Kannada Trend News

ಲಕ್ಷ್ಮಿ ಕುಬೇರ ವ್ರತದ ಬಗ್ಗೆ ಆಸಕ್ತಿ ಎಲ್ಲರಿಗೂ ಇರುತ್ತದೆ. ಯಾಕೆಂದರೆ ಈ ವ್ರತ ಪಾಲಿಸುವವರಿಗೆ ತಪ್ಪದೆ ಲಕ್ಷ್ಮಿಯ ಕೃಪಾಕಟಾಕ್ಷ ದೊರೆಯುತ್ತದೆ. ಮನೆಯಲ್ಲಿ ಎಷ್ಟೇ ಆರ್ಥಿಕ ಸಂಕಷ್ಟ ಇದ್ದರೂ ಹಣಕಾಸಿನ ತೊಂದರೆಗಳು ಎಷ್ಟೇ ಭಾದಿಸುತ್ತಿದ್ದರು ಭಕ್ತಿಯಿಂದ ಈ ವ್ರತವನ್ನು ನಿಯಮ ಪ್ರಕಾರ ಪಾಲಿಸಿದರೆ ಅವರೆಲ್ಲಾ ಕಷ್ಟಗಳು ಕೂಡ ದೂರ ಆಗುತ್ತವೆ.

ಇದಕ್ಕೆ ಯಾವುದೇ ಬೇಧವಿಲ್ಲದೆ ಪುರುಷರು, ಮಹಿಳೆಯರು, ವಿಧವೆಯರು, ಸುಮಂಗಲಿಯರು ಕನ್ಯೆಯರು ಯಾರು ಬೇಕಾದರೂ ಆಚರಿಸಬಹುದು. ಇದನ್ನು ಅಮಾವಾಸ್ಯೆ ದಿನ ಆರಂಭಿಸಿದರೆ ತುಂಬಾ ಒಳ್ಳೆಯದು ಅಥವಾ ಅಮಾವಾಸ್ಯೆ ಆದ ಬಳಿಕ ಆರಂಭಿಸಿದರು ಒಳ್ಳೆಯದು. ಗುರುವಾರ ದಿನ ಆರಂಭಿಸುವುದರಿಂದ ಗುರುಗಳ ಆಶೀರ್ವಾದ ಹೆಚ್ಚು ಸಿಗುತ್ತದೆ ಎಂದು ನಂಬಲಾಗಿದೆ. ಆದರೆ ಒಮ್ಮೆ ಆರಂಭಿಸಿದ ಮೇಲೆ 48 ದಿನಗಳವರೆಗೆ ಪಾಲಿಸಬೇಕು.

ಹೆಣ್ಣು ಮಕ್ಕಳಿಗೆ ಮಧ್ಯದಲ್ಲಿ ತಿಂಗಳ ಸಮಸ್ಯೆ ಬಂದಾಗ ಐದಾರು ದಿನ ಬಿಟ್ಟು ಮತ್ತೆ ಆರಂಭಿಸಬಹುದು. ಈ ವ್ರತ ಆರಂಭಿಸಲು ಈ ರೀತಿ ಮಾಡಿ ಒಂದು ದಿನ ನಿರ್ಧಾರ ಮಾಡಿಕೊಂಡು ಮನೆಯಲ್ಲ ಶುದ್ಧ ಮಾಡಿಕೊಂಡು ಬೇಗ ಎದ್ದು ಸ್ನಾನ ಮಾಡಿ ಮನೆ ದೇವರ ಪೂಜೆ ಮಾಡಿ ಮತ್ತು ಮನೆ ದೇವರಿಗೆ ಕಾಣಿಕೆಯಾಗಿ 11 ರೂಪಾಯಿಯನ್ನು ಒಂದು ಅರಿಶಿಣದ ಬಟ್ಟೆಯಲ್ಲಿ ಕಟ್ಟಿ ಇಡಬೇಕು.

ನಂತರ ಎಂದಿನಂತೆ ಎಲ್ಲ ದೇವರಿಗೆ ಪೂಜೆ ಮಾಡಿ, ಮೊದಲು ಗಣಪತಿಯನ್ನು ಆಶೀರ್ವಾದಕ್ಕಾಗಿ ಆರಂಭಿಸಬೇಕು ಗಣಪತಿ ಆಶೀರ್ವಾದ ಬೇಡಿ ಬಳಿಕ ಕುಬೇರ ಲಕ್ಷ್ಮಿ ವ್ರತ ಪಾಲಿಸುತ್ತೇನೆ ಎಂದು ಸಂಕಲ್ಪ ಮಾಡಿಕೊಂಡು ನಿಯಮ ನಿಷ್ಠೆಯಿಂದ ನಡೆದುಕೊಳ್ಳಬೇಕು. ಪ್ರತಿದಿನವೂ ಕೂಡ 48 ದಿನಗಳವರೆಗೆ ಬ್ರಾಹ್ಮಿ ಮುಹೂರ್ತದಲ್ಲಿ ಎದ್ದು, ದೇವರಿಗೆ ಹೂವು ಇಟ್ಟು ದೀಪ ಹಚ್ಚಿ ಪೂಜೆ ಮಾಡಬೇಕು.

ಪ್ರತಿದಿನವೂ ಕೂಡ ಸ್ನಾನ ಮಾಡಲೇಬೇಕು ಎನ್ನುವ ನಿಯಮ ಇಲ್ಲ. ನೀವು ತಲೆ ಸ್ನಾನ ಮಾಡುವ ದಿನ ಮಾತ್ರ ತಲೆಗೆ ಸ್ನಾನ ಮಾಡಬಹುದು, ಬೇರೆ ದಿನ ಹಾಗೆ ಸ್ನಾನ ಮಾಡಿ ಕೂಡ ಪೂಜೆ ಮಾಡಬಹುದು. ಆದರೆ 48 ದಿನಗಳವರೆಗೆ ಮಾಂಸಹಾರದ ಸೇವನೆ ಅಥವಾ ಮಧ್ಯಪಾನ ಮಾಡಬಾರದು. ಆದಷ್ಟು ಆಧ್ಯಾತ್ಮಿಕವಾಗಿ ಇರಬೇಕು. ಈ ವ್ರತವಲ್ಲದೆ ಯಾವುದೇ ದೇವರ ಪೂಜೆಗಳನ್ನು, ವ್ರತಗಳನ್ನು ಮಾಡುವಾಗಲು ಕೂಡ ನಾವು ಎಷ್ಟು ಪ್ರಾಮಾಣಿಕವಾಗಿರುತ್ತವೆ.

ಒಳ್ಳೆ ಮಾತುಗಳನ್ನು ಆಡುತ್ತೇವೆ ಹಾಗೂ ಒಳ್ಳೆಯದನ್ನು ಬೇರೆಯವರಿಗೆ ಬಯಸುತ್ತೇವೆ ಅಷ್ಟೇ ಪ್ರತಿಫಲ ನಮಗೂ ಸಿಗುತ್ತದೆ. ಆದ್ದರಿಂದ ಈ ರೀತಿ ಸಕಾರಾತ್ಮಕತೆಯಿಂದ ಕೂಡಿದವರಿಗೆ ದೇವರ ಅನುಗ್ರಹ ಬೇಗ ಸಿಗುತ್ತದೆ. ಆರಂಭದಲ್ಲಿ ತಪ್ಪದೇ ಮುಖ್ಯವಾಗಿ ಒಂದು ಕೆಲಸ ಮಾಡಬೇಕು. ಅದೇನೆಂದರೆ ಬೆಲ್ಲ ಮೈದಾ ಹಿಟ್ಟು ಹಾಗೂ ಹಾಲಿನಿಂದ ಉಂಡೆಗಳನ್ನು ಮಾಡಿಕೊಳ್ಳಬೇಕು. 108 ಉಂಡೆಗಳನ್ನು ಮಾಡಿಕೊಂಡು ಅದನ್ನು ಸ್ವಲ್ಪ ಒಣಗಿಸಿ ಒಂದು ಬಟ್ಟಲಿನಲ್ಲಿ ದೇವರ ಮುಂದೆ ಇಡಬೇಕು.

ಮೊದಲ ದಿನ ತಪ್ಪದೇ ಇದನ್ನು ದೇವರ ಮುಂದೆ ಇಡುವಾಗ ಒಂದೊಂದು ಉಂಡೆ ಇಡುವಾಗಲು ಕೂಡ ಕನಕಧಾರಸ್ತೋತ್ರವನ್ನು ಒಂದೊಂದು ಉಂಡೆಗಳನ್ನು ಹಿಡಿದುಕೊಂಡು ಹೇಳಿ ಬಟ್ಟಲಿಗೆ ಹಾಕಬೇಕು. ಪೂರ್ವಾಭಿಮುಖವಾಗಿ ಅಥವಾ ಉತ್ತರಕ್ಕೆ ಮುಖವಾಗಿ ಚಾಪೆ ಮೇಲೆ ಅಥವಾ ಮಣೆಯ ಮೇಲೆ ಕುಳಿತುಕೊಂಡು ಗಣಪತಿಯನ್ನು ಮೊದಲು ಪ್ರಾರ್ಥಿಸಿ, ನಂತರ ಈ ರೀತಿ ಮಂತ್ರವನ್ನು ಹೇಳಬೇಕು.

108 ಬಾರಿ ಈ ರೀತಿ ಉಂಡೆಗಳನ್ನು ಹಿಡಿದುಕೊಂಡು 48 ದಿನಗಳವರೆಗೂ ಹೇಳಿ ವ್ರತ ಮುಗಿದ ಮೇಲೆ ಈ ಉಂಡೆಗಳನ್ನು ಹರಿಯುವ ನೀರಿನಲ್ಲಿ ಹಾಕಬೇಕು. ಅದನ್ನು ಮೀನುಗಳ ಸೇವಿಸಬೇಕು ಅಥವಾ ನಿಮ್ಮ ಮನೆ ಪಕ್ಕದಲ್ಲಿ ಯಾವುದಾದರೂ ಕೆರೆಗಳಲ್ಲಿ ಮೀನು ಇದ್ದರು ಹಾಕಬಹುದು ಆದರೆ ಯಾವುದೇ ಕಾರಣಕ್ಕೂ ಮನೆಯಲ್ಲಿರುವ ಅಕ್ವೇರಿಯಂ ಮೀನುಗಳಿಗೆ ಹಾಕಬಾರದು. ಈ ರೀತಿ ವ್ರತವನ್ನು ಪಾಲಿಸಿ ನೋಡಿ, ನಿಮ್ಮ ಪರಿಸ್ಥಿತಿ ಎಷ್ಟು ಉತ್ತಮವಾಗುತ್ತದೆ ಎಂದು ಆಶ್ಚರ್ಯಗೊಳ್ಳುತ್ತೀರಿ.

ನಮ್ಮ ರಾಜ್ಯದ ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕಿನ ಪೊಳಲಿ ಎನ್ನುವಲ್ಲಿ ಪುರಾಣ ಪ್ರಸಿದ್ದಿಯಾದ ಶ್ರೀ ರಾಜರಾಜೇಶ್ವರಿ ತಾಯಿಯ ದೇವಸ್ಥಾನ ಇದೆ. ಈ ದೇವಾಲಯವನ್ನು ಸಾವಿರ ವರ್ಷಗಳ ಹಿಂದೆ ಸ್ಥಾಪಿಸಲಾಗಿದೆ ಎಂದು ನಂಬಲಾಗಿದ್ದು, ಈ ದೇವಸ್ಥಾನದ ಪ್ರತಿಷ್ಠಾಪನೆ ಹಿಂದೆ ಕೂಡ ಒಂದು ಕಥೆ ಇದೆ. ಸುರಥ ಮಹಾರಾಜ ಎನ್ನುವ ಮಹಾರಾಜನು ಯುದ್ಧದಲ್ಲಿ ಸೋತು ಶತ್ರುಗಳಿಂದ ತನ್ನ ಎಲ್ಲಾ ಸಂಪತ್ತನ್ನು ಕಳೆದುಕೊಂಡಿರುತ್ತಾನೆ.

ಬಳಿಕ ಜೀವನದಲ್ಲಿ ಬೇಸರವಾಗಿ ಕಾಡು ಮಾರ್ಗದಲ್ಲಿ ಹೋಗುತ್ತಿರುವಾಗ ಸುಮೇಧ ಎನ್ನುವ ಒಬ್ಬ ಮುನಿ ಸಿಗುತ್ತಾರೆ. ಋಷಿಮುನಿಯ ಜೊತೆ ತನ್ನೆಲ್ಲಾ ಕಷ್ಟವನ್ನು ಹೇಳಿಕೊಂಡಾಗ ಋಷಿಮುನಿಯು ಅರಸನಿಗೆ ಶ್ರೀ ರಾಜರಾಜೇಶ್ವರಿಯ ಮಂತ್ರೋಪದೇಶವನ್ನು ಕೊಟ್ಟು ಸದಾ ತಾಯಿ ಧ್ಯಾನದಲ್ಲಿದ್ದರೆ ಪರಿಹಾರ ಸಿಗುತ್ತದೆ ಎಂದು ಹೇಳುತ್ತಾರೆ. ಇದನ್ನೇ ಪಾಲಿಸುತ್ತಿದ್ದ ರಾಜನಿಗೆ ಒಂದು ದಿನ ಕನಸಿನಲ್ಲಿ ಆಸ್ಥಾನರೂಢರಾದ ಶ್ರೀಮಾತೆಯು ಕನಸಿನಲ್ಲಿ ಕಾಣಿಸಿಕೊಳ್ಳುತ್ತಾರೆ.

ಅದನ್ನು ಋಷಿಮುನಿಗೆ ತಿಳಿಸಿದಾಗ ಕನಸಿನಲ್ಲಿ ಕಂಡಂತೆಯೇ ಆ ಜಾಗದಲ್ಲಿ ತಾಯಿಯನ್ನು ಪ್ರತಿಷ್ಠಾಪಿಸಬೇಕು ಎಂದು ಆಶಿಸುತ್ತಾರೆ. ಮೊದಲಿಗೆ ಮಣ್ಣಿನಲ್ಲಿ ತಾಯಿಯನ್ನು ಪ್ರತಿಷ್ಠಾಪಿಸಿ ಪೂಜಿಸಲು ಶುರು ಮಾಡಿದ ಸುರಥ ಮಹಾರಾಜನು ಜೀವನದಲ್ಲಿ ಕಳೆದುಕೊಂಡಿದ್ದೆಲ್ಲಾ ಮತ್ತೆ ಬರಲು ಶುರು ಆಗುತ್ತದೆ. ಬಳಿಕ ರಾಜ ಹಿಂದಿನಂತೆ ತನ್ನ ಸಂಪತ್ತು ರಾಜ್ಯವನ್ನೆಲ್ಲಾ ವಾಪಸ್ಸು ಪಡೆಯುತ್ತಾರೆ. ತಾಯಿಯ ದೇವಸ್ಥಾನವನ್ನು ಲೋಕ ವಿಖ್ಯಾತಿಯಾಗುವಂತೆ ಜೀರ್ಣೋದ್ದಾರ ಗೊಳಿಸುತ್ತಾರೆ.

ಪುಳನ, ಪೊಳಲ್ ಎಂದರೆ ಮಣ್ಣು ಎನ್ನುವ ಅರ್ಥ ಬರುವುದಿಂದ ಈ ಕ್ಷೇತ್ರಕ್ಕೆ ಪುಳಿನಪುರ ಎನ್ನುವ ಹೆಸರು ಇದೆ. ಇಲ್ಲಿ ಪ್ರಥಮ ದೇವತೆ ಶ್ರೀ ರಾಜರಾಜೇಶ್ವರಿ ತಾಯಿ ಹಾಗೆಯೇ ಎಡ ಭಾಗದಲ್ಲಿ ಭದ್ರಕಾಳಿಯನ್ನು ಬಲಭಾಗದಲ್ಲಿ ಶ್ರೀ ಸುಬ್ರಮಣ್ಯ ಸ್ವಾಮಿ, ಬ್ರಹ್ಮವಟು, ವಿಷ್ಣುವಟು, ಶೂಲಿನಿ, ದಂಡಿನಿ, ಮುಂಡಿನಿ ಪರಿವಾರ ಗಣಗಳ ಆಳೆತ್ತರದ ವಿಗ್ರಹಗಳನ್ನು ಪ್ಯತಿಷ್ಟಾಪಿಸಲಾಗಿದೆ. ಭಾರತ ದೇಶದಲ್ಲಿ ಅತ್ಯಂತ ಬೃಹತಾಕಾರದ ವಿಗ್ರಹಗಳು ಇಲ್ಲೇ ಇರುವುದು ಎನ್ನುವ ಖ್ಯಾತಿಗೆ ಒಳಗಾಗಿದೆ.

ದೇವಸ್ಥಾನದ ಹೊರಾಂಗಣದಲ್ಲಿ ಭಾಗದಲ್ಲಿ ಸುಮೇಧ ಮುನಿಯವರ ಪ್ರತಿಷ್ಠಾಪಿಸಿದ ದುರ್ಗಾಪರಮೇಶ್ವರಿ ಅಮ್ಮನವರ ಗುಡಿ ಇದ್ದು, ಎಡ ಭಾಗದಲ್ಲಿ ಶ್ರೀ ಕ್ಷೇತ್ರಪಾಲನ ಸನ್ನಿಧಿ ಇದೆ. ದೈನಂದಿಕ ಪೂಜೆಯಲ್ಲಿ ಪ್ರಥಮ ಪೂಜೆ ಹೊರಾಂಗಣದಲ್ಲಿರುವ ದುರ್ಗಾಪರಮೇಶ್ವರಿ ಅಮ್ಮನಿಗೆ ಆಗುತ್ತದೆ. ನಂತರ ಕ್ಷೇತ್ರದ ಅದಿದೇವತೆ ಶ್ರೀ ರಿಜರಾಜೇಶ್ವರಿ ಅಮ್ಮನಿಗೆ ಪೂಜಾ ಕಾಂಕರ್ಯ ನಡೆಯುತ್ತಿದೆ. ಫಲ್ಗುಣಿ ನದಿ ದಂಡೆಯ ಮೇಲೆ ಬೆಟ್ಟಗುಡ್ಡಗಳ ತಪ್ಪಲಿನಲ್ಲಿ ಸುತ್ತ ಹಸಿರಿನ ನಡುವೆ ದೇವಾಲಯವು ದೇವಲೋಕದಿಂದ ಇಳಿದಿರುವಂತೆ ಕಂಗೊಳಿಸುತ್ತದೆ.

ದೇವಾಲಯದ ಪ್ರಖ್ಯಾತಿ ಹೆಚ್ಚಾಗುತ್ತಿದ್ದು ಈ ದೇವಸ್ಥಾನಕ್ಕೆ ಹೋಗುವುದರಿಂದ ಜೀವನದಲ್ಲಿ ಏನನ್ನೇ ಕಳೆದುಕೊಂಡಿದ್ದರು ಅದು ವಾಪಸ್ ಬರುತ್ತದೆ ಎನ್ನುವ ನಂಬಿಕೆ ಜನರಲ್ಲಿ ಬೆಳೆಯುತ್ತದೆ ಹಾಗೂ ನಂಬಿಕೆಗೆ ತಕ್ಕ ಹಾಗೆ ಪವಾಡಗಳ ನಡೆಯುತ್ತಿರುವುದು ಅಗಾಧ ಪ್ರಮಾಣದ ಭಕ್ತರನ್ನು ಸೆಳೆಯುತ್ತಿದೆ. ಮಹಾಕಾಳಿ, ಮಹಾಲಕ್ಷ್ಮಿ ಮತ್ತು ಮಹಾಸರಸ್ವತಿ ಸ್ವರೂಪಳಾದ ಈ ಮಾತೆಯು ಭಕ್ತರ ಪಾಲಿನ ಇಷ್ಟಪ್ರಧಾಯಿನಿಯಾಗಿ ಇಲ್ಲಿ ಮೆರೆಯುತ್ತಿದ್ದಾರೆ.

ಕ್ಷೇತ್ರವನ್ನು ಸಾವಿರ ಸೀಮೆಯ ದೇವಸ್ಥಾನ ಎಂದು ಕೂಡ ಕರೆಯುತ್ತಾರೆ. ದಿನ ಬೆಳಗ್ಗೆ, ಮಧ್ಯಾಹ್ನ ಹಾಗೂ ರಾತ್ರಿ ಮೂರು ಸಮಯದಲ್ಲೂ ಪೂಜೆ ನಡೆಯುತ್ತದೆ. ಮಂಗಳವಾರ, ಶುಕ್ರವಾರ ಮತ್ತು ಭಾನುವಾರದಂದು ವಿಶೇಷ ಪೂಜೆಗಳು ಜರುಗುತ್ತವೆ. ಪ್ರತಿ ವರ್ಷ ಮಾರ್ಚ್ ಮತ್ತು ಏಪ್ರಿಲ್ ತಿಂಗಳ ಮಧ್ಯದಲ್ಲಿ ಈ ಜಾತ್ರಾ ಮಹೋತ್ಸವ ಜರುಗುತ್ತದೆ. ರಾಜರಾಜೇಶ್ವರಿ ಅಮ್ಮ ಹಾಗೂ ಸುಬ್ರಹ್ಮಣ್ಯ ಸ್ವಾಮಿಯ ಜಾತ್ರೋತ್ಸವ ಜರಗುತ್ತದೆ. 12 ವರ್ಷಗಳಗೊಮ್ಮೆ ನಡೆಯುವ ಲೇಪಾಷ್ಟ ಗಂಧ ಬ್ರಹ್ಮ ಕಲಶಾಭಿಷೇಕ ವಿಶೇಷವಾಗಿದೆ. ನೀವು ಜೀವನದಲ್ಲಿ ಒಮ್ಮೆಯಾದರೂ ಈ ಕ್ಷೇತ್ರಕ್ಕೆ ಭೇಟಿ ನೀಡಿ ತಾಯಿ ರಾಜರಾಜೇಶ್ವರಿಯ ಕೃಪಾಕಟಾಕ್ಷಕ್ಕೆ ಒಳಗಾಗಿ.

ಪ್ರತಿಯೊಬ್ಬರಿಗೂ ಕೂಡ ಮನೆ ಕಟ್ಟಬೇಕು ಎನ್ನುವ ಆಸೆ ಇರುತ್ತದೆ. ಮನೆ ಎನ್ನುವುದು ಜೀವಮಾನದ ಕನಸು. ಯಾಕೆಂದರೆ ಸ್ವಂತ ಮನೆಯಲ್ಲಿ ಇರುವಷ್ಟು ನೆಮ್ಮದಿ ನಿರಾಳ ಮನೋಭಾವ ಬೇರೆ ಎಲ್ಲೃ ಸಿಗುವುದಿಲ್ಲ. ಹುಟ್ಟಿದಾಗಲಿಂದ ಇನ್ನೊಬ್ಬರ ಮನೆಯಲ್ಲಿ ಅಥವಾ ಬಾಡಿಗೆ ಮನೆಯಲ್ಲಿ ಇದ್ದವರಿಗೆ ಆ ನೋವು ಗೊತಿರುತ್ತದೆ. ಹಾಗಾಗಿ ಅದು ಪುಟ್ಟ ಗೂಡು ಆಗಿದ್ದರೂ ಪರವಾಗಿಲ್ಲ ಆದರೆ ಅದು ಸ್ವತಂತ್ರವಾದ ಅರಮನೆಯಂತೆ ಇರುತ್ತದೆ ಎನ್ನುವುದು ಅವರಿಗೆ ಚೆನ್ನಾಗಿ ಗೊತ್ತಿರುತ್ತದೆ.

ಈ ಕಾರಣಕ್ಕಾಗಿ ಬಹಳ ಚಿಕ್ಕ ವಯಸ್ಸಿನಿಂದಲೇ ಆನೇಕರು ಹಣ ಕೂಡಿಡುತ್ತಾರೆ. ಸಾಲ ಮಾಡಿ ಆದರೂ ಪರವಾಗಿಲ್ಲ ಬ್ಯಾಂಕ್ ಲೋನ್ ಆದರೂ ತೆಗೆದುಕೊಂಡು ಮನೆ ಕಟ್ಟಿಯೇ ತಿರಬೇಕು ಎಂದು ಹಠ ತೊಡುತ್ತಾರೆ. ಈ ರೀತಿ ನೀವು ಬಹಳ ಶ್ರಮ ಹಾಕುತ್ತಿದ್ದರೂ ಸ್ವಂತ ಮನೆ ಕನಸು ನನಸಾಗುತ್ತಿಲ್ಲ ಎಂದರೆ ಈ ರೀತಿ ಮಾಡಿ. ಮನೆ ಮಾತ್ರ ಅಲ್ಲದೆ ಮನೆ ಕಟ್ಟಿಸಲು ಸೈಟ್ ಕೊಳ್ಳುವ ಯೋಜನೆ ಇದ್ದರೆ ಅಥವಾ ಯಾವುದೇ ಒಂದು ಭೂಮಿಯನ್ನು ಆಸ್ತಿಯನ್ನು ಖರೀದಿ ಮಾಡುವ ಆಸೆ ನಿಮಗಿದ್ದರೆ.

ನೀವು ಎಷ್ಟೇ ಶ್ರಮವನ್ನು ಹಾಕಿದರೂ ಪ್ರಯತ್ನಪಟ್ಟರು ಕೈಗೆ ಬಂದ ತುತ್ತು ಬಾಯಿಗೆ ಬರುತ್ತಿಲ್ಲ ಅಥವಾ ನಿಮ್ಮ ಕೈಲಿ ಅದು ಆಗೋದೇ ಇಲ್ಲವೇನೋ ಎನ್ನುವಷ್ಟು ನೋವಾಗುತ್ತಿದ್ದರೆ ನೀವು ಭಗವಂತನ ಮೊರೆ ಹೋಗುವುದೇ ಒಳ್ಳೆಯದು. ಎಲ್ಲದಕ್ಕೂ ಕೂಡ ಭಗವಂತನ ಆಶೀರ್ವಾದ ಇದ್ದರೆ ಮಾತ್ರ ಕಾರ್ಯಸಿದ್ಧಿ ಆಗುವುದು. ನೀವು ನಿಮ್ಮ ಕೋರಿಕೆಯನ್ನು ನಿಷ್ಕಲ್ಮಶ ಮನಸ್ಸಿನಿಂದ ದೇವರ ಹತ್ತಿರ ಹೇಳಿಕೊಂಡು ಬಿಟ್ಟರೆ ಅದರಲ್ಲೂ ಈ ರೀತಿ ಆಸ್ತಿಗೆ ಸಂಬಂಧಪಟ್ಟ ಹಾಗೆ ಅಥವಾ ಮನೆ ಮತ್ತು ಭೂಮಿಗೆ ಸಂಬಂಧಪಟ್ಟ ಹಾಗೆ ಸಮಸ್ಯೆಗಳು ಇದ್ದರೆ ಅಥವಾ ಕನಸುಗಳು ಇದ್ದರೆ ಶ್ರೀ ಲಕ್ಷ್ಮಿ ಸಮೇತ ಭೂವರಹ ಸ್ವಾಮಿಯನ್ನು ಪ್ರಾರ್ಥಿಸಿದರೆ ಬೇಗ ನೆರವೇರುತ್ತದೆ.

ವಿಷ್ಣುವಿನ ಅವತಾರಗಳಲ್ಲಿ ಒಂದಾದ ಭೂವರಹ ಸ್ವಾಮಿಗೆ ನಿಮ್ಮ ಕೋರಿಕೆ ತಲುಪಿದರೆ ಶೀಘ್ರದಲ್ಲೇ ಅವರು ನಿಮ್ಮ ಸಮಸ್ಯೆಗಳನ್ನು ಪರಿಹಾರ ಮಾಡಿ ನಿಮ್ಮ ಕನಸು ನನಸಾಗುವಂತೆ ಮಾಡುತ್ತಾರೆ. ಅವರ ಆಶೀರ್ವಾದದಿಂದ ನೀವು ಬೇಗ ಮನೆ ಕಟ್ಟಿಕೊಳ್ಳಬಹುದು. ಆದರೆ ವರಾಹ ಸ್ವಾಮಿಗೆ ನಿಮ್ಮ ಕೋರಿಕೆಗಳು ಕೇಳಬೇಕು ಎಂದರೆ ನಿಮ್ಮ ಪೂಜೆ ಇಷ್ಟ ಆಗಬೇಕು ಎಂದರೆ ಅವರು ನಿಮಗೆ ಆಶೀರ್ವಾದ ಮಾಡಬೇಕು ಎಂದರೆ ಅದಕ್ಕೆ ಒಂದು ವಿಧಾನ ಇದೆ.

ಹಾಗೆ ಒಂದು ಮಂತ್ರ ಕೂಡ ಇದೆ ಈ ಮಂತ್ರಶಕ್ತಿಯಿಂದ ನೀವು ವರಾಹ ಸ್ವಾಮಿಯ ಆಶೀರ್ವಾದ ಪಡೆಯಬಹುದು. ಪ್ರತಿದಿನ ಮುಂಜಾನೆ ಅಥವಾ ಸಂಜೆ ಸಮಯ ನಿಮಗೆ ಅನುಕೂಲವಾದ ಸಮಯದಲ್ಲಿ ದಿನಕ್ಕೆ 21 ಬಾರಿ ಅಥವಾ 108 ಬಾರಿ ಈ ಮಂತ್ರವನ್ನು ಜಪ ಮಾಡುವುದರಿಂದ ವರಾಹ ಸ್ವಾಮಿ ಆಶೀರ್ವಾದ ನಿಮಗೆ ದೊರೆತು ನಿಮ್ಮ ಕಾರ್ಯ ಸಿದ್ಧಿಯಾಗುತ್ತದೆ.

ಓಂ ನಮೋ ಭಗವತೆ ವರಾಹ ರೂಪಯೇ ಭೂರ್ಭುವಃಸ್ವಃ । ಭೂ ಪತಯೇ ಭೂಪತಿತ್ವಃ ಮೇ ದೇಹಿ ದಾಪಯ ಸ್ವಾಹ॥ ಈ ಮಂತ್ರವನ್ನು ಹೇಳಬೇಕು ಮನಸ್ಸಿನಲ್ಲಿ ಬರಹ ಸ್ವಾಮಿಯನ್ನು ಭಕ್ತಿಯಿಂದ ನೆನೆಯುತ್ತಾ ಧ್ಯಾನಿಸುತ್ತಾ ನಿಮ್ಮ ಕೋರಿಕೆಯನ್ನು ಹೇಳಿಕೊಳ್ಳುತ್ತಾ ತಪ್ಪದೇ ಪ್ರತಿದಿನ ಇದನ್ನು ಪಾಲಿಸಿಕೊಂಡು ಬಂದರೆ ಶೀಘ್ರವಾಗಿ ನಿಮ್ಮ ಮನೆ ಕಟ್ಟುವ ಕನಸು ಹಾಗೂ ಆಸ್ತಿ ಖರೀದಿಯ ಕನಸು ನನಸಾಗುತ್ತದೆ. ಉಪಯುಕ್ತ ವಿಷಯವನ್ನು ನಿಮ್ಮ ಕುಟುಂಬದವರು ಹಾಗೂ ಸ್ನೇಹಿತರ ಜೊತೆಗೂ ಕೂಡ ಹಂಚಿಕೊಳ್ಳಿ ಅವರ ಮನೆಯ ಕನಸು ಕೂಡ ನೆರವೇರಲಿ.

ಇತ್ತೀಚಿನ ದಿನಗಳಲ್ಲಿ ಆನ್ಲೈನ್ ಬ್ಯಾಂಕಿಂಗ್, ಡಿಜಿಟಲ್ ವ್ಯವಹಾರ ಇವೆಲ್ಲ ರೂಢಿ ಆಗಿರುವುದರಿಂದ ಪರ್ಸ್, ಬ್ಯಾಗಗಳಲ್ಲಿ ದುಡ್ಡು ಇಟ್ಟುಕೊಳ್ಳುವ ಅಭ್ಯಾಸವೇ ರೂಢಿ ತಪ್ಪಿ ಹೋಗಿದೆ. ಆದರೂ ಕೂಡ ಆಪತ್ಕಾಲಕ್ಕೆ ಎಂದುಕೊಂಡಾದರೂ ಅಥವಾ ಲಕ್ಷ್ಮಿ ತಾಯಿಯ ಅನುಗ್ರಹ ಆಗಲಿ ಎನ್ನುವ ಕಾರಣಕ್ಕಾಗಾದರೂ ಪರ್ಸಲ್ಲಿ ಹಣ ಇಟ್ಟುಕೊಂಡಿರಲೇಬೇಕು.

ಈ ರೀತಿ ಪರ್ಸನಲ್ ಹಣ ಇಟ್ಟುಕೊಳ್ಳುವ ವಿಧಾನದಿಂದ ಕೂಡ ಲಕ್ಷ್ಮಿ ದೇವಿ ಅನುಗ್ರಹ ಪಡೆದು ಹಣ ಹೆಚ್ಚಾಗುವಂತೆ ಮಾಡಬಹುದು. ಪರ್ಸ್ ಗಳು ಮತ್ತು ಹ್ಯಾಂಡ್ ಬ್ಯಾಗ್ಗಳಲ್ಲೂ ಕೂಡ ಹಣ ಇಡುವುದರಿಂದ ಅದು ಸಹ ತಾಯಿಯ ವಾಸಸ್ಥಾನಕ್ಕೆ ಸಮ. ಅಲ್ಲಿ ಇಷ್ಟ ಬಂದದ್ದನ್ನೆಲ್ಲಾ ಇಡುವ ಹಾಗಿಲ್ಲ ,ಕೆಲವು ವಸ್ತುಗಳಿಗೆ ಅಷ್ಟೇ ಅಲ್ಲಿ ಜಾಗ ಇರಬೇಕು. ಆ ರೀತಿ ಪಾಲಿಸಿದರೆ ಶೀಘ್ರವಾಗಿ ತಾಯಿ ಆಶೀರ್ವಾದ ದೊರೆತು ಇನ್ನು ಹೆಚ್ಚಿನ ಹಣ ಆಕರ್ಷಣೆ ಉಂಟಾಗುತ್ತದೆ.

ಪರ್ಸಿನಲ್ಲಿ ಕೆಲವರು ಸಿಕ್ಕಸಿಕ್ಕ ವಸ್ತುಗಳನೆಲ್ಲ ಹಾಕಿಕೊಳ್ಳುತ್ತಾರೆ. ಹಣ, ಕೀಗಳು, ಚೀಟಿಗಳು ಇನ್ನಿತರ ಯಾವುದೋ ಬಳಕೆ ಆಗದ ವಸ್ತುಗಳು, ಬೇಕಾಗಿರುವ ವಸ್ತುಗಳು ಎಲ್ಲವನ್ನು ಒಟ್ಟಿಗೆ ಹಾಕಿ ಒಂದನ್ನು ತೆಗೆದುಕೊಳ್ಳಲು ಹೋಗಿ ಮತ್ತೊಂದನ್ನು ಕೆಳಗೆ ಬೀಳಿಸುತ್ತಿರುತ್ತಾರೆ. ಇದೊಂದು ಅಸಂಬದ್ಧ ವಿಧಾನ, ಈ ರೀತಿ ಇದ್ದರೆ ಖಂಡಿತವಾಗಿಯೂ ಹಣದ ಆಕರ್ಷಣೆ ಮಾಡುವ ಶಕ್ತಿ ಆ ಪರ್ಸ್ ಗೆ ಇರುವುದಿಲ್ಲ.

ಪರ್ಸ್, ಬ್ಯಾಗ್ ಎಷ್ಟು ಅಚ್ಚುಕಟ್ಟಾಗಿ ಇರುತ್ತದೆಯೋ ಅಷ್ಟೇ ಶಕ್ತಿಯು ಆ ಪರ್ಸ್ಗೆ ಇರುತ್ತದೆ. ಹಾಗಾಗಿ ಎಲ್ಲಕ್ಕೂ ಒಂದು ಸಪರೇಟ್ ವ್ಯವಸ್ಥೆ ಮಾಡಿ ದಿನನಿತ್ಯಕ್ಕೆ ಬೇಕಾದ ವಸ್ತುಗಳನ್ನು ಒಂದು ಕಡೆ ಇಡಿ. ಬೇಡದ ವಸ್ತುಗಳನ್ನು ಯಾವುದನ್ನೂ ಸಹ ಪರ್ಸಲ್ಲಿ ಇಡಬೇಡಿ. ಜೊತೆಗೆ ಹಾಗಾಗಿ ನಿಮ್ಮ ಪರ್ಸ್ ಮತ್ತು ಹ್ಯಾಂಡ್ ಬ್ಯಾಗ್ ಗಳನ್ನು ಕ್ಲೀನ್ ಮಾಡುತ್ತಿರಿ ಮತ್ತು ಈ ವಸ್ತುಗಳನ್ನು ಇಡುವುದನ್ನು ಮರೆಯಬೇಡಿ.

ಯಾಕೆಂದರೆ ಈ ವಸ್ತುಗಳಿಗೆ ಧನಾಕರ್ಷಣೆ ಮಾಡುವ ಶಕ್ತಿ ಇರುತ್ತದೆ. ಹಿರಿಯರು ಉಡುಗೊರೆ ರೂಪದಲ್ಲಿ ಕೊಟ್ಟ ಹಣ ಪರ್ಸಲ್ಲಿ ಇಡಬೇಕು, ನಮ್ಮ ಹಿರಿಯರು ನಮಗೆ ಆಶೀರ್ವಾದ ಮಾಡಿ ಅವರ ಕೈಯಿಂದ ಆದಷ್ಟು ಪ್ರೀತಿಯಿಂದ ಹಣವನ್ನು ಕೊಟ್ಟಿರುತ್ತಾರೆ. ಅಂತಹ ಹಣವನ್ನು ಸಾಧ್ಯವಾದಷ್ಟು ಖರ್ಚು ಮಾಡದೆ ಇಟ್ಟುಕೊಳ್ಳಬೇಕು. ಒಂದು ರೂಪಾಯಿ ನಾಣ್ಯ ಅಥವಾ ಇಪ್ಪತ್ತು ರೂಪಾಯಿ ನೋಟುಗಳನ್ನು ಯಾವಾಗಲೂ ಪರ್ಸಿನಲ್ಲಿ ಇಟ್ಟುಕೊಳ್ಳಬೇಕು, ಆದರೆ ಯಾವುದೇ ಕಾರಣಕ್ಕೂ ಇವುಗಳನ್ನು ಖರ್ಚು ಮಾಡಬಾರದು.

ಹಣದ ಒಡತಿ ಆದ ಲಕ್ಷ್ಮಿ ದೇವಿಯ ಫೋಟೋ ಕೂಡ ಚಿಕ್ಕದಾಗಿದ್ದರೂ ಪರವಾಗಿಲ್ಲ ಇಟ್ಟುಕೊಂಡಿರಬೇಕು, ಇದರಿಂದ ಲಕ್ಷ್ಮಿ ಆಶೀರ್ವಾದ ದೊರೆಯುತ್ತದೆ. ಬೆಳ್ಳಿ ನಾಣ್ಯವನ್ನು ಕೂಡ ಪರ್ಸಿನಲ್ಲಿ ಇಟ್ಟುಕೊಳ್ಳಬೇಕು. ಆರು ಹಳದಿ ಬಣ್ಣದ ಕವಡೆಗಳನ್ನು ಕೂಡ ಪರ್ಸಿನಲ್ಲಿ ಇಟ್ಟುಕೊಳ್ಳಬೇಕು ಮತ್ತು 21 ಅಕ್ಕಿ ಕಾಳುಗಳನ್ನು ತಾಯಿ ಲಕ್ಷ್ಮಿ ದೇವಿಗೆ ಅರ್ಪಿಸಿ ಅದನ್ನು ಒಂದು ಕಾಗದದಲ್ಲಿ ಅಥವಾ ಪೌಚ್ ಅಲ್ಲಿ ಹಾಕಿಕೊಂಡು ಅದನ್ನು ಸಹ ಪರ್ಸಿನಲ್ಲಿ ಇಟ್ಟುಕೊಳ್ಳಬೇಕು.

ಇದರಿಂದ ಬಹಳ ಒಳ್ಳೆಯದಾಗುತ್ತದೆ. ಕಮಲದ ಹೂ ಲಕ್ಷ್ಮಿ ದೇವಿಗೆ ಇಷ್ಟವಾದ ಹೂ ಆಗಿರುವ ಕಾರಣ ಕಮಲದ ಬೀಜಗಳಿಗೂ ಕೂಡ ಹಣ ಆಕರ್ಷಣೆ ಮಾಡುವ ಶಕ್ತಿ ಇರುತ್ತದೆ ಇವುಗಳನ್ನು ಬೆಸ ಸಂಖ್ಯೆಯಲ್ಲಿ ಇಟ್ಟುಕೊಳ್ಳಬೇಕು. ಇದರ ಜೊತೆ ಒಂದು ಅರಳಿ ಮರದ ಎಲೆಯನ್ನು ಸ್ವಚ್ಛವಾಗಿ ತೊಳೆದು ಅದರಲ್ಲಿ ಕೇಸರಿ ಯಿಂದ ಶ್ರೀ ಎಂದು ಬರೆದು ಅದನ್ನು ಸಹ ಇಟ್ಟು ಕೊಳ್ಳಬೇಕು ಇದೆಲ್ಲವನ್ನು ಇಟ್ಟುಕೊಳ್ಳುವುದರಿಂದ ಖಂಡಿತವಾಗಿಯೂ ನಿಮ್ಮ ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ.

ದೀರ್ಘಕಾಲದ ವರೆಗೆ ನಿಮಗೆ ಹಣದ ಹೊಳೆಯೇ ಹರಿದು ಬರುತ್ತದೆ. ಆದರೆ ಈ ಎಲ್ಲಾ ಆಚರಣೆ ಮಾಡಿದ ಬಳಿಕ ನೀವು ಅಷ್ಟೇ ಶ್ರಮದಿಂದ ನಿಮ್ಮ ಕೆಲಸ ಕಾರ್ಯಗಳನ್ನು ಕೂಡ ಮಾಡಬೇಕು, ಜೊತೆಗೆ ಸದಾ ನಗುನಗುತ್ತ ಎಲ್ಲರೊಂದಿಗೆ ಉತ್ತಮ ಬಾಂಧವ್ಯ ಬಳಸಿಕೊಂಡು ಹಸನ್ಮುಖಿ ಆಗಿರಬೇಕು. ಸದಾ ಒಳ್ಳೆಯತನದ ಬಗ್ಗೆ ಯೋಚನೆ ಮಾಡುತ್ತಾ ಸಕರಾತ್ಮಕವಾಗಿ ಬದುಕಿದರೆ ಖಂಡಿತ ಧನಾಕರ್ಷಣೆ ಉಂಟಾಗುತ್ತದೆ.

ಮಾಂಗಲ್ಯ ಎಂಬುವುದು ಮುತ್ತೈದೆಯರಿಗೆ ಒಂದು ಸೌಭಾಗ್ಯ. ಮದುವೆ ಆಗಿರುವ ಸುಮಂಗಲಿಗೆ ಮಾತ್ರ ಅದನ್ನು ಧರಿಸಲು ಸಾಧ್ಯ. ಮಾಂಗಲ್ಯ ಎನ್ನುವುದು ಒಂದು ಬಂಗಾರದ ಒಡವೆ ಮಾತ್ರ ಆಗಿರದೆ ಆಕೆಯ ಸುಖ ಸೌಭಾಗ್ಯ ಎಲ್ಲವೂ ಆಗಿರುತ್ತದೆ. ಮುತ್ತೈದೆತನ ಎನ್ನುವುದು ಹೆಣ್ಣಿನ ಜೀವನದ ಅತಿದೊಡ್ಡ ಸಂಪತ್ತು ಮದುವೆ ಆದ ಪ್ರತಿಹೆಣ್ಣು ಕೂಡ ತನಗೆ ಶಾಶ್ವತವಾಗಿ ತಾಳಿಭಾಗ್ಯ ಸಿಗಲಿ ಎಂದು ದೇವರಲ್ಲಿ ಕೇಳುತ್ತಾಳೆ.

ಮದುವೆಯಾದ ಹೆಣ್ಣು ಮಕ್ಕಳು ಯಾವ ಒಡವೆಯನ್ನು ಧರಿಸದೆ ಇದ್ದರೂ ಕೂಡ ಅವರ ಕೊರಳಿನಲ್ಲಿರುವ ಮಾಂಗಲ್ಯವೇ ಅವರಿಗೆ ಶ್ರೀರಕ್ಷೆಯಾಗಿ ಕಾವಲಿರುತ್ತದೆ. ಆದ್ದರಿಂದಲೇ ಆಕೆಗೆ ಅಷ್ಟೊಂದು ಗೌರವ ಸ್ಥಾನಮಾನ ಸಿಗುವುದು. ತಾಳಿ ಕೊರಳಿನಲ್ಲಿದ್ದರೆ ಆಕೆ ಯಾವ ಕಾರ್ಯವನ್ನು ಕೂಡ ಜಯಿಸಬಳ್ಳಲು. ಇದರ ಅರ್ಥ ಆಕೆ ಒಬ್ಬಳೇ ಅಲ್ಲ ಮಾಂಗಲ್ಯ ರೂಪದಲ್ಲಿ ಆತನ ಗಂಡನೂ ಜೊತೆಗಿರುತ್ತಾನೆ ಎಂದು.

ಮದುವೆ ಕಾರ್ಯದ ಭಾಗವಾಗಿ ಶಾಸ್ತ್ರಗಳಲ್ಲಿ ಮಾಂಗಲ್ಯ ಧಾರಣೆ ಕೂಡ ಒಂದು. ಪುರೋಹಿತರು ಅರಿಶಿನ ದಾರದಲ್ಲಿ ತಾಳಿಬಟ್ಟುಗಳನ್ನು ಗಂಟು ಹಾಕಿ ಅದರ ಜೊತೆ ಕರಿಮಣಿ ಹಾಗೂ ಹವಳಗಳನ್ನು ಹಾಕಿ ವರನ ಕೈಗೆ ಕೊಟ್ಟು ವಧುವಿನ ಕೊರಳಿಗೆ ಮೂರು ಗಂಟು ಹಾಕುವಂತೆ ಹೇಳುತ್ತಾರೆ. ಆ ಮೂರು ಗಂಟುಗಳು ಮುಕ್ಕೋಟಿ ದೇವರುಗಳ ಸಾಕ್ಷಿಯಾಗಿ ಅವರ ಆಶೀರ್ವಾದದೊಂದಿಗೆ ಹೆಣ್ಣಿಗೆ ಸಿಗುವ ಉಡುಗೊರೆ ಆಗಿದೆ.

ಇನ್ನು ಮುಂದೆ ಅವರಿಬ್ಬರು ಮಾಂಗಲ್ಯ ಸಾಕ್ಷಿಯಾಗಿ ಒಬ್ಬರಿಗೊಬ್ಬರು ಜೊತೆಯಾಗಿ ಬದುಕುವುದಕ್ಕಾಗಿ ಮಾಡಿಕೊಳ್ಳುವ ಒಪ್ಪಂದದ ಸಂಕೇತ ಈ ಮಾಂಗಲ್ಯ ಧಾರಣೆ. ಇದನ್ನು ನಂಬಿ ಆಚರಣೆ ಮಾಡಿಕೊಂಡು ಬರುತ್ತಿರುವ ಸಂಸ್ಕೃತಿ ಭಾರತ ದೇಶದದ್ದು. ಆದರೆ ಇತ್ತೀಚಿನ ದಿನಗಳಲ್ಲಿ ಫ್ಯಾಶನ್ ಲೋಕವು ಇದನ್ನು ಹದಗೆಡಿಸುತ್ತಿದೆ. ತಾಳಿಗಿರುವ ಮಹತ್ವವನ್ನು ಮರೆತು ಅದನ್ನು ಸಹ ಒಂದು ಅಲಂಕಾರಿಕ ವಸ್ತುವನ್ನಾಗಿ ಮಾಡಿಕೊಂಡುಬಿಟ್ಟಿದ್ದಾರೆ.

ನೀವೇನಾದರೂ ತಪ್ಪಾದ ರೀತಿಯಲ್ಲಿ ಮಾಂಗಲ್ಯ ಧಾರಣೆ ಮಾಡಿದರೆ ಅಥವಾ ಅದನ್ನು ಧರಿಸುವುದು ತಪ್ಪಾದ ರೀತಿಯಲ್ಲಿ ಇದ್ದರೆ ನಿಮಗೆ ಮಾತ್ರವಲ್ಲದೇ ನಿಮ್ಮ ಗಂಡನಿಗೂ ಕೂಡ ಅದು ತೊಂದರೆ ಆಗುತ್ತದೆ. ಮತ್ತು ಇಡೀ ಕುಟುಂಬಕ್ಕೆ ಅದರ ಪ್ರಭಾವ ಕೆಟ್ಟದಾಗಿ ಬೀರುತ್ತದೆ. ಹಾಗಾಗಿ ತಾಳಿ ವಿಷಯದಲ್ಲಿ ಈಗ ನಾವು ಹೇಳುವ ಕೆಲ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಅದೇ ರೀತಿ ನಡೆದುಕೊಂಡು ನಿಮ್ಮ ಸೌಭಾಗ್ಯವನ್ನು ಹೆಚ್ಚಿಸಿಕೊಳ್ಳಿ.

ಗಂಡನ ಏಳಿಗೆ ಹಾಗೂ ಮನೆಯ ಅಭಿವೃದ್ಧಿಗೆ ಕಾರಣರಾಗಿ. ಯಾವಾಗಲೂ ಕರಿಮಣಿ ಜೊತೆಗೆ ಮಾಂಗಲ್ಯವನ್ನು ಧರಿಸಬೇಕು, ಬಂಗಾರದ ಸರದಲ್ಲಿ ಧರಿಸಿದರು ಕೂಡ ಮಧ್ಯೆ ಮಧ್ಯೆ ಕರಿಮಣಿ ಇರಬೇಕು. ಕರಿಮಣಿ ಜೊತೆ ಹವಳ ಮುತ್ತು ಇವುಗಳನ್ನು ಕೂಡ ಸೇರಿಸಿ ಧರಿಸುವುದರಿಂದ ಇನ್ನು ಒಳ್ಳೆಯದೇ ಆಗುತ್ತದೆ.

ಕರಿಮಣಿ ಸಮೇತ ಮಾಂಗಲ್ಯವನ್ನು ಪಾರ್ವತಿ ಪರಮೇಶ್ವರ ರೂಪ ಎಂದು ಕಾಣುವುದರಿಂದ ಅದು ಹೃದಯ ಭಾಗದಲ್ಲಿ ಇರುವಂತೆ ಧರಿಸಬೇಕು. ವೃಕ್ಷ ಸ್ಥಳಕ್ಕೆ ಬರುವಂತೆ ಮಾಂಗಲ್ಯ ಧರಿಸಬೇಕ. ನಮ್ಮ ಮಾಂಗಲ್ಯ ಸರದ ಜೊತೆ ಯಾವುದೇ ಕಾರಣಕ್ಕೂ ಪಿನ್ನುಗಳನ್ನಾಗಲಿ ಅಥವಾ ಕಬ್ಬಿಣದ ಪದಾರ್ಥಗಳನ್ನಾಗಲಿ ಹಾಕಬಾರದು, ಇದರಿಂದ ದೋಷ ಉಂಟಾಗುತ್ತದೆ.

ಒಂದು ವೇಳೆ ಯಾವುದಾದರೂ ಸಮಯದಲ್ಲಿ ಮಾಂಗಲ್ಯ ಸರ ಕಟ್ ಆಗಿ ಹೋದರೆ ಅದನ್ನು ಸರಿಪಡಿಸುವ ತನಕ ಐದು ಎಳೆ ಅರಿಶಿನದ ದಾರದಲ್ಲಿ ಅರಿಶಿನ ಕೊಂಬನ್ನು ಹಾಕಿ ಗಂಡನ ಕೈಯಿಂದ ಕಟ್ಟಿಸಿಕೊಂಡು. ನಂತರ ನಿಮ್ಮ ಸರವನ್ನು ಸರಿಪಡಿಸಿಕೊಂಡು ಬೆಳಗ್ಗೆ ಒಂಬತ್ತು ಗಂಟೆ ಒಳಗೆ ಅದನ್ನು ಧರಿಸಬೇಕು. ನಂತರ ಆ ಅರಿಶಿನದ ದಾರವನ್ನು ತುಳಸಿ ಗಿಡದ ಕೆಳಗೆ ಅಥವಾ ದೇವಾಲಯದ ಹುಂಡಿಯಲ್ಲಿ ಅಥವಾ ಆಲದ ಮರದ ಕೆಳಗೆ ಹಾಕಬೇಕು. ಈ ರೀತಿ ಮಾಂಗಲ್ಯ ಸರ ಧರಿಸುವುದರ ಬಗ್ಗೆ ಇನ್ನಷ್ಟು ಮಹತ್ವದ ಅಂಶಗಳನ್ನು ತಿಳಿದುಕೊಳ್ಳಲು ಈ ವಿಡಿಯೋ ಪೂರ್ತಿಯಾಗಿ ನೋಡಿ.

ನಮ್ಮ ದೇಶದಲ್ಲಿ ಹಿಂದಿನ ರಾಜ ಮಹಾರಾಜರ ಕಾಲದಿಂದ ಹಿಡಿದು ಋಷಿಮುನಿಗಳು ಇದ್ದ ಸಮಯದಿಂದ ಈಗಿನ ಕಲಿಗಾಲದಲ್ಲೂ ಸಾಕಷ್ಟು ಶಿವ ದೇವಾಲಯಗಳು ನಿರ್ಮಾಣ ಆಗಿವೆ. ಆದರೆ ಈಗಿನ ದೇವಾಲಯಗಳಿಂದ ಈ ಹಿಂದೆ ನಿರ್ಮಿಸಲಾಗಿರುವ ದೇವಾಲಯಗಳು ಬಹಳ ವಿಶೇಷತೆ ಹೊಂದಿವೆ. ಅವುಗಳಲ್ಲಿ ಕೆಲವೊಂದು ಸಾಕ್ಷಾತ್ ದೇವತೆಗಳೇ ನಿರ್ಮಾಣ ಮಾಡಿದ್ದಾರೆ ಎನ್ನುವುದು ಪುರಾಣಗಳಲ್ಲಿ ಉಲ್ಲೇಖ ಆಗಿದೆ. ಇದೇ ರೀತಿ ಶಿವನ ಪುತ್ರ ಸ್ಕಂದನಿಂದ ನಿರ್ಮಾಣವಾದ ದೇವಾಲಯ ಒಂದು ಗುಜರಾತಿನಲ್ಲಿ ಇದೆ.

ಈ ದೇವಾಲಯವು ತನ್ನ ವಿಶೇಷತೆಯಿಂದ ಪ್ರತಿ ದಿನ ಸಹಸ್ರಾರು ಸಂಖ್ಯೆಯ ಭಕ್ತಾದಿಗಳನ್ನು ಸೆಳೆಯುತ್ತಿದೆ. ಅಲ್ಲದೆ ವಾರಾಂತ್ಯದಲ್ಲಿ ಈ ದೇವಾಲಯವನ್ನು ಕಾಣಲು ದೇಶವಿದೇಶಗಳಿಂದ ಲಕ್ಷಾಂತರ ಭಕ್ತಾದಿಗಳು ಬರುತ್ತಾರೆ. ಇಷ್ಟು ಸಂಖ್ಯೆಯಲ್ಲಿ ಜನರನ್ನು ದೇವಾಲಯ ಸೆಳೆಯಲು ಅಲ್ಲೊಂದು ವಿಸ್ಮಯ ಸೃಷ್ಟಿಯಾಗುವುದು ಕಾರಣವಾಗಿದೆ ಇದು ಗಿನ್ನೀಸ್ ವರ್ಡ್ ಬುಕ್ ಅಲ್ಲಿ ಕೂಡ ರೆಕಾರ್ಡ್ ಆಗಿದೆ.

ಅದೇನೆಂದರೆ ಈ ದೇವಾಲಯ ಪ್ರತಿದಿನ ಸಂಜೆ 5:00 ಗಂಟೆಗೆ ಮುಳುಗಲು ಆರಂಭ ಆಗುತ್ತದೆ ಇದ್ದಕ್ಕಿದ್ದಂತೆ ನೋಡುಗರ ಕಣ್ಣೆದುರಿಗೆ ಈ ದೇವಾಲಯ ಪೂರ್ತಿಯಾಗಿ ನೀರಿನಲ್ಲಿ ಮುಳುಗಿ ಮಾಯವಾಗಿ ಬಿಡುತ್ತದೆ. ಮತ್ತು ಮರುದಿನ ಮುಂಜಾನೆ ಎಂದಿನಂತೆ ದೇವಾಲಯ ತೆರೆದಿರುತ್ತದೆ. ಆಗ ಭಕ್ತಾದಿಗಳು ಇಲ್ಲಿರುವ ಶಿವಲಿಂಗವನ್ನು ದರ್ಶನ ಮಾಡಬಹುದು ಹಾಗೂ ದೇವಾಲಯವನ್ನು ಪ್ರವೇಶಿಸಿ ಪೂಜೆ ಮಾಡಬಹುದು.

ಈ ದೇವಾಲಯ ಈ ರೀತಿ ನಿರ್ಮಾಣ ಆಗಿರುವುದಕ್ಕೆ ಕಾರಣ ಏನು ಎಂದು ಕೇಳುವುದಾದರೆ ಶ್ರೀ ಮಹಾ ಶಿವ ಪುರಾಣ ರುದ್ರ ಸಹಿತ ಭಾಗ ಎರಡರಲ್ಲಿ ಉಲ್ಲೇಖವಾಗಿರುವ ಕಥೆ ಈ ರೀತಿ ಹೇಳುತ್ತದೆ. ತಾರಕಾಸುರ ಎನ್ನುವ ರಾಕ್ಷಸನು ಶಿವನ ಕುರಿತು ತಪಸ್ಸನ್ನು ಆಚರಿಸಿ ತನಗೆ ಸಾವು ಬರಲೇಬಾರದೆಂದು ಕೇಳಿಕೊಳ್ಳುತ್ತಾರೆ. ಶಿವನು ಇದು ಸೃಷ್ಟಿಗೆ ವಿರುದ್ಧ ಮತ್ತೇನನ್ನಾದರೂ ಕೇಳುವಂತೆ ಆದೇಶಿಸಿದಾಗ ಸಾವು ಬರುವುದಾದರೆ ಶಿವನ ಪುತ್ರನಿಂದಲೇ ಬರಬೇಕು ಅದು ಆರು ವರ್ಷದ ಮಗುವಿಗೆ ಮಾತ್ರ ನನ್ನನ್ನು ಸಾಯಿಸಲು ಆಗಬೇಕು ಎಂದು ಕೇಳಿಕೊಳ್ಳುತ್ತಾರೆ.

ಆಗ ಶಿವನು ಸ್ಕಂದನಿಗೆ ಜನ್ಮ ನೀಡುತ್ತಾರೆ ಸ್ಕಂದ ಆರು ವರ್ಷದವನಿರುವಾಗ ಭೂಮಿಯ ಮೇಲೆ ರಾಕ್ಷಸತ್ವ ತೋರಿ ಜನರಿಗೆ ಹಿಂಸೆ ಕೊಡುತ್ತಿದ್ದ ತಾರಕಾಸುರನನ್ನು ವಧೆ ಮಾಡುತ್ತಾರೆ, ನಂತರ ಸ್ಕಂದನಿಗೂ ಪಶ್ಚಾತಾಪ ಉಂಟಾಗುತ್ತದೆ. ಆಗ ಮಹಾವಿಷ್ಣು ಇಂತಹದೊಂದು ಸಲಹೆಯನ್ನು ನೀಡುತ್ತಾರೆ. ನಿನ್ನ ತಂದೆಯ ಹೆಸರಿನಲ್ಲಿ ಶಿವಾಲಯ ನಿರ್ಮಿಸಿ ಪ್ರತಿದಿನವೂ ಕೂಡ ನೀರಿನಿಂದ ಶಿವಲಿಂಗಕ್ಕೆ ಅಭಿಷೇಕ ಮಾಡಿದರೆ ನಿನ್ನ ಪಾಪ ಕಡಿಮೆ ಆಗುತ್ತದೆ ಎನ್ನುತ್ತಾರೆ.

ಅವರ ಅಣತಿ ಮೇರೆಗೆ ಗುಜರಾತಿನ ಬುರುಚ್ ಜಿಲ್ಲೆಯಿಂದ 2 ಕಿಲೋಮೀಟರ್ ದೂರದಲ್ಲಿರುವ ಜಂಬೂತರ ಎನ್ನುವ ಸಮುದ್ರ ತಟದ ಮೇಲೆ ಸ್ಕಂದನು ಈ ದೇವಾಲಯವನ್ನು ನಿರ್ಮಿಸಿದ್ದಾರೆ. ಈ ದೇವಸ್ಥಾನವನ್ನು ಶ್ರೀ ಸ್ತಂಬೇಶ್ವರ ಮಹಾದೇವ ದೇವಸ್ಥಾನ ಎನ್ನುತ್ತಾರೆ. ಜನವರಿಯಿಂದ ಏಪ್ರಿಲ್ ತನಕ ಮಧ್ಯಾಹ್ನ 3 ಗಂಟೆಗೆ ದೇವಾಲಯ ಮುಳುಗಲು ಆರಂಭ ಆಗುತ್ತದೆ. ಉಳಿದ ತಿಂಗಳಲ್ಲಿ ಸಂಜೆ 5 ಗಂಟೆ ಆಗುತ್ತಿದ್ದಂತೆ ಸಮುದ್ರದ ನೀರಿನ ಪ್ರಮಾಣ ಹೆಚ್ಚಾಗಿ ಮುಳುಗುತ್ತಾ ಹೋಗುತ್ತದೆ.

ಆಗ ದೇವಸ್ಥಾನದ ಸಿಬ್ಬಂದಿ ಒಂದು ಸೈರನ್ ಮೊಳಗಿಸುತ್ತಾರೆ. ಕೂಡಲೇ ಒಳಗಿದ್ದ ಭಕ್ತರೆಲ್ಲರೂ ಆಚೆ ಬರಬೇಕು. ಸಂಪೂರ್ಣವಾಗಿ ದೇವಾಲಯವೇ ಜಲಾವೃತ ಆಗಿಬಿಡುತ್ತದೆ. ನಾವು ಬೆಳಗ್ಗೆಯಿಂದ ನೋಡಿದ ದೇವಸ್ಥಾನ ಇಲ್ಲೇ ಇತ್ತಾ ಎಂದು ಅನುಮಾನ ಆಗುವಂತೆ ಇದ್ದಿದ್ದೆಲ್ಲಾ ಮಾಯವಾಗಿ ಬಿಡುತ್ತದೆ. ಸ್ಕಂದನೇ ಇಲ್ಲಿ ಸಮುದ್ರವಾಗಿ ಬದಲಾಗಿದ್ದಾರೆ ಎನ್ನುವ ನಂಬಿಕೆಗಳು ಇವೆ. ಯಾಕೆಂದರೆ ಇಲ್ಲಿರುವ ಸಮುದ್ರ ನೀರಿನ ಉಪ್ಪಿನಾಂಶ 18%ಇದೆ. ಬೇರೆ ಸಮುದ್ರಗಳಲ್ಲಿ 40% ಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಉಪ್ಪಿನಾಂಶ ಇದೆ. ಈ ದೈವ ಪವಾಡವನ್ನು ಭೇದಿಸಲು ವಿಜ್ಞಾನಿಗಳಿಗೂ ಕೂಡ ಸಾಧ್ಯವಾಗಿಲ್ಲ.