Kannada Trend News

ಹಿರಿಯ ನಟಿ ಲೀಲಾವತಿಯವರ ವೈಯಕ್ತಿಕ ಜೀವನದ ವಿಚಾರವಾಗಿ ಊಹಾಪೋಹಗಳು, ಕಥೆಗಳು ಆಗಾಗ ಚರ್ಚೆಗೆ ಬರುತ್ತಲೇ ಇರುತ್ತದೆ. ಇದಕ್ಕೆ ಪ್ರಮುಖ ಕಾರಣವೆಂದರೆ ಲೀಲಾವತಿ ಹಾಗೂ ಆಕೆಯ ಕುಟುಂಬದವರು ಬದುಕಿನ ಸತ್ಯಾಸತ್ಯತೆಗಳ ಬಗ್ಗೆ ಮುಕ್ತವಾಗಿ ಹೇಳಿಕೊಳ್ಳದೇ ಇರುವುದು. ಲೀಲಾವತಿಯವರ ವೈವಾಹಿಕ ಜೀವನದ ಹತ್ತಾರು ವಿಷಯಗಳು ಇಂದಿಗೂ ನಿಗೂಢತೆ ಕಾಯ್ದುಕೊಂಡಿದೆ. ಗೌಪ್ಯತೆಗಳೇ ವಿವಾದಗಳಿಗೆ ಎಡೆ ಮಾಡಿಕೊಟ್ಟಿವೆ ಎಂದರೆ ತಪ್ಪಾಗಲಾರದು.

ಇದೀಗ ಹಳೆಯ ವಿಚಾರಗಳು ಮತ್ತೊಮ್ಮೆ ಕೆದಕಿ ಚರ್ಚೆಗೆ ಬರಲು ಕಾರಣವೆಂದರೆ, ಪ್ರಕಾಶ್ ರಾಜ್ ಮೆಹೂ ಎಂಬುವವರ ಸಾಮಾಜಿಕ ಜಾಲತಾಣದಲ್ಲಿನ ಪೋಸ್ಟ್. ಹೌದು. ಪ್ರಕಾಶ್ ರಾಜ್ ಅವರು ಕನ್ನಡ ಚಲನಚಿತ್ರರಂಗದ ಪ್ರಖ್ಯಾತ ನಿರ್ದೇಶಕರು. ಇವರು ಪೋಸ್ಟ್ ಒಂದನ್ನು ಬರೆದು ಹಂಚಿಕೊಂಡಿದ್ದರು. ಅದರಲ್ಲಿ ತಾನು ಲೀಲಾವತಿ ಕುಟುಂಬದ ಬಗ್ಗೆ ಎರಡು ರಹಸ್ಯದ ಸತ್ಯವನ್ನು ಬಹಿರಂಗಪಡಿಸಲಿದ್ದೇನೆ ಎಂದಿದ್ದರು.

ಒಂದನೆಯದು ಲೀಲಾವತಿಯವರ ಪತಿಯ ಹೆಸರು ಮಹಾಲಿಂಗ ಭಾಗವತ್ ಎಂಬುದು, ಎರಡನೆಯ ಸತ್ಯವೆಂದರೆ ಲೀಲಾವತಿಯವರ ಪುತ್ರ ವಿನೋದ್ ರಾಜ್ ಅವರಿಗೆ ವಿವಾಹವಾಗಿದೆ ಎಂಬುದು… ಎಂದು ಬರೆದುಕೊಂಡಿದ್ದರು. ಇದಕ್ಕೆ ಸಾಕ್ಷಿ ಎಂಬಂತೆ, ಲೀಲಾವತಿಯವರ ಗಂಡ ಮಹಾಲಿಂಗ ಭಾಗವತ್ ಎಂದು ಉಲ್ಲೇಖವಾಗಿರುವ ತಮಿಳುನಾಡಿನ ಆಸ್ತಿ ಪತ್ರ ಒಂದನ್ನು ಪ್ರಕಟಿಸಿದ್ದರು. ವಿನೋದ್ ರಾಜ್ ಅವರಿಗೆ ವಿವಾಹವಾಗಿದೆ ಎಂಬುದನ್ನು ಬಹಿರಂಗಪಡಿಸಲು ಸಾಕ್ಷಿಯಾಗಿ ಯುವರಾಜ್ ಎಂಬ ಹುಡುಗನ ಎಸ್ ಎಸ್ ಎಲ್ ಸಿ ಅಂಕಪಟ್ಟಿಯನ್ನು ಪ್ರಕಟಿಸಿದ್ದರು.

ಅಲ್ಲದೆ ವಿನೋದ್ ರಾಜ್ ಅವರು ಯುವರಾಜ್ ಎಂಬ ಹುಡುಗನ ಮತ್ತು ಆತನ ತಾಯಿಯೊಂದಿಗೆ ಕುಳಿತು ತೆಗೆಸಿಕೊಂಡಿರುವ ಫೋಟೋವನ್ನು ಪ್ರಕಟಿಸಿ ಫೋಟೋದಲ್ಲಿ ಕಾಣುವ ಯುವತಿ ಲೀಲಾವತಿ ಮನೆಯ ಕೆಲಸದಾಕೆಯಲ್ಲ; ವಿನೋದ್ ರಾಜ್ ಅವರ ಮಡದಿ ಎಂದು ಹೇಳಿದ್ದರು. ಇಷ್ಟೆಲ್ಲಾ ಆದ ನಂತರ ಲೀಲಾವತಿಯವರು ಯೂಟ್ಯೂಬ್ ಚಾನೆಲ್ ಒಂದರಲ್ಲಿ ಸಂದರ್ಶನವನ್ನು ನೀಡಿದ್ದು ಅದರಲ್ಲಿ ತನ್ನ ಮಗನಿಗೆ ವಿವಾಹವಾಗಿದೆ ಎಂಬ ಸತ್ಯವನ್ನು ಒಪ್ಪಿಕೊಂಡಿದ್ದರು.

ಅದನ್ನು ಗೌಪ್ಯವಾಗಿ ಇಟ್ಟಿರಲು ಕಾರಣವನ್ನು ಸಹ ಹೇಳಿಕೊಂಡಿದ್ದರು. ” ನನ್ನ ಮಗನಿಗೆ ಮದುವೆ ಮಾಡಿದ್ದೇನೆ… ಆದರೆ ಯಾಕೆ ಹೇಳಿಲ್ಲ ಅಂದರೆ ನಟ ನಟಿಯರು ತಮ್ಮ ಮಕ್ಕಳ ಮದುವೆಯನ್ನು ಎಂತೆಂತಹದೋ ಸ್ಥಳಗಳಲ್ಲಿ ಮಾಡುತ್ತಾರೆ. ಪ್ಯಾಲೆಸ್ ಗಳಲ್ಲಿ ಮಾಡಿದ್ದಾರೆ. ಆದರೆ ನನಗೆ ಆ ಚೈತನ್ಯವಿರಲಿಲ್ಲ. ಅದಕ್ಕಾಗಿ ಮದುವೆಯ ವಿಚಾರವನ್ನು ರಹಸ್ಯವಾಗಿ ಇಡುವುದೇ ಒಳ್ಳೆಯದು ಎನಿಸಿತು” ಎಂದಿದ್ದಾರೆ. ಅಷ್ಟೇ ಅಲ್ಲದೆ, “ನನ್ನ ವಯಕ್ತಿಕ ವಿಚಾರವನ್ನು ಕೆದಕಿದರೆ ನರಕಕ್ಕೆ ಹೋಗುತ್ತೀರಾ” ಎಂದಿದ್ದರು.

ಇದಕ್ಕೆ ತಿರುಗುಬಾಣವೆಂಬಂತೆ ಪ್ರಕಾಶ್ ರಾಜ್ ಅವರು ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಈ ರೀತಿಯಾಗಿ ಬರೆದುಕೊಂಡಿದ್ದಾರೆ; ” ಒಂದು ಸತ್ಯವನ್ನು ಒಪ್ಪಿಕೊಂಡಿರುವುದಕ್ಕೆ ಅಮ್ಮ ಮಗನಿಗೆ ಧನ್ಯವಾದಗಳು. ಹೀಗೆ ಇನ್ನೊಂದು ಸತ್ಯವನ್ನು ಒಪ್ಪಿಕೊಂಡು ಬಿಡಿ. ಬಳಿಕ ಧರ್ಮರಾಯನಂತೆ ಸ್ವರ್ಗಕ್ಕೆ ನೇರವಾಗಿ ನಡೆದುಕೊಂಡೆ ಹೊರಟುಬಿಡಿ. ಆ ಮಹಾಲಿಂಗ ಭಾಗವತರ್ ಅವರ ಆತ್ಮಕ್ಕೆ ಶಾಂತಿಯಾದರೂ ಸಿಗಲಿ. ನಿಮ್ಮನ್ನು ಪ್ರಶ್ನಿಸಿದ ನನ್ನಂತ ಪಾಪಿಗೆ ನರಕ ಪ್ರಾಪ್ತಿಯಾದರೂ ಚಿಂತೆ ಇಲ್ಲ… ‘ಯುವರಾಜ್’ಗೆ ಹುಟ್ಟು ಹಬ್ಬದ ಶುಭಾಶಯಗಳು” ಎಂದು ಬರೆದು ಹಂಚಿಕೊಂಡಿದ್ದಾರೆ.

ಇದರಿಂದಾಗಿ ಲೀಲಾವತಿಯವರ ವೈಯಕ್ತಿಕ ಜೀವನದ ವಿಚಾರವೂ ಮತ್ತೊಮ್ಮೆ ಚರ್ಚೆಗೆ ಬಂದಿದ್ದು, ಪ್ರಕಾಶ್ ರಾಜ್ ಅವರು ಲೀಲಾವತಿಯವರಿಗೆ, ಮಗನಿಗೆ ವಿವಾಹವಾದ ಸತ್ಯವನ್ನು ಒಪ್ಪಿಕೊಂಡಂತೆ ನಿಮ್ಮ ಗಂಡ ಮಹಾಲಿಂಗ ಭಾಗವತರ್ ಎಂಬ ಸತ್ಯವನ್ನು ಕೂಡ ಒಪ್ಪಿಕೊಂಡು ಬಿಡಿ ಎಂದು ಟಾಂಗ್ ನೀಡಿದ್ದಾರೆ. ನೆಟ್ಟಿಗರು ಇವೆಲ್ಲವನ್ನು ಓದಿ ಮುಂದೆ ಯಾವ ರೀತಿಯ ಹೇಳಿಕೆಗಳು ಬರಲಿವೆ ಎಂಬುದನ್ನು ಕಾಯುತ್ತಾ ಕುಳಿತಿದ್ದಾರಂತೆ.

ರಾಜೇಂದ್ರ ಸಿಂಗ್ ಬಾಬು ಕನ್ನಡಕ್ಕೆ ಮುತ್ತಿನ ಹಾರ, ಬಂಧನ, ಹಿಮಪಾತ, ಅಂತ, ನಾಗರಹೊಳೆ ಇನ್ನು ಮುಂತಾದ ಸಾಕಷ್ಟು ಸೂಪರ್ ಡೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟವರು. ನಿರ್ದೇಶಕನಾಗಿ ರಾಜೇಂದ್ರ ಸಿಂಗ್ ಬಾಬು ಅವರು ಕನ್ನಡದಲ್ಲಿ ಮಾಡುವ ಪ್ರಯೋಗಗಳನ್ನು ಮತ್ತೊಬ್ಬರು ಮಾಡುತ್ತಾರೆ ಎಂದು ಊಹಿಸುವುದು ಸಾಧ್ಯ. ಯಾಕೆಂದರೆ ಅಷ್ಟೊಂದು ಪ್ರಯೋಗಾತ್ಮಕ ಪ್ರಯತ್ನಗಳನ್ನು ಕನ್ನಡಕ್ಕೆ ಮಾಡಿದ ಇವರ ನಿರ್ದೇಶನದ ಮೂಲ ಏನಿತ್ತು ಎನ್ನುವುದರ ಬಗ್ಗೆ ಇತ್ತೀಚಿಗೆ ಸಂದರ್ಶನ ಒಂದರಲ್ಲಿ ಅವರು ಹೇಳಿಕೊಂಡಿದ್ದಾರೆ.

ಈಗೀಗ ಎಲ್ಲರೂ ಪ್ಯಾನ್ ಇಂಡಿಯಾ ಸಿನಿಮಾ ಎಂದು ಹೇಳುತ್ತಿದ್ದಾರೆ ನಮ್ಮ ನಾಗರಹೊಳೆ ಸಿನಿಮಾ 80ರ ದಶಕದಲ್ಲಿಯೇ 12 ಸಿನಿಮಾಗಳಿಗೆ ಡಬ್ಬ ಆಗಿತ್ತು. ರಷ್ಯಾ, ಪ್ಯಾರಿಸ್ ಅವರೆಲ್ಲ ಬಂದು ಇವರೆಲ್ಲ ಬಂದು ಸಿನಿಮಾ ತೆಗೆದುಕೊಂಡು ಹೋಗಿದ್ದರು. ಯಾವಾಗಲೂ ಕಥೆ ಪಾನ್ ಇಂಡಿಯಾ ಆಗಬೇಕು ಕನ್ನಡದಲ್ಲಿ ಮಾಡುತ್ತೇವೆ ಎಂದರೆ ಇಲ್ಲಿನ ಆಚಾರ ವಿಚಾರ, ಜನಜೀವನ, ಪಾತ್ರ ಎಲ್ಲರಿಗೂ ಮುಟ್ಟಿ ಅವರನ್ನು ಇಲ್ಲಿಗೆ ಎಳೆತರಬೇಕು.

ಅದನ್ನು ಬಿಟ್ಟು ಸಿನಿಮಾ ಪ್ಯಾನ್ ಇಂಡಿಯಾ ಮುಟ್ಟಿಸುವ ಸಲುವಾಗಿ ಯಾರದ್ದೋ ಸ್ಟೋರಿ ಮಾಡಿದರೆ ಅಷ್ಟು ಸಮಂಜಸವಲ್ಲ ಎಂದಿದ್ದಾರೆ. ಇತ್ತೀಚೆಗೆ ಕನ್ನಡದಲ್ಲಿ ಒಳ್ಳೆ ಕಥೆಗಳು ಬರುತ್ತಿಲ್ಲಾ ಮೊದಲಿನಂತ ಸ್ಟೋರಿ ಸಿನಿಮಾಗಳು ಇಲ್ಲ ಎಂದು ಕೆಲವೇ ಪ್ರೇಕ್ಷಕ ವರ್ಗ ಹೇಳುವುದನ್ನು ಕೇಳಿದ್ದೇವೆ ನಮ್ಮ ಚಿತ್ರಗಳ ಯಶಸ್ಸಿನ ಗುಟ್ಟು ಕೂಡ ಕಥೆ ಆಗಿರುತ್ತಿತ್ತು, ಕಥೆ ಬರೆದವರನ್ನು ನಾವು ಕೇಳಿದರೆ ನಿರ್ದೇಶಕರ ತಲೆಯಲ್ಲಿ ಈಗಾಗಲೇ ಒಂದು ಏನೋ ಇರುತ್ತದೆ ನೀವು ಒಂದೆಳೆಯನ್ನು ಹೇಳಿ ಆಮೇಲೆ ಅದಕ್ಕೆ ತಕ್ಕ ಹಾಗೆ ಬೇಕಾದ್ರೆ ಕಥೆ ಬರೆಯೋಣ ಎನ್ನುತ್ತಿದ್ದರು.

ಕಥೆಯೇ ಸಿನಿಮಾಗಬೇಕು ಎಂದಿಲ್ಲ ಅದರಲ್ಲಿರುವ ಒಂದು ಪ್ಯಾರಾ ಅಥವಾ ಒಂದು ಎಳೆ ಅಥವಾ ಒಂದು ಹಾಡು ಕೂಡ ಕಥೆಗೆ ಸ್ಪೂರ್ತಿ ಆಗಬಹುದು ಅಲ್ಲಿಂದ ಕಥೆ ಸೃಷ್ಟಿಯಾಗಬಹುದು. ನಾಗರಹೊಳೆ ಎನ್ನುವ ಸಿನಿಮಾ ಮಾಡಿದಾಗ ಮೈಸೂರಿನಲ್ಲಿ ನಾನು ಒಂದು ಪುಸ್ತಕ ಓದಿದೆ. ಮಕ್ಕಳ ಕಥೆ ಬರೆಯುತ್ತಿದ್ದ ಅನಿದ್ ಬ್ಲೈಟನ್ ಸಿನಿಮಾದ ಒಂದು ಪ್ಯಾರಾ ಅದಕ್ಕೆ ಸ್ಪೂರ್ತಿಯಾಗಿತ್ತು. ಮೊದಲಿಗೆ ಐದು ಮಕ್ಕಳನ್ನು ಕಾಡಿನಲ್ಲಿ ಬಿಡುವ ಬಗ್ಗೆ ಯೋಚನೆ ಮಾಡೋಣ ಮುಂದಿನದು ಆಮೇಲೆ ಸೃಷ್ಟಿ ಮಾಡೋಣ ಅಂದುಕೊಂಡು ಶುರು ಮಾಡಿದವು ಅದು ಎಂತ ಹಿಟ್ಟಾಯ್ತು ಎಲ್ಲರಿಗೂ ಗೊತ್ತೇ ಇದೆ.

ಹೊಂಬಿಸಿಲು, ಎಡಕಲ್ಲು ಗುಡ್ಡದ ಮೇಲೆ ಇದೆಲ್ಲ ಸುಧಾ ಪತ್ರಿಕೆಯಲ್ಲಿ ಬರುತ್ತಿದ್ದ ಕಥೆಗಳು, ಅನೇಕ ಸಿನಿಮಾಗಳು ಸುಧಾಪತ್ರಿಕೆಯಿಂದಲೇ. ಮೊದಲಿಗೆ ಈಗಿನ ನಿರ್ದೇಶಕರುಗಳು ವಾರಕ್ಕೆರಡು ಪುಸ್ತಕ ಓದುವುದನ್ನು ರೂಢಿ ಮಾಡಿಕೊಂಡರೆ ಇದೆಲ್ಲಾ ಸಾಧ್ಯವಾಗುತ್ತದೆ ಎಂದರು. ಅಂತ ಸಿನಿಮಾ ಮಾಡಿದಾಗ ಅದನ್ನು ನಿರ್ಮಾಪಕರಾದ ದೊರೈ ಭಗವಾನ್ ಅವರು ಅಣ್ಣಾವ್ರಿಗೆ ಎಂದು ಕೇಳಿದ್ದರು. ಆಗಲೇ ವಿಷ್ಣುವರ್ಧನ್ ನನಗೆ ಬಹಳ ಆತ್ಮೀಯ ಸ್ನೇಹಿತನಾಗಿದ್ದ, ನಾನು ವಿಷ್ಣುಗೂ ಕೂಡ ಅಂತ ಸಿನಿಮಾ ಬೇಡ ಎಂದು ಹೇಳಿದ್ದೆ.

ಜೊತೆಗೆ ಅಣ್ಣಾವ್ರನ್ನು ಭೇಟಿಯಾಗಿ ಅತ ಮಾಸ್ ಸಿನಿಮಾ ಈಗಾಗಲೇ ಇಷ್ಟು ದೊಡ್ಡ ಹೆಸರು ಮಾಡಿದ್ದೀರಾ, ಈ ಸಿನಿಮಾದಲ್ಲಿ ಬರುವ ಕೆಲ ಸನ್ನಿವೇಶಗಳು ನಿಮಗೆ ಸೂಟ್ ಆಗುವುದಿಲ್ಲ. ಉದಾಹರಣೆಗೆ, ಸಿನಿಮಾದಲ್ಲಿ ಹೀರೋ ಅನ್ನು ಕಟ್ಟಿ ಹಾಕಿ ಅವನೆದುರೆ ಹೆಂಡತಿಗೆ ಹೊಡೆಯುತ್ತಾರೆ. ಜನರೂ ನೋಡುವಾಗ ಹೀರೋ ಎಲ್ಲವನ್ನು ಕಿತ್ತೆಸೆದು ಅವರಿಗಳೆಲ್ಲ ಹೊಡೆಯುತ್ತಾನೆ ಎಂದು ನಿರೀಕ್ಷೆ ಇಟ್ಟು ಕೊಂಡಿರುತ್ತಾರೆ ಹಾಗಾಗಿ ಇದು ನಿಮಗೆ ಸೂಟ್ ಆಗಲ್ಲ ಮುಂದೆ ಯಾವುದಾದರೂ ಕಥೆಯನ್ನು ನಿಮಗಾಗಿಯೇ ಮಾಡಿ ನಿರ್ದೇಶನ ಮಾಡುತ್ತೇನೆ ಎಂದು ಹೇಳಿದ್ದೆ.

ಆ ಸಮಯದಲ್ಲಿ ಅಂಬರೀಷ್ ಗೆ ಇನ್ನು ಯಾವುದೇ ಬ್ಯಾಗ್ರೌಂಡ್ ಇರಲಿಲ್ಲ. ಜನ ಈ ಪಾತ್ರದಲ್ಲಿ ಅಂಬರೀಷ್ ನ ಒಪ್ಪಿಕೊಂಡರು. ಅಂಬಿ ಅಲ್ಲದೇ ಅಂತ ಸಿನಿಮಾವನ್ನು ಬೇರೆ ಯಾರಿಂದಲೂ ಕೂಡ ಮಾಡಲು ಸಾಧ್ಯವಾಗುತ್ತಿರಲಿಲ್ಲ ಎಂದು ಉದಾಹರಣೆ ಕೊಡುತ್ತಾ ಕಥೆಗೆ ಹೀರೋ ಮುಖ್ಯ ಅಲ್ಲ ಕಥೆಗೆ ಸೂಟ್ ಆಗುವ ಹೀರೋ ಇರಬೇಕು ಎನ್ನುವ ಅವರ ಅಭಿಪ್ರಾಯವನ್ನು ತಿಳಿಸಿದರು.

ಕನ್ನಡದ ಚಿರ ಯುವಕ ಎಂದೇ ಕರೆಯಬಹುದಾದಂತಹ ರಮೇಶ್ ಅರವಿಂದ್ ಅವರು ಸದ್ದಿಲ್ಲದ 100 ಸಿನಿಮಾಗಳನ್ನು ಮುಗಿಸಿದ್ದಾರೆ. ಕನ್ನಡದಲ್ಲಿ ಅಂಬರೀಶ್, ವಿಷ್ಣುವರ್ಧನ್, ರವಿಚಂದ್ರನ್ ಅವರ ಕಾಲದಿಂದ ಹಿಡಿದು ಶಿವಣ್ಣ, ಉಪೇಂದ್ರ ಅವರ ಸಮಯದಲ್ಲೂ ಮತ್ತು ಈಗ ದರ್ಶನ್, ಸುದೀಪ್, ಯಶ್ ಅವರ ಸಮಯದಲ್ಲೂ ನಾಯಕ ನಟನಾಗಿ ಮಿಂಚುತ್ತಿರುವ ಈ ಎವರ್ಗ್ರೀನ್ ಹೀರೋ ಈಗ ಹೊಸ ಸಿನಿಮಾದ ರಿಲೀಸ್ ಖುಷಿಯಲ್ಲಿದ್ದಾರೆ.

ಸದಾ ಕನ್ನಡದಲ್ಲಿ ಒಂದಲ್ಲ ಒಂದು ಪ್ರಯೋಗಾತ್ಮಕ ಸಿನಿಮಾಗಳ ಪಾತ್ರದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿರುವ ರಮೇಶ್ ಅರವಿಂದ್ ಅವರ ವೃತ್ತಿ ಬದುಕಿನಲ್ಲಿ ಮತ್ತೊಂದು ಗ್ರೇಟ್ ರೋಲ್ ಎಂದರೆ ಅದು ಶಿವಾಜಿ ಸೂರತ್ಕಲ್. ಈಗ ಶಿವಾಜಿ ಸೂರತ್ಕಲ್ ಸಿನಿಮಾದ ಸೀಕ್ವೆಲ್ ರಿಲೀಸ್ ಆಗುತ್ತಿದೆ. ಈ ಸಮಯದಲ್ಲಿ ಯೂಟ್ಯೂಬ್ ಚಾನೆಲ್ ಒಂದಕ್ಕೆ ಸಂದರ್ಶನ ಕೊಟ್ಟ ಅವರು ತಮಿಳು ಸಿನಿಮಾ ಇಂಡಸ್ಟ್ರಿಯಲ್ ಇದ್ದ ಸಮಯದ ಬಗ್ಗೆ ಮಾತನಾಡಿದ್ದಾರೆ.

ರಮೇಶ್ ಅರವಿಂದ್ ಅವರು ಮೂಲತಃ ತಮಿಳುನಾಡಿರವರು, ಆದರೆ ಅವರು ಬೆಳೆದದ್ದೆಲ್ಲಾ ಬೆಂಗಳೂರಿನಲ್ಲಿಯೇ. ಆದರೆ ಇವರು ಆರಂಭದ ದಿನಗಳಲ್ಲಿಯೇ ತಮಿಳು ಇಂಡಸ್ಟ್ರಿಗೆ ಹೋಗಿ ತಮ್ಮ ಛಾಪು ಮೂಡಿಸಿ ಬಂದಿದ್ದವರು. ತೆಲುಗು ಇಂಡಸ್ಟ್ರಿಯಲ್ಲೂ ಕೂಡ ಕಾಣಿಸಿಕೊಂಡಿದ್ದ ಇವರಿಗೆ ತಮಿಳು ಚಿತ್ರರಂಗ ಮಣೆ ಹಾಕಿತ್ತು. ಕನ್ನಡದಿಂದ ಹೋದ ಅನೇಕ ಜನ ಅಲ್ಲಿ ನೆಲೆ ಕಟ್ಟಿಕೊಂಡು ಇಂದು ಅಲ್ಲಿ ಸ್ಟಾರ್ ಹೀರೋಗಳಾಗಿ ಮೆರೆದಿದ್ದಾರೆ

ಈ ಸಾರಿನಲ್ಲಿ ರಜನಿಕಾಂತ್, ಜಯಲಲಿತ, ಅರ್ಜುನ್ ಸರ್ಜಾ, ಪ್ರಕಾಶ್ ರಾಜ್ ಇನ್ನು ಮುಂತಾದವರನ್ನು ಹೆಸರಿಸಬಹುದು. ಅದೇ ಕಾಲಘಟ್ಟದಲ್ಲಿ ಅಲ್ಲಿಗೆ ಹೋಗಿದ್ದ ರಮೇಶ್ ಅರವಿಂದ್ ಅವರು ಮರಳಿ ಕನ್ನಡಕ್ಕೆ ಬಂದರು. ಮತ್ತೆ ಹಿಂತುರುಗಿ ಆಕಡೆ ನೋಡಿದವರೇ ಅಲ್ಲ. ಈ ವಿಷಯದ ಬಗ್ಗೆ ಅವರನ್ನು ಪ್ರಶ್ನೆ ಕೇಳಿದಾಗ ಅವರು ಕೊಟ್ಟ ಉತ್ತರ ಈ ರೀತಿ ಇತ್ತು.

ನಾನು ಆರಂಭದ ದಿನಗಳಲ್ಲಿ ಅವಕಾಶಗಳಿಗಾಗಿ ಹುಡುಕುತ್ತಿದ್ದೆ. ಆಗ ತಮಿಳಿನಲ್ಲಿ ನನಗೆ ಚಾನ್ಸ್ ಸಿಗುತ್ತಿತ್ತು. ನಾನು ತಮಿಳು ಸಿನಿಮಾ ರಂಗ ಬಿಟ್ಟು ಬಂದಾಗ ಎರಡು ಸೂಪರ್ ಹಿಟ್ ಸಿನಿಮಾಗಳು ಸಿಕ್ಕಿತ್ತು . ಸತ್ಯಲೀಲಾವತಿ ಮತ್ತು ಡೂ ಇಟ್ ಎರಡು ಸಿನಿಮಾಗಳು ಸೂಪರ್ ಹಿಟ್ ಆಗಿದ್ದವು. ನನಗೆ ಸಾಲು ಸಾಲು ಅವಕಾಶಗಳು ಕೂಡ ಬರುತ್ತಿತ್ತು ಒಂದು ವೇಳೆ ನಾನು ಕನ್ನಡ ಸಿನಿಮಾ ಇಂಡಸ್ಟ್ರಿಗೆ ಬರದೆ ಅಲ್ಲೇ ಉಳಿದುಕೊಂಡಿದ್ದರೆ ನನ್ನ ಬ್ಯಾಂಕ್ ಬ್ಯಾಲೆನ್ಸ್ ಎಲ್ಲೋ ಇರುತ್ತಿತ್ತು.

ಮಾನಿಟರ್ ಆಗಿ ನಾನು ಬೇರೆ ರೀತಿ ಇರುತ್ತಿದ್ದೆ, ಅದು ಬೇರೆ ವಿಷಯ ಆದರೆ ನಾನು ಇಲ್ಲಿ ಬಂದದ್ದಕ್ಕಾಗಿ ನನಗೆ ಲಾಸ್ ಏನು ಆಗಿಲ್ಲ. ನಾನು ಮರಳಿ ಮನೆಗೆ ಬಂದ ಖುಷಿ ಸಿಕ್ಕಿತು. ಆ ಖುಷಿ ಮುಂದೆ ಬೇರೆ ಯಾವುದು ಏನು ಅಲ್ಲ. ಕನ್ನಡಿಗರ ಜೊತೆ ನನಗೆ ಬೆರೆತು ಹೋದ ನೆನಪು ಬಹಳ ಸಿಹಿಯಾಗಿತ್ತು ಅದಕ್ಕೆ ನಾನು ಮರಳಿ ಆ ಕಡೆ ಹೋಗುವ ಮನಸ್ಸು ಮಾಡಲಿಲ್ಲ.

ನನ್ನ ಮನೆ ಇದು, ನನ್ನ ನೆಲ ಎನ್ನುವ ಫೀಲ್ ಕೊಡುತ್ತದೆ ಇಲ್ಲಿ ಸಿಗುವ ಪ್ರೀತಿ ವಿಶ್ವಾಸ ಮತ್ತೆಲ್ಲೂ ಸಿಗುವುದಿಲ್ಲ, ಹಾಗಾಗಿ ಇಲ್ಲೇ ಉಳಿದುಕೊಂಡೆ. ಅದೇ ಸಮಯಕ್ಕೆ ಇಲ್ಲಿ ನನ್ನ 9 ಸಿನಿಮಾಗಳು ಒಟ್ಟಿಗೆ ಹಿಟ್ ಆದವು. ಆಗಾಗ ಕಮಲ್ ಹಾಸನ್ ಅವರ ಸ್ನೇಹಕ್ಕಾಗಿ ಅವರ ಜೊತೆ ಒಂದೊಂದು ಸಿನಿಮಾದಲ್ಲಿ ನಟಿಸುತ್ತಿದ್ದೆ ಹೊರತು ಫುಲ್ ಟೈಮ್ ನಾನು ತಮಿಳು ಸಿನಿಮಾದಲ್ಲಿ ನಟಿಸಲು ಹೋಗಲೇ ಇಲ್ಲ. ಇಲ್ಲೇ ನಾನು ಉಳಿದುಕೊಂಡು ನೆಲೆ ಕಂಡುಕೊಂಡಿದ್ದಕ್ಕಾಗಿ ನನಗೆ ಬಹಳ ತೃಪ್ತಿ ಇದೆ ಎಂದು ಹೇಳಿಕೊಂಡಿದ್ದಾರೆ.

.

ಸುಧಾರಾಣಿ ತಮ್ಮ ಮುಗ್ಧ ಮುಖ, ಅಮೋಘ ಅಭಿನಯದ ಕಾರಣದಿಂದ ಹಲವು ದಶಕಗಳಿಂದ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯರಾಗಿರುವ ನಟಿ. ವಜ್ರೇಶ್ವರಿ ಕಂಬೈನ್ಡ್ಸ್ ಮೂಲಕ ಪಾರ್ವತಮ್ಮ ಅವರು ಕನ್ನಡ ಸಿನಿಮಾ ಇಂಡಸ್ಟ್ರಿಗೆ ಬಳುವಳಿಯಾಗಿ ಕೊಟ್ಟ ನಾಯಕಿಯರ ಪಟ್ಟಿಯಲ್ಲಿ ಸುಧಾರಾಣಿ ಅವರು ಕೂಡ ಇದ್ದಾರೆ.

ಆನಂದ್ ಎನ್ನುವ ಸಿನಿಮಾದ ಮೂಲಕ ಶಿವಣ್ಣ ಅವರಿಗೆ ಜೋಡಿಯಾಗಿ ತೆರೆ ಮೇಲೆ ಕಾಣಿಸಿಕೊಂಡ ಸುಧಾರಾಣಿಯವರು ಶಿವಣ್ಣನ ಜೊತೆ ಯಶಸ್ವಿ ಜೋಡಿ ಅನೇಕ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ನಂತರದ ದಿನಗಳಲ್ಲಿ ಅಂಬರೀಶ್, ರವಿಚಂದ್ರನ್, ರಮೇಶ್ ಅರವಿಂದ್ ಮುಂತಾದ ನಟರೊಡನೆ ಅಭಿನಯಿಸಿ ಇಂದಿಗೂ ಕೂಡ ಪೋಷಕ ಪಾತ್ರಗಳಿಗೆ ಹಾಗೂ ಕಿರುತೆರೆ ಧಾರಾವಾಹಿಗಳ ಕಥೆಗಳ ಮುಖ್ಯ ಪಾತ್ರಕ್ಕೆ ಬೇಡಿಕೆಯಲ್ಲಿರುವ ನಟಿ.

ಸಿನಿಮಾ ರಂಗದಲ್ಲಿ ನಾಯಕ ನಟಿಯಾಗಿ ತನ್ನ ಜರ್ನಿ ಶುರು ಮಾಡಿದವರು ಈಗ ಕಿರುತೆರೆಯಲ್ಲಿ ನಾಯಕಿಯಾಗಿ ಮಿಂಚುತ್ತಿದ್ದಾರೆ. ಇದುವರೆಗೆ ಕಾವ್ಯ, ರಥಸಪ್ತಮಿ, ಜೊತೆ ಜೊತೆಯಲಿ ಇನ್ನು ಮುಂತಾದ ಧಾರವಾಹಿಗಳಲ್ಲಿ ಕಾಣಿಸಿಕೊಂಡಿದ್ದ ಸುಧಾರಾಣಿಯವರು ಈಗ ಸದ್ಯಕ್ಕೇ ಜೀ ಕನ್ನಡ ಪ್ರಸಾರವಾಗುತ್ತಿರುವ ಶ್ರೀರಸ್ತು ಶುಭಮಸ್ತು ಎನ್ನುವ ಧಾರಾವಾಹಿಯಲ್ಲಿ ತುಳಸಿ ಪಾತ್ರ ಮಾಡುತ್ತಿದ್ದಾರೆ.

ಈ ಧಾರಾವಾಹಿಯನ್ನು ತುಳಸಿ ಹಾಗೂ ಮಾಧವ ಎನ್ನುವ ಪಾತ್ರದ ಸುತ್ತ ಕಟ್ಟಲಾಗಿದೆ. ಇವುಗಳ ಜೊತೆ ಉಳಿದ ಪಾತ್ರಗಳು ಕೂಡ ವಿಭಿನ್ನವಾಗಿ ನಿರ್ಮಾಣವಾಗಿದ್ದರು. ಈ ಧಾರಾವಾಹಿಯಲ್ಲಿ ಅಮ್ಮನಂತಿರುವ ಅತ್ತೆಯಾಗಿ, ತಾಯಿಯಂತಿರುವ ಸ್ನೇಹಿತೆಯಾಗಿ, ಮಗಳಂತಿರುವ ಸೊಸೆಯಾಗಿ ಉಳಿದ ಎಲ್ಲರಿಗಿಂತಲೂ ತುಳಸಿ ಪಾತ್ರದ ಸುಧಾರಣೆಯವರು ಎಲ್ಲರ ಗಮನ ಸೆಳೆದಿದ್ದಾರೆ.

ಸದ್ಯಕ್ಕೆ ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿರುವ ಎಲ್ಲಾ ಧಾರಾವಾಹಿಗಳ ಜನಪ್ರಿಯತೆ ಪೈಕಿ ಈ ಧಾರಾವಾಹಿ ಶುರುವಾದ ದಿನದಿಂದಲೂ ಕೂಡ ಅಗ್ರಗಣ್ಯ ಸ್ಥಾನದಲ್ಲಿದೆ. ಸುಧಾರಾಣಿಯವರು ಒಂದಲ್ಲ ಒಂದು ಕಾರಣಕ್ಕಾಗಿ ಜನರಿಗೆ ಹತ್ತಿರವಾಗಿಯೇ ಇರುತ್ತಾರೆ. ಹಿಂದೆ ಸಿನಿಮಾಗಳಲ್ಲಿ ರಂಜಿಸಿದರು, ಈಗ ಒಂದು ಹೆಚ್ಚು ಮುಂದೆ ಹೋಗಿ ಪ್ರತಿದಿನ ಕೂಡ ಟಿವಿ ಪರದೆ ಮೂಲಕ ಪ್ರೇಕ್ಷಕರನ್ನು ಭೇಟಿಯಾಗುತ್ತಿದ್ದಾರೆ.

ಕನ್ನಡ ಸಿನಿಮಾ ಇಂಡಸ್ಟ್ರಿಗೆ ಆಗಲಿ, ಕಿರುತೆರೆ ಇಂಡಸ್ಟ್ರೀಗೆ ಆಗಲಿ ಹೊಸ ಪ್ರತಿಭೆಗಳಿಗೇನು ಕಡಿಮೆ ಇಲ್ಲ. ವರ್ಷಕ್ಕೆ ಸಾಕಷ್ಟು ಸಂಖ್ಯೆಯಲ್ಲಿ ಹೊಸಬರು ಬರುತ್ತಲೇ ಇರುತ್ತಾರೆ. ಮೊದಲ ಅವಕಾಶ ಸಿಕ್ಕರೆ ಸಾಕು ಸಂಭಾವನೆಯೇ ಬೇಡ ಎಂದು ಕ್ಯೂ ನಿಲ್ಲುವ ಜನರು ಇದ್ದಾರೆ. ಇದೆಲ್ಲದರಲ್ಲೂ ಗೆದ್ದು ಇಂದಿಗೂ ಸಹ ತನ್ನ ಮಾರ್ಕೆಟನ್ನು ಹಾಗೆ ಉಳಿಸಿಕೊಂಡಿರುವ ಸುಧಾರಾಣಿಯವರು ತಮ್ಮ ಧಾರಾವಾಹಿಗಳಿಗೂ ಸಹ ಯಾವುದೇ ಸಿನಿಮಾಗೂ ಕಡಿಮೆ ಇಲ್ಲದಂತೆ ಸಂಭಾವನೆ ತೆಗೆದುಕೊಳ್ಳುತ್ತಾರೆ ಎನ್ನುವ ಮಾತುಗಳು ಇವೆ.

ಇದೇ ವಿಷಯ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆ ಸುಧಾರಾಣಿಯವರು ಸಿನಿಮಾದಲ್ಲಿ ನಾಯಕನಟಿಯಾಗಿದ್ದ ಸಮಯದಲ್ಲಿ ಅನೇಕ ಸೂಪರ್ ಹಿಟ್ ಚಿತ್ರಗಳನ್ನು ಕೊಟ್ಟಿದ್ದಾರೆ. ಆಗ ಅವರು ಎಷ್ಟು ಸಂಭಾವನೆ ತೆಗೆದುಕೊಳ್ಳುತ್ತಿದ್ದರು ಎಂದು ಜನ ಕುತೂಹಲ ತೋರುತ್ತಿದ್ದಾರೆ.

ಈ ವಿಷಯದ ಬಗ್ಗೆ ಹೇಳುವುದಾದರೆ ಮೊಟ್ಟಮೊದಲಿಗೆ ನಾಯಕನಟಿಯಾಗಿ ಕಾಣಿಸಿಕೊಂಡ ಆನಂದ್ ಚಿತ್ರಕ್ಕೆ ಅವರು ಬರೋಬ್ಬರಿ 30,000 ರೂಗಳ ಚೆಕ್ಕನ್ನು ಶಿವಣ್ಣ ಅವರ ಕೈಯಿಂದಲೇ ತೆಗೆದುಕೊಂಡಿದ್ದರು. ಆ ಫೋಟೋ ಇನ್ನು ಸಹ ಹಾಗೆ ಇಟ್ಟುಕೊಂಡಿದ್ದಾರೆ. ಅದನ್ನು ಹಿಂದೊಮ್ಮೆ ಅವರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲೂ ಕೂಡ ಹಂಚಿಕೊಂಡಿದ್ದರು.

ಆ ಸಮಯದಲ್ಲಿ ಮೊದಲ ಸಿನಿಮಾಗೆ ಅಷ್ಟು ಸಂಭಾವನೆ ತೆಗೆದುಕೊಳ್ಳುವುದು ಬಹಳ ದೊಡ್ಡ ವಿಚಾರವಾಗಿತ್ತು, ಆ ದಿನಕ್ಕೆ ಅದು ದೊಡ್ಡ ಮೊತ್ತವಾಗಿತ್ತು. ಸುಧಾರಾಣಿ ಅವರು ಆಗಿನಿಂದ ಈವರಿಗೆ ಅನೇಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಯಾವ ಸಿನಿಮಾದ ಪಾತ್ರ ನಿಮಗೆ ಅಚ್ಚುಮೆಚ್ಚು ಎನ್ನುವುದನ್ನು ಕಮೆಂಟ್ ಮಾಡಿ ತಿಳಿಸಿ.

ಕನ್ನಡ ಚಿತ್ರರಂಗ ಕಂಡ ಶ್ರೇಷ್ಠ ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಎನ್ನಬಹುದು. ಯಾಕೆಂದರೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಒಬ್ಬ ನಾಯಕನಟನಾಗಿದ್ದರೂ ಕೂಡ ಇಂದು ಜನರಿಂದ ಅವರಿಗೆ ಸಿಗುತ್ತಿರುವ ಪ್ರೀತಿ ಯಾವ ಜನನಾಯಕನಿಗಿಂತಲೂ ಕಡಿಮೆ ಇಲ್ಲ. ಕನ್ನಡ ಕಲಾದೇವಿ ಆರಾಧಕನಾಗಿ ಅಭಿನಯವನ್ನೇ ವೃತ್ತಿಯಾಗಿಸಿಕೊಂಡಿರುವ ದರ್ಶನ್ ಅವರಿಗೆ ಬೇರೆ ಎಲ್ಲಾ ಸ್ಟಾರ್ ಗಳಿಗೂ ಹೋಲಿಸಿದರೆ ಅತಿ ಹೆಚ್ಚಿನ ಸಂಖ್ಯೆಯ ಅಭಿಮಾನಿಗಳು ಕರ್ನಾಟಕದಲ್ಲಿದ್ದಾರೆ.

ದರ್ಶನ್ ಮತ್ತು ಅವರ ಅಭಿಮಾನಿಗಳ ನಂಟು ಎಷ್ಟು ಗಟ್ಟಿಯಾಗಿದೆ ಎಂದರೆ ದರ್ಶನ್ ಅವರು ಅಭಿಮಾನಿಗಳನ್ನೇ ಸೆಲೆಬ್ರಿಟಿಗಳು ಎಂದು ಕರೆದು ಅವರ ಹೆಸರನ್ನು ತಮ್ಮ ಎದೆ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದಾರೆ. ಅಭಿಮಾನಿಗಳು ಕೂಡ ಯಾರಿಗೂ ಕಡಿಮೆ ಇಲ್ಲ ದರ್ಶನ್ ಅವರ ವೈಯಕ್ತಿಕ ಬದುಕಿನ ಬಗ್ಗೆ ವಿವಾದಗಳಿದ್ದರೂ ಅದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದೆ ಅವರು ಕಡೆ ತನಕ ತಾವು ಡಿ ಬಾಸ್ ಗೆ ಮಾತ್ರ ಅಭಿಮಾನಿಗಳು ಎನ್ನುತ್ತಿದ್ದಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರನ್ನು ಸಿನಿಮಾಗಳ ಜಾಹಿರಾತುಗಳಲ್ಲೂ ಕೂಡ ನೋಡಿರುತ್ತಾರೆ. ಇತ್ತೀಚೆಗೆ ಅವರನ್ನು ರಾಮರಾಜ್ ಬಟ್ಟೆಗಳ ಜಾಹೀರಾತುಗಳಲ್ಲಿ ನೋಡಿದ್ದೇವೆ. ಒಬ್ಬ ಹೀರೋಗೆ ಈ ಮಟ್ಟದ ಅಭಿಮಾನಿಗಳು ಇದ್ದಾಗ ಅವರನ್ನು ಹಲವು ಕಂಪನಿಗಳು ತಮ್ಮ ಕಂಪನಿ ಪ್ರಾಡಕ್ಟನ್ನು ಪ್ರಚಾರ ಮಾಡಿಕೊಡಿ ಎಂದು ಕೇಳಿಕೊಳ್ಳುವುದು ಮಾಮೂಲು. ಈಗಾಗಲೇ ಕರ್ನಾಟಕದಲ್ಲಿ ಪುನೀತ್ ರಾಜಕುಮಾರ್, ಕಿಚ್ಚ ಸುದೀಪ್, ಉಪೇಂದ್ರ, ಶಿವಣ್ಣ ಮತ್ತು ಯಶ್ ಮುಂತಾದ ನಾಯಕರು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಅದೇ ರೀತಿ ದರ್ಶನ್ ಅವರನ್ನು ಸಹ ಒಂದಲ್ಲ ಒಂದು ಕಂಪನಿಗಳು ಅಪ್ರೋಚ್ ಮಾಡುತ್ತಲೇ ಇರುತ್ತವೆ. ಹಲವಾರು ಕಂಪನಿಗಳು ತಮ್ಮ ಬ್ರಾಂಡಿಗೆ ಅಂಬಾಸಿಡರ್ ಆಗುವಂತೆ ಕೂಡ ಆಮಿಷ ಒಡ್ಡುತ್ತಿವೆ. ಆದರೆ ಈ ವಿಚಾರದಲ್ಲಿ ಎಲ್ಲರಿಗಿಂತ ದಚ್ಚು ಸ್ವಲ್ಪ ಡಿಫ್ರೆಂಟ್ ಎಂದೇ ಹೇಳಬಹುದು. ದರ್ಶನ್ ಅವರು ಜಾಹೀರಾತುಗಳ ವಿಷಯ ಬಂದಾಗ ಎಲ್ಲವನ್ನು ಒಪ್ಪಿಕೊಂಡು ಬಿಡುವುದಿಲ್ಲ. ಇದುವರೆಗೆ 55 ಸಿನಿಮಾಗಳನ್ನು ಮಾಡಿ ಅಭಿಮಾನಿಗಳ ಅಭಿಮಾನ ಗಿಟ್ಟಿಸಿಕೊಂಡಿರುವ ಇವರು ಸುಖಾ ಸುಮ್ಮನೆ ಯಾವುದನ್ನೂ ಪ್ರಚಾರ ಮಾಡಿ ಅಭಿಮಾನಿಗಳ ದಿಕ್ಕು ತಪ್ಪಿಸುವುದಿಲ್ಲ.

ಅಳೆದು ತೂಗಿ ಜಾಹಿರಾತುಗಳನ್ನು ಆಯ್ದುಕೊಳ್ಳುತ್ತಾರೆ. ಹಾಗಾಗಿ ಇದುವರೆಗೆ ನಾವು ಅವರನ್ನು ರಾಮರಾಜ್ ಬಟ್ಟೆ ಜಾಹಿರಾತುಗಳಲ್ಲಿ ಮಾತ್ರ ನೋಡಿದ್ದೇವೆ. ಪರ್ಸನಾಲಿಟಿ ಮತ್ತು ಲುಕ್ ಅಲ್ಲಿ ಅವರು ಯಾವುದೇ ಮಾಡೆಲ್ ಗಿಂತಲೂ ಕಡಿಮೆ ಇಲ್ಲ. ತಮ್ಮ ವೃತ್ತಿ ಜೀವನದ ಆರಂಭದಲ್ಲಿ ಅವರು ಜಾಹಿರಾತುಗಳಲ್ಲೂ ಅಭಿನಯಿಸಿದ್ದಾರೆ ಮತ್ತು ಕಿರುತೆರೆ ಕಲಾವಿದನಾಗಿಯೂ ಕೂಡ ಕಾಣಿಸಿಕೊಂಡಿದ್ದಾರೆ. ಈಗ ಇಷ್ಟು ದೊಡ್ಡ ಮಟ್ಟದ ಹೆಸರು ಪಡೆದ ಮೇಲೆ ಅವರು ಯಾವುದನ್ನು ಪ್ರಮೋಟ್ ಮಾಡುತ್ತಾರೆ ಎನ್ನುವುದು ದೊಡ್ಡ ಪರಿಣಾಮವನ್ನು ಬೀರುತ್ತದೆ ಆ ಕಾರಣಕ್ಕಾಗಿ ಅವರು ಈ ವಿಚಾರದಲ್ಲಿ ಬಹಳ ಚೂಸಿ ಆಗಿದ್ದಾರೆ.

ಇದರೊಡನೆ ಅವರು ಜಾಹಿರಾತುಗಳಿಗೆ ತೆಗೆದುಕೊಳ್ಳುವ ಸಂಭಾವನೆ ಎಷ್ಟಿರಬಹುದು ಎನ್ನುವ ಚರ್ಚೆ ಜೋರಾಗಿದೆ. ಒಂದು ಮಾಹಿತಿಯ ಪ್ರಕಾರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು 3-4 ಕೋಟಿಗಳನ್ನು ಒಂದು ಜಾಹಿರಾತಿನಲ್ಲಿ ಕಾಣಿಸಿಕೊಳ್ಳಲು ತೆಗೆದುಕೊಳ್ಳುತ್ತಾರೆ ಎನ್ನುವ ಅಂಶವು ಕೂಡ ಹೊರಬಿದ್ದಿದೆ. ಇದರ ಸತ್ಯಾನುಸತ್ಯತೆ ಎಷ್ಟು ಎನ್ನುವುದು ಮಾತ್ರ ತಿಳಿದಿಲ್ಲ. ಆದರೆ ಇಂತಹದೊಂದು ಸುದ್ದಿ ಹರಿದಾಡುತ್ತಿರುವುದಂತೂ ನಿಜ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಹೇಳುವ ಪ್ರತಿಯೊಂದು ಮಾತಿಗೂ ಕೂಡ ಒಂದು ತೂಕ ಇರುತ್ತದೆ. ಇನ್ನು ಅವರ ಕಾಣಿಸಿಕೊಂಡಿರುವ ಜಾಹೀರಾತಿನ ವ್ಯಾಪಾರ ಕುಲಾಯಿಸುವುದರಲ್ಲಿ ಯಾವುದೇ ಅನುಮಾನವೂ ಇಲ್ಲ. ಇದರ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಎನ್ನುವುದನ್ನು ತಪ್ಪದೇ ಕಮೆಂಟ್ ಮಾಡಿ ತಿಳಿಸಿ.