ರಾಧಿಕಾ ಕುಮಾರಸ್ವಾಮಿ ಅವರು ಒಂದು ಕಾಲದಲ್ಲಿ ಕನ್ನಡದ ಸ್ಟಾರ್ ನಟಿಯರ ಸಾಲಿನಲ್ಲಿ ಮೊದಲಾಗಿದ್ದವರು. 2002ರಲ್ಲಿ ತೆರೆಕಂಡ ನಿನಗಾಗಿ ಎನ್ನುವ ಸಿನಿಮಾದ ಮೂಲಕ ಕನ್ನಡ ಚಲನಚಿತ್ರ ರಂಗಕ್ಕೆ ಪಾದರ್ಪಣೆ ಮಾಡಿದ ಇವರು ಆ ಬಳಿಕ ಪ್ರೇಮ ಕೈದಿ, ರೋಮಿಯೋ ಜೂಲಿಯಟ್, ಮಣಿ ಮುಂತಾದ ಪ್ರೇಮ ಕಥೆಗಳು ಹಾಗೂ ಅಣ್ಣ ತಂಗಿಯ ಸಂಬಂಧ ಸಾರುವಂತಹ.
ತವರಿಗೆ ಬಾ ತಂಗಿ, ಅಣ್ಣ ತಂಗಿ ಇಂತಹ ಬಾಂಧವ್ಯದ ಕಥೆಗಳು ಮತ್ತು ಮನೆಮಗಳು, ತಾಯಿ ಇಲ್ಲದ ತಬ್ಬಲಿ ಇಂತಹ ಕೌಟುಂಬಿಕ ಚಿತ್ರಗಳಲ್ಲಿ ಅಭಿನಯಿಸಿ ಎಂತಹ ಪಾತ್ರ ಕೊಟ್ಟರು ಕೂಡ ಸಮರ್ಥವಾಗಿ ನಿಭಾಯಿಸಬಲ್ಲ ಅಭಿನೇತ್ರಿ ಎಂದು ಹೆಸರು ಪಡೆದವರು. ತಮ್ಮ ವೃತ್ತಿ ಜೀವನದ ಉತ್ತುಂಗದಲ್ಲಿ ಇದ್ದಾಗಲೇ ಸಿನಿಮಾ ರಂಗದಿಂದ ಬ್ರೇಕ್ ತೆಗೆದುಕೊಂಡಿದ್ದ ಇವರು ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಜೊತೆ ಎರಡನೇ ವಿವಾಹವಾಗಿ ಶಮಿಕ ಎನ್ನುವ ಮುದ್ದು ಮಗಳಿಗೆ ಜನ್ಮಕೂಡ ನೀಡಿದ್ದರು.
ರಹಸ್ಯವಾಗಿ ಉಳಿದಿದ್ದ ಇವರ ಮದುವೆ ಸುದ್ದಿ ಮಗಳ ಜನನದ ನಂತರ ಅಫಿಷಿಯಲ್ ಆಗಿ ಅನೌನ್ಸ್ ಆಯಿತು. ಈ ಹಿಂದೆ ರತನ್ ಕುಮಾರ್ ಎನ್ನುವವರ ಜೊತೆ ಹದಿನಾಲ್ಕು ವರ್ಷಕ್ಕೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ ರಾಧಿಕಾ ಕುಮಾರಸ್ವಾಮಿ ಅವರು ಮದುವೆ ಆದ ಎರಡೇ ವರ್ಷಕ್ಕೆ ಪತಿಯನ್ನು ಕಳೆದು ಕೊಂಡಿದ್ದರು.
ಇದಾದ ನಂತರ ಚಿಕ್ಕ ವಯಸ್ಸಿಂದಲೂ ಕೂಡ ಓದಿನ ಜೊತೆ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಹೆಚ್ಚು ಆಸಕ್ತಿ ತೋರುತ್ತಿದ್ದ ಇವರು ಸಿನಿಮಾಗಳಲ್ಲಿ ಅಭಿನಯಿಸುವ ನಿರ್ಧಾರ ಮಾಡಿ ಗಾಂಧಿನಗರ ದತ್ತ ಪಾದ ಬೆಳೆಸಿದರು. ನಮ್ಮ ಶ್ರಮಕ್ಕೆ ಹಾಗೂ ಟ್ಯಾಲೆಂಟಿಗೆ ತಕ್ಕ ಹೆಸರು ಕೂಡ ಪಡೆದ ರಾಧಿಕಾ ಕುಮಾರಸ್ವಾಮಿ ಅವರು ಮದುವೆಯಾದ ಬಳಿಕ ಹಲವು ವರ್ಷಗಳವರೆಗೆ ಸಿನಿಮಾಗಳಲ್ಲಿ ನಟಿಸಲೇ ಇಲ್ಲ.
2012 ರಲ್ಲಿ ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಮ್ಯಾ ಅವರ ಅಭಿನಯದ ಲಕ್ಕಿ ಎನ್ನುವ ಸಿನಿಮಾ ಗೆ ನಿರ್ಮಾಪಕಿ ಆಗಿ ಕಂಬ್ಯಾಕ್ ಮಾಡಿದರು. ಅನಂತರ ಸ್ವೀಟಿ, ರುದ್ರ ತಾಂಡವ, ಧಮಯಂತಿ ಸಿನಿಮಾಗಳಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡರು. ಕನ್ನಡ ಮಾತ್ರ ಅಲ್ಲದೆ ತಮಿಳು ತೆಲುಗು ಸಿನಿಮಾಗಳಲ್ಲೂ ಬೇಡಿಕೆ ನಟಿ ಆಗಿದ್ದ ಇವರು ಇತ್ತೀಚಿಗೆ ನಟಿಸಿರುವ ಯಾವ ಸಿನಿಮಾ ಕೂಡ ಅಷ್ಟೊಂದು ಹೆಸರು ಮಾಡುತ್ತಿಲ್ಲ.
ಈಗಷ್ಟೇ 36 ವಸಂತಕ್ಕೆ ಕಾಲಿಟ್ಟಿರುವ ರಾಧಿಕಾ ಕುಮಾರಸ್ವಾಮಿ ಅವರು ತಮ್ಮ ಹುಟ್ಟು ಹಬ್ಬದ ವಿಶೇಷವಾಗಿ ಹೊಸ ಸುದ್ದಿಯೊಂದನ್ನು ನೀಡಿದ್ದಾರೆ. ಹಲವು ವರ್ಷಗಳಿಂದ ಮತ್ತೊಂದು ಸಿನಿಮಾ ಕಥೆಗಾಗಿ ಕಾಯುತ್ತಿರುವ ರಾಧಿಕಾ ಕುಮಾರಸ್ವಾಮಿ ಅವರು ಈ ಬಾರಿ ಸ್ಟಾರ್ ಹೀರೋ ಒಬ್ಬರಿಗೆ ಜೊತೆಯಾಗಿ ತೆರೆ ಮೇಲೆ ಕಾಣಿಸಿಕೊಳ್ಳುತ್ತಿದ್ದರಂತೆ.
ಆದರೆ ಹೀರೋ ಯಾರು ಎನ್ನುವ ವಿಷಯವನ್ನು ಮತ್ತು ಚಿತ್ರದ ಪಾತ್ರದ ವಿಷಯವನ್ನು ಬಿಟ್ಟು ಕೊಟ್ಟಿಲ್ಲ. 36ರ ಹರೆಯದ ರಾಧಿಕಾ ಕುಮಾರಸ್ವಾಮಿ ಅವರ ಇನ್ನೂ ಕೂಡ 18ರ ಚೆಲುವೆಯಂತೆ ಕಾಣುತ್ತಿದ್ದಾರೆ. ಈಗಿನ ಕಾಲದ ಯಾವ ನಟಿಗೂ ಕಡಿಮೆ ಇರದಂತಹ ಸೌಂದರ್ಯ ಹೊಂದಿರುವ ಮಂಗಳೂರಿನ ಈ ಬೆಡಗಿಗೆ ಎರಡನೇ ಇನ್ನಿಂಗ್ ಅಲ್ಲಿ ಬೇಗನೆ ಬ್ರೇಕ್ ಸಿಗಲಿ ಎಂದು ಹರಸೋಣ.
ಈ ವರ್ಷ ವಿಶೇಷವಾಗಿ ಹುಟ್ಟುಹಬ್ಬ ಆಚರಿಸಿಕೊಂಡಿರುವ ಇವರಿಗೆ ತಮ್ಮ ಪತಿಯ ಕಡೆಯಿಂದ ವಿಶೇಷ ಉಡುಗೊರೆ ಒಂದು ಬಂದಿದೆ ಎನ್ನುವ ಸುದ್ದಿಗಳು ಕೂಡ ಹಬ್ಬಿವೆ. ರಾಧಿಕಾ ಕುಮಾರಸ್ವಾಮಿ ಅವರಿಗೆ ಕುಮಾರಸ್ವಾಮಿ ಅವರ ಕಡೆಯಿಂದ ಹುಟ್ಟು ಹಬ್ಬದ ಉಡುಗೊರೆ ಆಗಿ ಒಂದು ಬ್ರಾಂಡೆಡ್ ಕಾರು ಹಾಗೂ ಕೇಕ್ ಬಂದಿದೆ ಎಂದು ಕೆಲ ಮೂಲಗಳು ತಿಳಿಸಿವೆ.
