Kannada Trend News

ಪ್ರತಿನಿತ್ಯ ಹಾಲನ್ನು ಕುಡಿಯುವುದರಿಂದ ಆರೋಗ್ಯಕ್ಕೆ ಬಹಳ ಒಳ್ಳೆಯದು ಎಂದು ವೈದ್ಯರು ಹೇಳುತ್ತಾರೆ. ಹಾಲು ಬಹಳ ಪೌಷ್ಟಿಕಾಂಶಯುಕ್ತ ಆಹಾರ ಆಗಿದೆ. ಪ್ರತಿ ದಿನ ರಾತ್ರಿ ಹಾಲು ಕೊಡುವುದರಿಂದ ನಿದ್ರಾಹೀನತೆ ಸಮಸ್ಯೆ ನಿವಾರಣೆ ಆಗುತ್ತದೆ, ಅಲ್ಲದೆ ರಾತ್ರಿ ಪೂರ್ತಿ ನೆಮ್ಮದಿಯಿಂದ ನಿದ್ದೆ ಮಾಡುವುದಕ್ಕೆ ಹಾಲಿನಲ್ಲಿರುವ ಒಂದು ಅಂಶ ಕಾರಣ ಆಗಿರುತ್ತದೆ. ಹಾಲನ್ನು ಕುಡಿಯುವುದರಿಂದ ಮೂಳೆಗಳು ಗಟ್ಟಿಯಾಗುತ್ತವೆ ಈ ಪ್ರಕೃತಿ ದತ್ತವಾಗಿ ಸಿಗುವ ಹಲವು ಆಹಾರಗಳಲ್ಲಿ ಹಾಲು ಕೂಡ ಒಂದು.

ಹಾಲನ್ನು ಹಲವು ಹೆಲ್ಪ್ ಪ್ರಾಡಕ್ಟ್ಗಳ ಜೊತೆ ಸೇರಿಸಿ ಕುಡಿಯುತ್ತಾರೆ ಅಥವಾ ಕಲ್ಲು ಸಕ್ಕರೆ ಜೊತೆ ಸೇರಿಸಿ ಕುಡಿಯುತ್ತಾರೆ ಇನ್ನಿತರ ಸಂದರ್ಭದಲ್ಲಿ ಕೆಲವು ಖಾದ್ಯಗಳನ್ನು ತಯಾರು ಮಾಡಲು ಸಹ ಹಾಲನ್ನು ಬಳಸುತ್ತಾರೆ. ಯಾವುದಾದರೂ ಒಂದು ರೂಪದಲ್ಲಿ ಹಾಲು ಮನುಷ್ಯನ ದೇಹ ಸೇರುತ್ತಿರಬೇಕು ಎನ್ನುವುದಷ್ಟೇ ಇದರ ಉದ್ದೇಶ.

ಆದರೆ ಹಳ್ಳಿಯಲ್ಲಿ ಇರುವವನು ನೇರವಾಗಿ ಹಸುವಿನ ಕರೆದ ಹಾಲನ್ನು ಕುಡಿಯಬಹುದು ಆದರೆ ಇದು ಪಟ್ಟಣ ಅಥವಾ ನಗರ ಪ್ರದೇಶದಲ್ಲಿ ಇರುವವರಿಗೆ ಸಾಧ್ಯವಿಲ್ಲವಲ್ಲ ಎಂದು ಅವರು ಸಹ ಕೊರಗುವ ಅಗತ್ಯ ಇಲ್ಲ. ಯಾಕೆಂದರೆ ಹಲವಾರು ಕಂಪನಿಯ ಹಾಲಿನ ಪ್ಯಾಕೆಟ್ಗಳು ದೊರೆಯುವುದರಿಂದ ಅವುಗಳನ್ನು ಖರೀದಿಸಿ ಅಷ್ಟೇ ಪೋಷಕಾಂಶಯುಕ್ತ ಆಹಾರವನ್ನು ಪಟ್ಟಣ ಪ್ರದೇಶ ಹಾಗೂ ನಗರ ಪ್ರದೇಶದ ಜನತೆಯು ಕೂಡ ಪಡೆಯಬಹುದಾಗಿದೆ.

ಇದರಲ್ಲಿ ಕರ್ನಾಟಕದ ಬ್ರಾಂಡ್ ಎಂದು ಹೆಸರುವಾಸಿ ಆಗಿರುವ ನಂದಿನಿ ಹಾಲಿನ ಬಗ್ಗೆ ಒಂದು ವಿಶೇಷವಾದ ಹೆಮ್ಮೆ ಇದೆ. ಯಾಕೆಂದರೆ ಇಂದು ಹೈನುಗಾರಿಕೆಯಲ್ಲಿ ನಂದಿನಿ ಮಾಡಿರುವ ಕ್ರಾಂತಿ ಅಂತಿಂಹದಲ್ಲ. ಇದರಿಂದ ಒಂದೆಡೆ ಒಂದು ಪ್ರದೇಶದ ಜನರಿಗೆ ಆರೋಗ್ಯವಾಗಿರುವ ಆಹಾರ ದೊರೆಯುತ್ತಿದ್ದರೆ ಮತ್ತೊಂದು ವರ್ಗಕ್ಕೆ ಇದು ಉದ್ಯಮವು ಆಗಿದೆ. ಜೊತೆಗೆ ರೈತರ ಪಾಲಿಗೆ ಜೀವನೋಪಾಯವು ಆಗಿದೆ. ಕೃಷಿಯ ಜೊತೆಗೆ ಹೈನುಗಾರಿಕೆಯಲ್ಲಿ ಕೂಡ ರೈತರ ತೊಡಗಿಸಿಕೊಳ್ಳುವುದಕ್ಕೆ ನಂದಿನಿ ಬ್ರಾಂಡ್ ವರದಾನವಾಗಿದೆ.

ನಂದಿನಿ ಹಾಲನ್ನು ಖರೀದಿಸಿ ಕುಡಿಯುವವರು ಸಾಕಷ್ಟು ಬಾರಿ ಒಂದು ಗೊಂದಲಕ್ಕೆ ಒಳಗಾಗಿರುತ್ತಾರೆ. ಅದೇನೆಂದರೆ ಹಾಲಿನ ಪ್ಯಾಕೆಟ್ ಅಲ್ಲಿ ಹಲವು ಬಣ್ಣಗಳಿರುವುದು, ಈ ಪ್ಯಾಕೆಟ್ ಬಣ್ಣದ ಕಾರಣದಿಂದ ಅದರ ಬೆಲೆಗಳನ್ನು ಕೂಡ ವ್ಯತ್ಯಾಸ ಆಗಿರುವುದನ್ನು ನಾವು ಗಮನಿಸಬಹುದಾಗಿದೆ. ಹಾಗಾದರೆ ನಂದಿನಿ ಹಾಲಿನ ಪ್ಯಾಕೆಟ್ ನಲ್ಲಿ ಇಷ್ಟು ವ್ಯತ್ಯಾಸ ಆಗಿರುವುದಕ್ಕೆ ಕಾರಣ ಏನಾದರೂ ಇದೆಯಾ ಎನ್ನುವ ಕೌತುಕ ಹುಟ್ಟದೇ ಇರಲಾರದು. ಅದಕ್ಕೆಲ್ಲ ಉತ್ತರ ಹೀಗಿದೆ.

ಯಾಕೆಂದರೆ ಕೆಲವೊಂದು ಗುಣಗಳಿಗೆ ಆಧಾರವಾಗಿ ಈ ರೀತಿ ಹಾಲುಗಳನ್ನು ಬಣ್ಣಬಣ್ಣದ ಪ್ಯಾಕೆಟ್ ಅಲ್ಲಿ ಪ್ಯಾಕ್ ಮಾಡಲಾಗಿರುತ್ತದೆ. ಕೇಸರಿ ಬಣ್ಣದ ಹಾಲಿನ ಪ್ಯಾಕೆಟ್ ಶುದ್ಧ ಗಟ್ಟಿ ಹಾಲಾಗಿದ್ದು ಗಟ್ಟಿ ಕಾಫಿ ಟೀ ಕುಡಿಯುವುದು ಹಾಗೂ ಪಾಯಸ ಮುಂತಾದ ಆಹಾರ ತಯಾರಿಸುವವರು ಇದನ್ನು ಬಳಸಬಹುದಾಗಿದೆ. ನೀಲಿ ಬಣ್ಣದ ಪ್ಯಾಕೆಟ್ ಅಲ್ಲಿ ಸಂಪೂರ್ಣವಾಗಿ ಕೆನೆ ತೆರೆಯಲಾಗಿರುತ್ತದೆ ಇದರಿಂದ ಡಯಟ್ ಮಾಡುವವರು ಹಾಗೂ ಫ್ಯಾಟ್ ಬಗ್ಗೆ ಭಯ ಇರುವವರು ಇದನ್ನು ಉಪಯೋಗಿಸಬಹುದಾಗಿದೆ.

ಜೊತೆಗೆ ಹಸಿರು ಬಣ್ಣದ ಪ್ಯಾಕೆಟ್ ಅಲ್ಲಿ ಎಮ್ಮೆ ಹಾಲು ಮಿಶ್ರಿತ ಮಾಡಿರುವುದಿಲ್ಲ ಇದು ಸಂಪೂರ್ಣವಾಗಿ ಹಸುವಿನ ಹಾಲಿನಿಂದ ಕೂಡಿರುತ್ತದೆ. ಜೊತೆಗೆ ಗುಡ್ ಲೈಫ್ ಹಾಲನ್ನು ಬಿಸಿ ಮಾಡಿ ಕುಡಿಯುವ ಅನುಕೂಲತೆ ಇಲ್ಲದವರು ಬಳಸಬಹುದಾಗಿದೆ. ಇದನ್ನು 137 ಡಿಗ್ರಿ ಸೆಲ್ಸಿಯಸ್ ಅಲ್ಲಿ ನಾಲ್ಕು ನಿಮಿಷಗಳ ಕಾಲ ಕಾಯಿಸಿ ತಣ್ಣಗೆ ಮಾಡಿರುತ್ತಾರೆ. ಈ ರೀತಿ ಕಾರಣಗಳಿಗೆ ಅನುಗುಣವಾಗಿ ಪ್ಯಾಕ್ ಗಳ ಬಣ್ಣ ಬೇರೆ ಬೇರೆ ಆಗಿರುತ್ತದೆ.

ಬೆಂಗಳೂರಿನಂತಹ ಮಹಾನಗರದ ಅಕ್ಕಪಕ್ಕ 14 ಲಕ್ಷಕ್ಕೆ ಮನೆ ಸಿಗುತ್ತದೆ ಎಂದರೆ ಅದು ಸಾಮಾನ್ಯವಾಗಿ ನಂಬಲು ಆಗದ ವಿಷಯ. ಅದರಲ್ಲೂ 2BHK ಮನೆ 14 ಲಕ್ಷಕ್ಕೆ ಸಿಗುತ್ತದೆ ಎಂದರೆ ಅದು ಇನ್ನೂ ಹೆಚ್ಚಿನ ಶಾ’ಕ್ ನೀಡುತ್ತದೆ. ಮನೆ ಎನ್ನುವುದು ಒಂದು ಮೂಲಭೂತ ಅವಶ್ಯಕತೆ. ಎಲ್ಲರ ಕನಸು ಕೂಡ ಪುಟ್ಟದಾದರೂ ಪರವಾಗಿಲ್ಲ ಒಂದು ಚೊಕ್ಕವಾದ ಗೂಡು ಕಟ್ಟಿಕೊಳ್ಳಬೇಕು ಎನ್ನುವುದು. ಇದಕ್ಕಾಗಿ ತಾನೆ ದುಡಿದ ಅಂಶದಲ್ಲಿ ಅತಿ ಹೆಚ್ಚು ಭಾಗವನ್ನು ಉಳಿತಾಯ ಮಾಡಿ ಇಡುವುದು. ಮನೆ ಅಕ್ಕಪಕ್ಕ ಸ್ವಲ್ಪ ಜಾಗ ಇದ್ದರೆ, ಸಣ್ಣದಾಗಿ ಗಾರ್ಡನ್ ಮಾಡಿಕೊಂಡು ನೆಮ್ಮದಿಯ ಜೀವನ ನಡೆಸಬೇಕು ಎನ್ನುವುದು ಬಡವ, ಸಾಮಾನ್ಯ ಹಾಗೂ ಶ್ರೀಮಂತ ಎಲ್ಲರ ಮನದಲ್ಲಿ ಇರುವ ಆಸೆ ಕೂಡ.

ಸರ್ಕಾರ ಹಾಗೂ ಕೆಲವು ಸಂಸ್ಥೆಗಳು ಆಗಾಗ ಕೆಲವೊಂದು ಸ್ಕೀಮ್ ಗಳನ್ನು ಬಡವರಿಗೆ ಹಾಗೂ ಜನಸಾಮಾನ್ಯರಗಾಗಿ ನೀಡುತ್ತಿರುತ್ತದೆ. ಆದರೆ ಜನಸಾಮಾನ್ಯರು ಮತ್ತು ಬಡವರು ಇದರ ಬಗ್ಗೆ ಮಾಹಿತಿ ತಿಳಿದುಕೊಳ್ಳದೆ ಹೋದಲ್ಲಿ ಅಥವಾ ಇದರ ಬಗ್ಗೆ ಆಸಕ್ತಿ ತೋರದೆ ಹೋದಲ್ಲಿ ಅದು ಉಳ್ಳವರ ಪಾಲಾಗುವುದರಲ್ಲಿ ಅನುಮಾನವೇ ಇಲ್ಲ. ಈ ರೀತಿ ಹೆಚ್ಚು ಉದಾಹರಣೆಗಳನ್ನು ನಾವು ಕಂಡಿದ್ದೇವೆ. ಹಾಗಾಗಿ ಮೊದಲಿಗೆ ಯಾವುದೇ ಯೋಜನೆ ಆದರೂ ಅದರ ಮಾಹಿತಿ ಎಲ್ಲರ ತನಕ ಹೋಗಿ ತಲುಪಬೇಕು ಆಗ ಮಾತ್ರ ಅದು ಅರ್ಹತೆ ಇದ್ದವರಿಗೆ ಅದು ಸಿಗುತ್ತದೆ.

ಇದರ ಉದಾಹರಣೆಯೊಂದಿಗೆ ಹೇಳುವುದಾದರೆ ಬೆಂಗಳೂರಿನಲ್ಲಿ 14 ಲಕ್ಷಕ್ಕೆ ಮನೆ ಸಿಗುವುದು ಖಂಡಿತ. ನಿಜ ಆದರೆ ಇದು ಎಲ್ಲರಿಗೂ ಅಲ್ಲ ಅದಕ್ಕಾಗಿ ಕೆಲವು ನಿಯಮಗಳಿವೆ ಜೊತೆಗೆ ಕೆಲವು ಅರ್ಹತೆಗಳು ಕೂಡ ಇರಬೇಕಾಗುತ್ತದೆ. ಕೆಲವೊಂದು ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸಿದರೆ ಮಾತ್ರ ನೀವು ಇದರ ಫಲಾನುಭವಿಗಳಾಗಬಹುದು. ಹಾಗಾಗಿ ಮೊದಲಿಗೆ ಇವುಗಳ ಬಗ್ಗೆ ತಿಳಿದುಕೊಳ್ಳಬೇಕು.

ಬೆಂಗಳೂರಿನಲ್ಲಿ ಹಾಗೂ ಬೆಂಗಳೂರು ಅಕ್ಕ ಪಕ್ಕ ಮನೆ ಕೊಂಡುಕೊಳ್ಳಬೇಕು ಎಂದರೆ ಅದು ಬಡವನಿಗೆ ಸಾಮಾನ್ಯವಾಗಿ ಕೈಗೆಟ್ಟುಕುವ ವಿಷಯ ಅಲ್ಲ ಅದಕ್ಕಾಗಿ ಲಕ್ಷಗಟ್ಟಲೆ ಬೇಕು ಕೋಟಿಗಟ್ಟಲೆ ಬೇಕು ಇಂತಹ ಮಾತುಗಳನ್ನು ನಾವು ಸಾಕಷ್ಟು ಕೇಳಿ ಬಿಟ್ಟಿದ್ದೇವೆ. ಆದರೆ ಇಲ್ಲೊಮ್ಮೆ ನೋಡಿ ಬೆಂಗಳೂರಿನ ಸುತ್ತಮುತ್ತ ಇರುವ ಐದು ತಾಲೂಕುಗಳಲ್ಲಿ ವಾಸ ಆಗಿರುವವರಿಗೆ ಮನೆ ವಿಚಾರವಾಗಿ ಸಿಹಿ ಸುದ್ದಿ ಸಿಗಲಿದೆ.

ಅದೇನೆಂದರೆ ಕಡ್ಡಾಯವಾಗಿ ನೀವು ಬೆಂಗಳೂರಿನ ಸುತ್ತಮುತ್ತ ಇರುವ ತಾಲೂಕಿನಲ್ಲಿಯೇ ವಾಸವಿರಬೇಕು ನಿಮ್ಮ ಬಳಿ ವಾಸಕ್ಕೆ ಸ್ವಂತ ಮನೆ ಇರಬಾರದು ಈ ರೀತಿ ಇದ್ದರೆ ನಿಮಗೆ ಖಂಡಿತವಾಗಿಯೂ ಸರ್ಕಾರದ ಈ ಯೋಜನೆ ಮೂಲಕ 14 ಲಕ್ಷಕ್ಕೆ 2BHK ಮನೆ ಸಿಗಲಿದೆ. ಇದಕ್ಕಾಗಿ ನೀವು ಸಹ ಸ್ವಲ್ಪ ಹಣ ಖರ್ಚು ಮಾಡಬೇಕು. ಆದರೆ ಈ ಹಣವನ್ನು ಒಂದೇ ಬಾರಿಗೆ ಅಲ್ಲದೆ ಮೂರು ಕಂತುಗಳಲ್ಲಿ ಕಟ್ಟಬಹುದು ಎನ್ನುವುದು ಇನ್ನೂ ಸಮಾಧಾನಕರ ವಿಷಯ.

ರಾಜೀವ್ ಗಾಂಧಿ ಗ್ರಾಮೀಣ ವಸತಿ ನಿಗಮ ನಿಯಮಿತ ಇವರು ತಮ್ಮ ಅಧಿಕೃತ ವೆಬ್ಸೈಟ್ ಗೆ ಭೇಟಿ ಕೊಟ್ಟು ಯಾರ್ಯಾರು ಸ್ವಂತ ಮನೆ ಹೊಂದಿಲ್ಲ ಅವರಿಗೆ ಅರ್ಜಿ ಹಾಕಲು ತಿಳಿಸಿದ್ದಾರೆ. ಈ ರೀತಿ ಅರ್ಜಿ ಹಾಕಿದವರಿಗೆ ಈ ಮೇಲ್ಕಂಡ ರೀತಿ 14 ಲಕ್ಷಕ್ಕೆ ಮೂರು ಕಂತುಗಳಲ್ಲಿ 2BHK ಮನೆ ಸಿಗಲಿದೆ. ಇನ್ನು ವಿವರವಾಗಿ ಈ ಯೋಜನೆ ಬಗ್ಗೆ ತಿಳಿದುಕೊಳ್ಳಲು ಮತ್ತು ಯೋಜನೆ ಕಂತುಗಳ ಹಣವನ್ನು ಯಾವಾಗ ಕಟ್ಟಬೇಕು ಜೊತೆಗೆ ಅಪ್ಲಿಕೇಶನ್ ಅನ್ನು ಯಾವ ರೀತಿ ಸಲ್ಲಿಸಬೇಕು ಇತ್ಯಾದಿ ಎಲ್ಲಾ ಮಾಹಿತಿಗಳಿಗಾಗಿ ವಿಡಿಯೋವನ್ನು ಪೂರ್ತಿಯಾಗಿ ನೋಡಿ.

ಕರ್ನಾಟಕದ ಜನತೆಯ ಹಸಿವು ನೀಗಿಸುವ ಆಹಾರ ಪೂರೈಕೆಯ ಪೂರಕವಾಗಿರುವುದು ಅನ್ನಭಾಗ್ಯ ಯೋಜನೆ. ಆದರೆ ಈ ಯೋಜನೆಯಲ್ಲಿ ಹಲವಾರು ಅಕ್ರಮಗಳು ನಡೆಯುತ್ತಿವೆ. ಕೆಲವರು ಈ ಯೋಜನೆಯ ದುರುಪಯೋಗ ಪಡಿಸಿಕೊಳ್ಳುತ್ತಿದ್ದಾರೆ. ಆದರೆ ಇದನ್ನು ಕಡಿವಾಣ ಗೊಳಿಸುವ ನಿಟ್ಟಿನಲ್ಲಿ ಸರ್ಕಾರವು ನಿರ್ಧರಿಸಿದ್ದು, ಪ್ರತಿಯೊಂದು ನ್ಯಾಯಬೆಲೆ ಅಂಗಡಿಗೆ STQC ಮಾನ್ಯತೆ ಪಡೆದ ಐರಿಸ್ ಸ್ಕ್ಯಾನರನ್ನು ಅಳವಡಿಸಲಿದೆ ಧ್ವನಿ ಮುದ್ರಿತ ತೂಕದ ಯಂತ್ರವನ್ನು ಸಹ ಅಳವಡಿಸುವಂತೆ ಆದೇಶ ಹೊರಡಿಸಿದೆ.

ನಮ್ಮ ಕರ್ನಾಟಕ ರಾಜ್ಯದಲ್ಲಿ 1,17,13,413 ಬಿಪಿಎಲ್ ಕಾರ್ಡ್ ಗಳು, 24,04,127 ಎಪಿಎಲ್ ಕಾರ್ಡ್ ಗಳು, 10,90,594 ಅಂತ್ಯೋದಯಗಳು ಸೇರಿದಂತೆ ಒಟ್ಟಾರೆಯಾಗಿ 1,52,08,134 ಕಾರ್ಡುಗಳಿವೆ ಪ್ರತಿ ತಿಂಗಳು 20,168 ನ್ಯಾಯಬೆಲೆ ಅಂಗಡಿಗಳಲ್ಲಿ ಆಹಾರ ವಸ್ತುಗಳನ್ನು ವಿತರಿಸಲಾಗುತ್ತದೆ. ನ್ಯಾಯಬೆಲೆ ಅಂಗಡಿಗಳಲ್ಲಿ ಬಿಪಿಎಲ್ ಅಥವಾ ಅಂತಿಯೋದಯ ಕಾರ್ಡ್ ಅನ್ನು ಹೊಂದಿದ ಕುಟುಂಬದ ಮುಖ್ಯ ಸದಸ್ಯನೊಬ್ಬನ ಬೆರಳಚ್ಚು ಬಯೋಮೆಟ್ರಿಕ್ ನಲ್ಲಿ ಪಡೆಯುವುದರ ಮುಖಾಂತರವಾಗಿ ಪಡಿತರವನ್ನು ನೀಡುತ್ತಾರೆ.

ಆದರೆ ಆಗಾಗ ಸರ್ವರ್ ಬ್ಯುಸಿ ಬರುವ ಕಾರಣವಾಗಿ ಜನರು ಬೇಸತ್ತು ಹೋಗಿದ್ದಾರೆ. ದಿನಗೂಲಿ ಮಾಡಿ ಬದುಕುವವರಿಗೆ ಒಂದು ಇಡೀ ದಿನ ನ್ಯಾಯಬೆಲೆ ಅಂಗಡಿಯ ಎದುರಲ್ಲಿ ಕಾಯುವುದು ಅಥವಾ ಸರ್ವರ್ ಬ್ಯುಸಿ ಎಂಬ ಕಾರಣಕ್ಕಾಗಿ ಪ್ರತಿದಿನವೂ ಕೆಲಸವನ್ನು ಬಿಟ್ಟು ಬಂದು ಕಾಯುವುದು ಕಷ್ಟಕರ. ಈ ಸಮಸ್ಯೆಯನ್ನು ಪರಿಹರಿಸುವುದಕ್ಕಾಗಿ ಓಟಿಪಿ ಮೂಲಕ ಪಡಿತರವನ್ನು ವಿತರಿಸುವ ಕಾರ್ಯವನ್ನು ನಿರ್ಮಿಸಲಾಗಿದೆ. ಇನ್ನು ಮುಂದೆ ಐರಿಸ್ ಸ್ಕ್ಯಾನರ್ ಮತ್ತು ಧ್ವನಿ ಮುದ್ರಿತ ತೂಕ ಯಂತ್ರಗಳ ಮೂಲಕವೇ ಪಡಿತರವನ್ನು ನೀಡಲಾಗುತ್ತದೆ.

‘ಈ ಹಿಂದೆ ಜಾರಿಯಲ್ಲಿದ್ದಂತೆ ಪಡಿತರವನ್ನು ಓಟಿಪಿ ಪಡೆಯುವುದರ ಮುಖಾಂತರವೇ ವಿತರಿಸುವುದು ಒಳಿತು. ಆದರೆ ಸರ್ವರ್ ಬ್ಯುಸಿ ಸಮಸ್ಯೆಯನ್ನು ಖಂಡಿತವಾಗಿ ಬಗೆಹರಿಸಬೇಕು. ಹೊರತಾಗಿ ರೂ.10,000 ಹಣವನ್ನು ಖರ್ಚು ಮಾಡಿ ಸ್ಕ್ಯಾನರ್ ಮತ್ತು ಮುದ್ರಿತ ತೂಕ ಯಂತ್ರಗಳ ಅಳವಡಿಕೆಯು ಅಷ್ಟು ಸರಿಯಲ್ಲ’. ಎಂದು ರಾಜ್ಯ ಪಡಿತರ ವಿತರಕರ ಸಂಘವು ಬಲವಾಗಿ ವಿರೋಧವನ್ನು ವ್ಯಕ್ತಪಡಿಸಿದೆ. ‘ಅಕ್ಕಿಯ ವಿತರಣೆಗಾಗಿ ಸರ್ಕಾರವು 120 ರೂಪಾಯಿಗಳ ಕಮಿಷನ್ ಅನ್ನು ನೀಡುತ್ತಿದೆ. ಆದರೆ ಉಳಿದ ರಾಜ್ಯಗಳಲ್ಲಿ ರೂಪಾಯಿ 250ರಷ್ಟು ಕಮಿಷನ್ ಅನ್ನು ನೀಡಲಾಗುತ್ತದೆ.

ಅಕ್ರಮ ದಂಧೆಯಲ್ಲಿ ಭಾಗಿಯಾದ ಆಹಾರ ಇಲಾಖೆಯ ಅಧಿಕಾರಿಗಳನ್ನು ಗುರುತಿಸಿ ನಿರ್ದಾಕ್ಷಿಣ್ಯವಾಗಿ ಅಗತ್ಯ ಕ್ರಮಗಳನ್ನು ಕೈಗೊಂಡರೆ ಯಾವುದೇ ಮೋಸವಾಗದೆ ಅಕ್ಕಿಯನ್ನು ವಿತರಿಸಲು ಸಾಧ್ಯವಾಗುತ್ತದೆ’. ಎಂದು ಸಂಘದ ಅಧ್ಯಕ್ಷ ಟಿ ಕೃಷ್ಣಪ್ಪ ಅವರು ಹೇಳಿಕೆಯನ್ನು ನೀಡಿದ್ದಾರೆ.

ಐರಿಸ್ ಸ್ಕ್ಯಾನರ್ ಎಂದರೇನು? ಇದು ಯಾವ ರೀತಿಯಲ್ಲಿ ಕೆಲಸ ಮಾಡುತ್ತದೆ? ಎಂದು ಯೋಚಿಸುತ್ತಿರುವವರಿಗೆ ಇಲ್ಲಿದೆ ಉತ್ತರ. ರಾಜ್ಯದ ಪ್ರತಿಯೊಂದು ನ್ಯಾಯಬೆಲೆ ಅಂಗಡಿಗಳಲ್ಲಿ ಈ ಐರಿಸ್ ಸ್ಕ್ಯಾನರ್ ಅನ್ನು ಅಳವಡಿಸಿಕೊಳ್ಳಬೇಕು. ಕಾರ್ಡುದಾರರ ಕಣ್ಣುಗಳನ್ನು ಸೆರೆಹಿಡಿದು ನಮೂದಿಸಿಕೊಳ್ಳುವಲ್ಲಿ ಇದು ಸಾಮರ್ಥ್ಯವನ್ನು ಹೊಂದಿದೆ. ಅಲ್ಲದೆ ತೂಕದ ಪೆಟ್ಟಿಗೆಯಲ್ಲಿ ಧ್ವನಿಮುದ್ರಿತ ಸಾಧನವನ್ನು ಅಳವಡಿಸಿಕೊಳ್ಳಬೇಕು.

ಕಾರ್ಡನ್ನು ಹೊಂದಿದವರಿಗೆ 6 ಕೆ.ಜಿ ಅಕ್ಕಿಯನ್ನು ವಿತರಿಸಲಾಗುತ್ತಿತ್ತು. ಆದರೆ ಅಕ್ಕಿಯನ್ನು ನೀಡುವಾಗ ಕೆಲವು ಮಾಲೀಕರು 6 ಕೆಜಿಗಿಂತ ಕಡಿಮೆ ಪ್ರಮಾಣದ ಅಕ್ಕಿಯನ್ನು ತೂಕ ಮಾಡಿ ನೀಡಿ ಮೋಸ ಮಾಡುತ್ತಿದ್ದರು. ಆದರೆ ಐರಿಸ್ ಸ್ಕ್ಯಾನರ್ ಮತ್ತು ಧ್ವನಿಮುದ್ರಿತ ಯಂತ್ರವನ್ನು ಅಳವಡಿಸುವುದರ ಮೂಲಕ ನಮೂದಿಸಿದ ಕಾರ್ಡ್ ದಾರನಿಗೆ ಕಡಿಮೆ ಅಕ್ಕಿಯ ವಿತರಣೆಯಾದರೆ ಸೈರನ್ ಕೂಗಲಿದೆ. ಇದರಿಂದಾಗಿ ಅಕ್ಕಿಯ ತೂಕದಲ್ಲಿ ಮೋಸವಾಗಲು ಸಾಧ್ಯವಿಲ್ಲ. ಒಂದು ವೇಳೆ ಮೋಸವಾದರೆ ಅಪರಾಧಿಗಳನ್ನು ಹಿಡಿಯುವುದು ಸುಲಭದ ಕೆಲಸವಾಗಲಿದೆ.

ವಿತರಕರ ಸಂಘದ ಕೂಗನ್ನು ಕೇಳಿ ಸರ್ಕಾರವು ಸರ್ವರ್ ಸಮಸ್ಯೆಯನ್ನು ಕಡಿಮೆಗೊಳಿಸಿ ಓಟಿಪಿ ನೀಡುವುದರ ಮುಖೇನವೇ ಅಕ್ಕಿಯನ್ನು ವಿತರಣೆ ಮಾಡಲಿದೆಯೇ ಎಂಬುದನ್ನು ಕಾದು ನೋಡಬೇಕಿದೆ. ಆದರೆ ಈಗಾಗಲೇ ಐರಿಸ್ ಸ್ಕ್ಯಾನರ್ ಮತ್ತು ಧ್ವನಿ ಮುದ್ರಿತ ಯಂತ್ರಗಳನ್ನು ಎಲ್ಲಾ ನ್ಯಾಯಬೆಲೆ ಅಂಗಡಿಗಳಲ್ಲಿ ಅಳವಡಿಸುವಂತೆ ಸರ್ಕಾರವು ಆದೇಶವನ್ನು ಹೊರಡಿಸಿದೆ.

ಸ್ನೇಹಿತರೆ ಮುಂದಿನ ದಿನಗಳಲ್ಲಿ ಚುನಾವಣೆ ಎದುರಾಗುತ್ತಿದ್ದು ವೋಟರ್ ಐಡಿಗಳನ್ನು ಮಾಡಿಸುವವರ ಪಟ್ಟಿಯು ಹೆಚ್ಚಾಗಿರುವುದಿಲ್ಲ ಇನ್ನೂ ಕೆಲವರಿಗೆ ನಮ್ಮ ವೋಟರ್ ಐಡಿ ಕಾರ್ಡ್ ಗಳನ್ನು ಎಲ್ಲಿ ಪಡೆಯಬೇಕು ಅದಕ್ಕೆ ಅರ್ಜಿಯನ್ನು ಹೇಗೆ ಸಲ್ಲಿಸಬೇಕು ಎಂದು ಹುಡುಕುತ್ತಾ ಇರುತ್ತಾರೆ ಅಂತವರಿಗೆ ನಾವು ಇಂದು ಒಂದು ಉತ್ತಮವಾದ ಪುಟವನ್ನು ಇಲ್ಲಿ ತಂದಿದ್ದೇವೆ ಅದರಲ್ಲೂ ಈಗಷ್ಟೇ 18 ತುಂಬಿರುವವರ ನಮ್ಮ ಭಾರತೀಯ ಯುವ ಜನತೆಗೆ ಇದು ಬಹಳ ಉಪಯುಕ್ತವಾಗಿದೆ ಹಾಗಾದರೆ ಬನ್ನಿ ಸ್ನೇಹಿತರೆ ನಮ್ಮ ಹಕ್ಕನ್ನು ಚಲಾಯಿಸಲು ವೋಟರ್ ಐಡಿ ಕಾರ್ಡ್ ಬಹಳ ಮುಖ್ಯವಾದ ಆಧಾರ.

ಇನ್ನೂ ಇದೆ ವೋಟರ್ ಐ ಡಿ ಕಾರ್ಡಲ್ಲಿ ನಮ್ಮ ಊರು, ಜನನ ದಿನಾಂಕ, ಫೋಟೋ, ಲಿಂಗ, ಪತಿ ಅಥವಾ ತಂದೆಯ ಹೆಸರು ವಿಳಾಸ ದ ಬದಾಲಾವಣೆ ಆಗಬೇಕು ಎಂದರೆ ರಾಷ್ಟ್ರೀಯ ಚುನಾವಣಾ ಆಯೋಗದ ಅಡಿಯಲ್ಲಿ ಬದಲಾಯಿಸಬಹುದು. ಇಲ್ಲವಾದಲ್ಲಿ ನಿಮ್ಮ ಮೊಬೈಲ್ನಲ್ಲಿಯೇ ವೋಟರ್ ಐಡಿಯ ಬದಲಾವಣೆ ಬಹಳ ಸರಳವಾದ ಪ್ರಕ್ರಿಯೆ ಆಗಿದೆ. ಮೊದಲನೆಯದಾಗಿ ಭಾರತ ಸರ್ಕಾರವು ಬಿಟ್ಟಿರುವ ಈ ಅಪ್ಲಿಕೇಶನ್ ಅನ್ನು ಆಂಡ್ರಾಯ್ಡ್ ಮೊಬೈಲ್ ಗಳು ಅಥವಾ ಐ ಫೋನ್ಗಳಿಗೆ ಡೌನ್ಲೋಡ್ ಮಾಡಿಕೊಳ್ಳಬಹುದು.

ಈ ಅಪ್ಲಿಕೇಶನ್ ಹೆಸರು ವೋಟರ್ ಹೆಲ್ಪ್ ಲೈನ್ ಎಂದು ಇದೆ ಇದನ್ನು ಮೊಬೈಲ್ಗೆ ಮೊದಲು ಡೌನ್ಲೋಡ್ ಮಾಡಬೇಕು. ನಂತರ ನಾವು ನಮ್ಮ ಹೆಸರು ಹಾಗೂ ಮೊಬೈಲ್ ಸಂಖ್ಯೆಯ ಮೂಲಕ ರಿಜಿಸ್ಟರ್ ಮಾಡಿಕೊಳ್ಳಬೇಕು. ಒಮ್ಮೆ ಅಕೌಂಟ್ ಕ್ರಿಯೇಟ್ ಆದಮೇಲೆ ಪಾಸ್ವರ್ಡ್ ಅನ್ನು ಹಾಕಿ ಲಾಗ್ ಇನ್ ಆಗಬೇಕು ನಂತರ ಅಲ್ಲಿ ಫಾರ್ಮ್ಸ್ ಎಂಬ ಆಯ್ಕೆಯನ್ನು ಒತ್ತಬೇಕು. ಅಲ್ಲಿ ನೀವು ಹೊಸದಾಗಿ ಆದರೂ ಅಥವಾ ಹಳೆಯ ವೋಟರ್ ಐಡಿಯಲ್ಲಿ ತಿದ್ದುಪಡಿ ಮಾಡಬಹುದು.

ಇನ್ನೂ ಹೊಸದಾಗಿ ಅರ್ಜಿಯನ್ನು ಸಲ್ಲಿಸಲು ಮೊದಲನೆಯ ಆಯ್ಕೆಯನ್ನು ಒತ್ತಬೇಕು. ಇನ್ನೂ ನಿಮ್ಮ ವೋಟರ್ ಐಡಿ ಕಾರ್ಡ್ ನಲ್ಲಿ ಯಾವುದಾದರೂ ಬದಲಾವಣೆ ಆಗಬೇಕಾದರೆ ಅಲ್ಲಿ ನಾಲ್ಕನೇ ಆಯ್ಕೆಯಾದ ಕರೆಕ್ಷನ್ ಆಫ್ ಎಂಟರೀಸ್ ಫಾರ್ಮ್ 8 ಎಂಬ ಆಯ್ಕೆಯನ್ನು ಒತ್ತಿ ಅಲ್ಲಿ ನಿಮ್ಮ ವೋಟರ್ ಐಡಿ ನ ತಿದ್ದುಪಡಿ ಮಾಡಬಹುದು. ಇವುಗಳ ನಂತರ ಕಂಟಿನ್ಯೂ ಮೇಲೆ ಒತ್ತಿದರೆ ನಿಮ್ಮ ಪ್ರದೇಶವನ್ನು ಆಯ್ದುಕೊಂಡು, ನಂತರ ಇನ್ನು ನಿಮ್ಮ ಹೆಸರು, ನಿಮ್ಮ ವೋಟರ್ ಐಡಿ ಸಂಖ್ಯೆ ಎಲ್ಲವನ್ನು ತುಂಬಿಸಬೇಕು

ಇವೆಲ್ಲವೂ ಆದ ನಂತರ ನೆಕ್ಸ್ಟ್ ಬಟನ್ ಅನ್ನು ಒತ್ತಬೇಕು. ಮುಂದಿನ ಫಾರ್ಮ್ ನಲ್ಲಿ ನಿಮ್ಮ ವೋಟರ್ ಐಡಿ ಯಲ್ಲಿ ಯಾವ ವಿವರವನ್ನು ಬದಲಾಯಿಸಬೇಕಾದ ಆಯ್ಕೆಯನ್ನು ಟಿಕ್ ಮಾಡಿ. ಒಂದು ಬಾರಿಗೆ ನೀವು ಮೂರು ಆಯ್ಕೆಯನ್ನು ಮಾಡಬಹುದು.ತಿದ್ದುಪಡಿಯು ಆದಮೇಲೆ ನೆಕ್ಸ್ಟ್ ಬಟನ್ ಮೇಲೆ ಒತ್ತಿ ಆಗ ನಮಗೆ ನಾವು ಬದಲಾಯಿಸಿರುವ ಹಾಗೂ ನಮಗೆ ಬೇಕಾದ ವಿವರವೂ ಇದೆಯಾ ಎಂದು ನೋಡಿ ನಂತರ ನೆಕ್ಸ್ಟ್ ಬಟನ್ ಅನ್ನು ಒತ್ತಿ.

ನಂತರ ವಯಸ್ಸಿನ ಸಾಕ್ಷಿಗೆ ಎಸೆಸೆಲ್ಸಿ ಮಾರ್ಕ್ಸ್ ಕಾರ್ಡ್ ಅಥವಾ ಬರ್ತ್ ಸರ್ಟಿಫಿಕೇಟ್ ಹಾಗೂ ವಿಳಾಸದ ಸಾಕ್ಷಿಗೆ ಪಡಿತರ ಚೀಟಿ ಅಥವಾ ಆಧಾರ್ ಕಾರ್ಡ್ ಅನ್ನು ಫೋಟೋ ತೆಗೆದು ಅಪ್ಲೋಡ್ ಮಾಡಬೇಕು. ಇದಕ್ಕೆ ಮುಖ್ಯವಾದ ವಿಷಯ ಎಂದರೆ ಫೋಟೋಗಳು jpg ಅಥವಾ img ಫಾರ್ಮೇಟ್ ನಲ್ಲಿ ಇರಬೇಕು. ಇದೆಲ್ಲ ಆದ ನಂತರ ದಿಕ್ಲಾರೇಷನ್ ಗೆ ಟಿಕ್ ಮಾರ್ಕ್ ಹಾಕಿ ದಿನಾಂಕ ಹಾಗೂ ಸ್ಥಳವನ್ನು ಧೃಡಿಕಾರಿಸಬೇಕು. ಇನ್ನು ನಾವು ಹಾಕಿರುವ ಅರ್ಜಿಯು ಸರಿಯಾಗಿ ಇದೆ ಎಂದು ಒಮ್ಮೆ ಪರಿಶೀಲಿಸಿ ನಂತರ ಕಂಫರ್ಮ್ ಕೊಟ್ಟರೆ ನಮಗೆ ಒಂದು ಅಪ್ಲಿಕೇಶನ್ ನಂಬರ್ ಬರುತ್ತದೆ. ಈ ಸಂಖ್ಯೆಯನ್ನು ಇಟ್ಟುಕೊಂಡು ಟ್ರ್ಯಾಕ್ ಎಂಬ ಆಯ್ಕೆಯನ್ನು ಆಯ್ದುಕೊಂಡು,ಅಪ್ಲಿಕೇಶನ್ ಟ್ರಾಕ್ ಮಾಡಬಹುದು.

ಕೇಂದ್ರ ಸರ್ಕಾರವು ದೇಶದ ನಾಗರಿಕರಿಗಾಗಿ ಹಲವಾರು ಯೋಜನೆಗಳನ್ನು ಜಾರಿಗೆ ತಂದಿದೆ. ಜನರ ಆರೋಗ್ಯ ಹಾನಿ ಆಗಿ ತೊಂದರೆಯಾದ ಸಂದರ್ಭದಲ್ಲಿ ಆರ್ಥಿಕ ಭದ್ರತೆ ಒದಗಿಸಲು ಕೆಲ ಯೋಜನೆಗಳನ್ನು ಜಾರಿಗೆ ತಂದಿದೆ. ಅಂತಹ ಯೋಚನೆಗಳಲ್ಲಿ ಪ್ರಧಾನಮಂತ್ರಿ ಸುರಕ್ಷಾ ಭೀಮ ಯೋಜನೆ ಬಹಳ ಜನಪ್ರಿಯವಾಗಿರುವಂತಹ ಯೋಜನೆ. ಆದರೆ ಇನ್ನು ಅನೇಕ ಮಂದಿಗೆ ಇದರ ಬಗ್ಗೆ ಸರಿಯಾದ ಮಾಹಿತಿ ಇಲ್ಲ, ಆ ಕುರಿತ ಮಾಹಿತಿ ಮತ್ತು ಇದರ ಕುರಿತಾದ ಎಲ್ಲಾ ಅನುಕೂಲಗಳ ಬಗ್ಗೆ ಸರಿಯಾಗಿ ತಿಳಿದುಕೊಳ್ಳಲು ಈ ಅಂಕಣವನ್ನು ಪೂರ್ತಿಯಾಗಿ ಓದಿ.

PMSBY ಅಂದರೆ ಪ್ರಧಾನಮಂತ್ರಿ ಸುರಕ್ಷಾ ಭಿಮಾ ಯೋಜನೆ ಆಗಿದೆ. ಮಾನ್ಯ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಜಾರಿಗೆ ತಂದಿರುವ ಹಲವು ಯೋಜನೆಗಳನ್ನು ಪ್ರಧಾನಮಂತ್ರಿ ಸುರಕ್ಷಾ ಭಿಮಾ ಯೋಜನೆ ಕೂಡ ಒಂದು. ಈ ಯೋಜನೆಯು ದೇಶದಾದ್ಯಂತ ಹಲವಾರು ಜನರಿಗೆ ಅನುಕೂಲ ಮಾಡಿಕೊಡುವಂತಹ ಯೋಜನೆ ಆಗಿದೆ. ಒಂದು ಅರ್ಥದಲ್ಲಿ ಈ ಯೋಜನೆಯನ್ನು ತಪ್ಪದೆ ದೇಶದ ಎಲ್ಲಾ ನಾಗರಿಕರು ಕೂಡ ಹೊಂದಿರಬೇಕು ಎಂದರು ಸಹ ಆ ಮಾತು ತಪ್ಪಾಗಲಾರದು. ಆ ರೀತಿ ಕಡಿಮೆ ಹಣದಲ್ಲಿ ಖರೀದಿ ಮತ್ತು ಪಾವತಿ ಮಾಡಿ ಅನಾಹುತ ಆದ ಆಪತ್ಕಾಲದಲ್ಲಿ ಕೈಹಿಡಿಯುವಂತಹ ಉತ್ತಮ ಯೋಜನೆಗಳಲ್ಲಿ ಒಂದು ಈ ಯೋಜನೆ.

ಜೊತೆಗೆ ಇದನ್ನು ಯಾವುದೇ ವಿಮೆ ಕಂಪನಿ ಮಾತ್ರ ಅಲ್ಲದೆ ನಿಮ್ಮ ಉಳಿತಾಯ ಖಾತೆಗಳ ಮೂಲಕ ಪಡೆಯಬಹುದಾದರಿಂದ ಇದು ಇನ್ನೂ ಹೆಚ್ಚಿಗೆ ಸಾರ್ವಜನಿಕರಿಗೆ ಹತ್ತಿರವಾಗಿರುವ ಮತ್ತು ಅನುಕೂಲಕರವಾಗಿರುವ ಯೋಜನೆ ಎಂದು ಸಹ ಹೇಳಬಹುದು. ಪ್ರಧಾನಮಂತ್ರಿ ಸುರಕ್ಷಾ ಭೀಮಾ ಯೋಜನೆ ಅಡಿಯಲ್ಲಿ ನೋಂದಾಯಿತರಾಗಬೇಕು ಎಂದರೆ ಅವರ ಕೆವೈಸಿ ಅಪ್ಡೇಟ್ ಆಗಿರಬೇಕು ಅವರ ಉಳಿತಾಯ ಖಾತೆ ಅಥವಾ ಪೋಸ್ಟ್ ಆಫೀಸ್ ಖಾತೆ ಮೂಲಕ ನೋಂದಣಿ ಆಗಬಹುದು.

ಕೆಲವು ಬ್ಯಾಂಕ್ಗಳು ಹಾಗೂ ವಿಮೆ ಕಂಪನಿಗಳು ಕೂಡ ಪ್ರಧಾನ ಮಂತ್ರಿ ಸುರಕ್ಷಾ ಭಿಮಾ ಯೋಜನೆಯ ನೋಂದಣಿ ಮಾಡಿಕೊಳ್ಳುತ್ತವೆ. ಇದಕ್ಕೆ ನೀವು ಪ್ರೀಮಿಯಂ ಗಳನ್ನು ಕೂಡ ಕಟ್ಟಬೇಕು. ಆದರೆ ಅದು ಅತಿ ಕಡಿಮೆ ಮೊತ್ತದ್ದಾಗಿದೆ. ವರ್ಷಕ್ಕೆ 20 ರೂಗಳನ್ನು ನೀವು ಪಾವತಿ ಮಾಡಿದರೆ 2 ಲಕ್ಷದವರೆಗೆ ಅದರ ವಿಮೆ ಇರುತ್ತದೆ. ಜೊತೆಗೆ ವರ್ಷದಿಂದ ವರ್ಷಕ್ಕೆ ಇದನ್ನು ರಿನಿವಲ್ ಕೂಡ ಮಾಡಿಕೊಳ್ಳಬಹುದಾದ ಅನುಕೂಲತೆ ಇದೆ.

ಪ್ರಧಾನಮಂತ್ರಿ ಸುರಕ್ಷಾ ಭಿಮಾ ಯೋಜನೆ ಅಡಿ ನೊಂದಾಯಿತರಾದರು ಒಂದು ವೇಳೆ ಯಾವುದಾದರೂ ಅ.ಪ.ಘಾ.ತಕ್ಕೆ ಒಳಗಾಗಿ ಸಾ.ವ.ನ್ನ.ಪ್ಪಿದರೆ ಅಥವಾ ಅಂಗವೈಫಲ್ಯ ಆದರೆ ಅವರಿಗೆ ಎರಡು ವರ್ಷದವರೆಗೆ ವಿಮೆ ಪಾವತಿ ಆಗುತ್ತದೆ. ಒಂದು ವೇಳೆ ಭಾಗಶಃ ಅಂಗವೈಫಲ್ಯ ಆದರೆ ಒಂದು ಲಕ್ಷದವರೆಗೆ ಅವರಿಗೆ ಹಣ ಕ್ಲೈಮ್ ಆಗುತ್ತದೆ. ಜೊತೆಗೆ ಇದಕ್ಕೆ ಪ್ರೇಮಿಯಂ ಅನ್ನು ನೀವೇ ಹೋಗಿ ಪಾವತಿ ಮಾಡುವ ಅವಶ್ಯಕತೆ ಏನು ಇಲ್ಲ. ನಿಮ್ಮ ಖಾತೆಯಿಂದ ಆಟೋ ಡೆಬಿಟ್ ಮೂಲಕ ಇದು ಪಾವತಿ ಆಗುತ್ತದೆ. ಕೆಲವೊಂದು ಬ್ಯಾಂಕ್ಗಳು ಇಂಟರ್ನೆಟ್ ಬ್ಯಾಂಕಿಂಗ್ ಮೂಲಕ ಇದರ ಪ್ರೇಮಿಯಂಗಳನ್ನು ಖರೀದಿಸುವ ಅನುಕೂಲ ಮಾಡಿಕೊಟ್ಟಿವೆ.

ಆ ಮೂಲಕ ಕೂಡ ಇಂಟರ್ನೆಟ್ ಬ್ಯಾಂಕಿಂಗ್ ಸೇವೆ ಹೊಂದಿರುವವರು ಈ ಪ್ರೀಮಿಯಂ ಅನ್ನು ಖರೀದಿಸಬಹುದಾಗಿದೆ. ಈ ರೀತಿಯಲ್ಲಿ ಕೈಗೆಟುಕುವ ದರದಲ್ಲಿ ಕಟ್ಟಬಹುದಾದ ಪ್ರೀಮಿಯಂನೊಂದಿಗೆ ಜನ ಸಾಮಾನ್ಯರಿಗೆ ಸುರಕ್ಷತೆ ಹಾಗೂ ಭದ್ರತೆ ಒದಗಿಸುವ ಪ್ರೀಮಿಯಂ ಇದಾಗಿದೆ. ತಪ್ಪದೆ ನೀವು ಹಾಗೂ ನಿಮ್ಮ ಕುಟುಂಬದ ಎಲ್ಲಾ ಸದಸ್ಯರು ಚಂದಾದಾರರಾಗಿರಿ ಹಾಗೂ ಈ ಮಾಹಿತಿ ಹೆಚ್ಚಿನ ಜನರಿಗೆ ತಲುಪುವಂತೆ ಶೇರ್ ಮಾಡಿ.