ಅಮೂಲ್ಯ ಮನೆಯಲ್ಲಿ ಕ್ರಿಸ್ಮಸ್ ಸೆಲೆಬ್ರೇಷನ್
ನಟಿ ಅಮೂಲ್ಯ(Amulya) ಅವರು 2017ರಲ್ಲಿ ಉದ್ಯಮಿ ಹಾಗೂ ಪ್ರಭಾವಿ ರಾಜಕಾರಣಿ ಪುತ್ರನಾದ ಜಗದೀಶ್ ಆರ್ ಚಂದ್ರ ಅವರನ್ನು ಕುಟುಂಬಸ್ಥರು, ಸ್ನೇಹಿತರು ಹಾಗೂ ಚಿತ್ರರಂಗದ ಗಣ್ಯರ ಸಮ್ಮುಖದಲ್ಲಿ ಕೈ ಹಿಡಿದಿದ್ದರು. ಇವರ ವಿವಾಹಕ್ಕೆ ಇಡೀ ಕರ್ನಾಟಕ ಸಾಕ್ಷಿ ಆಗಿತ್ತು. ನಾಲ್ಕು ವರ್ಷಗಳ ಬಳಿಕ ಇದೇ ವರ್ಷ ಮಾರ್ಚ್ 1ನೇ ತಾರೀಕು ಅವಳಿ ಮಕ್ಕಳಿಗೆ ಜನ್ಮ ನೀಡುವ ಮೂಲಕ ಬದುಕಿನ ಮತ್ತೊಂದು ಮುಖ್ಯ ಅಧ್ಯಾಯವನ್ನು ತೆರೆದುಕೊಂಡರು ನಟಿ ಅಮೂಲ್ಯ ಅವರು. ಓದುವ ವಯಸ್ಸಿಗೆ ಅಭಿನಯದ ಕಡೆಗೆ ವಾಲಿದ ಅಮೂಲ್ಯ ಬಾಲ ನಟಿಯಾಗಿ ಕನ್ನಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದರು.
ಸುದೀಪ್, ದರ್ಶನ್, ಧ್ಯಾನ್ ಈ ರೀತಿ ಹಲವು ನಟರ ಸಿನಿಮಾಗಳಲ್ಲಿ ಬಾಲನಟಿ ಆಗಿ ಅಭಿನಯಿಸಿದ್ದ ಇವರು ಚೆಲುವಿನ ಚಿತ್ತಾರ ಎನ್ನುವ ಸಿನಿಮಾದ ಮೂಲಕ ನಾಯಕನಟಿಯಾಗಿ ಕೆರಿಯರ್ ಆರಂಭಿಸಿ ಈಗ ಗೋಲ್ಡನ್ ಕ್ವೀನ್ ಎನ್ನುವ ಬಿರುದು ಪಡೆದುಕೊಂಡಿದ್ದಾರೆ. ಈಗಾಗಲೇ ಕನ್ನಡ ಚಿತ್ರರಂಗದಲ್ಲಿ ಹಲವಾರು ಸಿನಿಮಾಗಳನ್ನು ಕೊಟ್ಟಿರುವ ಇವರ ಎಲ್ಲಾ ಸಿನಿಮಾಗಳು ಕೂಡ ಬಹುತೇಕ ಸೂಪರ್ ಹಿಟ್ ಸಿನಿಮಾಗಳೇ. ಚೆಲುವಿನ ಚಿತ್ತಾರ, ಕೃಷ್ಣ ರುಕ್ಕು, ಶ್ರಾವಣಿ ಸುಬ್ರಮಣ್ಯ, ಮುಗುಳುನಗೆ, ಗಜಕೇಸರಿ, ಮಾಸ್ತಿ ಗುಡಿ.
ಈ ರೀತಿ ಸಿನಿಮಾ ಮಾಡಿ ತಮ್ಮ ವೃತ್ತಿ ಜೀವನದಲ್ಲಿ ಒಳ್ಳೆಯ ಹಂತದಲ್ಲಿ ಹೆಸರು ಮಾಡುತ್ತಿದ್ದ ಸಮಯದಲ್ಲಿಯೇ ವೈವಾಹಿಕ ಜೀವನಕ್ಕೆ ಕಾಲಿಡುವ ನಿರ್ಧಾರ ಮಾಡಿದ ಇವರು ಮದುವೆ ಆದಾಗಲಿಂದ ಚಿತ್ರರಂಗದಿಂದ ಸ್ವಲ್ಪ ಬ್ರೇಕ್ ಪಡೆದುಕೊಂಡಿದ್ದಾರೆ. ಆಗಾಗ ರಾಜಕೀಯ ವಿಷಯವಾಗಿ ಪ್ರಚಾರ ಕಾರ್ಯದಲ್ಲಿ ಕಾಣಿಸಿಕೊಳ್ಳುವ ಇವರು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಆಕ್ಟಿವ್ ಆಗಿದ್ದಾರೆ. ಇಲ್ಲಿಯವರೆಗೆ ತಮ್ಮ ವೈಯಕ್ತಿಕ ವಿಷಯಗಳನ್ನು ಅಭಿಮಾನಿಗಳೊಂದಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದ ಇವರು ಇವರ ಮಕ್ಕಳ ಫೋಟೋಶೂಟ್ ಅನ್ನು ಕೂಡ ಮಾಡಿಸಿ ಅಪ್ಲೋಡ್ ಮಾಡುತ್ತಿರುತ್ತಾರೆ.
ಯಾವುದೇ ವಿಶೇಷ ಸಂದರ್ಭ ಆದರು ಕೂಡ ಅದಕ್ಕೆ ತಕ್ಕಂತಹ ಕಾಶ್ಚ್ಯೂಮ್ ಧರಿಸಿ ಮಕ್ಕಳ ಜೊತೆಗೆ ಫೋಟೋ ತೆಗೆದು ಸಂತಸದ ಕ್ಷಣಗಳನ್ನು ಹಂಚಿಕೊಳ್ಳುವ ಅಮೂಲ್ಯ ಅವರು ಈಗ ತಮ್ಮ ಮನೆಯಲ್ಲಿ ಕ್ರಿಸ್ಮಸ್(Christmas) ಹಬ್ಬವನ್ನು ಆಚರಿಸಿರುವ ವಿಡಿಯೋವನ್ನು ಕೂಡ ಮಾಡಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಅವರ ಮನೆಯಲ್ಲಿ ಕ್ರಿಸ್ಮಸ್ ಹಬ್ಬದ ಸಲುವಾಗಿ ಏನೆಲ್ಲ ಡೆಕೋರೇಷನ್ ಮಾಡಿದ್ದಾರೆ ಎನ್ನುವುದರ ಜೊತೆಗೆ ಮಕ್ಕಳಿಬ್ಬರಿಗೂ ಕೂಡ ಕ್ರಿಸ್ಮಸ್ ಪ್ರಯುಕ್ತ ಸೀಕ್ರೆಟ್ ಸಂತನ ಬಟ್ಟೆ ತೊಡಿಸಿ ಫೋಟೋಶೂಟ್ ಮಾಡಿಸಿದ್ದಾರೆ.
ಇಬ್ಬರು ಮಕ್ಕಳು ಕೂಡ ಮುದ್ದು ಮುದ್ದಾಗಿ ಕಾಣುತ್ತಿತ್ತು ದೇವರೇ ಕಳಿಸಿರುವ ಸೀಕ್ರೆಟ್ ಸಂತನಂತೆ ಇದ್ದಾರೆ. ಅಮೂಲ್ಯ ಅವರನ್ನು ಬಾಲನಟಿಯಾಗಿದ್ದ ಕಾಲದಿಂದ ನೋಡಿರುವ ಕಾರಣ ಅವರೇ ಇನ್ನು ಚಿಕ್ಕವರು ಎನಿಸುತ್ತಾರೆ. ಇದೀಗ ಅವರ ಮಡಿಲಿನಲ್ಲಿ ಇಬ್ಬರು ಮುದ್ದು ಪುಟಾಣಿಗಳು ಇರುವುದನ್ನು ನೋಡುವುದೇ ಒಂದು ಆನಂದ. ಅಥರ್ವ್ ಹಾಗೂ ಆಧವ್ ಎಂದು ಮಕ್ಕಳಿಬ್ಬರಿಗೂ ಹೆಸರು ಇಟ್ಟಿರುವ ಅಮೂಲ್ಯ ದಂಪತಿ ಮಕ್ಕಳ ನಾಮಕರಣ ಕಾರ್ಯಕ್ರಮವನ್ನು ಕೂಡ ಇದೇ ವರ್ಷ ನವೆಂಬರ್ ತಿಂಗಳಿನಲ್ಲಿ ಬಹಳ ಅದ್ದೂರಿಯಾಗಿ ಮಾಡಿದರು.
ಈ ಕಾರ್ಯಕ್ರಮಕ್ಕೆ ಚಿತ್ರರಂಗದ ಗಣ್ಯರುಗಳು, ಸ್ಟಾರ್ ನಟರುಗಳು, ಸಹ ಕಲಾವಿದರುಗಳು ಸೇರಿದಂತೆ ರಾಜಕೀಯ ವ್ಯಕ್ತಿಗಳು ಕೂಡ ಭಾಗಿಯಾಗಿದ್ದರು. ಸದ್ಯಕ್ಕೀಗ ಅಮೂಲ್ಯ ಅವರ ಬದುಕು ಎಲ್ಲಾ ಯುವ ನಟಿಯರಿಗೂ ಆದರ್ಶ ದಂತಿದ್ದು ಕೆರಿಯರ್ ಹಾಗೂ ಪರ್ಸನಲ್ ಎರಡೂ ವಿಷಯದಲ್ಲಿ ಕೂಡ ನಟಿ ಮಾದರಿಯಾಗುತ್ತಿದ್ದಾರೆ. ಅವರ ಮುಂದಿನ ಎಲ್ಲ ಯೋಜನೆಗಳಿಗೂ ಶುಭವಾಗಲಿ ಎಂದು ಹರಿಸೋಣ.