರನ್ನು ಕೈ ಹಿಡಿದಿದ್ದಾರೆ. ಈ ಮುದ್ದು ಜೋಡಿ ಇನ್ನೆರಡು ಮುದ್ದು ಮಕ್ಕಳನ್ನು ಪಡೆದಿದ್ದು ಅವಳಿ ಗಂಡು ಮಕ್ಕಳಿಗೆ ಅಥರ್ವ ಹಾಗೂ ಆಧವ್ ಎಂದು ನಾಮಕರಣ ಮಾಡಿದ್ದಾರೆ. ಕಳೆದ ವರ್ಷ ಶಿವರಾತ್ರಿ ಹಬ್ಬದಂದು ಅಮೂಲ್ಯ ಅವರು ಅವಳಿ ಗಂಡು ಮಕ್ಕಳಿಗೆ ಜನ್ಮ ಕೊಟ್ಟಿದ್ದರು. ವರ್ಷದಿಂದ ಅವರು ಸೋಶಿಯಲ್ ಮೀಡಿಯಾ ಗಳಲ್ಲಿ ತಮ್ಮ ಮಕ್ಕಳ ಬಗ್ಗೆ ವಿಷಯ ಹಂಚಿಕೊಳ್ಳುತ್ತಲೇ ಇದ್ದಾರೆ.
ಅಮೂಲ್ಯ ಅವರು ಮದುವೆಯಾದ ಬಳಿಕ ಯಾವ ಸಿನಿಮಾದಲ್ಲೂ ಕೂಡ ನಟಿಸಿಲ್ಲ. ಆದರೆ ಸೋಶಿಯಲ್ ಮೀಡಿಯಾ ಮೂಲಕ ಮತ್ತು ರಾಜಕೀಯ ಪ್ರಚಾರಗಳ ಮೂಲಕ ಸುದ್ದಿಯಲ್ಲಿರುತ್ತಾರೆ. ಈ ವರ್ಷ ಎಲ್ಲಾ ಹಬ್ಬಗಳಿಗೂ ಕೂಡ ಮಕ್ಕಳ ಜೊತೆ ಫೋಟೋ ಶೂಟ್ ಮಾಡಿಸಿಕೊಂಡು ಅವುಗಳನ್ನು ಅಪ್ಲೋಡ್ ಮಾಡುತ್ತಾ ಅಭಿಮಾನಿಗಳಿಗೆಲ್ಲರಿಗೂ ಹಬ್ಬದ ಶುಭಾಶಯಗಳನ್ನು ಕೋರುತ್ತಿದ್ದ ಅವರು ಕ್ರಿಸ್ಮಸ್ ಹಬ್ಬದ ಸಂಭ್ರಮವನ್ನು ಕೂಡ ಅದೇ ರೀತಿ ಆಚರಿಸಿದ್ದರು.
ಇದೀಗ ಸಂಕ್ರಾಂತಿ ಸುಗ್ಗಿ ಸಂಭ್ರಮದ ಹಬ್ಬವನ್ನು ಕೂಡ ಮಕ್ಕಳ ಜೊತೆ ಹಳ್ಳಿ ಸೊಗಡಿನಲ್ಲಿ ಫೋಟೋ ಶೂಟ್, ಅದನ್ನು ಅಪ್ಲೋಡ್ ಮಾಡಿ ಮಕರ ಸಂಕ್ರಾಂತಿ ಹಬ್ಬದ ಶುಭಾಶಯಗಳು ತಿಳಿಸಿದ್ದಾರೆ. ಅವರು ಹಂಚಿಕೊಂಡಿರುವ ಈ ಫೋಟೋಗಳಲ್ಲಿ ಪತಿ ಜಗದೀಶ್ ರಾಮಚಂದ್ರ ಅವರು ಮತ್ತು ಅಮೂಲ್ಯ ಅವರು ಹಾಗೂ ಇವರಿಬ್ಬರ ಮುದ್ದು ಎರಡು ಗಂಡು ಮಕ್ಕಳು ಕಾಣಿಸುತ್ತಾರೆ. ಒಂದು ಫೋಟೋದಲ್ಲಿ ಪತಿಯ ತೋಳಿನಲ್ಲಿ ಒಂದು ಮಗು ಹೆಗಲ ಮೇಲೆ ಒಂದು ಮಗು ಇಟ್ಟು ಅಮೂಲ್ಯ ಪಕ್ಕದಲ್ಲಿ ನಿಂತಿದ್ದಾರೆ. ಮತ್ತೊಂದು ಫೋಟೋದಲ್ಲಿ ಕರುವಿನ ಮೇಲೆ ಮಗುವನ್ನು ಕೂರಿಸಿ ಫೋಟೋಶೂಟ್ ಮಾಡಿಸಿದ್ದಾರೆ.
ಗೋಲ್ಡನ್ ಕ್ವೀನ್ ಎಂದು ಖ್ಯಾತಿ ಹೊಂದಿರುವ ಅಮೂಲ್ಯ ಅವರು ಗೋಲ್ಡನ್ ಉಡುಗೆಯಲ್ಲಿ ಕಂಗೊಳಿಸುತ್ತಿದ್ದಾರೆ. ಟ್ರೆಡಿಶನಲ್ ಆಗಿ ಗೋಲ್ಡನ್ ಕಲರ್ ಚೂಡಿದಾರ್ ತೊಟ್ಟು ಮಕ್ಕಳಿಗೂ ಸಹ ಅದೇ ಗೋಲ್ಡನ್ ಬಣ್ಣದ ಟ್ರೇಡಿಷನ್ ಬಟ್ಟೆ ಹಾಕಿ ಫೋಟೋಶೂಟ್ ಮಾಡಿಸಿದ್ದಾರೆ. ಈ ಮುದ್ದಾದ ಕುಟುಂಬಕ್ಕೆ ಕನ್ನಡಿಗರ ಆಶೀರ್ವಾದ ಸಿಗಲಿ ಇನ್ನೂ ಅಮೂಲ್ಯ ಅವರ ಅಭಿಮಾನಿಗಳು ಅವರನ್ನು ತೆರೆ ಮೇಲೆ ನೋಡಲು ಇಚ್ಚಿಸುತ್ತಿದ್ದಾರೆ ಅವರಿಗೆ ಸಿನಿಮಾಗಳಲ್ಲಿ ಇನ್ನಷ್ಟು ಭವಿಷ್ಯ ಸಿಗಲಿ ಎಂದು ಹಾರೈಸೋಣ.