Kannada Trend News

ಸೊಳ್ಳೆಗಳಿಂದ ಮನುಷ್ಯನಿಗೆ ಅನೇಕ ರೀತಿಯ ರೋಗಗಳು ಬರುತ್ತವೆ. ಡೆಂಗ್ಯೂ ಮಲೇರಿಯಾ, ಚಿಕನ್ ಗುನ್ಯಾ ಮುಂತಾದ ಮಾ’ರ’ಣಾಂ’ತಿ’ಕ ಕಾಯಿಲೆಗಳು ಕೂಡ ಸೊಳ್ಳೆ ಕಚ್ಚುವುದರಿಂದ ಬರುತ್ತದೆ. ಹೀಗಾಗಿ ಆರೋಗ್ಯ ಇಲಾಖೆಯು ಕೂಡ ಸೊಳ್ಳೆ ನಿಯಂತ್ರಣದ ಬಗ್ಗೆ ಅನೇಕ ಮಾರ್ಗಸೂಚಿಗಳನ್ನು ಹೇಳಿ ಎಚ್ಚರವಾಗಿರುವಂತೆ ಜಾಗೃತಿ ಮೂಡಿಸುತ್ತಿದೆ.

ಹೀಗಿದ್ದರೂ ಜನರ ನಿರ್ಲಕ್ಷತೆಯಿಂದ ಪ್ರತಿನಿತ್ಯವೂ ಈ ಕಾಯಿಲೆಗಳಿಗೆ ಸಾವಿರಾರು ಜನ ತುತ್ತಾಗುತ್ತಿದ್ದಾರೆ. ಇದರ ಜೊತೆಗೆ ಕಾಲರ ಡೈರಿಯಾ ಅಲರ್ಜಿ ವೈರಲ್ ಫೀವರ್ ಗಳು ಇನ್ನು ಮುಂತಾದ ಅನೇಕ ಕಾಯಿಲೆಗಳು ಸೊಳ್ಳೆ ಕಡಿತದಿಂದ ಬರುತ್ತಿವೆ. ಇದರಿಂದ ತಪ್ಪಿಸಿಕೊಳ್ಳಬೇಕು ಎಂದರೆ ಮನೆ ಸುತ್ತಮುತ್ತ ಯಾವಾಗಲೂ ಸ್ವಚ್ಛವಾಗಿರುವಂತೆ ನೋಡಿಕೊಳ್ಳಬೇಕು.

ಯಾವುದೇ ವಸ್ತುಗಳಲ್ಲಿ ನೀರು ಶೇಖರಣೆ ಆಗದಂತೆ ನೋಡಿಕೊಳ್ಳಬೇಕು, ನಿಂತ ನೀರಿನಲ್ಲಿ ಸೊಳ್ಳೆಗಳು ಸಂತಾನೋತ್ಪತ್ತಿ ಮಾಡುತ್ತದೆ ಹಾಗಾಗಿ ನೀರು ನಿಲ್ಲದಂತೆ ನೋಡಿಕೊಳ್ಳಬೇಕು. ಇದರ ಜೊತೆಗೆ ಸೊಳ್ಳೆಗಳಿಂದ ನಮ್ಮನ್ನು ರಕ್ಷಿಸಿಕೊಳ್ಳಲು ನಾವು ಅನೇಕ ಪ್ರಯತ್ನಗಳನ್ನು ಮಾಡುತ್ತೇವೆ.

ಮೈತುಂಬ ಬಟ್ಟೆ ಧರಿಸುವುದು, ಸಂಜೆ ಆಗುತ್ತಿದ್ದಂತೆ ಸೊಳ್ಳೆ ಬತ್ತಿ ಹಚ್ಚುವುದು, ಸೊಳ್ಳೆ ಕಾಯಿಲ್ ಗಳನ್ನು ಹಾಕುವುದು, ಸೊಳ್ಳೆ ಬ್ಯಾಟ್ ಇಂದ ಸೊಳ್ಳೆ ಹೊಡೆದು ಸಾಯಿಸುವುದು ಈಗಂತೂ ಸೊಳ್ಳೆ ಕಚ್ಚಬಾರದು ಎಂದು ಲೋಶನ್ ಗಳು ಬಂದಿವೆ ಅವುಗಳನ್ನು ಕೈಗೆ ಕಾಲುಗಳಿಗೆ ಹಚ್ಚಿಕೊಳ್ಳುವುದು ಇನ್ನು ಎಷ್ಟೆಷ್ಟು ಹರಸಾಹಸ ಪಡುತ್ತೇವೆ.

ಆದರೆ ಈ ರೀತಿ ಸೊಳ್ಳೆ ಹೋಗಿಸುವುದಕ್ಕೆ ಉಪಯೋಗಿಸುವ ರಾಸಾಯನಿಕಗಳು ಉರಿವಾಗ ಹೊರ ಹಾಕುವ ವಾಸನೆಯೂ ಬಹಳ ಕೆಟ್ಟದಾಗಿದ್ದು ಇದರಿಂದ ಕ್ಯಾನ್ಸರ್ ಉಂಟಾಗುವ ಸಾಧ್ಯತೆ ಇದೆ ಎಂದು ಸಂಶೋಧನೆಗಳು ಹೇಳಿವೆ. ಹಾಗಾಗಿ ನ್ಯಾಚುರಲ್ ಆಗಿ ಸೊಳ್ಳೆಗಳನ್ನು ಓಡಿಸುವ ಪ್ರಯತ್ನ ಪಡುವುದು ಒಳ್ಳೆಯದು.

ಅದಕ್ಕಾಗಿ ಹೇಗೆ ನ್ಯಾಚುರಲ್ ಆಗಿ ಮನೆಮದ್ದುಗಳನ್ನು ಮಾಡಿಕೊಂಡು ಸೊಳ್ಳೆಗಳು ಸಾಯುವಂತೆ ಅಥವಾ ಇನ್ಯಾವತ್ತು ಸೊಳ್ಳೆಗಳು ನಮ್ಮ ಮನೆ ಕಾಲಿಡದಂತೆ ‌ಮಾಡಬಹುದು ಎನ್ನುವುದರ ಬಗ್ಗೆ ಈ ಅಂಕಣದಲ್ಲಿ ತಿಳಿಸುತ್ತಿದ್ದೇವೆ ನೀವು ಟ್ರೈ ಮಾಡಿ ಸೊಳ್ಳೆಗಳಿಂದ ಮುಕ್ತಿ ಹೊಂದಿ.

* ನಾಟಿ ಹಸುವಿನ ಬೆರಣಿ ಅನೇಕ ರೀತಿಯ ಒಳ್ಳೆಯ ಗುಣಗಳನ್ನು ಹೊಂದಿದೆ. ಈ ಬೆರಣಿಯನ್ನು ಉರಿಸುವುದರಿಂದ ಹೊಗೆ ಬರುತ್ತದೆ ಆ ಹೊಗೆಯು ಮನೆ ತುಂಬ ಹರಡಿದಾಗ ಸೊಳ್ಳೆಗಳು ಮನೆ ಬಿಟ್ಟು ಹೋಗುತ್ತವೆ, ಹಾಗಾಗಿ ನಾಟಿ ಹಸುವಿನ ಬೆರಣಿಯನ್ನು ಬಳಸಿ ಈ ಬೆರಣಿ ಉರಿಯುವಾಗ ಬೇವಿನ ಎಲೆಗಳನ್ನು ಹಾಕುವುದರಿಂದ ಕೂಡ ಉತ್ತಮ ಪರಿಣಾಮಗಳು ಉಂಟಾಗುತ್ತದೆ.

* ಒಂದು ವೇಳೆ ಪಟ್ಟಣ ಪ್ರದೇಶದಲ್ಲಿ ಇರುವವರು ಈ ಬೆರಣಿಯ ಪ್ರಯೋಗ ಮಾಡಲು ಸಾಧ್ಯವಾಗದೆ ಇದ್ದರೆ ಪಚ್ಚ ಕರ್ಪೂರದನ್ನು ಹಚ್ಚಿ ಅದರ ಮೇಲೆ ಪಲಾವ್ ಎಲೆಗಳನ್ನು ಹಾಕಿ ಅದು ಹೊಗೆ ಬರುತ್ತದೆ. ಇದನ್ನು ಮನೆಯ ಮೂಲೆ ಮೂಲೆಗಳಿಗೂ ಓಡಾಡಿ ನಂತರ ತಂದು ಒಂದು ಕಡೆ ಇಡಿ, ಸೊಳ್ಳೆಗಳು ಮನೆ ಬಿಟ್ಟು ಹೋಗುತ್ತವೆ.

* ಕೆಲವರು ಮನೆಗಳಲ್ಲಿ ಕಾಯಿಲ್ ಗಳನ್ನು ಉಪಯೋಗಿಸುತ್ತಿರುತ್ತಾರೆ. ಆ ಕಾಯಿಲ್ ಇದ್ದರೆ ಅದರ ಟ್ಯೂಬ್ ನಲ್ಲಿ ಇರುವ ದ್ರಾವಣವನ್ನು ಚೆಲ್ಲಿ ಈಗ ನೀವೇ ಒಂದು ದ್ರಾವಣವನ್ನು ಮಾಡಿ ಹಾಕಿ. ಹೇಗೆ ಮಾಡಬೇಕು ಎಂದರೆ 2ಗ್ರಾಂ ಪಚ್ಚ ಕರ್ಪೂರ, 5 ಗ್ರಾಂ ಬೇವಿನ ಎಲೆ ಹಾಗೂ 5 ಗ್ರಾಂ ನೀಲಗಿರಿ ಎಲೆ ತೆಗೆದುಕೊಂಡು ಚೆನ್ನಾಗಿ ಪೇಸ್ಟ್ ಮಾಡಿ ಒಂದು ಕಾಟನ್ ಬಟ್ಟೆಗೆ ಅದನ್ನು ಹಾಕಿ ಹಿಂಡಿ ರಸ ತೆಗಿಯಬೇಕು.

ಆ ರಸವನ್ನು ಕಾಯಿಲ್ ಗೆ ಲಿಕ್ವಿಡ್ ನಂತೆ ಹಾಕಿ ಪ್ಲಗ್ ಆನ್ ಮಾಡುವುದರಿಂದ ಸೊಳ್ಳೆ ಮನೆಗೆ ಬರುವುದಿಲ್ಲ ಇದ್ದರೂ ಹೊರಟು ಹೋಗುತ್ತದೆ. ಕಾಟನ್ ಬಟ್ಟೆಯನ್ನು ಉಂಡೆ ಉಂಡೆಗಳನ್ನಾಗಿ ಮಾಡಿಕೊಂಡು ಅದನ್ನು ಬೇವಿನ ಎಣ್ಣೆಗೆ ಹದ್ದಿ ನಂತರ ಬೆಂಕಿ ಹಚ್ಚಿ ಉರಿಸುವುದರಿಂದ ಉಂಟಾಗುವ ಹೊಗೆಯಿಂದ ಕೂಡ ಸೊಳ್ಳೆಗಳು ನಾಶವಾಗುತ್ತವೆ.

https://youtu.be/ZxRaNQy6wO8?si=b-k22Y7Exf5ugjc4

ಮನುಷ್ಯ ದಪ್ಪ ಹಾಗೂ ಸಣ್ಣ ಇರುವುದು ಕೆಲವೊಮ್ಮೆ ಅವರ ಜೆನಟಿಕ್ ರೀಸನ್ ನಿಂದ ಕೂಡ ಆಗಿರುತ್ತದೆ. ತಂದೆ ಅಥವಾ ತಾಯಿಯಲ್ಲಿ ಒಬ್ಬರು ತುಂಬಾ ಸಣ್ಣ ಇದ್ದರೆ ಮಕ್ಕಳು ಕೂಡ ಸಣ್ಣ ಆಗುತ್ತಾರೆ ಇದನ್ನು ಹೊರತುಪಡಿಸಿ ಕೆಲವೊಮ್ಮೆ ಇದ್ದಕ್ಕಿದ್ದಂತೆ ದೇಹದ ತೂಕ ಕಡಿಮೆ ಆಗಿಬಿಡುತ್ತದೆ.

ಆಗ ಅವರು ನೋಡಲು ಚೆನ್ನಾಗಿ ಕಾಣುವುದಿಲ್ಲ ಅಥವಾ ಕೆಲವೊಂದು ಉದ್ಯೋಗಗಳಿಗೆ ಇಂತಿಷ್ಟೇ ತೂಕ ಇರಬೇಕು ಎನ್ನುವ ನಿಯಮ ಇರುತ್ತದೆ. ಇಂತಹ ಸಮಯದಲ್ಲಿ ಕಳೆದುಕೊಂಡಿರುವ ತೂಕವನ್ನು ಹೇಗೆ ಗಳಿಸಬೇಕು ಎನ್ನುವುದರ ಬಗ್ಗೆ ಈ ಅಂಕಣದಲ್ಲಿ ತಿಳಿಸುತ್ತಿದ್ದೇವೆ. ಅದಕ್ಕೂ ಮುನ್ನ ಏಕೆ ಸಣ್ಣವಾಗುತ್ತೇವೆ ಎಂದು ತಿಳಿದುಕೊಳ್ಳಬೇಕು.

ಸಕ್ಕರೆ ಕಾಯಿಲೆ ಬಂದ ವ್ಯಕ್ತಿ ಇದ್ದಕ್ಕಿದ್ದಂತೆ 5kg ರಿಂದ 10kg ಸಣ್ಣ ಆಗಿಬಿಡುತ್ತಾರೆ, ಅತಿ ಹೆಚ್ಚು ವ್ಯಾಯಾಮ ಮಾಡುವವರು ಸಣ್ಣ ಆಗುತ್ತಾರೆ, ಹೈಪೋಥೈರಾಯಿಡಿಸಂ ನಿಂದ ಕೂಡ ದಪ್ಪ ಆಗುತ್ತಾರೆ ಇದನ್ನು ಹೊರತುಪಡಿಸಿ ಜೀವನದಲ್ಲಿ ಯಾವುದೋ ಒಂದು ವಿಷಯದಿಂದ ಬಹಳ ಕೊರಗಿದಾಗ ಕೂಡ ವ್ಯಕ್ತಿ ಸಣ್ಣ ಆಗುತ್ತಾನೆ.

ಹಾಗಾಗಿ ಮೊದಲು ಇವುಗಳನ್ನು ಸರಿಪಡಿಸಿಕೊಳ್ಳಬೇಕು. ಹೈಪೋಥೈರಾಯಿಡಿಸಂ ಸಕ್ಕರೆ, ಕಾಯಿಲೆಗಳು ಇದ್ದರೆ ಅದಕ್ಕೆ ಸೂಕ್ತ ಚಿಕಿತ್ಸೆ ತೆಗೆದುಕೊಂಡು ಆ ಡಿಸಾರ್ಡರ್ ಸರಿಪಡಿಸಿಕೊಳ್ಳಬೇಕು ಮತ್ತು ಆಗಿಹೋದ ವಿಷಯದ ಬಗ್ಗೆ ಹೆಚ್ಚು ಯೋಚನೆ ಮಾಡಬಾರದು. ನಾವು ಮೋ’ಸ ಹೋಗಿದ್ದಕ್ಕಾಗಿ, ಹಣ ಕಳೆದುಕೊಂಡಿದ್ದಕ್ಕಾಗಿ, ಉದ್ಯೋಗ ಹೋಗಿದ್ದಕ್ಕಾಗಿ, ಪರೀಕ್ಷೆಯಲ್ಲಿ ಕಡಿಮೆ ಮಾರ್ಕ್ಸ್ ಬಂತು ಎಂದು ಬಹಳ ಯೋಚನೆ ಹಿಡಿದಾಗ ಸಣ್ಣವಾಗುತ್ತೇವೆ.

ಆಗಿದ್ದು ಆಯ್ತು ಮುಂದೇನು ಎನ್ನುವುದರ ಬಗ್ಗೆ ಯೋಚನೆ ಮಾಡಿ ಆ ನೋವಿನಿಂದ ಹೊರ ಬರಬೇಕು. ಸದಾ ಮನಸ್ಸಿನಲ್ಲಿ ಖುಷಿಯಾಗಿ ಇರಬೇಕು ಇದು ಕೂಡ ಮನುಷ್ಯ ದಪ್ಪ ಆಗಲು ಸಹಾಯ ಮಾಡುತ್ತದೆ. ಇನ್ನೊಬ್ಬರ ಬಗ್ಗೆ ಅ’ಸೂ’ಯೆ ಇರಬಾರದು, ಇದನ್ನು ಹೊರತುಪಡಿಸಿ ಯಾವ ಆಹಾರ ಪದಾರ್ಥಗಳನ್ನು ತಿನ್ನುವುದರಿಂದ ಬಹಳ ಬೇಗ ದೇಹ ದಪ್ಪವಾಗುತ್ತದೆ ಎನ್ನುವುದರ ವಿವರ ಹೀಗಿದೆ.

ಪ್ರತಿನಿತ್ಯ ಆಹಾರದಲ್ಲಿ ತಪ್ಪದೆ ಹಾಲು ಹಾಗೂ ಹಾಲಿನ ಉತ್ಪನ್ನಗಳನ್ನು ಸೇವಿಸುವುದರ ಮೂಲಕ ದೇಹದ ತೂಕ ಹೆಚ್ಚಿಸಿಕೊಳ್ಳಬಹುದು. ಧಾನ್ಯಗಳಲ್ಲಿ ಹುರುಳಿಕಾಳು ಉದ್ದಿನಕಾಳು ಹೆಚ್ಚು ಸೇವನೆ ಮಾಡುವುದರಿಂದ ಅಥವಾ ಉದ್ದಿನಬೇಳೆಯಿಂದ ತಯಾರಿಸುವ ಇಡ್ಲಿ ದೋಸೆ ವಡೆ ಇತ್ಯಾದಿ ಪದಾರ್ಥಗಳನ್ನು ಸೇವಿಸುವುದರಿಂದ ಬಹಳ ಬೇಗ ದಪ್ಪ ಆಗಬಹುದು.

ಪಪ್ಪಾಯಿ, ಸೇಬು ಸೇವನೆ ಅದರಲ್ಲೂ ಅತಿ ಮುಖ್ಯವಾಗಿ ಬಾಳೆಹಣ್ಣಿನ ಸೇವನೆಯು ನಾವು ಬೇಗ ದಪ್ಪ ಆಗುವಂತೆ ಮಾಡುತ್ತದೆ. ಊಟ ಆದ ನಂತರ ಬಾದಾಮಿ ಚೂರ್ಣ ಅಥವಾ ಬಾದಾಮಿ ಪುಡಿ ಹಾಕಿಕೊಂಡು ಹಾಲು ಕುಡಿದು ಮಲಗುವುದರಿಂದ ಕೂಡ ಬಹಳ ಬೇಗ ದಪ್ಪ ಆಗುತ್ತಾರೆ.

ಮಾಂಸಾಹಾರಿಗಳಾಗಿದ್ದರೆ ಅತಿ ಹೆಚ್ಚು ಮಾಂಸದ ಸೇವನೆ ಮಾಡುವುದರಿಂದ ದಪ್ಪ ಆಗುತ್ತಾರೆ, ಇವರು ಊಟ ಆದನಂತರ ಮೊಟ್ಟೆ ತಿಂದು ಮಲಗಬೇಕು. ಆಗ ಬಹಳ ಬೇಗ ದಪ್ಪವಾಗುತ್ತಾರೆ. ಇದರೊಂದಿಗೆ ಮೂರು ಸಮಯವು ಕೂಡ ಚೆನ್ನಾಗಿ ಪೌಷ್ಟಿಕಾಂಶಯುಕ್ತ ಆಹಾರ ಸೇವನೆ ಮಾಡಬೇಕು ಊಟದಲ್ಲಿ ಸೊಪ್ಪು ತರಕಾರಿ ಕಾಳುಗಳು ಹೀಗೆ ಎಲ್ಲವೂ ಇರಬೇಕು.

ಊಟ ಆದ ನಂತರ ಸಿಹಿ ಪದಾರ್ಥವನ್ನು ಸೇವಿಸಬೇಕು ಬೇಕರಿ ಪದಾರ್ಥಗಳ ಮೊರೆ ಹೋಗುವುದು ತಪ್ಪು, ಮನೆಯಲ್ಲೇ ಮಾಡಿದ ಪಾಯಸ ರಸಾಯನ ಅಥವಾ ಸಿಹಿ ಅನ್ನ, ಮನೆಯಲ್ಲಿ ತಯಾರಿಸಿದ ಸಿಹಿ ಪದಾರ್ಥಗಳನ್ನು ತಿನ್ನಬೇಕು ಆಗ ಬಹಳ ಬೇಗ ದೇಹದ ತೂಕ ಹೆಚ್ಚಾಗುತ್ತದೆ. ಇದರೊಂದಿಗೆ ನೆಮ್ಮದಿಯಾಗಿ ಕನಿಷ್ಠ 8 ಗಂಟೆಗಳಾದರೂ ನಿದ್ದೆ ಮಾಡಬೇಕು ವಾರಕ್ಕೊಮ್ಮೆ ಎಳ್ಳಣ್ಣೆಯಿಂದ ದೇಹವನ್ನು ಮಸಾಜ್ ಮಾಡಬೇಕು ಹೀಗಿದ್ದಾಗ ಆಟೋಮೆಟಿಕ್ ಆಗಿ ಬಹಳ ಬೇಗ ದಪ್ಪ ಆಗುತ್ತಾರೆ.

ನಮ್ಮ ಮನೆಯಲ್ಲಿ ನಮಗಷ್ಟೇ ಅಲ್ಲದೆ ಅನೇಕ ವಸ್ತುಗಳಿಗೆ ಜಾಗ ಇದೆ. ಇದರಲ್ಲಿ ಕೆಲವು ನಮ್ಮ ಅನುಕೂಲಕ್ಕೆ ಬೇಕಾಗಿರುವ ವಸ್ತುಗಳು, ಇನ್ನು ಕೆಲವು ನಾವೇ ಇಷ್ಟ ಪಟ್ಟು ತಂದು ಇಡುವ ವಸ್ತುಗಳು. ಇವುಗಳು ಮಾತ್ರವಲ್ಲದೆ ಮನೆ ಎಂದ ಮೇಲೆ ಕೆಲವು ವಸ್ತುಗಳು ಇರಲೇಬೇಕು ಎಂದು ಹಿರಿಯರು ಹೇಳುತ್ತಾರೆ.

ಅದೇ ರೀತಿ ವಾಸ್ತು ಶಾಸ್ತ್ರದಲ್ಲೂ ಕೂಡ ಮನೆಯಲ್ಲಿ ಕೆಲವು ವಸ್ತುಗಳನ್ನು ಇಡುವುದರಿಂದ ಮನೆಯ ವಾತಾವರಣ ಸಕಾರಾತ್ಮಕವಾಗುತ್ತದೆ ಮತ್ತು ಈ ಮೂಲಕ ಮನೆಯಲ್ಲಿ ಸುಖ ಶಾಂತಿ ನೆಮ್ಮದಿ ನೆಲೆಸುತ್ತದೆ ಮತ್ತು ಇಂತಹ ಸ್ಥಳದಲ್ಲಿ ಆರ್ಥಿಕ ಅಭಿವೃದ್ಧಿಯಾಗಿ ಅಷ್ಟೈಶ್ವರ್ಯಗಳು ಒದಗಿ ಬರುತ್ತದೆ ಎಂದು ಹೇಳಲಾಗುತ್ತದೆ.

ಈ ರೀತಿ ಮನೆಗೆ ಹಣದ ಆಕರ್ಷಣೆ ಉಂಟುಮಾಡುವ ಮತ್ತು ಮನೆಯ ವಾತಾವರಣವನ್ನು ಉತ್ತಮವಾಗಿಸುವ ಆ ಮೂಲಕ ಮನೆಯಲ್ಲಿರುವ ಎಲ್ಲಾ ಸದಸ್ಯರ ಮನಸ್ಸಿನ ಮೇಲೆ ಉತ್ತಮ ಪರಿಣಾಮಗಳನ್ನು ಬೀರುವ ವಸ್ತುಗಳ ಬಗ್ಗೆ ತಿಳಿಸಿಕೊಡುತ್ತಿದ್ದೇವೆ. ಈ ವಸ್ತುಗಳು ನಿಮ್ಮ ಮನೆಯಲ್ಲಿ ಇಲ್ಲ ಎಂದರೆ ಇವತ್ತೇ ತಂದು ಇಡಿ. ನಿಮ್ಮ ಜೀವನ ಹೇಗೆ ಬದಲಾಗುತ್ತದೆ ಎಂದು ನೀವೇ ನೋಡಿ.

1. ಮನೆಯ ಮುಖ್ಯದ್ವಾರದಲ್ಲಿ ಗಣಪತಿಯ ವಿಗ್ರಹ ಇಡಬೇಕು ಎಂದು ವಾಸ್ತುಶಿಷ್ಟದಲ್ಲಿ ತಿಳಿಸಲಾಗಿದೆ. ಒಂದು ವೇಳೆ ಸಾಧ್ಯವಾಗದೆ ಇದ್ದರೆ ಮನೆ ಮುಖ್ಯ ದ್ವಾರದ ಮೇಲೆ ಗಣಪತಿಯ ಫೋಟೋ ಆದರೂ ಹಾಕಿ ಯಾಕೆಂದರೆ ಮನೆಗೆ ಪ್ರವೇಶಿಸುವ ಯಾರೇ ಆದರೂ ಮೊದಲು ಈ ಕಣ್ಣುದೃಷ್ಟಿ ಗಣಪತಿಯನ್ನು ನೋಡುವುದರಿಂದ ಆ ರೀತಿ ಬಂದವರಲ್ಲಿ ನೆಗೆಟಿವ್ ಎನರ್ಜಿ ಇದ್ದರೆ.

ಅದನ್ನು ಗಣಪತಿಯು ತಡೆದು ಅದನ್ನು ಒಳ್ಳೆಯ ರೀತಿ ಬದಲಾಯಿಸುತ್ತಾರೆ ಎಂದು ನಂಬಿಕೆ ಮತ್ತು ಮನೆಯ ಸದಸ್ಯರ ಎಲ್ಲ ವಿಘ್ನಗಳನ್ನು ನಿವಾರಿಸುವ ಸಲುವಾಗಿ ಪ್ರಥಮ ಪೂಜೆಗೆ ಅಧಿಪತಿಯಾದ ಗಣೇಶನ ವಿಗ್ರಹ ಅಥವಾ ಫೋಟೋ ಮನೆಯ ಮುಖ್ಯದ್ವಾರದ ಬಳಿ ಇರಬೇಕು.

2. ಶ್ರೀ ಕೃಷ್ಣನಿಗೆ ಬಹಳ ಇಷ್ಟವಾದ ಕೊಳಲು ಪ್ರತಿಯೊಂದು ಮನೆಯಲ್ಲಿ ಕೂಡ ಇರಬೇಕು. ಶ್ರೀಕೃಷ್ಣ ಎಂದರೆ ಕೊಳಲು ಹಾಗೂ ನವಿಲುಗರಿ. ಇವುಗಳು ಇಲ್ಲದೆ ಕೃಷ್ಣನು ಇಲ್ಲ ಮತ್ತು ಕೃಷ್ಣ ಶ್ರೀ ಮಹಾ ವಿಷ್ಣುವಿನ ಅವತಾರವಾಗಿರುವುದರಿಂದ ಮಹಾ ವಿಷ್ಣುವಿಲ್ಲದ ಕಡೆ, ಲಕ್ಷ್ಮಿಯು ಇರಲು ಇಚ್ಚಿಸಲಾರರು.

ಹೀಗಾಗಿ ಪ್ರತಿ ಮನೆಯಲ್ಲಿ ಸಾಮಾನ್ಯವಾಗಿ ನವಿಲುಗರಿ ಇದ್ದೇ ಇರುತ್ತದೆ. ಇದರ ಜೊತೆಗೆ ತಪ್ಪದೆ ಕೊಳಲನ್ನು ಕೂಡ ಇಡಿ ಅದರಲ್ಲೂ ಬೆಳ್ಳಿಯ ಕೊಳಲನ್ನು ಇಡುವುದರಿಂದ ಉತ್ತಮ ಫಲಿತಾಂಶಗಳು ಸಿಗುತ್ತದೆ ಎಂದು ಹೇಳಲಾಗುತ್ತದೆ.

* ವಿದ್ಯಾರ್ಥಿಗಳು ಓದಿನಲ್ಲಿ ಏಕಾಗ್ರತೆ ಆಸಕ್ತಿ ಬರಬೇಕು ಎಂದರೆ ಚಿಕ್ಕ ಬಿಳಿ ಬಣ್ಣದ ಕೊಳಲನ್ನು ಇಟ್ಟುಕೊಳ್ಳಿ
* ಹಳದಿ ಬಣ್ಣದ ಕೊಳಲನ್ನು ಮನೆಯಲ್ಲಿ ಇಡುವುದರಿಂದ ಮನೆಯ ಹಣಕಾಸಿನ ಸಮಸ್ಯೆಗಳು ಪರಿಹಾರವಾಗುತ್ತದೆ
* ವ್ಯಾಪಾರ ವ್ಯವಹಾರದ ಕಚೇರಿ ಸ್ಥಳಗಳಲ್ಲಿ ಬೆಳ್ಳಿ ಕೊಳಲು ಇಡುವುದರಿಂದ ಹೆಚ್ಚು ಲಾಭವಾಗುತ್ತದೆ.
* ಮನೆಯ ಸದಸ್ಯರ ನಡುವೆ ಮನಸ್ತಾಪಗಳಿದ್ದರೆ ಜೋಡಿ ಕೊಳಲು ತಂದು ಲಿವಿಂಗ್ ಏರಿಯಾದಲ್ಲಿ ಇಡಬೇಕು.

3. ಪ್ರತಿಯೊಂದು ಮನೆಗೂ ದೇವರ ಕೋಣೆ ಇರುವಂತೆ ಪ್ರತಿಯೊಂದು ದೇವರ ಕೋಣೆಯಲ್ಲೂ ಕೂಡ ಶಂಖ ಇರಲೇಬೇಕು ಮತ್ತು ಮನೆಯಲ್ಲಿ ಆಗಾಗ ಶಂಖನಾದ ಮೊಳಗುತ್ತಲೇ ಇರಬೇಕು, ಇದರಿಂದ ಮನೆಯ ವಾತಾವರಣ ಸಕಾರಾತ್ಮಕವಾಗುತ್ತದೆ ಮ. ಮನೆಯ ನೆಗೆಟಿವಿಟಿ ಆಚೆ ಹೋಗುವುದರಿಂದ ದನಾಕರ್ಷಣೆ ಉಂಟಾಗುತ್ತದೆ ಎಂದು ಹೇಳಲಾಗುತ್ತದೆ ಆದರೆ ಶಂಖ ತರುವುದಕ್ಕೆ ಹಾಗೂ ಇಡುವುದಕ್ಕೆ ನಿಯಮಗಳಿವೆ.

* ಯಾವಾಗಲೂ ಜೋಡಿ ಶಂಖ ತರಬೇಕು, ಒಂದು ಪೂಜೆ ಮಾಡುವುದಕ್ಕೆ ಬಳಸಬೇಕು ಮತ್ತೊಂದನ್ನು ಊದಲು ಬಳಸಬೇಕು.
* ಪೂಜೆ ಮಾಡುವ ಶಂಖವು ಊದುವ ಶಂಖಕ್ಕಿಂತ ಎತ್ತರದ ಸ್ಥಳದಲ್ಲಿರಬೇಕು. ಊದುವ ಶಂಖವನ್ನು ಬಳಸದೆ ಇದ್ದಾಗ ಗಂಗಾಜಲದಿಂದ ಶುದ್ಧ ಮಾಡಿ ಬಿಳಿ ವಸ್ತ್ರದಲ್ಲಿ ಸುತ್ತಿ ದೇವರ ಕೋಣೆಯಲ್ಲಿಡಬೇಕು.

* ಅಲಂಕಾರಿಕ ವಸ್ತುವಾಗಿ ಯಾವುದೇ ಕಾರಣಕ್ಕೂ ಶಂಖವನ್ನು ಬಳಸಬಾರದು. ದೇವರ ಕೋಣೆ ಬಿಟ್ಟು ಯಾವ ಜಾಗದಲ್ಲೂ ಶಂಖ ಇಡಬಾರದು.
* ದೇವರ ಕೋಣೆಯಲ್ಲಿ ಶಿವಲಿಂಗ ಇದ್ದರೆ ಶಿವಲಿಂಗದಿಂದ ದೂರದಲ್ಲಿ ಶಂಖವನ್ನು ಇಡಬೇಕು. ಯಾವುದೇ ಕಾರಣಕ್ಕೂ ಶಂಖದ ನೀರಿನಿಂದ ಶಿವಲಿಂಗಕ್ಕೆ ಅಭಿಷೇಕ ಮಾಡಬಾರದು
* ಮನೆಯಲ್ಲಿ ಹೆಚ್ಚು ಶಂಖಗಳು ಇರಬಾರದು ಅದು ಮನೆಗೆ ಅಪಶಕುನ.

4. ಹಣದ ಒಡತಿಯಾದ ಮಹಾಲಕ್ಷ್ಮಿಯ ಜೊತೆ ಸಂಪತ್ತಿನ ಒಡೆಯನಾದ ಕುಬೇರನ ವಿಗ್ರಹ ಕೂಡ ಪ್ರತಿಯೊಂದು ಮನೆಯಲ್ಲಿರಬೇಕು ಅಥವಾ ಫೋಟೋ ಆದರೂ ಇರಬೇಕು. ಪ್ರತಿನಿತ್ಯ ಇದಕ್ಕೆ ಪೂಜೆಯಾಗುತ್ತಿದ್ದರೆ ನಿಮ್ಮ ಮನೆಗೆ ಹಣದ ಹೊಳೆ ಹರಿಯುವುದರಲ್ಲಿ ಅನುಮಾನವಿಲ್ಲ.

5. ಮನೆಯಲ್ಲಿ ಅಕ್ವೇರಿಯಂ ಇಟ್ಟು ಅದರಲ್ಲಿ ಮೀನುಗಳನ್ನು ಸಾಕುವುದರಿಂದ ಮನೆಗೆ ಒಳ್ಳೆಯದಾಗುತ್ತದೆ ಮನೆಯ ವಾತಾವರಣ ಸಕಾರಾತ್ಮಕವಾಗುತ್ತದೆ ಮತ್ತು ಮನೆಯಲ್ಲಿ ಹಣಕಾಸಿನ ಸಂಸ್ಥೆ ಬರುವುದಿಲ್ಲ ಎಂದು ಹೇಳಲಾಗುತ್ತದೆ ಅದರಲ್ಲೂ ಗೋಲ್ಡನ್ ಡ್ರ್ಯಾಗನ್ ಫಿಶ್ ಇಟ್ಟರೆ ಇನ್ನು ಉತ್ತಮ.

ಈರುಳ್ಳಿ ಕಟ್ ಮಾಡುವಾಗ ಕ’ಣ್ಣೀ’ರು ಹಾಕಿಸಿದರು ಅಥವಾ ಕೆಲವೊಮ್ಮೆ ಬೆಲೆ ಕೇಳಿ ಬೇಸರವಾದರೂ ಈರುಳ್ಳಿಯಿಂದ ಎಷ್ಟೆಲ್ಲ ದೇಹಕ್ಕೆ ಅನುಕೂಲವಿದೆ ಎನ್ನುವುದನ್ನು ನೀವು ತಿಳಿದುಕೊಂಡರೆ ಇನ್ನು ಮುಂದೆ ಮೂರು ಹೊತ್ತು ಕೂಡ ತಪ್ಪದೇ ಅಡಿಗೆ ಮಾಡುವಾಗ ಈರುಳ್ಳಿ ಬಳಸುತ್ತೀರಿ ಮತ್ತು ಊಟದ ಜೊತೆಯಲ್ಲಿ ಹಸಿ ಈರುಳ್ಳಿ ತಿನ್ನುತ್ತೀರಿ.

ಈರುಳ್ಳಿ ನಿಯಮಿತವಾಗಿ ಸೇವನೆ ಮಾಡುವುದರಿಂದ ದೇಹದ ಆರೋಗ್ಯಕ್ಕೆ ಕೂದಲಿಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಮತ್ತು ಮಾನಸಿಕ ಆರೋಗ್ಯಕ್ಕೂ ಕೂಡ ಬಹಳ ಒಳ್ಳೆಯದು. ಗೃಹಿಣಿಯರಿಗೆ ಚೆನ್ನಾಗಿ ಗೊತ್ತಿರುತ್ತದೆ ಈರುಳ್ಳಿಯನ್ನು ಅಡುಗೆಗೆ ಹೆಚ್ಚಾಗಿ ಬಳಸುವುದರಿಂದ ಆಹಾರದ ರುಚಿ ಹೇಗೆ ಹೆಚ್ಚಿಸಬಹುದು ಎಂದು ಈ ರೀತಿ ರುಚಿ ಮತ್ತು ಆರೋಗ್ಯ ಎರಡನ್ನು ನೀಡುವ ಈ ಈರುಳ್ಳಿಯನ್ನು ಹೇಗೆ ಸೇವನೆ ಮಾಡುವುದರಿಂದ ಮತ್ತು ಯಾವ ರೀತಿ ಬಳಸುವುದರಿಂದ ಏನೆಲ್ಲಾ ಪ್ರಯೋಜನಗಳು ಇದೆ ಎನ್ನುವುದರ ಪಟ್ಟಿ ಹೀಗಿದೆ ನೋಡಿ.

* ಪ್ರತಿದಿನವೂ ಕೂಡ ಆಹಾರದ ಜೊತೆ ಹಸಿ ಈರುಳ್ಳಿ ತಿನ್ನುವುದರಿಂದ ಹೃದಯ ಸಂಬಂಧಿತ ಸಮಸ್ಯೆಗಳು ಬರುವ ಸಾಧ್ಯತೆ ಬಹಳ ಕಡಿಮೆ ಎಂದು ಹೇಳಲಾಗುತ್ತದೆ, ಹಾಗೆಯೇ ಊಟ ಮಾಡಿದ ಆಹಾರವು ಚೆನ್ನಾಗಿ ಜೀರ್ಣ ಆಗುತ್ತದೆ.
* ವಸಡಿನಲ್ಲಿ ರಕ್ತಸ್ರಾವವಾಗುತ್ತಿದ್ದರೆ ಈರುಳ್ಳಿಯನ್ನು ಚೆನ್ನಾಗಿ ಜಜ್ಜಿ ಆ ಪೇಸ್ಟ್ ಅನ್ನು ಹಚ್ಚಿದಾಗ ಅದು ತಕ್ಷಣ ನಿಲ್ಲುತ್ತದೆ.
* ಸುಟ್ಟ ಈರುಳ್ಳಿಯನ್ನು ತಿಂದರೆ ಅಜೀರ್ಣ ನಿವಾರಣೆಯಾಗುತ್ತದೆ, ಮತ್ತು ಆಮಶಂಕೆ ಕೂಡ ಕಂಟ್ರೋಲ್ ಗೆ ಬರುತ್ತದೆ.

* ಚೇಳು ಅಥವಾ ಜೇನು ಕಚ್ಚಿದ ಸ್ಥಳಕ್ಕೆ ಈ ಹಸಿ ಈರುಳ್ಳಿಯ ಸಿಪ್ಪೆ ತೆಗೆದು ಜಜ್ಜಿ ತಿಕ್ಕುವುದರಿಂದ ಶೀಘ್ರವೇ ನೋವು ಉಪಶಮನವಾಗುತ್ತದೆ.
* ತುರಿಕೆ ಕಜ್ಜಿ ವಾಸಿಯಾಗಲು ಬಿಳಿ ಈರುಳ್ಳಿಯನ್ನು ಜಜ್ಜಿ ರಸ ಹಿಂಡಿಕೊಂಡು ಅದರಲ್ಲಿ ಅರಿಶಿಣ ಪುಡಿಯನ್ನು ಕಲಸಿ ಹಚ್ಚಬೇಕು. ಪ್ರತಿನಿತ್ಯ ಕೂಡ ಈ ಮನೆ ಮದ್ದು ಮಾಡುವುದರಿಂದ ಬಹಳ ಬೇಗನೆ ಸಂಪೂರ್ಣವಾಗಿ ಇದನ್ನು ಗುಣ ಮಾಡಿಕೊಳ್ಳಬಹುದು.

* ಜಜ್ಜಿದ ಈರುಳ್ಳಿಯ ವಾಸನೆಯನ್ನು ತೆಗೆದುಕೊಳ್ಳುವುದರಿಂದ ನೆಗಡಿ, ತಲೆನೋವು ಮುಂತಾದ ಶೀತಕ್ಕೆ ಸಂಬಂಧಿಸಿದ ಆರೋಗ್ಯ ಸಮಸ್ಯೆಗಳು ಕಡಿಮೆಯಾಗುತ್ತದೆ.
* ಬೆಲ್ಲದ ಜೊತೆಯಲ್ಲಿ ಈರುಳ್ಳಿ ತಿನ್ನುವುದರಿಂದ ರಕ್ತ ವೃದ್ಧಿಯಾಗುತ್ತದೆ ಮತ್ತು ರಕ್ತ ಶುದ್ಧಿಯಾಗುತ್ತದೆ. ಶರೀರ ತೂಕವು ಹೆಚ್ಚಾಗುತ್ತದೆ.
* ಈರುಳ್ಳಿ ಹೂವನ್ನು ತಿನ್ನುವುದರಿಂದ ಜೀರ್ಣಶಕ್ತಿ ವೃದ್ಧಿಯಾಗುತ್ತದೆ. ಅರಿಶಿಣ ಕಾಮಾಲೆ, ಮೂಲವ್ಯಾಧಿ ಮುಂತಾದ ರೋಗಗಳಿಗೆ ಅತ್ಯುತ್ತಮ ಔಷಧಿಯಾಗಿದೆ ಈರುಳ್ಳಿ ಹೂವು.

* ಊಟದ ಜೊತೆ ಈರುಳ್ಳಿ ನೆಂಚಿಕೊಂಡು ತಿನ್ನುವುದರಿಂದ ಕಣ್ಣು ನೋವು ಅರ್ಧ ತಲೆನೋವು ಗುಣವಾಗುತ್ತದೆ.
* ಹಸಿ ಈರುಳ್ಳಿ ಸೇವನೆ ಮಾಡುವುದರಿಂದ ನಿದ್ರೆಗೆ ಸಂಬಂಧಿತ ಸಮಸ್ಯೆಗಳು ಗುಣವಾಗುತ್ತವೆ. ನಿದ್ರಾಹೀನತೆ ವಾಸಿಯಾಗುತ್ತದೆ ಮತ್ತು ಸ್ನಾಯುಮಂಡಲಕ್ಕೆ ಚೈತನ್ಯ ಒದಗುತ್ತದೆ.
* ಹಸಿ ಈರುಳ್ಳಿಯ ಸೇವನೆಯಿಂದ ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟ ಕಡಿಮೆ ಆಗುತ್ತದೆ.

* ಆಹಾರದ ಜೊತೆಯಲ್ಲಿ ಹಸಿ ಈರುಳ್ಳಿಯನ್ನು ಕೂಡ ಕಟ್ ಮಾಡಿ ಕೊಡುವುದರಿಂದ ಆಹಾರದ ರುಚಿ ಹೆಚ್ಚಾಗುತ್ತದೆ. ಮತ್ತು ಹಸಿವು ಚೆನ್ನಾಗಿ ಆಗುತ್ತದೆ.
* ತಲೆ ಹೊಟ್ಟು, ತಲೆ ಕೂದಲು ಕಟ್ ಆಗುವುದು ಕವಲು ಒಡೆಯುವುದು ಮುಂತಾದ ಸಮಸ್ಯೆಗೆ ಈರುಳ್ಳಿ ಪೇಸ್ಟ್ ತಲೆಗೆ ಹಚ್ಚಿ ಸ್ವಲ್ಪ ಹೊತ್ತು ಬಿಟ್ಟು ಸ್ನಾನ ಮಾಡುವುದರಿಂದ ಕಂಟ್ರೋಲ್ ಆಗುತ್ತದೆ.
* ತಲೆ ಕೂದಲಿಗೆ ಈರುಳ್ಳಿ ಪೇಸ್ಟ್ ಹಚ್ಚಿ ಒಣಗಿಸಿ ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡುವುದರಿಂದ ಕೂದಲಿಗೆ ಶೈನಿಂಗ್ ಬರುತ್ತದೆ ಕೂದಲು ಸೋಂಪಾಗಿ ಬೆಳೆಯುತ್ತದೆ ಮತ್ತು ಕೂದಲು ಗಟ್ಟಿಯಾಗುತ್ತದೆ.

ಕೇಂದ್ರ ಸರ್ಕಾರ ರೈತನಿಗಾಗಿ (Government Schemes for Farmers ) ಅನೇಕ ಯೋಜನೆಗಳನ್ನು ಜಾರಿಗೆ ತಂದಿದೆ. ಇದರಲ್ಲಿ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ಯೋಜನೆಯ (PMKSY) ಮೂಲಕ ವಾರ್ಷಿಕವಾಗಿ 6,000 ಸಹಾಯಧನವನ್ನು 3 ಕಂತುಗಳಲ್ಲಿ ತಲಾ ನಾಲ್ಕು ತಿಂಗಳ ಅಂತರದಲ್ಲಿ ದೇಶದಾದ್ಯಂತ ಇರುವ ಎಲ್ಲಾ ಸಣ್ಣ ಹಾಗೂ ಅತಿ ಸಣ್ಣ ರೈತರ ಪಡೆಯುತ್ತಿದ್ದಾರೆ.

ರೈತರನ್ನು ಆರ್ಥಿಕವಾಗಿ ಸದೃಢನಾಗಿಸುವ ಉದ್ದೇಶದಿಂದ ಈ ಯೋಜನೆಯನ್ನು ಜಾರಿಗೆ ತರಲಾಗಿದೆ. ಇದರೊಂದಿಗೆ ರೈತರ ವೃದ್ಯಾಪ್ಯದ ಬಗ್ಗೆ ಕೂಡ ಚಿಂತನೆ ನಡೆಸಿ ರೈತನು ಕೂಡ ಅಸಂಘಟಿತ ವಲಯದಲ್ಲಿ ದುಡಿಯುವಂತಹ ಕಾರ್ಮಿಕನಾಗಿರುವುದರಿಂದ ಆತನಿಗೆ ವಯಸ್ಸಾದ ಬಳಿಕ ಕೃಷಿ ಅಥವಾ ಕೃಷಿ ಸಂಬಂಧಿತ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳಲು ಶಕ್ತಿ ಇಲ್ಲದೆ ಇದ್ದಾಗ ಹಣಕಾಸಿಗಾಗಿ ಇನ್ನೊಬ್ಬರ ಮೇಲೆ ಅವಲಂಬಿತರಾಗಬಾರದು ಎನ್ನುವ ಕಾರಣಕ್ಕಾಗಿ ಕಿಸಾನ್ ಮನ್ ದನ್ ಯೋಜನೆಯನ್ನು (Kisan Mandan Scheme) ಕೂಡ ಕೇಂದ್ರ ಸರ್ಕಾರ ಘೋಷಿಸಿದೆ.

ಕಿಸಾನ್ ಮನ್ ದನ್ ಯೋಜನೆಯ ಮೂಲಕ ದೇಶದ ಸಣ್ಣ ಹಾಗೂ ಅತಿ ಸಣ್ಣ ರೈತರು ದುಡಿಯುವ ವಯಸ್ಸಿನಲ್ಲಿ ಒಂದು ಚಿಕ್ಕ ಮೊತ್ತದ ಹಣವನ್ನು ಉಳಿತಾಯ ಮಾಡಿ ವೃದ್ಯಾಪದಲ್ಲಿ ಪ್ರತಿ ತಿಂಗಳು ಪೆನ್ಷನ್ (Pension) ಬರುವ ರೀತಿ ಸೌಲಭ್ಯ ಪಡೆಯಬಹುದು. ಕಿಸಾನ್ ಮನ್ ದನ್ ಯೋಜನೆಯ ಮತ್ತೊಂದು ವಿಶೇಷತೆ ಏನೆಂದರೆ, ಕುಟುಂಬ ಪಿಂಚಣಿಯ ಅನುಕೂಲತೆ ಕೂಡ ಇದೆ.

ಒಂದು ವೇಳೆ ಹೂಡಿಕೆ ಮಾಡಿದ ಮೃ’ತಪಟ್ಟಲ್ಲಿ ಆತನ ಪತ್ನಿಗೆ ಅರ್ಧ ಪಿಂಚಣಿ ಹೋಗುತ್ತದೆ. ರೈತರಿಗಾಗಿ ಜಾರಿಗೆ ತಂದಿರುವ ಹಲವು ವಿಶೇಷ ಯೋಜನೆಗಳಲ್ಲಿ ಇದು ಕೂಡ ಪ್ರಮುಖವಾಗಿದ್ದು ಬಹಳ ಅನುಕೂಲಕರವಾಗಿರುವ ಯೋಜನೆ ಬಗ್ಗೆ ಕೆಲ ಪ್ರಮುಖ ಮಾಹಿತಿಯನ್ನು ಈ ಅಂಕಣದಲ್ಲಿ ತಿಳಿಸುತ್ತಿದ್ದೇವೆ. ಇದರ ಅವಶ್ಯಕತೆ ಹಾಗೂ ಪ್ರಯೋಜನಗಳನ್ನು ತಿಳಿದು ಎಲ್ಲಾ ರೈತರು ಕೂಡ ಈ ಯೋಜನೆಯನ್ನು ಖರೀದಿಸಲು ಪ್ರೋತ್ಸಾಹಿಸಿ.

* ಕಿಸಾನ್ ಮಂದನ್ ಯೋಜನೆಯು ಕೇಂದ್ರ ಸರ್ಕಾರದ ಯೋಜನೆಯಾಗಿದ್ದು ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದ ಹಣಕ್ಕೆ ನೂರಕ್ಕೆ ನೂರರಷ್ಟು ಭದ್ರತೆ ಹಾಗೂ ಖಚಿತವಾದ ಲಾಭವು ಕೂಡ ಇರುತ್ತದೆ.
* 18 ವರ್ಷ ಮೇಲ್ಪಟ್ಟ 40 ವರ್ಷದ ಒಳಗಿರುವ ರೈತನು ಈ ಯೋಜನೆಯನ್ನು ಖರೀದಿಸಬಹುದು ಮತ್ತು 60 ವರ್ಷ ವಯಸ್ಸಿನವರೆಗೂ ಕೂಡ ತನ್ನ ಸಾಮರ್ಥ್ಯಕ್ಕನುಸಾರವಾಗಿ ಕನಿಷ್ಠ ಮೊತ್ತದ ಹಣವನ್ನು ಹೂಡಿಕೆ ಮಾಡುತ್ತ ಬರಬೇಕು

* ಗರಿಷ್ಠ 2 ಹೆಕ್ಟರ್ ವರಗೆ ಕೃಷಿ ಭೂಮಿ ಹೊಂದಿರುವ ರೈತರು ಯೋಜನೆಗೆ ನೋಂದಾಯಿಸಿಕೊಳ್ಳಬಹುದು.
* ರೈತರು ಮಾಸಿಕವಾಗಿ 55 ರೂಪಾಯಿ ಇಂದ ಗರಿಷ್ಠ 200 ರೂಪಾಯಿವರೆಗೆ ಹೂಡಿಕೆ ಮಾಡಬಹುದು ಹಾಗೂ ಹೂಡಿಕೆಯ ಆಧಾರದ ಮೇಲೆ ಅವರಿಗೆ 60 ವರ್ಷ ಆದಮೇಲೆ ಪಿಂಚಣಿ ಬರುತ್ತದೆ.
* ಮಾಸಿತಕವಾಗಿ ಗರಿಷ್ಠ ರೂ.3000 ಅಥವಾ ವಾರ್ಷಿಕವಾಗಿ ಗರಿಷ್ಠ ರೂ.36,000 ಪಡೆಯಬಹುದು.

* ಒಂದು ವೇಳೆ ರೈತ 60 ವರ್ಷದ ಒಳಗೆ ಮೃ’ತಪಟ್ಟಲ್ಲಿ ಹೂಡಿಕೆ ಮೊತ್ತ ಮತ್ತು ಅದಕ್ಕೆ ಅನ್ವಯಿಸುವ ಬಡ್ಡಿಯ ಸಮೇತ ಹಿಂತಿರುಗಿಸಲಾಗುತ್ತದೆ. ಒಂದು ವೇಳೆ ಪಿಂಚಣಿ ಪಡೆಯುವ ವೇಳೆ ಮೃ’ತ ಪಟ್ಟಲ್ಲಿ ವ್ಯಕ್ತಿ 3000ರೂ. ಪಿಂಚಣಿ ಪಡೆಯುತ್ತಿದ್ದರೆ ಆತನ ಪತ್ನಿಗೆ ಪ್ರತಿ ತಿಂಗಳು 1500ರೂ. ಪಿಂಚಣಿ ಹೋಗುತ್ತದೆ, ಅವರು ಮೃ’ತಪಟ್ಟ ಬಳಿಕ ನಾಮಿನಿಗೆ ಹೂಡಿಕೆ ಮೊತ್ತ ಹೋಗುತ್ತದೆ.
* ಗ್ರಾಮ ಒನ್ ಅಥವಾ CSC ಕೇಂದ್ರಗಳಲ್ಲಿ ಈ ಯೋಜನೆಗೆ ನೋಂದಾಯಿಸಿಕೊಳ್ಳಬಹುದು. ಪ್ರತಿ ತಿಂಗಳು ನಿಮ್ಮ ಖಾತೆಯಿಂದ ಹಣ ಕಡಿತವಾಗುತ್ತದೆ.

ಬೇಕಾಗುವ ದಾಖಲೆಗಳು:-

* ರೈತನ ಆಧಾರ್ ಕಾರ್ಡ್ ಮತ್ತು ಪತ್ನಿಯ ಆಧಾರ್ ಕಾರ್ಡ್
* ಬ್ಯಾಂಕ್ ಪಾಸ್ ಬುಕ್ ವಿವರ
* ಜಮೀನಿನ ಪಹಣಿ ಪತ್ರ
* ನಾಮಿನಿ ಡೀಟೇಲ್ಸ್
* ಮೊಬೈಲ್ ಸಂಖ್ಯೆ